[734] Hetuyā dve ārammaṇe dve adhipatiyā dve
sabbattha dve avigate dve.

[735] Kāmāvacaraṁ dhammaṁ saṁsaṭṭho kāmāvacaro dhammo uppajjati
nahetupaccayā: ahetukaṁ kāmāvacaraṁ ekaṁ khandhaṁ saṁsaṭṭhā tayo
khandhā dve khandhe ... Ahetukapaṭisandhikkhaṇe .pe. Vicikicchāsahagate
uddhaccasahagate khandhe saṁsaṭṭho vicikicchāsahagato
Uddhaccasahagato moho.

[736] Nahetuyā ekaṁ nādhipatiyā dve napurejāte dve
napacchājāte nava nāasevane dve nakamme dve navipāke dve
najhāne ekaṁ namagge ekaṁ navippayutte dve.
Evaṁ itare dve gaṇanāpi sampayuttavāropi kātabbā.
Pañhāvāro

[737] Kāmāvacaro dhammo kāmāvacarassa dhammassa hetupaccayena
paccayo: kāmāvacarā hetū sampayuttakānaṁ khandhānaṁ cittasamuṭṭhānānañca
rūpānaṁ hetupaccayena paccayo paṭisandhi. Nakāmāvacaro dhammo
nakāmāvacarassa dhammassa hetupaccayena paccayo: nakāmāvacarā
hetū sampayuttakānaṁ khandhānaṁ hetupaccayena paccayo paṭisandhi.
Nakāmāvacaro dhammo kāmāvacarassa dhammassa hetupaccayena paccayo:
nakāmāvacarā hetū cittasamuṭṭhānānaṁ rūpānaṁ hetupaccayena paccayo
paṭisandhi. Mūlaṁ nakāmāvacarā hetū sampayuttakānaṁ khandhānaṁ
cittasamuṭṭhānānañca rūpānaṁ hetupaccayena paccayo paṭisandhi.

[738] Kāmāvacaro dhammo kāmāvacarassa dhammassa
ārammaṇapaccayena paccayo: dānaṁ datvā sīlaṁ ... Uposathakammaṁ ...
Pubbe suciṇṇāni paccavekkhati assādeti abhinandati taṁ ārabbha
rāgo .pe. Domanassaṁ uppajjati ariyā gotrabhuṁ paccavekkhanti
vodānaṁ paccavekkhanti pahīne kilese ... Vikkhambhite kilese ...
Pubbe suciṇṇāni ... Jhānā ... Cakkhuṁ ... Vatthuṁ ... Kāmāvacare khandhe
aniccato .pe. Domanassaṁ uppajjati rūpāyatanaṁ cakkhuviññāṇassa
phoṭṭhabbāyatanaṁ .... Kāmāvacaro dhammo nakāmāvacarassa dhammassa
ārammaṇapaccayena paccayo: dibbena cakkhunā rūpaṁ passati dibbāya
sotadhātuyā saddaṁ suṇāti cetopariyañāṇena kāmāvacaracittasamaṅgissa
cittaṁ jānāti kāmāvacarā khandhā iddhividhañāṇassa
cetopariyañāṇassa pubbenivāsānussatiñāṇassa yathākammupagañāṇassa
anāgataṁsañāṇassa ārammaṇapaccayena paccayo. Nakāmāvacaro
dhammo nakāmāvacarassa dhammassa ārammaṇapaccayena paccayo: nibbānaṁ
maggassa phalassa ārammaṇapaccayena paccayo cetopariyañāṇena
nakāmāvacaracittasamaṅgissa cittaṁ jānāti ākāsānañcāyatanaṁ
viññāṇañcāyatanassa ākiñcaññāyatanaṁ nevasaññānāsaññāyatanassa
nakāmāvacarā khandhā iddhividhañāṇassa cetopariyañāṇassa
pubbenivāsānussatiñāṇassa yathākammupagañāṇassa anāgataṁsañāṇassa
ārammaṇapaccayena paccayo. Nakāmāvacaro dhammo kāmāvacarassa
dhammassa ārammaṇapaccayena paccayo: jhānā vuṭṭhahitvā jhānaṁ
paccavekkhati assādeti abhinandati taṁ ārabbha rāgo uppajjati diṭṭhi
uppajjati ariyā maggā vuṭṭhahitvā maggaṁ paccavekkhanti phalaṁ ...
Nibbānaṁ paccavekkhanti nibbānaṁ gotrabhussa vodānassa āvajjanāya
ārammaṇapaccayena paccayo ākāsānañcāyatanaṁ paccavekkhati
Viññāṇañcāyatanaṁ paccavekkhati ākiñcaññāyatanaṁ paccavekkhati
nevasaññānāsaññāyatanaṁ paccavekkhati dibbaṁ cakkhuṁ paccavekkhati
dibbaṁ sotadhātuṁ paccavekkhati iddhividhañāṇaṁ paccavekkhati cetopariyañāṇaṁ ...
.pe. Pubbenivāsānussatiñāṇaṁ ... Yathākammupagañāṇaṁ ...
Anāgataṁsañāṇaṁ paccavekkhati nakāmāvacare khandhe aniccato .pe.
Domanassaṁ uppajjati.

