[704] Hetuyā nava ārammaṇe nava adhipatiyā nava purejāte
nava āsevane cha kamme nava sabbattha nava avigate nava.

[705] Upekkhāsahagataṁ dhammaṁ paṭicca upekkhāsahagato dhammo
uppajjati nahetupaccayā: ahetukaṁ upekkhāsahagataṁ ekaṁ khandhaṁ
paṭicca dve khandhā dve khandhe ... Ahetukapaṭisandhikkhaṇe vicikicchāsahagate
uddhaccasahagate khandhe paṭicca vicikicchāsahagato uddhaccasahagato
moho. Upekkhāsahagataṁ dhammaṁ paṭicca naupekkhāsahagato
dhammo uppajjati nahetupaccayā: ahetuke upekkhāsahagate khandhe
paṭicca upekkhā cittasamuṭṭhānañca rūpaṁ ahetukapaṭisandhikkhaṇe
.pe. Upekkhāsahagataṁ dhammaṁ paṭicca upekkhāsahagato ca naupekkhāsahagato
ca dhammā uppajjanti nahetupaccayā: ahetukaṁ upekkhāsahagataṁ
ekaṁ khandhaṁ paṭicca dve khandhā upekkhā ca cittasamuṭṭhānañca
rūpaṁ dve khandhe ... Ahetukapaṭisandhikkhaṇe .pe. Naupekkhāsahagataṁ
dhammaṁ paṭicca naupekkhāsahagato dhammo uppajjati nahetupaccayā:
ahetukaṁ naupekkhāsahagataṁ ekaṁ khandhaṁ paṭicca tayo khandhā
cittasamuṭṭhānañca rūpaṁ dve khandhe ... Ahetukaṁ upekkhaṁ paṭicca
cittasamuṭṭhānaṁ rūpaṁ ahetukapaṭisandhikkhaṇe upekkhaṁ paṭicca vatthu
vatthuṁ paṭicca upekkhā ekaṁ mahābhūtaṁ yāva asaññasattā.
Naupekkhāsahagataṁ dhammaṁ paṭicca upekkhāsahagato dhammo uppajjati
nahetupaccayā: ahetukaṁ upekkhaṁ paṭicca sampayuttakā khandhā
Ahetukapaṭisandhikkhaṇe upekkhaṁ paṭicca sampayuttakā khandhā
ahetukapaṭisandhikkhaṇe upekkhaṁ paṭicca vatthu vatthuṁ paṭicca upekkhāsahagatā
khandhā vicikicchāsahagataṁ uddhaccasahagataṁ upekkhaṁ paṭicca
vicikicchāsahagato uddhaccasahagato moho. Naupekkhāsahagataṁ dhammaṁ
paṭicca upekkhāsahagato ca naupekkhāsahagato ca dhammā uppajjanti
nahetupaccayā: ahetukaṁ upekkhaṁ paṭicca sampayuttakā khandhā
cittasamuṭṭhānañca rūpaṁ ahetukaṁ upekkhaṁ paṭicca upekkhāsahagatā
khandhā mahābhūte paṭicca cittasamuṭṭhānaṁ rūpaṁ ahetukapaṭisandhikkhaṇe
upekkhaṁ paṭicca sampayuttakā khandhā kaṭattā ca rūpaṁ ahetukapaṭisandhikkhaṇe
upekkhaṁ paṭicca sampayuttakā khandhā mahābhūte
paṭicca kaṭattārūpaṁ ahetukapaṭisandhikkhaṇe vatthuṁ paṭicca
upekkhāsahagatā khandhā mahābhūte paṭicca kaṭattārūpaṁ ahetukapaṭisandhikkhaṇe
vatthuṁ paṭicca upekkhā ca sampayuttakā ca khandhā.
Upekkhāsahagatañca naupekkhāsahagatañca dhammaṁ paṭicca upekkhāsahagato
dhammo uppajjati nahetupaccayā: ahetukaṁ upekkhāsahagataṁ ekaṁ
khandhañca upekkhañca paṭicca dve khandhā dve khandhe ...
Ahetukapaṭisandhikkhaṇe upekkhāsahagataṁ ekaṁ khandhañca upekkhañca paṭicca
dve khandhā dve khandhe ... Ahetukaṁ upekkhāsahagataṁ ekaṁ khandhañca
vatthuñca paṭicca dve khandhā dve khandhe ... Vicikicchāsahagate
uddhaccasahagate khandhe ca upekkhañca paṭicca vicikicchāsahagato
Uddhaccasahagato moho. Upekkhāsahagatañca naupekkhāsahagatañca
dhammaṁ paṭicca naupekkhāsahagato dhammo uppajjati nahetupaccayā:
ahetuke upekkhāsahagate khandhe ca upekkhañca paṭicca cittasamuṭṭhānaṁ
rūpaṁ ahetuke upekkhāsahagate khandhe ca mahābhūte ca paṭicca
cittasamuṭṭhānaṁ rūpaṁ ahetukapaṭisandhikkhaṇe upekkhāsahagate khandhe ca
upekkhañca paṭicca kaṭattārūpaṁ ahetukapaṭisandhikkhaṇe upekkhāsahagate
khandhe ca mahābhūte ca paṭicca kaṭattārūpaṁ ahetukapaṭisandhikkhaṇe
upekkhāsahagate khandhe ca vatthuñca paṭicca upekkhā. Upekkhāsahagatañca
naupekkhāsahagatañca dhammaṁ paṭicca upekkhāsahagato ca
naupekkhāsahagato ca dhammā uppajjanti nahetupaccayā: ahetukaṁ
upekkhāsahagataṁ ekaṁ khandhañca upekkhañca paṭicca dve khandhā
cittasamuṭṭhānañca rūpaṁ dve khandhe ... Ahetukaṁ upekkhāsahagataṁ ekaṁ
khandhañca upekkhañca paṭicca dve khandhā dve khandhe ... Ahetuke
upekkhāsahagate khandhe ca upekkhañca mahābhūte ca paṭicca
cittasamuṭṭhānaṁ rūpaṁ ahetukapaṭisandhikkhaṇe upekkhāsahagataṁ ekaṁ khandhañca
upekkhañca paṭicca dve khandhā kaṭattā ca rūpaṁ dve khandhe ...
Upekkhāsahagataṁ ekaṁ khandhañca upekkhañca paṭicca dve khandhā
dve khandhe ... Ahetuke upekkhāsahagate khandhe ca upekkhañca
mahābhūte ca paṭicca cittasamuṭṭhānaṁ rūpaṁ ahetukapaṭisandhikkhaṇe
upekkhāsahagataṁ ekaṁ khandhañca upekkhañca paṭicca dve khandhā
Kaṭattā ca rūpaṁ dve khandhe ... Upekkhāsahagataṁ ekaṁ khandhañca
upekkhañca paṭicca dve khandhā dve khandhe ... Upekkhāsahagate
khandhe ca upekkhañca mahābhūte ca paṭicca kaṭattārūpaṁ
upekkhāsahagataṁ ekaṁ khandhañca upekkhañca vatthuñca paṭicca dve
khandhā upekkhā ca dve khandhe .... Saṅkhittaṁ.

