[274] Nahetuyā pañca nādhipatiyā pañca napurejāte
pañca napacchājāte pañca nāasevane pañca nakamme tīṇi
navipāke pañca najhāne pañca namagge pañca nasampayutte
pañca navippayutte pañca.
Evaṁ itare dve gaṇanāpi sampayuttavāropi kātabbā.
Pañhāvāro

[275] Bāhiro dhammo bāhirassa dhammassa hetupaccayena paccayo:
bāhirā hetū sampayuttakānaṁ khandhānaṁ cittasamuṭṭhānānañca rūpānaṁ
hetupaccayena paccayo paṭisandhikkhaṇe bāhirā hetū sampayuttakānaṁ
khandhānaṁ bāhirānañca kaṭattārūpānaṁ hetupaccayena paccayo.
Bāhiro dhammo ajjhattikassa dhammassa hetupaccayena paccayo:
bāhirā hetū cittassa hetupaccayena paccayo paṭisandhikkhaṇe bāhirā
hetū cittassa ajjhattikānañca kaṭattārūpānaṁ hetupaccayena paccayo.
Bāhiro dhammo ajjhattikassa ca bāhirassa ca dhammassa hetupaccayena
paccayo: bāhirā hetū sampayuttakānaṁ khandhānaṁ cittassa ca
cittasamuṭṭhānānañca rūpānaṁ hetupaccayena paccayo paṭisandhikkhaṇe
bāhirā hetū sampayuttakānaṁ khandhānaṁ cittassa ca ajjhattikānañca
bāhirānañca kaṭattārūpānaṁ hetupaccayena paccayo.

[276] Ajjhattiko dhammo ajjhattikassa dhammassa ārammaṇapaccayena
paccayo: cittaṁ ārabbha cittaṁ uppajjati. Mūlaṁ pucchitabbaṁ
Cittaṁ ārabbha bāhirā khandhā uppajjanti. Mūlaṁ pucchitabbaṁ
cittaṁ ārabbha cittañca sampayuttakā ca khandhā uppajjanti.
Bāhiro dhammo bāhirassa dhammassa ārammaṇapaccayena paccayo:
dānaṁ ... Sīlaṁ ... Uposathakammaṁ katvā taṁ paccavekkhati assādeti
abhinandati taṁ ārabbha rāgo .pe. Domanassaṁ uppajjati pubbe
suciṇṇāni paccavekkhati jhānā vuṭṭhahitvā jhānaṁ ... Ariyā
maggā vuṭṭhahitvā maggaṁ ... Phalaṁ ... Nibbānaṁ paccavekkhanti nibbānaṁ
gotrabhussa vodānassa maggassa phalassa āvajjanāya ārammaṇapaccayena
paccayo ariyā bāhire pahīne kilese paccavekkhanti
vikkhambhite kilese ... Pubbe samudāciṇṇe kilese jānanti
rūpe .pe. Vatthuṁ ... Bāhire khandhe aniccato .pe. Domanassaṁ
uppajjati dibbena cakkhunā rūpaṁ passati dibbāya sotadhātuyā
saddaṁ suṇāti cetopariyañāṇena bāhiracittasamaṅgissa cittaṁ jānāti
ākāsānañcāyatanaṁ viññāṇañcāyatanassa ākiñcaññāyatanaṁ
nevasaññānāsaññāyatanassa rūpāyatanaṁ cakkhuviññāṇasahagatānaṁ khandhānaṁ
ārammaṇapaccayena paccayo phoṭṭhabbāyatanaṁ ... Bāhirā khandhā
iddhividhañāṇassa cetopariyañāṇassa pubbenivāsānussatiñāṇassa
yathākammupagañāṇassa anāgataṁsañāṇassa āvajjanāya ārammaṇapaccayena
paccayo. Bāhiro dhammo ajjhattikassa dhammassa ārammaṇapaccayena
paccayo: dānaṁ ... Sīlaṁ ... Uposathakammaṁ ... Taṁ paccavekkhati
Assādeti abhinandati taṁ ārabbha cittaṁ uppajjati pubbe
suciṇṇāni ... Jhānā vuṭṭhahitvā jhānaṁ .... Saṅkhittaṁ sabbaṁ
kātabbaṁ. Pubbe samudāciṇṇe ... Rūpe .pe. Vatthuṁ aniccato
vipassati .pe. Assādeti abhinandati taṁ ārabbha cittaṁ
uppajjati dibbena cakkhunā rūpaṁ passati. Saṅkhittaṁ. Rūpāyatanaṁ
cakkhuviññāṇassa phoṭṭhabbāyatanaṁ ... Bāhirā khandhā iddhividhañāṇassa
cetopariyañāṇassa pubbenivāsānussatiñāṇassa
yathākammupagañāṇassa anāgataṁsañāṇassa āvajjanāya ārammaṇapaccayena
paccayo. Bāhiro dhammo ajjhattikassa ca bāhirassa ca
dhammassa ārammaṇapaccayena paccayo: dānaṁ ... Sīlaṁ ... Uposathakammaṁ ...
Taṁ paccavekkhati assādeti abhinandati taṁ ārabbha cittañca
sampayuttakā ca khandhā uppajjanti. Saṅkhittaṁ sabbaṁ kātabbaṁ.
Bāhire khandhe aniccato vipassati .pe. Assādeti abhinandati
taṁ ārabbha cittañca sampayuttakā ca khandhā uppajjanti dibbena
cakkhunā rūpaṁ passati. Saṅkhittaṁ. Rūpāyatanaṁ cakkhuviññāṇassa
sampayuttakānañca khandhānaṁ phoṭṭhabbāyatanaṁ ... Bāhirā khandhā
iddhividhañāṇassa cetopariyañāṇassa pubbenivāsānussatiñāṇassa
yathākammupagañāṇassa anāgataṁsañāṇassa āvajjanāya ārammaṇapaccayena
paccayo. Ajjhattiko ca bāhiro ca dhammā ajjhattikassa
dhammassa ārammaṇapaccayena paccayo: tīṇi.