[739] Kāmāvacaro dhammo kāmāvacarassa dhammassa adhipatipaccayena
paccayo: ārammaṇādhipati sahajātādhipati. Ārammaṇādhipati
dānaṁ ... Sīlaṁ ... Uposathakammaṁ ... Pubbe suciṇṇāni taṁ garuṁ katvā
paccavekkhati assādeti abhinandati taṁ garuṁ katvā rāgo uppajjati
diṭṭhi uppajjati sekkhā gotrabhuṁ garuṁ katvā paccavekkhanti taṁ garuṁ
katvā paccavekkhanti cakkhuṁ ... Vatthuṁ ... Kāmāvacare khandhe garuṁ
katvā assādeti abhinandati taṁ garuṁ katvā rāgo uppajjati
diṭṭhi uppajjati. Sahajātādhipati: kāmāvacarā adhipati sampayuttakānaṁ
khandhānaṁ cittasamuṭṭhānānañca rūpānaṁ adhipatipaccayena paccayo.
Nakāmāvacaro dhammo nakāmāvacarassa dhammassa adhipatipaccayena
paccayo: ārammaṇādhipati sahajātādhipati. Ārammaṇādhipati: nibbānaṁ
maggassa phalassa adhipatipaccayena paccayo. Sahajātādhipati:
nakāmāvacarā adhipati sampayuttakānaṁ khandhānaṁ adhipatipaccayena paccayo.
Nakāmāvacaro dhammo kāmāvacarassa dhammassa adhipatipaccayena paccayo:
Ārammaṇādhipati sahajātādhipati. Ārammaṇādhipati: jhānā
vuṭṭhahitvā jhānaṁ garuṁ katvā paccavekkhati assādeti abhinandati
taṁ garuṁ katvā rāgo uppajjati diṭṭhi ... Ariyā maggā
vuṭṭhahitvā maggaṁ garuṁ katvā paccavekkhanti phalaṁ ... Nibbānaṁ garuṁ
katvā paccavekkhanti nibbānaṁ gotrabhussa vodānassa adhipatipaccayena
paccayo ākāsānañcāyatanaṁ garuṁ katvā paccavekkhati
viññāṇañcāyatanaṁ ... Ākiñcaññāyatanaṁ nevasaññānāsaññāyatanaṁ
dibbaṁ cakkhuṁ dibbaṁ sotadhātuṁ iddhividhañāṇaṁ ... .pe. Anāgataṁsañāṇaṁ
garuṁ katvā paccavekkhati nakāmāvacare khandhe garuṁ katvā assādeti
abhinandati taṁ garuṁ katvā rāgo uppajjati diṭṭhi .... Sahajātādhipati:
nakāmāvacarā adhipati cittasamuṭṭhānānaṁ rūpānaṁ adhipatipaccayena
paccayo. Nakāmāvacaro dhammo kāmāvacarassa ca nakāmāvacarassa ca
dhammassa adhipatipaccayena paccayo: sahajātādhipati: nakāmāvacarā
adhipati sampayuttakānaṁ khandhānaṁ cittasamuṭṭhānānañca rūpānaṁ
adhipatipaccayena paccayo.