[706] Nahetuyā nava nāarammaṇe tīṇi nādhipatiyā nava
nānantare tīṇi nāññamaññe nava naupanissaye tīṇi napurejāte
nava napacchājāte nava nāasevane nava nakamme cattāri
navipāke nava nāahāre ekaṁ naindriye ekaṁ najhāne nava
namagge nava nasampayutte tīṇi navippayutte cha nonatthiyā
tīṇi novigate tīṇi.
Evaṁ itare dve gaṇanāpi sahajātavāropi kātabbā.
Paccayavāro

[707] Upekkhāsahagataṁ dhammaṁ paccayā upekkhāsahagato dhammo
uppajjati hetupaccayā: upekkhāsahagataṁ ekaṁ khandhaṁ paccayā dve
khandhā dve khandhe ... Paṭisandhi.
Yathā savitakkadukasadisaṁ. Paccayavāre nānākaraṇaṁ upekkhanti.
Navapi pañhā kātabbā paṭisandhipi pavattipi vatthupi.

[708] Hetuyā nava ārammaṇe nava purejāte nava āsevane
nava sabbattha nava avigate nava.

[709] Upekkhāsahagataṁ dhammaṁ paccayā upekkhāsahagato dhammo
uppajjati nahetupaccayā: ahetukaṁ upekkhāsahagataṁ ekaṁ khandhaṁ paccayā
dve khandhā dve khandhe ... Ahetukapaṭisandhikkhaṇe vicikicchāsahagate
uddhaccasahagate khandhe paccayā vicikicchāsahagato uddhaccasahagato
moho. Evaṁ navapi pañhā pavattipaṭisandhiyo yathā savitakkadukassa
evaṁ kātabbā tīṇiyeva moho pavatte vatthupi kātabbā.

[710] Nahetuyā nava nāarammaṇe tīṇi nādhipatiyā nava
nānantare tīṇi nasamanantare tīṇi naupanissaye tīṇi napurejāte
nava napacchājāte nava nāasevane nava nakamme cattāri
navipāke nava nāahāre ekaṁ naindriye ekaṁ najhāne ekaṁ
namagge nava nasampayutte tīṇi navippayutte cha nonatthiyā
tīṇi novigate tīṇi.
Evaṁ itare dve gaṇanāpi nissayavāropi kātabbā.
Saṁsaṭṭhavāro

[711] Upekkhāsahagataṁ dhammaṁ saṁsaṭṭho upekkhāsahagato dhammo
uppajjati hetupaccayā: upekkhāsahagataṁ ekaṁ khandhaṁ saṁsaṭṭhā dve
khandhā dve khandhe ... Paṭisandhi. Yathā savitakkadukaṁ evaṁ kātabbaṁ.

[712] Hetuyā cha ārammaṇe cha sabbattha cha avigate cha.

[713] Upekkhāsahagataṁ dhammaṁ saṁsaṭṭho upekkhāsahagato dhammo
uppajjati nahetupaccayā: ahetukaṁ upekkhāsahagataṁ ekaṁ khandhaṁ saṁsaṭṭhā
Dve khandhā dve khandhe ... Ahetukapaṭisandhikkhaṇe vicikicchāsahagate
uddhaccasahagate khandhe saṁsaṭṭho vicikicchāsahagato uddhaccasahagato
moho. Evaṁ pañca pañhā yathā savitakkaduke evaṁ kātabbā.