[694] Hetuyā nava ārammaṇe nava .pe. Purejāte cha
āsevane cha kamme nava avigate nava.

[695] Sukhasahagataṁ dhammaṁ paṭicca sukhasahagato dhammo uppajjati
nahetupaccayā: ahetukaṁ sukhasahagataṁ ekaṁ khandhaṁ paṭicca dve khandhā
dve khandhe .... Mūlaṁ ahetuke sukhasahagate khandhe paṭicca sukhañca
cittasamuṭṭhānañca rūpaṁ. Sukhasahagataṁ dhammaṁ paṭicca sukhasahagato ca
nasukhasahagato ca dhammā uppajjanti nahetupaccayā: ahetukaṁ sukhasahagataṁ
ekaṁ khandhaṁ paṭicca dve khandhā sukhañca cittasamuṭṭhānañca rūpaṁ
dve khandhe .... Nasukhasahagataṁ dhammaṁ paṭicca nasukhasahagato dhammo
uppajjati nahetupaccayā: ahetukaṁ nasukhasahagataṁ ekaṁ khandhaṁ paṭicca
tayo khandhā cittasamuṭṭhānañca rūpaṁ dve khandhe ... Ahetukaṁ sukhaṁ
Paṭicca cittasamuṭṭhānaṁ rūpaṁ ahetukapaṭisandhikkhaṇe nasukhasahagataṁ ekaṁ
khandhaṁ paṭicca tayo khandhā kaṭattā ca rūpaṁ dve khandhe ... Khandhe
paṭicca vatthu vatthuṁ paṭicca khandhā ekaṁ mahābhūtaṁ yāva asaññasattā
vicikicchāsahagate uddhaccasahagate khandhe paṭicca vicikicchāsahagato
uddhaccasahagato moho. Yathā sappītike nahetupaccayasadisaṁ
ninnānaṁ sabbatthameva nava pañhā.

[696] Nahetuyā nava nāarammaṇe tīṇi naupanissaye tīṇi
napurejāte nava napacchājāte nava nāasevane nava nakamme
cattāri navipāke nava nāahāre ekaṁ naindriye ekaṁ
najhāne cha namagge nava nasampayutte tīṇi navippayutte cha
nonatthiyā tīṇi novigate tīṇi.
Evaṁ itare dve gaṇanāpi. Sahajātavāropi paṭiccavārasadiso.
Paccayavāre pavattipi paṭisandhipi vitthāretabbā yathā
sappītikadukapaccayavārapaccanīyepi pavatte vatthu ca vitthāretabbaṁ yathā
sappītikaduke ekoyeva moho. Nissayavāropi saṁsaṭṭhavāropi
sampayuttavāropi yathā sappītikadukaṁ evaṁ kātabbā.
Pañhāvāro

[697] Sukhasahagato dhammo sukhasahagatassa dhammassa hetupaccayena
paccayo: cattāri. Ārammaṇepi adhipatiyāpi sappītikadukasadisā
sukhanti nānākaraṇaṁ.

