[724] Kāmāvacaraṁ dhammaṁ paṭicca kāmāvacaro dhammo
uppajjati nahetupaccayā: ahetukaṁ kāmāvacaraṁ ekaṁ khandhaṁ paṭicca tayo
khandhā cittasamuṭṭhānañca rūpaṁ dve khandhe ... Ahetukapaṭisandhi
yāva asaññasattā vicikicchāsahagate uddhaccasahagate khandhe
Paṭicca vicikicchāsahagato uddhaccasahagato moho. ... Nāarammaṇapaccayā:
tīṇi.

[725] Kāmāvacaraṁ dhammaṁ paṭicca kāmāvacaro dhammo uppajjati
nādhipatipaccayā: tīṇi. Nakāmāvacaraṁ dhammaṁ paṭicca nakāmāvacaro
dhammo uppajjati nādhipatipaccayā: nakāmāvacare khandhe paṭicca
nakāmāvacarā adhipati vipākaṁ nakāmāvacaraṁ ekaṁ khandhaṁ paṭicca
tayo khandhā dve khandhe ... Paṭisandhi. Nakāmāvacaraṁ dhammaṁ
paṭicca kāmāvacaro dhammo uppajjati nādhipatipaccayā: vipāke
nakāmāvacare khandhe paṭicca cittasamuṭṭhānaṁ rūpaṁ paṭisandhikkhaṇe .pe.
Nakāmāvacaraṁ dhammaṁ paṭicca kāmāvacaro ca nakāmāvacaro ca dhammā
uppajjanti nādhipatipaccayā: vipākaṁ nakāmāvacaraṁ ekaṁ khandhaṁ
paṭicca tayo khandhā cittasamuṭṭhānañca rūpaṁ dve khandhe ... Paṭisandhi.
Kāmāvacarañca nakāmāvacarañca dhammaṁ paṭicca kāmāvacaro dhammo
uppajjati nādhipatipaccayā: vipāke nakāmāvacare khandhe ca
mahābhūte ca paṭicca cittasamuṭṭhānaṁ rūpaṁ paṭisandhikkhaṇe .pe. Itare
dve pākaṭikā. ... Nānantarapaccayā: .pe. Napurejātapaccayā:
napacchājātapaccayā:.

[726] Kāmāvacaraṁ dhammaṁ paṭicca kāmāvacaro dhammo uppajjati
nāasevanapaccayā: tīṇi. Nakāmāvacaraṁ dhammaṁ paṭicca nakāmāvacaro
dhammo uppajjati nāasevanapaccayā: vipākaṁ nakāmāvacaraṁ ekaṁ
Khandhaṁ paṭicca tayo khandhā dve khandhe ... Paṭisandhi. Nakāmāvacaraṁ
dhammaṁ paṭicca kāmāvacaro dhammo uppajjati nāasevanapaccayā:
nakāmāvacare khandhe paṭicca cittasamuṭṭhānaṁ rūpaṁ paṭisandhikkhaṇe
.pe. Mūlaṁ vipākaṁ nakāmāvacaraṁ ekaṁ khandhaṁ paṭicca tayo khandhā
cittasamuṭṭhānañca rūpaṁ dve khandhe ... Paṭisandhikkhaṇe .pe.
Avasesā tīṇi pākaṭikā. Saṅkhittaṁ.

[727] Nahetuyā ekaṁ nāarammaṇe tīṇi nādhipatiyā nava
nānantare tīṇi nasamanantare tīṇi naupanissaye tīṇi napurejāte
nava napacchājāte nava nāasevane nava nakamme dve navipāke
pañca nāahāre ekaṁ naindriye ekaṁ najhāne ekaṁ namagge
ekaṁ nasampayutte tīṇi navippayutte dve nonatthiyā tīṇi
novigate tīṇi.
Avasesā gaṇanāpi sahajātavāropi kātabbā.
Paccayavāro

[728] Kāmāvacaraṁ dhammaṁ paccayā kāmāvacaro dhammo uppajjati
hetupaccayā: kāmāvacaraṁ ekaṁ khandhaṁ paccayā tayo khandhā
cittasamuṭṭhānañca rūpaṁ dve khandhe ... Paṭisandhi yāva ajjhattikā
mahābhūtā vatthuṁ paccayā kāmāvacarā khandhā. Kāmāvacaraṁ dhammaṁ
paccayā nakāmāvacaro dhammo uppajjati hetupaccayā: vatthuṁ paccayā
nakāmāvacarā khandhā paṭisandhi. Kāmāvacaraṁ dhammaṁ paccayā
Kāmāvacaro ca nakāmāvacaro ca dhammā uppajjanti hetupaccayā:
vatthuṁ paccayā nakāmāvacarā khandhā mahābhūte paccayā
cittasamuṭṭhānaṁ rūpaṁ paṭisandhi. Nakāmāvacaraṁ dhammaṁ paccayā
nakāmāvacaro dhammo uppajjati hetupaccayā: tīṇi paṭiccasadisā.
Kāmāvacarañca nakāmāvacarañca dhammaṁ paccayā kāmāvacaro dhammo
uppajjati hetupaccayā: paṭiccasadisā. Kāmāvacarañca nakāmāvacarañca
dhammaṁ paccayā nakāmāvacaro dhammo uppajjati hetupaccayā:
nakāmāvacaraṁ ekaṁ khandhañca vatthuñca paccayā tayo khandhā dve khandhe ...
Paṭisandhi. Kāmāvacarañca nakāmāvacarañca dhammaṁ paccayā
kāmāvacaro ca nakāmāvacaro ca dhammā uppajjanti hetupaccayā:
nakāmāvacaraṁ ekaṁ khandhañca vatthuñca paccayā tayo khandhā dve
khandhe ... Nakāmāvacare khandhe ca mahābhūte ca paccayā cittasamuṭṭhānaṁ
rūpaṁ paṭisandhi. Saṅkhittaṁ.