[277] Ajjhattiko dhammo ajjhattikassa dhammassa
adhipatipaccayena paccayo: ārammaṇādhipati: ajjhattike khandhe cittaṁ
garuṁ katvā cittaṁ uppajjati. Ajjhattiko dhammo bāhirassa dhammassa
adhipatipaccayena paccayo: ārammaṇādhipati sahajātādhipati. Ārammaṇādhipati:
cittaṁ garuṁ katvā bāhirā khandhā uppajjanti. Sahajātādhipati:
cittādhipati sampayuttakānaṁ khandhānaṁ cittasamuṭṭhānānañca rūpānaṁ
adhipatipaccayena paccayo. Mūlaṁ pucchitabbaṁ ārammaṇādhipati:
ajjhattikaṁ cittaṁ garuṁ katvā cittañca sampayuttakā ca khandhā
uppajjanti. Bāhiro dhammo bāhirassa dhammassa adhipatipaccayena
paccayo: ārammaṇādhipati sahajātādhipati. Ārammaṇādhipati: dānaṁ
datvā ... Tīṇi. Dve adhipatī tiṇṇampi kātabbā. Ajjhattiko ca
bāhiro ca dhammā ajjhattikassa dhammassa adhipatipaccayena paccayo:
tīṇi. Tiṇṇampi ekāyeva adhipati.

[278] Ajjhattiko dhammo ajjhattikassa dhammassa anantarapaccayena
paccayo: purimaṁ purimaṁ cittaṁ pacchimassa pacchimassa cittassa
anantarapaccayena paccayo tīṇi. Bāhiro dhammo bāhirassa
dhammassa anantarapaccayena paccayo: purimā purimā bāhirā khandhā
pacchimānaṁ pacchimānaṁ khandhānaṁ anantarapaccayena paccayo anulomaṁ
gotrabhussa tīṇi. Tiṇṇampi ekasadisā. Ajjhattiko ca
bāhiro ca dhammā ajjhattikassa dhammassa anantarapaccayena paccayo:
Tīṇi. ... Samanantarapaccayena paccayo: sahajātapaccayena paccayo: nava
paṭiccasadisā. ... Aññamaññapaccayena paccayo: pañca
paṭiccasadisā. ... Nissayapaccayena paccayo: nava paccayavārasadisā.