[698] Sukhasahagato dhammo sukhasahagatassa dhammassa anantarapaccayena
paccayo: purimā purimā sukhasahagatā khandhā pacchimānaṁ
pacchimānaṁ sukhasahagatānaṁ khandhānaṁ anantarapaccayena paccayo. Mūlaṁ
purimā purimā sukhasahagatā khandhā pacchimassa pacchimassa nasukhasahagatassa
anantarapaccayena paccayo sukhasahagataṁ cuticittaṁ nasukhasahagatassa
upapatticittassa sukhasahagataṁ bhavaṅgaṁ āvajjanāya sukhasahagataṁ
kāyaviññāṇaṁ vipākamanodhātuyā sukhasahagatā vipākamanoviññāṇadhātu
kiriyamanoviññāṇadhātuyā sukhasahagataṁ bhavaṅgaṁ nasukhasahagatassa
bhavaṅgassa sukhasahagataṁ kusalākusalaṁ nasukhasahagatassa vuṭṭhānassa kiriyaṁ
vuṭṭhānassa phalaṁ vuṭṭhānassa anantarapaccayena paccayo. Mūlaṁ
purimā purimā sukhasahagatā khandhā pacchimānaṁ pacchimānaṁ sukhasahagatānaṁ
khandhānaṁ sukhassa ca anantarapaccayena paccayo. Nasukhasahagato dhammo
nasukhasahagatassa dhammassa anantarapaccayena paccayo: purimā purimā
nasukhasahagatā .... Mūlaṁ tīṇipi sappītikadukasadisā. Sukhasahagato ca
nasukhasahagato ca dhammā sukhasahagatassa dhammassa anantarapaccayena
paccayo: purimā purimā sukhasahagatā khandhā ca sukhañca pacchimānaṁ
pacchimānaṁ sukhasahagatānaṁ khandhānaṁ anantarapaccayena paccayo. Mūlaṁ
purimā purimā sukhasahagatā khandhā ca sukhañca pacchimassa pacchimassa
sukhassa anantarapaccayena paccayo sukhasahagataṁ cuticittañca sukhañca
nasukhasahagatassa upapatticittassa sukhasahagataṁ bhavaṅgañca sukhañca
Āvajjanāya sukhasahagataṁ kāyaviññāṇañca sukhañca vipākamanodhātuyā
sukhasahagatā vipākamanoviññāṇadhātu ca sukhañca kiriyamanoviññāṇadhātuyā
sukhasahagataṁ bhavaṅgañca sukhañca nasukhasahagatassa bhavaṅgassa
sukhasahagataṁ kusalākusalañca sukhañca nasukhasahagatassa vuṭṭhānassa kiriyaṁ
vuṭṭhānassa phalaṁ vuṭṭhānassa anantarapaccayena paccayo. Mūlaṁ
purimā purimā sukhasahagatā khandhā ca sukhañca pacchimānaṁ pacchimānaṁ
sukhasahagatānaṁ khandhānaṁ sukhassa ca anantarapaccayena paccayo.
... Samanantarapaccayena paccayo: sahajātapaccayena paccayo:
aññamaññapaccayena paccayo: nissayapaccayena paccayo:.

