[654] Savitakkaṁ dhammaṁ saṁsaṭṭho savitakko dhammo uppajjati
nahetupaccayā:. Evaṁ cha pañhā kātabbā anulomasadisā
ahetukāti niyāmetabbā tīṇi yeva moho uddharitabbo.

[655] Nahetuyā cha nādhipatiyā cha napurejāte cha
napacchājāte cha nāasevane cha nakamme cattāri navipāke cha
najhāne ekaṁ namagge cha navippayutte cha.
Evaṁ itare dve gaṇanāpi sampayuttavāropi kātabbā.
Pañhāvāro

[656] Savitakko dhammo savitakkassa dhammassa hetupaccayena
paccayo: savitakkā hetū sampayuttakānaṁ khandhānaṁ hetupaccayena
paccayo paṭisandhikkhaṇe .pe. Savitakko dhammo avitakkassa
dhammassa hetupaccayena paccayo: savitakkā hetū vitakkassa
cittasamuṭṭhānānañca rūpānaṁ hetupaccayena paccayo paṭisandhikkhaṇe
.pe. Mūlaṁ savitakkā hetū sampayuttakānaṁ khandhānaṁ vitakkassa ca
cittasamuṭṭhānānañca rūpānaṁ hetupaccayena paccayo paṭisandhikkhaṇe
.pe. Avitakko dhammo avitakkassa dhammassa hetupaccayena paccayo:
avitakkā hetū sampayuttakānaṁ khandhānaṁ cittasamuṭṭhānānañca rūpānaṁ
hetupaccayena paccayo paṭisandhikkhaṇe .pe.

[657] Savitakko dhammo savitakkassa dhammassa ārammaṇapaccayena
paccayo: savitakke khandhe ārabbha savitakkā khandhā
uppajjanti. Mūlaṁ savitakke khandhe ārabbha avitakkā khandhā ca
vitakko ca uppajjanti. Mūlaṁ savitakke khandhe ārabbha savitakkā
khandhā ca vitakko ca uppajjanti. Avitakko dhammo avitakkassa
dhammassa ārammaṇapaccayena paccayo: ariyā avitakkā jhānā
vuṭṭhahitvā avitakkaṁ jhānaṁ paccavekkhanti maggā vuṭṭhahitvā maggaṁ
paccavekkhanti phalā vuṭṭhahitvā phalaṁ paccavekkhanti nibbānaṁ
paccavekkhanti nibbānaṁ avitakkassa maggassa phalassa vitakkassa ca
ārammaṇapaccayena paccayo cakkhuṁ ... Vatthuṁ ... Avitakke khandhe ca
vitakkañca aniccato ... Vipassanti assādenti abhinandanti taṁ
ārabbha vitakko uppajjati dibbena cakkhunā rūpaṁ passanti dibbāya
sotadhātuyā saddaṁ suṇanti cetopariyañāṇena avitakkacittasamaṅgissa
cittaṁ jānanti ākāsānañcāyatanaṁ ... Ākiñcaññāyatanaṁ ...
Rūpāyatanaṁ cakkhuviññāṇassa phoṭṭhabbāyatanaṁ ... Avitakkā khandhā
iddhividhañāṇassa cetopariyañāṇassa pubbenivāsānussatiñāṇassa
yathākammupagañāṇassa anāgataṁsañāṇassa vitakkassa ca ārammaṇapaccayena
paccayo avitakke khandhe ca vitakkañca ārabbha avitakkā khandhā ca
vitakko ca uppajjanti. Avitakko dhammo savitakkassa dhammassa
ārammaṇapaccayena paccayo: ariyā avitakkā jhānā vuṭṭhahitvā ...
Maggā vuṭṭhahitvā maggaṁ ... Phalā vuṭṭhahitvā phalaṁ paccavekkhanti
nibbānaṁ paccavekkhanti nibbānaṁ gotrabhussa vodānassa savitakkassa
maggassa phalassa āvajjanāya ārammaṇapaccayena paccayo cakkhuṁ ...
Vatthuṁ ... Avitakke khandhe ca vitakkañca aniccato ... Vipassanti
assādenti abhinandanti taṁ ārabbha rāgo uppajjati .pe.
Domanassaṁ uppajjati avitakke khandhe ca vitakkañca ārabbha
savitakkā khandhā uppajjanti. Avitakko dhammo savitakkassa ca
avitakkassa ca dhammassa ārammaṇapaccayena paccayo: ariyā
avitakkā jhānā vuṭṭhahitvā ... Maggā vuṭṭhahitvā maggaṁ paccavekkhanti
phalā vuṭṭhahitvā phalaṁ paccavekkhanti nibbānaṁ paccavekkhanti nibbānaṁ
gotrabhussa vodānassa savitakkassa maggassa phalassa āvajjanāya
vitakkassa ca ārammaṇapaccayena paccayo cakkhuṁ ... Vatthuṁ ... Avitakke
khandhe ca vitakkañca aniccato ... Vipassanti assādenti abhinandanti
taṁ ārabbha savitakkā khandhā ca vitakko ca uppajjanti avitakke
khandhe ca vitakkañca ārabbha savitakkā khandhā ca vitakko ca
uppajjanti. Savitakko ca avitakko ca dhammā savitakkassa
dhammassa ārammaṇapaccayena paccayo: savitakke khandhe ca vitakkañca
ārabbha savitakkā khandhā uppajjanti. Mūlaṁ savitakke khandhe
ca vitakkañca ārabbha avitakkā khandhā ca vitakko ca uppajjanti.
Mūlaṁ savitakke khandhe ca vitakkañca ārabbha savitakkā khandhā ca
Vitakko ca uppajjanti.