[279] Ajjhattiko dhammo ajjhattikassa dhammassa upanissayapaccayena
paccayo: ārammaṇūpanissayo anantarūpanissayo pakatūpanissayo
.pe. Pakatūpanissayo: cittaṁ cittassa upanissayapaccayena paccayo
tīṇi. Bāhiro dhammo bāhirassa dhammassa upanissayapaccayena
paccayo: ārammaṇūpanissayo anantarūpanissayo pakatūpanissayo .pe.
Pakatūpanissayo: saddhaṁ upanissāya dānaṁ deti dānaṁ jappeti diṭṭhiṁ
gaṇhāti sīlaṁ .pe. Senāsanaṁ uppanissāya dānaṁ deti .pe.
Saṅghaṁ bhindati saddhā .pe. Senāsanaṁ saddhāya .pe.
Phalasamāpattiyā upanissayapaccayena paccayo. Tīṇipi pūretvā
kātabbā cittassāti kātabbā sampayuttakānañcāti kātabbā.
Ajjhattiko ca bāhiro ca dhammā ajjhattikassa dhammassa
upanissayapaccayena paccayo: tīṇi.

[280] Ajjhattiko dhammo ajjhattikassa dhammassa purejātapaccayena
paccayo: ārammaṇapurejātaṁ vatthupurejātaṁ. Ārammaṇapurejātaṁ:
cakkhuṁ .pe. Kāyaṁ aniccato vipassati .pe. Assādeti
abhinandati taṁ ārabbha cittaṁ uppajjati. Vatthupurejātaṁ: cakkhāyatanaṁ
cakkhuviññāṇassa kāyāyatanaṁ kāyaviññāṇassa purejātapaccayena
Paccayo. Ajjhattiko dhammo bāhirassa dhammassa purejātapaccayena
paccayo: ārammaṇapurejātaṁ vatthupurejātaṁ. Ārammaṇapurejātaṁ:
cakkhuṁ .pe. Kāyaṁ aniccato vipassati .pe. Assādeti .pe.
Domanassaṁ uppajjati. Vatthupurejātaṁ: cakkhāyatanaṁ cakkhuviññāṇasahagatānaṁ
khandhānaṁ kāyāyatanaṁ kāyaviññāṇasahagatānaṁ khandhānaṁ
purejātapaccayena paccayo. Ajjhattiko dhammo ajjhattikassa ca
bāhirassa ca dhammassa purejātapaccayena paccayo: ārammaṇapurejātaṁ
vatthupurejātaṁ. Ārammaṇapurejātaṁ: cakkhuṁ .pe. Kāyaṁ aniccato
vipassati .pe. Taṁ ārabbha cittañca sampayuttakā ca khandhā
uppajjanti. Vatthupurejātaṁ: cakkhāyatanaṁ cakkhuviññāṇassa
sampayuttakānañca khandhānaṁ kāyāyatanaṁ kāyaviññāṇassa sampayuttakānañca
khandhānaṁ purejātapaccayena paccayo. Bāhiro dhammo bāhirassa
dhammassa purejātapaccayena paccayo: ārammaṇapurejātaṁ vatthupurejātaṁ.
Ārammaṇapurejātaṁ: rūpe .pe. Phoṭṭhabbe ... Vatthuṁ aniccato
vipassati .pe. Domanassaṁ uppajjati. Vatthupurejātaṁ: vatthu bāhirānaṁ
khandhānaṁ purejātapaccayena paccayo. Bāhiro dhammo ajjhattikassa
dhammassa purejātapaccayena paccayo: ārammaṇapurejātaṁ vatthupurejātaṁ.
Ārammaṇapurejātaṁ: rūpe .pe. Phoṭṭhabbe ... Vatthuṁ aniccato
vipassati .pe. Taṁ ārabbha cittaṁ uppajjati. Vatthupurejātaṁ: vatthu
cittassa purejātapaccayena paccayo. Bāhiro dhammo ajjhattikassa ca
Bāhirassa ca dhammassa purejātapaccayena paccayo: ārammaṇapurejātaṁ
vatthupurejātaṁ. Ārammaṇapurejātaṁ: rūpe .pe. Phoṭṭhabbe ... Vatthuṁ
aniccato .pe. Taṁ ārabbha cittañca sampayuttakā ca khandhā
uppajjanti. Vatthupurejātaṁ: vatthu cittassa sampayuttakānañca khandhānaṁ
purejātapaccayena paccayo. Ajjhattiko ca bāhiro ca dhammā
ajjhattikassa dhammassa purejātapaccayena paccayo: ārammaṇapurejātaṁ
vatthupurejātaṁ. Cakkhāyatanañca vatthu ca cittassa kāyāyatanañca
vatthu ca cittassa purejātapaccayena paccayo rūpāyatanañca
cakkhāyatanañca cakkhuviññāṇassa phoṭṭhabbāyatanañca kāyāyatanañca
kāyaviññāṇassa purejātapaccayena paccayo. Ajjhattiko ca bāhiro ca
dhammā bāhirassa dhammassa purejātapaccayena paccayo: ārammaṇapurejātaṁ
vatthupurejātaṁ. Cakkhāyatanañca vatthu ca bāhirānaṁ khandhānaṁ
purejātapaccayena paccayo kāyāyatanañca vatthu ca bāhirānaṁ khandhānaṁ
purejātapaccayena paccayo rūpāyatanañca cakkhāyatanañca cakkhuviññāṇasahagatānaṁ
khandhānaṁ purejātapaccayena paccayo phoṭṭhabbāyatanañca
kāyāyatanañca kāyaviññāṇasahagatānaṁ khandhānaṁ purejātapaccayena
paccayo. Ajjhattiko ca bāhiro ca dhammā ajjhattikassa ca
bāhirassa ca dhammassa purejātapaccayena paccayo: ārammaṇapurejātaṁ
vatthupurejātaṁ. Cakkhāyatanañca vatthu ca cittassa sampayuttakānañca
khandhānaṁ purejātapaccayena paccayo kāyāyatanañca vatthu ca ...
Rūpāyatanañca cakkhāyatanañca cakkhuviññāṇassa sampayuttakānañca
khandhānaṁ purejātapaccayena paccayo phoṭṭhabbāyatanañca ....