[729] Hetuyā nava ārammaṇe cattāri adhipatiyā nava
anantare cattāri samanantare cattāri sahajāte nava aññamaññe
nava nissaye nava upanissaye cattāri purejāte cattāri
āsevane cattāri kamme nava avigate nava.

[730] Kāmāvacaraṁ dhammaṁ paccayā kāmāvacaro dhammo uppajjati
nahetupaccayā: ahetukaṁ kāmāvacaraṁ ekaṁ khandhaṁ paccayā ...
Ahetukapaṭisandhi yāva asaññasattā cakkhāyatanaṁ paccayā cakkhuviññāṇaṁ
Kāyāyatanaṁ ... Vatthuṁ paccayā ahetukā kāmāvacarā khandhā
vicikicchāsahagate uddhaccasahagate khandhe ca vatthuñca paccayā
vicikicchāsahagato uddhaccasahagato moho. ... Nāarammaṇapaccayā:.

[731] Kāmāvacaraṁ dhammaṁ paccayā kāmāvacaro dhammo uppajjati
nādhipatipaccayā: ekaṁ yāva asaññasattā. Kāmāvacaraṁ dhammaṁ
paccayā nakāmāvacaro dhammo uppajjati nādhipatipaccayā: vatthuṁ
paccayā nakāmāvacarā adhipati vatthuṁ paccayā vipākā nakāmāvacarā
khandhā paṭisandhi. Kāmāvacaraṁ dhammaṁ paccayā kāmāvacaro ca
nakāmāvacaro ca dhammā uppajjanti nādhipatipaccayā: vatthuṁ paccayā
vipākā nakāmāvacarā khandhā mahābhūte paccayā cittasamuṭṭhānaṁ
rūpaṁ paṭisandhi. Nakāmāvacaraṁ dhammaṁ paccayā nakāmāvacaro dhammo
uppajjati nādhipatipaccayā: tīṇi paṭiccasadisā. Kāmāvacarañca
nakāmāvacarañca dhammaṁ paccayā kāmāvacaro dhammo uppajjati
nādhipatipaccayā: paṭiccasadisā. Mūlaṁ nakāmāvacare khandhe ca
vatthuñca paccayā nakāmāvacarā adhipati vipākaṁ nakāmāvacaraṁ ekaṁ
khandhañca vatthuñca paccayā tayo khandhā dve khandhe ... Paṭisandhikkhaṇe
.pe. Mūlaṁ vipākaṁ kāmāvacaraṁ ekaṁ khandhañca vatthuñca
paccayā tayo khandhā dve khandhe ... Vipāke nakāmāvacare khandhe
ca mahābhūte ca paccayā cittasamuṭṭhānaṁ rūpaṁ paṭisandhi.
... Naupanissayapaccayā: tīṇi nāasevanapaccayā: suddhake arūpamissake
Ca vipākanti niyāmetabbaṁ rūpamissake natthi.

[732] Nahetuyā ekaṁ nāarammaṇe tīṇi nādhipatiyā nava
nānantare tīṇi nasamanantare tīṇi naupanissaye tīṇi napurejāte
nava napacchājāte nava nāasevane nava nakamme cattāri navipāke
nava nāahāre ekaṁ naindriye ekaṁ najhāne ekaṁ namagge
ekaṁ nasampayutte tīṇi navippayutte dve nonatthiyā tīṇi
novigate tīṇi.
Evaṁ itare dve gaṇanāpi nissayavāropi kātabbā.
Saṁsaṭṭhavāro

[733] Kāmāvacaraṁ dhammaṁ saṁsaṭṭho kāmāvacaro dhammo uppajjati
hetupaccayā: kāmāvacaraṁ ekaṁ khandhaṁ saṁsaṭṭhā tayo khandhā dve
khandhe ... Paṭisandhi. Nakāmāvacaraṁ dhammaṁ saṁsaṭṭho nakāmāvacaro
dhammo uppajjati hetupaccayā: nakāmāvacaraṁ ekaṁ khandhaṁ saṁsaṭṭhā
tayo khandhā dve khandhe ... Paṭisandhi.