[658] Savitakko dhammo savitakkassa dhammassa adhipatipaccayena
paccayo: ārammaṇādhipati sahajātādhipati. Ārammaṇādhipati: savitakke
khandhe garuṁ katvā savitakkā khandhā uppajjanti. Sahajātādhipati:
savitakkā adhipati sampayuttakānaṁ khandhānaṁ adhipatipaccayena paccayo.
Savitakko dhammo avitakkassa dhammassa adhipatipaccayena paccayo:
ārammaṇādhipati sahajātādhipati. Ārammaṇādhipati: savitakke khandhe
garuṁ katvā vitakko uppajjati. Sahajātādhipati: savitakkā adhipati
vitakkassa ca cittasamuṭṭhānānañca rūpānaṁ adhipatipaccayena paccayo.
Savitakko dhammo savitakkassa ca avitakkassa ca dhammassa adhipatipaccayena
paccayo: ārammaṇādhipati sahajātādhipati. Ārammaṇādhipati:
savitakke khandhe garuṁ katvā savitakkā khandhā ca vitakko ca
uppajjanti. Sahajātādhipati: savitakkā adhipati sampayuttakānaṁ
khandhānaṁ vitakkassa ca cittasamuṭṭhānānañca rūpānaṁ adhipatipaccayena
paccayo. Avitakko dhammo avitakkassa dhammassa adhipatipaccayena
paccayo: ārammaṇādhipati sahajātādhipati. Ārammaṇādhipati: ariyā
avitakkā jhānā vuṭṭhahitvā ... Maggā vuṭṭhahitvā maggaṁ ... Phalā
vuṭṭhahitvā phalaṁ garuṁ katvā paccavekkhanti nibbānaṁ garuṁ katvā
paccavekkhanti nibbānaṁ avitakkassa maggassa phalassa vitakkassa ca
adhipatipaccayena paccayo cakkhuṁ ... Vatthuṁ ... Avitakke khandhe ca
Vitakkañca garuṁ katvā assādenti abhinandanti taṁ garuṁ katvā vitakko
uppajjati. Sahajātādhipati: avitakkā adhipati sampayuttakānaṁ khandhānaṁ
cittasamuṭṭhānānañca rūpānaṁ adhipatipaccayena paccayo avitakke
khandhe ca vitakkañca garuṁ katvā vitakko uppajjati. Avitakko dhammo
savitakkassa dhammassa adhipatipaccayena paccayo: ārammaṇādhipati:
ariyā avitakkā jhānā vuṭṭhahitvā jhānaṁ ... Maggā vuṭṭhahitvā
maggaṁ ... Phalā vuṭṭhahitvā phalaṁ garuṁ katvā paccavekkhanti nibbānaṁ
garuṁ katvā paccavekkhanti nibbānaṁ gotrabhussa vodānassa savitakkassa
maggassa phalassa adhipatipaccayena paccayo cakkhuṁ ... Vatthuṁ ... Avitakke
khandhe ca vitakkañca garuṁ katvā assādenti abhinandanti taṁ garuṁ
katvā rāgo uppajjati diṭṭhi uppajjati avitakke khandhe ca
vitakkañca garuṁ katvā savitakkā khandhā uppajjanti. Avitakko dhammo
savitakkassa ca avitakkassa ca dhammassa adhipatipaccayena paccayo:
ārammaṇādhipati: ariyā avitakkā jhānā vuṭṭhahitvā ... Phalā
vuṭṭhahitvā phalaṁ paccavekkhanti nibbānaṁ paccavekkhanti nibbānaṁ
gotrabhussa vodānassa savitakkassa maggassa phalassa vitakkassa ca
adhipatipaccayena paccayo cakkhuṁ ... Vatthuṁ ... Avitakke khandhe ca
vitakkañca garuṁ katvā assādenti abhinandanti taṁ garuṁ katvā
rāgo uppajjati diṭṭhi uppajjati avitakke khandhe ca vitakkañca
garuṁ katvā savitakkā khandhā ca vitakko ca uppajjanti. Savitakko ca
Avitakko ca dhammā savitakkassa dhammassa adhipatipaccayena paccayo:
ārammaṇādhipati: savitakke khandhe ca vitakkañca garuṁ katvā
savitakkā khandhā uppajjanti. Mūlaṁ savitakke khandhe ca vitakkañca
garuṁ katvā vitakko uppajjati. Mūlaṁ savitakke khandhe ca
vitakkañca garuṁ katvā savitakkā khandhā ca vitakko ca uppajjanti.