[281] Ajjhattiko dhammo ajjhattikassa dhammassa pacchājātapaccayena
paccayo: pacchājātā: ajjhattikā khandhā purejātassa
imassa ajjhattikassa kāyassa pacchājātapaccayena paccayo. Mūlaṁ
kātabbaṁ pacchājātā: ajjhattikā khandhā purejātassa imassa
bāhirassa kāyassa pacchājātapaccayena paccayo. Mūlaṁ kātabbaṁ
pacchājātā: ajjhattikā khandhā purejātassa imassa ajjhattikassa ca
bāhirassa ca kāyassa pacchājātapaccayena paccayo. Evaṁ navapi pañhā
kātabbā. ... Āsevanapaccayena paccayo: nava pañhā kātabbā.

[282] Bāhiro dhammo bāhirassa dhammassa kammapaccayena paccayo:
sahajātā nānākhaṇikā. Sahajātā: bāhirā cetanā sampayuttakānaṁ
khandhānaṁ cittasamuṭṭhānānañca rūpānaṁ kammapaccayena paccayo.
Nānākhaṇikā: bāhirā cetanā vipākānaṁ bāhirānaṁ khandhānaṁ kaṭattā ca
rūpānaṁ kammapaccayena paccayo. Bāhiro dhammo ajjhattikassa
dhammassa kammapaccayena paccayo: sahajātā nānākhaṇikā. Sahajātā:
bāhirā cetanā cittassa kammapaccayena paccayo. Nānākhaṇikā:
bāhirā cetanā vipākassa cittassa ajjhattikānañca kaṭattārūpānaṁ
kammapaccayena paccayo. Bāhiro dhammo ajjhattikassa ca bāhirassa ca
dhammassa kammapaccayena paccayo: sahajātā nānākhaṇikā. Sahajātā:
Bāhirā cetanā sampayuttakānaṁ khandhānaṁ cittassa ca cittasamuṭṭhānānañca
rūpānaṁ kammapaccayena paccayo. Nānākhaṇikā: bāhirā
cetanā vipākānaṁ khandhānaṁ cittassa ca ajjhattikānañca bāhirānañca
kaṭattā rūpānaṁ kammapaccayena paccayo. ... Vipākapaccayena paccayo: nava.

