[264] Hetupaccayā nāarammaṇe nava ... Nādhipatiyā nava.
Saṅkhittaṁ.

[265] Nahetupaccayā ārammaṇe pañca ... Anantare pañca
samanantare pañca sahajāte nava. Saṅkhittaṁ.
Sahajātavāropi paṭiccavārasadiso.
Paccayavāro

[266] Ajjhattikaṁ dhammaṁ paccayā ajjhattiko dhammo
uppajjati hetupaccayā: tīṇi paṭiccasadisā. Bāhiraṁ dhammaṁ paccayā
bāhiro dhammo uppajjati hetupaccayā: bāhiraṁ ekaṁ khandhaṁ
paccayā dve khandhā cittasamuṭṭhānañca rūpaṁ dve khandhe ...
Paṭisandhikkhaṇe dvepi kātabbā yāva ajjhattikā mahābhūtā vatthuṁ
Paccayā bāhirā khandhā. Bāhiraṁ dhammaṁ paccayā ajjhattiko
dhammo uppajjati hetupaccayā: bāhire khandhe paccayā cittaṁ
vatthuṁ paccayā cittaṁ paṭisandhikkhaṇe dvepi kātabbā. Bāhiraṁ
dhammaṁ paccayā ajjhattiko ca bāhiro ca dhammā uppajjanti
hetupaccayā: bāhiraṁ ekaṁ khandhaṁ paccayā dve khandhā
cittasamuṭṭhānañca rūpaṁ dve khandhe ... Vatthuṁ paccayā cittaṁ
sampayuttakā ca khandhā paṭisandhikkhaṇe dvepi kātabbā.
Ajjhattikañca bāhirañca dhammaṁ paccayā ajjhattiko dhammo uppajjati
hetupaccayā: paṭisandhikkhaṇe cittañca sampayuttake ca khandhe
paccayā ajjhattikaṁ kaṭattārūpaṁ. Ajjhattikañca bāhirañca dhammaṁ
paccayā bāhiro dhammo uppajjati hetupaccayā: bāhiraṁ ekaṁ
khandhañca cittañca paccayā dve khandhā cittasamuṭṭhānañca rūpaṁ
cittañca mahābhūte ca paccayā cittasamuṭṭhānaṁ rūpaṁ cittañca
vatthuñca paccayā bāhirā khandhā paṭisandhikkhaṇe tīṇipi kātabbā.
Ajjhattikañca bāhirañca dhammaṁ paccayā ajjhattiko ca bāhiro ca
dhammā uppajjanti hetupaccayā: paṭisandhikkhaṇe bāhiraṁ ekaṁ khandhañca
cittañca paccayā dve khandhā ajjhattikañca bāhirañca kaṭattārūpaṁ
dve khandhe ....

[267] Ajjhattikaṁ dhammaṁ paccayā ajjhattiko dhammo
uppajjati ārammaṇapaccayā: cakkhāyatanaṁ paccayā cakkhuviññāṇaṁ
Kāyāyatanaṁ .... Ajjhattikaṁ dhammaṁ paccayā bāhiro dhammo uppajjati
ārammaṇapaccayā: cakkhāyatanañca cakkhuviññāṇañca paccayā
cakkhuviññāṇasahagatā khandhā kāyāyatanañca ... Cittaṁ paccayā
sampayuttakā khandhā paṭisandhikkhaṇe .pe. Ajjhattikaṁ dhammaṁ paccayā
ajjhattiko ca bāhiro ca dhammā uppajjanti ārammaṇapaccayā:
cakkhāyatanaṁ paccayā cakkhuviññāṇaṁ sampayuttakā ca khandhā
kāyāyatanaṁ .... Bāhiraṁ dhammaṁ paccayā bāhiro dhammo uppajjati
ārammaṇapaccayā: bāhiraṁ ekaṁ khandhaṁ paccayā dve khandhā dve
khandhe ... Paṭisandhikkhaṇe vatthuṁ paccayā bāhirā khandhā. Bāhiraṁ
dhammaṁ paccayā ajjhattiko dhammo uppajjati ārammaṇapaccayā:
bāhire khandhe paccayā cittaṁ vatthuṁ paccayā cittaṁ paṭisandhikkhaṇe
dvepi kātabbā. Bāhiraṁ dhammaṁ paccayā ajjhattiko ca bāhiro ca
dhammā uppajjanti ārammaṇapaccayā: vatthuṁ paccayā cittaṁ
sampayuttakā ca khandhā paṭisandhikkhaṇe ekaṁ. Ajjhattikañca
bāhirañca dhammaṁ paccayā ajjhattiko dhammo uppajjati ārammaṇapaccayā:
cakkhuviññāṇasahagate khandhe ca cakkhāyatanañca paccayā
cakkhuviññāṇaṁ kāyaviññāṇasahagate .... Ajjhattikañca bāhirañca
dhammaṁ paccayā bāhiro dhammo uppajjati ārammaṇapaccayā:
cakkhuviññāṇasahagataṁ ekaṁ khandhañca cakkhāyatanañca cakkhuviññāṇañca
paccayā dve khandhā dve khandhe ... Kāyaviññāṇasahagataṁ ...
Bāhiraṁ ekaṁ khandhañca cittañca paccayā dve khandhā dve
khandhe ... Cittañca vatthuñca paccayā bāhirā khandhā paṭisandhikkhaṇe
dvepi kātabbā. Ajjhattikañca bāhirañca dhammaṁ paccayā
ajjhattiko ca bāhiro ca dhammā uppajjanti ārammaṇapaccayā:
cakkhuviññāṇasahagataṁ ekaṁ khandhañca cakkhāyatanañca paccayā dve
khandhā cakkhuviññāṇañca dve khandhe .... Saṅkhittaṁ.