[659] Savitakko dhammo savitakkassa dhammassa anantarapaccayena
paccayo: purimā purimā savitakkā khandhā pacchimānaṁ pacchimānaṁ
savitakkānaṁ khandhānaṁ anantarapaccayena paccayo. Savitakko dhammo
avitakkassa dhammassa anantarapaccayena paccayo: purimā purimā
savitakkā khandhā pacchimassa pacchimassa avitakkassa anantarapaccayena
paccayo savitakkaṁ cuticittaṁ avitakkassa upapatticittassa anantarapaccayena
paccayo āvajjanā pañcannaṁ viññāṇānaṁ anantarapaccayena
paccayo savitakkā khandhā avitakkassa vuṭṭhānassa anantarapaccayena
paccayo dutiyassa jhānassa parikammaṁ dutiyassa jhānassa
anantarapaccayena paccayo tatiyassa jhānassa parikammaṁ .pe.
Nevasaññānāsaññāyatanassa parikammaṁ nevasaññānāsaññāyatanassa
dibbassa cakkhussa parikammaṁ ... Dibbāya sotadhātuyā parikammaṁ ...
Iddhividhañāṇassa parikammaṁ ... Cetopariyañāṇassa ... Pubbenivāsā-
nussatiñāṇassa ... Yathākammupagañāṇassa parikammaṁ yathākammupagañāṇassa
anāgataṁsañāṇassa parikammaṁ anāgataṁsañāṇassa anantarapaccayena
Paccayo gotrabhu avitakkassa maggassa vodānaṁ avitakkassa
maggassa anulomaṁ avitakkāya phalasamāpattiyā anantarapaccayena
paccayo. Savitakko dhammo savitakkassa ca avitakkassa ca dhammassa
anantarapaccayena paccayo: purimā purimā savitakkā khandhā pacchimānaṁ
pacchimānaṁ savitakkānaṁ khandhānaṁ vitakkassa ca anantarapaccayena
paccayo. Avitakko dhammo avitakkassa dhammassa anantarapaccayena
paccayo: purimo purimo vitakko pacchimassa pacchimassa vitakkassa
anantarapaccayena paccayo purimā purimā avitakkā khandhā
pacchimānaṁ pacchimānaṁ avitakkānaṁ khandhānaṁ anantarapaccayena paccayo
avitakko maggo avitakkassa phalassa avitakkaṁ phalaṁ avitakkassa
phalassa nirodhā vuṭṭhahantassa nevasaññānāsaññāyatanaṁ avitakkāya
phalasamāpattiyā anantarapaccayena paccayo. Avitakko dhammo
savitakkassa dhammassa anantarapaccayena paccayo: purimā purimā
avitakkā khandhā pacchimānaṁ pacchimānaṁ savitakkānaṁ khandhānaṁ anantarapaccayena
paccayo avitakkaṁ cuticittaṁ savitakkassa upapatticittassa
avitakkaṁ bhavaṅgaṁ āvajjanāya avitakkā khandhā savitakkassa
vuṭṭhānassa anantarapaccayena paccayo. Avitakko dhammo savitakkassa
ca avitakkassa ca dhammassa anantarapaccayena paccayo: purimo
purimo vitakko pacchimānaṁ pacchimānaṁ savitakkānaṁ khandhānaṁ vitakkassa
ca anantarapaccayena paccayo. Savitakko ca avitakko ca dhammā
Savitakkassa dhammassa anantarapaccayena paccayo: purimā purimā
savitakkā khandhā ca vitakko ca pacchimānaṁ pacchimānaṁ savitakkānaṁ
khandhānaṁ anantarapaccayena paccayo. Savitakko ca avitakko ca
dhammā avitakkassa dhammassa anantarapaccayena paccayo: purimā
purimā savitakkā khandhā ca vitakko ca pacchimassa pacchimassa
vitakkassa anantarapaccayena paccayo savitakkaṁ cuticittañca vitakko
ca avitakkassa upapatticittassa āvajjanā ca vitakko ca
pañcannaṁ viññāṇānaṁ savitakkā khandhā ca vitakko ca avitakkassa
vuṭṭhānassa anantarapaccayena paccayo dutiyassa jhānassa parikammañca
vitakko ca .pe. Heṭṭhālikhitalekhaṁ iminā kāraṇena daṭṭhabbaṁ.
Anulomañca vitakko ca avitakkāya phalasamāpattiyā anantarapaccayena
paccayo. Savitakko ca avitakko ca dhammā savitakkassa ca avitakkassa
ca dhammassa anantarapaccayena paccayo: purimā purimā savitakkā
khandhā ca vitakko ca pacchimānaṁ pacchimānaṁ savitakkānaṁ khandhānaṁ
vitakkassa ca anantarapaccayena paccayo. ... Samanantarapaccayena
paccayo: sahajātapaccayena paccayo: nava aññamaññapaccayena
paccayo: nava nissayapaccayena paccayo: nava.

