[674] Sappītikaṁ dhammaṁ paṭicca sappītiko dhammo uppajjati
nahetupaccayā: ahetukaṁ sappītikaṁ ekaṁ khandhaṁ paṭicca tayo khandhā
dve khandhe .... Sappītikaṁ dhammaṁ paṭicca appītiko dhammo uppajjati
nahetupaccayā: ahetuke sappītike khandhe paṭicca pīti ca
cittasamuṭṭhānañca rūpaṁ. Sappītikaṁ dhammaṁ paṭicca sappītiko ca appītiko
ca dhammā uppajjanti nahetupaccayā: ahetukaṁ sappītikaṁ ekaṁ khandhaṁ
paṭicca tayo khandhā pīti ca cittasamuṭṭhānañca rūpaṁ dve khandhe ....
Appītikaṁ dhammaṁ paṭicca appītiko dhammo uppajjati nahetupaccayā:
ahetukaṁ appītikaṁ ekaṁ khandhaṁ paṭicca tayo khandhā cittasamuṭṭhānañca
rūpaṁ dve khandhe ... Pītiṁ paṭicca cittasamuṭṭhānaṁ rūpaṁ ahetukapaṭisandhikkhaṇe
appītikaṁ ekaṁ khandhaṁ paṭicca tayo khandhā kaṭattā ca
rūpaṁ dve khandhe paṭicca dve khandhā kaṭattā ca rūpaṁ khandhe
paṭicca vatthu vatthuṁ paṭicca khandhā ekaṁ mahābhūtaṁ yāva
asaññasattāpi vicikicchāsahagate uddhaccasahagate khandhe paṭicca
vicikicchāsahagato uddhaccasahagato moho. Appītikaṁ dhammaṁ paṭicca
sappītiko dhammo uppajjati nahetupaccayā: ahetukaṁ pītiṁ paṭicca
sappītikā khandhā. Mūlaṁ pītiṁ paṭicca sappītikā khandhā
cittasamuṭṭhānañca rūpaṁ. Sappītikañca appītikañca dhammaṁ paṭicca
sappītiko dhammo uppajjati nahetupaccayā: ahetukaṁ sappītikaṁ
Ekaṁ khandhañca pītiñca paṭicca tayo khandhā dve khandhe ....
Sappītikañca appītikañca dhammaṁ paṭicca appītiko dhammo uppajjati
nahetupaccayā: ahetuke sappītike khandhe ca pītiñca paṭicca
cittasamuṭṭhānaṁ rūpaṁ ahetuke sappītike khandhe ca mahābhūte ca paṭicca
cittasamuṭṭhānaṁ rūpaṁ. Sappītikañca appītikañca dhammaṁ paṭicca
sappītiko ca appītiko ca dhammā uppajjanti nahetupaccayā:
ahetukaṁ sappītikaṁ ekaṁ khandhañca pītiñca paṭicca tayo khandhā
cittasamuṭṭhānañca rūpaṁ dve khandhe ... Ahetukaṁ sappītikaṁ ekaṁ
khandhañca pītiñca paṭicca tayo khandhā dve khandhe ... Ahetuke
sappītike khandhe ca pītiñca mahābhūte ca paṭicca cittasamuṭṭhānaṁ rūpaṁ.

[675] Nahetuyā nava nāarammaṇe tīṇi nādhipatiyā nava
nānantare tīṇi .pe. Naupanissaye tīṇi napurejāte nava
napacchājāte nava nāasevane nava nakamme cattāri navipāke ekaṁ
nāahāre ekaṁ naindriye ekaṁ najhāne ekaṁ namagge nava
nasampayutte tīṇi navippayutte cha nonatthiyā tīṇi novigate tīṇi.
Evaṁ itare dve gaṇanāpi sahajātavāropi kātabbā.
Paccayavāro

[676] Sappītikaṁ dhammaṁ paccayā sappītiko dhammo uppajjati
hetupaccayā:. Saṅkhittaṁ. Yathā savitakkaduke anulomapaccayavāraṁ
evaṁ pavatti paṭisandhi nava pañhā paripuṇṇā pīti ninnānākaraṇā.

[677] Hetuyā nava ārammaṇe nava adhipatiyā nava .pe.
Avigate nava.

[678] Sappītikaṁ dhammaṁ paccayā sappītiko dhammo uppajjati
nahetupaccayā: tīṇi paṭiccasadisā. Appītikaṁ dhammaṁ paccayā appītiko
dhammo uppajjati nahetupaccayā:. Pavatti paṭisandhi kātabbā
paṭiccavārasadisā yāva asaññasattā. Cakkhāyatanaṁ paccayā
cakkhuviññāṇaṁ kāyāyatanaṁ ... Vatthuṁ paccayā ahetukā appītikā
khandhā pīti ca vicikicchāsahagate uddhaccasahagate khandhe ca vatthuñca
paccayā vicikicchāsahagato uddhaccasahagato moho. Anulomasadisā
nava pañhā pavattiyeva paṭisandhi natthi ekoyeva moho.

[679] Nahetuyā nava nāarammaṇe tīṇi nādhipatiyā nava
nānantare tīṇi naupanissaye tīṇi napurejāte nava napacchājāte
nava nāasevane nava nakamme nava navipāke nava nāahāre
ekaṁ naindriye ekaṁ najhāne ekaṁ namagge nava nasampayutte
tīṇi navippayutte cha nonatthiyā tīṇi novigate tīṇi.
Evaṁ itare dve gaṇanāpi nissayavāropi kātabbā.
Saṁsaṭṭhavāro

[680] Sappītikaṁ dhammaṁ saṁsaṭṭho sappītiko dhammo uppajjati
hetupaccayā:.

[681] Hetuyā cha ārammaṇe cha sabbattha cha avigate cha.

[682] Nahetuyā cha nādhipatiyā cha napurejāte cha napacchājāte
cha nāasevane cha nakamme cattāri navipāke cha najhāne
ekaṁ namagge cha navippayutte cha.
Evaṁ itare dve gaṇanāpi sampayuttavāropi kātabbā.
Pañhāvāro

[683] Sappītiko dhammo sappītikassa dhammassa hetupaccayena
paccayo: sappītikā hetū sampayuttakānaṁ khandhānaṁ hetupaccayena
paccayo paṭisandhikkhaṇe .pe. Sappītiko dhammo appītikassa
dhammassa hetupaccayena paccayo: sappītikā hetū pītiyā ca
cittasamuṭṭhānānañca rūpānaṁ hetupaccayena paccayo paṭisandhikkhaṇe .pe.
Mūlaṁ sappītikā hetū sampayuttakānaṁ khandhānaṁ pītiyā ca cittasamuṭṭhānānañca
rūpānaṁ hetupaccayena paccayo paṭisandhikkhaṇe .pe.
Appītiko dhammo appītikassa dhammassa hetupaccayena paccayo:
appītikā hetū sampayuttakānaṁ khandhānaṁ cittasamuṭṭhānānañca rūpānaṁ
hetupaccayena paccayo paṭisandhikkhaṇe .pe.