[699] Sukhasahagato dhammo sukhasahagatassa dhammassa upanissayapaccayena
paccayo: tīṇi. Na sukhasahagato dhammo nasukhasahagatassa dhammassa
upanissayapaccayena paccayo: ārammaṇūpanissayo anantarūpanissayo
pakatūpanissayo .pe. Pakatūpanissayo: nasukhasahagataṁ saddhaṁ upanissāya
nasukhasahagatena cittena dānaṁ deti sīlaṁ .pe. Samāpattiṁ uppādeti
mānaṁ jappeti diṭṭhiṁ gaṇhāti nasukhasahagataṁ sīlaṁ .pe. Paññaṁ ...
Rāgaṁ patthanaṁ kāyikaṁ sukhaṁ kāyikaṁ dukkhaṁ utuṁ bhojanaṁ ... Senāsanaṁ
sukhaṁ upanissāya nasukhasahagatena cittena dānaṁ deti .pe. Samāpattiṁ
uppādeti .pe. Pāṇaṁ hanati .pe. Saṅghaṁ bhindati nasukhasahagatā
saddhā .pe. Senāsanaṁ sukhañca nasukhasahagatāya saddhāya .pe.
Paññāya rāgassa dosassa patthanāya kāyikassa sukhassa maggassa
Phalasamāpattiyā sukhassa ca upanissayapaccayena paccayo. Nasukhasahagato
dhammo sukhasahagatassa dhammassa upanissayapaccayena paccayo: ārammaṇūpanissayo
anantarūpanissayo pakatūpanissayo .pe. Pakatūpanissayo:
nasukhasahagataṁ saddhaṁ upanissāya sukhasahagatena cittena dānaṁ .pe.
Samāpattiṁ uppādeti mānaṁ jappeti diṭṭhiṁ gaṇhāti nasukhasahagataṁ
sīlaṁ .pe. Paññaṁ ... Rāgaṁ patthanaṁ kāyikaṁ sukhaṁ ... Senāsanaṁ sukhaṁ
upanissāya sukhasahagatena cittena dānaṁ deti .pe. Samāpattiṁ
uppādeti sukhasahagatena cittena adinnaṁ ādiyati musā ... Pisuṇaṁ ...
Samphaṁ ... Sandhiṁ ... Nillopaṁ ... Ekāgārikaṁ ... Paripanthe ... Paradāraṁ
... Gāmaghātaṁ ... Nigamaghātaṁ ... Nasukhasahagatā saddhā .pe. Senāsanaṁ
sukhasahagatāya saddhāya .pe. Paññāya rāgassa mohassa mānassa
diṭṭhiyā patthanāya kāyikassa sukhassa maggassa phalasamāpatatiyā
upanissayapaccayena paccayo. Nasukhasahagato dhammo sukhasahagatassa ca
nasukhasahagatassa ca dhammassa upanissayapaccayena paccayo: ārammaṇūpanissayo
anantarūpanissayo pakatūpanissayo .pe. Pakatūpanissayo:
nasukhasahagataṁ saddhaṁ upanissāya sukhasahagatena cittena dānaṁ deti.
Dutiyagamanasadisaṁ. Mānaṁ jappeti diṭṭhiṁ gaṇhāti nasukhasahagataṁ
sīlaṁ .pe. Senāsanaṁ sukhaṁ upanissāya dānaṁ deti .pe. Samāpattiṁ
uppādeti sukhasahagatena cittena adinnaṁ ādiyati .pe. Nasukhasahagatā
saddhā .pe. Senāsanaṁ sukhañca sukhasahagatāya saddhāya .pe.
Patthanāya kāyikassa sukhassa maggassa phalasamāpattiyā sukhassa ca
upanissayapaccayena paccayo. Sukhasahagato ca nasukhasahagato ca dhammā
sukhasahagatassa dhammassa upanissayapaccayena paccayo: tīṇi.

[700] Nasukhasahagato dhammo nasukhasahagatassa dhammassa purejātapaccayena
paccayo: ārammaṇapurejātaṁ vatthupurejātaṁ. Ārammaṇapurejātaṁ:
cakkhuṁ ... Vatthuṁ nasukhasahagatena cittena aniccato ...
Vipassati assādeti abhinandati taṁ ārabbha nasukhasahagato rāgo
.pe. Domanassaṁ uppajjati dibbena cakkhunā rūpaṁ .pe.
Phoṭṭhabbāyatanaṁ kāyaviññāṇassa. Vatthupurejātaṁ: cakkhāyatanaṁ
cakkhuviññāṇassa kāyāyatanaṁ ... Vatthu nasukhasahagatānaṁ khandhānaṁ
sukhassa ca purejātapaccayena paccayo. Nasukhasahagato dhammo
sukhasahagatassa dhammassa purejātapaccayena paccayo: ārammaṇapurejātaṁ
vatthupurejātaṁ. Ārammaṇapurejātaṁ: cakkhuṁ ... Vatthuṁ sukhasahagatena
cittena aniccato ... Vipassati assādeti abhinandati taṁ ārabbha
sukhasahagato rāgo uppajjati diṭṭhi uppajjati. Vatthupurejātaṁ:
vatthu sukhasahagatānaṁ khandhānaṁ purejātapaccayena paccayo.
Nasukhasahagato dhammo sukhasahagatassa ca nasukhasahagatassa ca dhammassa
purejātapaccayena paccayo: ārammaṇapurejātaṁ vatthupurejātaṁ.
Ārammaṇapurejātaṁ: cakkhuṁ ... Vatthuṁ sukhasahagatena cittena aniccato ...
Vipassati assādeti abhinandati taṁ ārabbha sukhasahagato rāgo
Uppajjati diṭṭhi .... Vatthupurejātaṁ: vatthu sukhasahagatānaṁ khandhānaṁ
sukhassa ca purejātapaccayena paccayo. ... Pacchājātapaccayena paccayo:
tīṇi āsevanapaccayena paccayo: nava.