[660] Savitakko dhammo savitakkassa dhammassa upanissayapaccayena
paccayo: ārammaṇūpanissayo anantarūpanissayo pakatūpanissayo
.pe. Pakatūpanissayo: savitakkā khandhā savitakkānaṁ khandhānaṁ
Upanissayapaccayena paccayo. Mūlaṁ savitakkā khandhā avitakkānaṁ khandhānaṁ
vitakkassa ca upanissayapaccayena paccayo. Mūlaṁ savitakkā khandhā
savitakkānaṁ khandhānaṁ vitakkassa ca upanissayapaccayena paccayo. Avitakko
dhammo avitakkassa dhammassa upanissayapaccayena paccayo: ārammaṇūpanissayo
anantarūpanissayo pakatūpanissayo .pe. Pakatūpanissayo:
avitakkaṁ saddhaṁ upanissāya avitakkaṁ jhānaṁ uppādeti maggaṁ uppādeti
abhiññaṁ uppādeti samāpattiṁ uppādeti avitakkaṁ sīlaṁ .pe.
Paññaṁ ... Kāyikaṁ sukhaṁ kāyikaṁ dukkhaṁ utuṁ bhojanaṁ ... Senāsanaṁ
vitakkaṁ upanissāya avitakkaṁ jhānaṁ ... Maggaṁ ... Abhiññaṁ ... Samāpattiṁ
uppādeti avitakkā saddhā .pe. Senāsanaṁ vitakko ca avitakkāya
saddhāya .pe. Paññāya kāyikassa sukhassa kāyikassa dukkhassa
avitakkassa maggassa phalasamāpattiyā upanissayapaccayena paccayo.
Avitakko dhammo savitakkassa dhammassa upanissayapaccayena paccayo:.
Tīṇipi upanissayā sabbattha kātabbā. Avitakkaṁ saddhaṁ upanissāya
dānaṁ deti sīlaṁ samādiyati uposathakammaṁ karoti savitakkaṁ jhānaṁ ...
Vipassanaṁ maggaṁ abhiññaṁ ... Samāpattiṁ uppādeti mānaṁ jappeti
diṭṭhiṁ gaṇhāti avitakkaṁ sīlaṁ .pe. Senāsanaṁ vitakkaṁ upanissāya
dānaṁ deti .pe. Samāpattiṁ uppādeti pāṇaṁ hanati .pe.
Saṅghaṁ bhindati avitakkā saddhā .pe. Senāsanaṁ vitakko ca
savitakkāya saddhāya .pe. Paññāya rāgassa patthanāya savitakkassa
Maggassa phalasamāpattiyā upanissayapaccayena paccayo. Avitakko
dhammo savitakkassa ca avitakkassa ca dhammassa upanissayapaccayena
paccayo: avitakkaṁ saddhaṁ upanissāya dānaṁ deti .pe. Dutiyavāre
likhitapadā sabbe kātabbā. Samāpattiṁ uppādeti mānaṁ jappeti
diṭṭhiṁ gaṇhāti sīlaṁ ... Paññaṁ ... Senāsanaṁ vitakkaṁ upanissāya
dānaṁ deti .pe. Pāṇaṁ hanati .pe. Saṅghaṁ bhindati avitakkā
saddhā .pe. Senāsanaṁ vitakko ca savitakkāya saddhāya .pe.
Paññāya rāgassa patthanāya savitakkassa maggassa phalasamāpattiyā
vitakkassa ca upanissayapaccayena paccayo. Savitakko ca avitakko
ca dhammā savitakkassa dhammassa upanissayapaccayena paccayo: savitakkā
khandhā ca vitakko ca savitakkānaṁ khandhānaṁ upanissayapaccayena
paccayo. Mūlaṁ savitakkā khandhā ca vitakko ca avitakkānaṁ
khandhānaṁ vitakkassa ca upanissayapaccayena paccayo. Mūlaṁ savitakkā
khandhā ca vitakko ca savitakkānaṁ khandhānaṁ vitakkassa ca
upanissayapaccayena paccayo.