[283] Ajjhattiko dhammo ajjhattikassa dhammassa āhārapaccayena
paccayo: paṭisandhikkhaṇe ajjhattikā āhārā ajjhattikānaṁ
kaṭattārūpānaṁ āhārapaccayena paccayo. Ajjhattiko dhammo
bāhirassa dhammassa āhārapaccayena paccayo: ajjhattikā āhārā
sampayuttakānaṁ khandhānaṁ cittasamuṭṭhānānañca rūpānaṁ āhārapaccayena
paccayo paṭisandhikkhaṇe ajjhattikā āhārā sampayuttakānaṁ
khandhānaṁ bāhirānañca kaṭattārūpānaṁ āhārapaccayena paccayo.
Mūlaṁ kātabbaṁ paṭisandhikkhaṇe ajjhattikā āhārā sampayuttakānaṁ
khandhānaṁ ajjhattikānañca bāhirānañca kaṭattārūpānaṁ āhārapaccayena
paccayo. Bāhiro dhammo bāhirassa dhammassa āhārapaccayena
paccayo: bāhirā āhārā sampayuttakānaṁ khandhānaṁ cittasamuṭṭhānānañca
rūpānaṁ āhārapaccayena paccayo paṭisandhikkhaṇe bāhiro
kabaḷiṁkāro āhāro bāhirassa kāyassa āhārapaccayena paccayo.
Bāhiro dhammo ajjhattikassa dhammassa āhārapaccayena paccayo:
bāhirā āhārā cittassa āhārapaccayena paccayo paṭisandhikkhaṇe
bāhirā āhārā cittassa ajjhattikānañca kaṭattārūpānaṁ
Āhārapaccayena paccayo bāhiro kabaḷiṁkāro āhāro ajjhattikassa
kāyassa āhārapaccayena paccayo. Bāhiro dhammo ajjhattikassa
ca bāhirassa ca dhammassa āhārapaccayena paccayo: bāhirā
āhārā sampayuttakānaṁ khandhānaṁ cittassa ca cittasamuṭṭhānānañca
rūpānaṁ āhārapaccayena paccayo paṭisandhikkhaṇe bāhirā āhārā
sampayuttakānaṁ khandhānaṁ cittassa ca ajjhattikānañca bāhirānañca
kaṭattārūpānaṁ āhārapaccayena paccayo bāhiro kabaḷiṁkāro āhāro
ajjhattikassa ca bāhirassa ca kaṭattārūpānaṁ āhārapaccayena
paccayo. Ajjhattiko ca bāhiro ca dhammā ajjhattikassa
dhammassa āhārapaccayena paccayo: paṭisandhikkhaṇe ajjhattikā ca
bāhirā ca āhārā ajjhattikānaṁ kaṭattārūpānaṁ āhārapaccayena
paccayo. Ajjhattiko ca bāhiro ca dhammā bāhirassa dhammassa
āhārapaccayena paccayo: ajjhattikā ca bāhirā ca āhārā
sampayuttakānaṁ khandhānaṁ cittasamuṭṭhānānañca rūpānaṁ āhārapaccayena
paccayo paṭisandhikkhaṇe ajjhattikā ca bāhirā ca āhārā
sampayuttakānaṁ khandhānaṁ bāhirānañca kaṭattārūpānaṁ āhārapaccayena
paccayo. Ajjhattiko ca bāhiro ca dhammā ajjhattikassa ca
bāhirassa ca dhammassa āhārapaccayena paccayo: paṭisandhikkhaṇe
ajjhattikā ca bāhirā ca āhārā sampayuttakānaṁ khandhānaṁ ajjhattikānañca
bāhirānañca kaṭattārūpānaṁ āhārapaccayena paccayo.