[701] Sukhasahagato dhammo sukhasahagatassa dhammassa kammapaccayena
paccayo: sahajātā nānākhaṇikā cha kammāni cattāri sahajātāpi
nānākhaṇikāpi kātabbā dve nānākhaṇikā. ... Vipākapaccayena paccayo:
nava āhārapaccayena paccayo: cattāri indriyapaccayena paccayo:
nava jhānapaccayena paccayo: nava maggapaccayena paccayo: cattāri
sampayuttapaccayena paccayo: cha vippayuttapaccayena paccayo: pañca
atthipaccayena paccayo: nava natthipaccayena paccayo: nava
vigatapaccayena paccayo: nava avigatapaccayena paccayo: nava.

[702] Hetuyā cattāri ārammaṇe nava adhipatiyā nava
anantare nava samanantare nava sahajāte nava aññamaññe nava
nissaye nava upanissaye nava purejāte tīṇi pacchājāte tīṇi
āsevane nava kamme cha vipāke nava āhāre cattāri indriye
nava jhāne nava magge cattāri sampayutte cha vippayutte
pañca atthiyā nava natthiyā nava vigate nava avigate nava.
Evaṁ paccanīyavibhaṅgopi gaṇanāpi sappītikadukasadisā kātabbā
yadipi vimati atthi anulomaṁ passitvā gaṇetabbaṁ.
Sukhasahagatadukaṁ niṭṭhitaṁ.
---------------
Upekkhāsahagatadukaṁ
paṭiccavāro

[703] Upekkhāsahagataṁ dhammaṁ paṭicca upekkhāsahagato dhammo
uppajjati hetupaccayā: upekkhāsahagataṁ ekaṁ khandhaṁ paṭicca dve
khandhā dve khandhe ... Paṭisandhikkhaṇe .pe. Upekkhāsahagataṁ
dhammaṁ paṭicca naupekkhāsahagato dhammo uppajjati hetupaccayā:
upekkhāsahagate khandhe paṭicca upekkhā cittasamuṭṭhānañca rūpaṁ
paṭisandhi. Upekkhāsahagataṁ dhammaṁ paṭicca upekkhāsahagato ca
naupekkhāsahagato ca dhammā uppajjanti hetupaccayā: upekkhāsahagataṁ
ekaṁ khandhaṁ paṭicca dve khandhā upekkhā ca
cittasamuṭṭhānañca rūpaṁ dve khandhe ... Paṭisandhi. Naupekkhāsahagataṁ
dhammaṁ paṭicca naupekkhāsahagato dhammo uppajjati hetupaccayā:
naupekkhāsahagataṁ ekaṁ khandhaṁ paṭicca tayo khandhā cittasamuṭṭhānañca
rūpaṁ dve khandhe ... Upekkhaṁ paṭicca cittasamuṭṭhānaṁ rūpaṁ paṭisandhikkhaṇe
naupekkhāsahagataṁ ekaṁ khandhaṁ paṭicca tayo khandhā kaṭattā ca
rūpaṁ dve khandhe ... Paṭisandhikkhaṇe upekkhaṁ paṭicca kaṭattārūpaṁ
khandhe paṭicca vatthu vatthuṁ paṭicca khandhā upekkhaṁ paṭicca
vatthu vatthuṁ paṭicca upekkhā ekaṁ mahābhūtaṁ paṭicca ....
Sappītikadukasadisaṁ anulome navapi pañhā.