[268] Hetuyā nava ārammaṇe nava adhipatiyā pañca
anantare nava samanantare nava sahajāte nava aññamaññe nava
nissaye nava upanissaye nava purejāte nava āsevane nava
kamme nava sabbattha nava avigate nava.

[269] Ajjhattikaṁ dhammaṁ paccayā ajjhattiko dhammo uppajjati
nahetupaccayā: ahetukapaṭisandhikkhaṇe cittaṁ paccayā ajjhattikaṁ
kaṭattārūpaṁ cakkhāyatanaṁ paccayā cakkhuviññāṇaṁ. Saṅkhittaṁ. Evaṁ
navapi pañhā kātabbā pañcaviññāṇampi pavesetabbaṁ tīṇi yeva
moho.

[270] Nahetuyā nava nāarammaṇe nava nādhipatiyā nava
nānantare nava nasamanantare nava nāññamaññe nava naupanissaye
nava napurejāte nava napacchājāte nava nāasevane nava nakamme
tīṇi navipāke pañca nāahāre ekaṁ naindriye ekaṁ najhāne
nava namagge nava nasampayutte nava navippayutte pañca
Nonatthiyā nava novigate nava.
Evaṁ itare dve gaṇanāpi nissayavāropi kātabbā.
Saṁsaṭṭhavāro

[271] Ajjhattikaṁ dhammaṁ saṁsaṭṭho bāhiro dhammo uppajjati
hetupaccayā: cittaṁ saṁsaṭṭhā sampayuttakā khandhā paṭisandhikkhaṇe
cittaṁ saṁsaṭṭhā sampayuttakā khandhā. Bāhiraṁ dhammaṁ saṁsaṭṭho
bāhiro dhammo uppajjati hetupaccayā: bāhiraṁ ekaṁ khandhaṁ saṁsaṭṭhā
dve khandhā dve khandhe ... Paṭisandhikkhaṇe .pe. Bāhiraṁ
dhammaṁ saṁsaṭṭho ajjhattiko dhammo uppajjati hetupaccayā: bāhire
khandhe saṁsaṭṭhaṁ cittaṁ paṭisandhikkhaṇe .pe. Bāhiraṁ dhammaṁ saṁsaṭṭho
ajjhattiko ca bāhiro ca dhammā uppajjanti hetupaccayā: bāhiraṁ
ekaṁ khandhaṁ saṁsaṭṭhā dve khandhā cittañca dve khandhe ...
Paṭisandhikkhaṇe .pe. Ajjhattikañca bāhirañca dhammaṁ saṁsaṭṭho
bāhiro dhammo uppajjati hetupaccayā: bāhiraṁ ekaṁ khandhañca
cittañca saṁsaṭṭhā dve khandhā dve khandhe ... Paṭisandhikkhaṇe
.pe. Saṅkhittaṁ.

[272] Hetuyā pañca ārammaṇe pañca adhipatiyā pañca
sabbattha pañca avigate pañca.

[273] Ajjhattikaṁ dhammaṁ saṁsaṭṭho bāhiro dhammo uppajjati
nahetupaccayā: evaṁ pañca kātabbā tīṇiyeva moho.