[661] Avitakko dhammo avitakkassa dhammassa purejātapaccayena
paccayo: ārammaṇapurejātaṁ vatthupurejātaṁ. Ārammaṇapurejātaṁ:
cakkhuṁ ... Vatthuṁ aniccato ... Vipassati assādeti abhinandati taṁ
ārabbha vitakko uppajjati dibbena .pe. Phoṭṭhabbāyatanaṁ
kāyaviññāṇassa. Vatthupurejātaṁ: cakkhāyatanaṁ cakkhuviññāṇassa
Kāyāyatanaṁ ... Vatthu avitakkānaṁ khandhānaṁ vitakkassa ca
purejātapaccayena paccayo. Avitakko dhammo savitakkassa dhammassa
purejātapaccayena paccayo: ārammaṇapurejātaṁ vatthupurejātaṁ.
Ārammaṇapurejātaṁ: cakkhuṁ ... Vatthuṁ aniccato ... Vipassati assādeti
abhinandati taṁ ārabbha savitakkā khandhā uppajjanti. Vatthupurejātaṁ:
vatthu savitakkānaṁ khandhānaṁ purejātapaccayena paccayo.
Avitakko dhammo savitakkassa ca avitakkassa ca dhammassa purejātapaccayena
paccayo: ārammaṇapurejātaṁ vatthupurejātaṁ. Ārammaṇapurejātaṁ:
cakkhuṁ ... Vatthuṁ aniccato ... Vipassati assādeti abhinandati
taṁ ārabbha savitakkā khandhā ca vitakko ca uppajjanti.
Vatthupurejātaṁ: vatthu savitakkānaṁ khandhānaṁ vitakkassa ca
purejātapaccayena paccayo.

[662] Savitakko dhammo avitakkassa dhammassa pacchājātapaccayena
paccayo: tīṇi pacchājātā. ... Āsevanapaccayena paccayo: nava.

[663] Savitakko dhammo savitakkassa dhammassa kammapaccayena
paccayo: sahajātā nānākhaṇikā. Sahajātā: savitakkā cetanā
sampayuttakānaṁ khandhānaṁ kammapaccayena paccayo. Nānākhaṇikā:
savitakkā cetanā vipākānaṁ savitakkānaṁ khandhānaṁ kammapaccayena
paccayo. Evaṁ cattāri sahajātāpi nānākhaṇikāpi kātabbā.
... Vipākapaccayena paccayo: nava āhārapaccayena paccayo: cattāri
Indriyapaccayena paccayo: cattāri jhānapaccayena paccayo: nava
maggapaccayena paccayo: nava sampayuttapaccayena paccayo: cha.