[740] Kāmāvacaro dhammo kāmāvacarassa dhammassa anantarapaccayena
paccayo: purimā purimā kāmāvacarā khandhā pacchimānaṁ
pacchimānaṁ khandhānaṁ anantarapaccayena paccayo anulomaṁ gotrabhussa
anulomaṁ vodānassa āvajjanā kāmāvacarānaṁ khandhānaṁ anantarapaccayena
paccayo. Kāmāvacaro dhammo nakāmāvacarassa dhammassa
Anantarapaccayena paccayo: kāmāvacaraṁ cuticittaṁ nakāmāvacarassa
upapatticittassa āvajjanā nakāmāvacarānaṁ khandhānaṁ anantarapaccayena
paccayo kāmāvacarā khandhā nakāmāvacarassa vuṭṭhānassa anantarapaccayena
paccayo paṭhamassa jhānassa parikammaṁ paṭhamassa jhānassa
anantarapaccayena paccayo .pe. Catutthassa jhānassa ... .pe.
Nevasaññānāsaññāyatanassa parikammaṁ ... .pe. Dibbassa cakkhussa ...
Dibbāya sotadhātuyā iddhividhañāṇassa cetopariyañāṇassa
pubbenivāsānussatiñāṇassa yathākammupagañāṇassa ... Anāgataṁsañāṇassa
parikammaṁ anāgataṁsañāṇassa anantarapaccayena paccayo gotrabhu
maggassa vodānaṁ maggassa anulomaṁ phalasamāpattiyā anantarapaccayena
paccayo. Nakāmāvacaro dhammo nakāmāvacarassa dhammassa anantarapaccayena
paccayo: purimā purimā nakāmāvacarā khandhā pacchimānaṁ
pacchimānaṁ khandhānaṁ anantarapaccayena paccayo maggo phalassa phalaṁ
phalassa nirodhā vuṭṭhahantassa nevasaññānāsaññāyatanaṁ phalasamāpattiyā
anantarapaccayena paccayo. Nakāmāvacaro dhammo kāmāvacarassa
dhammassa anantarapaccayena paccayo: nakāmāvacaraṁ cuticittaṁ
kāmāvacarassa upapatticittassa nakāmāvacaraṁ bhavaṅgaṁ āvajjanāya
nakāmāvacarā khandhā kāmāvacarassa vuṭṭhānassa anantarapaccayena paccayo.
... Samanantarapaccayena paccayo: sahajātapaccayena paccayo: satta
aññamaññapaccayena paccayo: cha nissayapaccayena paccayo: satta.

[741] Kāmāvacaro dhammo kāmāvacarassa dhammassa upanissayapaccayena
paccayo: ārammaṇūpanissayo anantarūpanissayo pakatūpanissayo
.pe. Pakatūpanissayo: kāmāvacaraṁ saddhaṁ upanissāya dānaṁ deti
sīlaṁ ... Uposathakammaṁ ... Vipassanaṁ ... .pe. Mānaṁ jappeti diṭṭhiṁ gaṇhāti
kāmāvacaraṁ sīlaṁ .pe. Paññaṁ ... Rāgaṁ patthanaṁ kāyikaṁ sukhaṁ kāyikaṁ
dukkhaṁ utuṁ bhojanaṁ ... Senāsanaṁ upanissāya dānaṁ deti vipassanaṁ ...
.pe. Pāṇaṁ hanati .pe. Saṅghaṁ bhindati kāmāvacarā saddhā
.pe. Senāsanaṁ kāmāvacarāya saddhāya .pe. Patthanāya kāyikassa
sukhassa kāyikassa dukkhassa upanissayapaccayena paccayo. Kāmāvacaro
dhammo nakāmāvacarassa dhammassa upanissayapaccayena paccayo:
anantarūpanissayo pakatūpanissayo .pe. Pakatūpanissayo: kāmāvacaraṁ
saddhaṁ upanissāya nakāmāvacaraṁ jhānaṁ uppādeti maggaṁ ... Abhiññaṁ ...
Samāpattiṁ uppādeti kāmāvacaraṁ sīlaṁ ... .pe. Senāsanaṁ upanissāya
nakāmāvacaraṁ jhānaṁ uppādeti maggaṁ ... Abhiññaṁ ... Samāpattiṁ
uppādeti kāmāvacarā saddhā ... .pe. Senāsanaṁ nakāmāvacarāya
saddhāya .pe. Paññāya maggassa phalasamāpattiyā upanissayapaccayena
paccayo paṭhamassa jhānassa parikammaṁ paṭhamassa jhānassa
.pe. Catutthassa jhānassa ... Ākāsānañcāyatanassa ... Paṭhamassa
maggassa ... Catutthassa maggassa parikammaṁ ... .pe. Nakāmāvacaro dhammo
nakāmāvacarassa dhammassa upanissayapaccayena paccayo: ārammaṇūpanissayo
Anantarūpanissayo pakatūpanissayo .pe. Pakatūpanissayo:
nakāmāvacaraṁ saddhaṁ upanissāya nakāmāvacaraṁ jhānaṁ uppādeti maggaṁ ...
Abhiññaṁ ... Samāpattiṁ uppādeti nakāmāvacaraṁ sīlaṁ ... .pe. Paññaṁ
upanissāya nakāmāvacaraṁ jhānaṁ uppādeti maggaṁ ... Abhiññaṁ ...
Samāpattiṁ uppādeti nakāmāvacarā saddhā ... .pe. Paññā
nakāmāvacarāya saddhāya .pe. Paññāya maggassa phalasamāpattiyā
upanissayapaccayena paccayo paṭhamaṁ jhānaṁ dutiyassa jhānassa
upanissayapaccayena paccayo .pe. Tatiyaṁ jhānaṁ ... Catutthaṁ jhānaṁ ...
Ākāsānañcāyatanaṁ viññāṇañcāyatanassa ākiñcaññāyatanaṁ
nevasaññānāsaññāyatanassa upanissayapaccayena paccayo paṭhamo
maggo dutiyassa dutiyo maggo tatiyassa tatiyo maggo catutthassa
maggassa upanissayapaccayena paccayo maggo phalasamāpattiyā upanissayapaccayena
paccayo. Nakāmāvacaro dhammo kāmāvacarassa dhammassa
upanissayapaccayena paccayo: ārammaṇūpanissayo anantarūpanissayo
pakatūpanissayo .pe. Pakatūpanissayo: nakāmāvacaraṁ saddhaṁ
upanissāya dānaṁ deti sīlaṁ ... Uposathakammaṁ ... Vipassanaṁ uppādeti
mānaṁ jappeti diṭṭhiṁ gaṇhāti nakāmāvacaraṁ sīlaṁ ... .pe. Paññaṁ
upanissāya dānaṁ deti sīlaṁ ... Uposathakammaṁ ... Vipassanaṁ uppādeti
mānaṁ jappeti diṭṭhiṁ gaṇhāti nakāmāvacarā saddhā ... .pe. Paññā
kāmāvacarāya saddhāya paññāya rāgassa patthanāya kāyikassa sukhassa
Kāyikassa dukkhassa upanissayapaccayena paccayo ariyā maggaṁ
upanissāya saṅkhāre aniccato vipassanti maggo ariyānaṁ
atthapaṭisambhidāya dhammapaṭisambhidāya niruttipaṭisambhidāya paṭibhānapaṭisambhidāya
ṭhānāṭhānakosallassa upanissayapaccayena paccayo
phalasamāpatti kāyikassa sukhassa upanissayapaccayena paccayo.

[742] Kāmāvacaro dhammo kāmāvacarassa dhammassa purejātapaccayena
paccayo: ārammaṇapurejātaṁ vatthupurejātaṁ. Ārammaṇapurejātaṁ:
cakkhuṁ ... Vatthuṁ aniccato .pe. Domanassaṁ uppajjati
rūpāyatanaṁ cakkhuviññāṇassa phoṭṭhabbāyatanaṁ kāyaviññāṇassa.
Vatthupurejātaṁ: cakkhāyatanaṁ cakkhuviññāṇassa kāyāyatanaṁ ... Vatthu
kāmāvacarānaṁ khandhānaṁ purejātapaccayena paccayo. Kāmāvacaro
dhammo nakāmāvacarassa dhammassa purejātapaccayena paccayo:
ārammaṇapurejātaṁ vatthupurejātaṁ. Ārammaṇapurejātaṁ: dibbena cakkhunā
rūpaṁ passati dibbāya sotadhātuyā saddaṁ suṇāti. Vatthupurejātaṁ:
vatthu nakāmāvacarānaṁ khandhānaṁ purejātapaccayena paccayo. ...
Pacchājātapaccayena paccayo: dve āsevanapaccayena paccayo: tīṇi.

[743] Kāmāvacaro dhammo kāmāvacarassa dhammassa kammapaccayena
paccayo: sahajātā nānākhaṇikā. Saṅkhittaṁ. Nakāmāvacaro
dhammo nakāmāvacarassa dhammassa kammapaccayena paccayo: sahajātā
nānākhaṇikā. Nakāmāvacaro dhammo kāmāvacarassa dhammassa
Kammapaccayena paccayo: sahajātā nānākhaṇikā. Saṅkhittaṁ. Nakāmāvacaro
dhammo kāmāvacarassa ca nakāmāvacarassa ca dhammassa kammapaccayena
paccayo: sahajātā nānākhaṇikā. Saṅkhittaṁ. ... Vipākapaccayena
paccayo: cattāri āhārapaccayena paccayo: cattāri indriyapaccayena
paccayo: cattāri jhānapaccayena paccayo: cattāri
maggapaccayena paccayo: cattāri sampayuttapaccayena paccayo: dve.