[294] Upādā dhammaṁ paṭicca noupādā dhammo uppajjati
ārammaṇapaccayā: padhisandhikkhaṇe vatthuṁ paṭicca noupādā khandhā.
Noupādā dhammaṁ paṭicca noupādā dhammo uppajjati ārammaṇapaccayā:
noupādā ekaṁ khandhaṁ paṭicca tayo khandhā dve khandhe ...
Paṭisandhikkhaṇe .pe. Upādā ca noupādā ca dhammaṁ paṭicca
noupādā dhammo uppajjati ārammaṇapaccayā: paṭisandhikkhaṇe
Noupādā ekaṁ khandhañca vatthuñca paṭicca tayo khandhā dve khandhe ....

[295] Noupādā dhammaṁ paṭicca noupādā dhammo uppajjati
adhipatipaccayā: noupādā ekaṁ khandhaṁ paṭicca tayo khandhā
noupādā ca cittasamuṭṭhānaṁ rūpaṁ dve khandhe .... Noupādā
dhammaṁ paṭicca upādā dhammo uppajjati adhipatipaccayā: noupādā
khandhe paṭicca upādā cittasamuṭṭhānaṁ rūpaṁ. Noupādā dhammaṁ
paṭicca upādā ca noupādā ca dhammā uppajjanti
adhipatipaccayā: noupādā ekaṁ khandhaṁ paṭicca tayo khandhā upādā ca
noupādā ca cittasamuṭṭhānaṁ rūpaṁ dve khandhe .... ... Anantarapaccayā:
tīṇi samanantarapaccayā: tīṇi sahajātapaccayā: pañca.

[296] Upādā dhammaṁ paṭicca noupādā dhammo uppajjati
aññamaññapaccayā: paṭisandhikkhaṇe vatthuṁ paṭicca noupādā khandhā.
Noupādā dhammaṁ paṭicca noupādā dhammo uppajjati aññamaññapaccayā:
noupādā ekaṁ khandhaṁ paṭicca tayo khandhā dve khandhe ...
Ekaṁ mahābhūtaṁ .pe. Asaññasattānaṁ ekaṁ mahābhūtaṁ paṭicca tayo
mahābhūtā dve mahābhūte paṭicca dve mahābhūtā. Noupādā
dhammaṁ paṭicca noupādā dhammo uppajjati aññamaññapaccayā:
paṭisandhikkhaṇe noupādā khandhe paṭicca vatthu. Noupādā dhammaṁ
paṭicca upādā ca noupādā ca dhammā uppajjanti aññamaññapaccayā:
paṭisandhikkhaṇe noupādā ekaṁ khandhaṁ paṭicca tayo
Khandhā vatthu ca dve khandhe .... Upādā ca noupādā ca dhammaṁ
paṭicca noupādā dhammo uppajjati aññamaññapaccayā:
paṭisandhikkhaṇe noupādā ekaṁ khandhañca vatthuñca paṭicca tayo
khandhā dve khandhe .... Saṅkhittaṁ.

[297] Hetuyā pañca ārammaṇe tīṇi adhipatiyā tīṇi
anantare tīṇi samanantare tīṇi sahajāte pañca aññamaññe
pañca nissaye pañca upanissaye tīṇi purejāte ekaṁ
āsevane ekaṁ kamme pañca vipāke pañca sabbattha pañca
sampayutte tīṇi vippayutte pañca atthiyā pañca natthiyā
tīṇi vigate tīṇi avigate pañca.

[298] Upādā dhammaṁ paṭicca noupādā dhammo uppajjati
nahetupaccayā: ahetukapaṭisandhikkhaṇe vatthuṁ paṭicca noupādā khandhā.
Noupādā dhammaṁ paṭicca noupādā dhammo uppajjati nahetupaccayā:
ahetukaṁ noupādā ekaṁ khandhaṁ paṭicca tayo khandhā noupādā ca
cittasamuṭṭhānaṁ rūpaṁ dve khandhe ... Ahetukapaṭisandhikkhaṇe ekaṁ
mahābhūtaṁ .pe. Asaññasattānaṁ ekaṁ mahābhūtaṁ paṭicca tayo mahābhūtā
dve mahābhūte paṭicca dve mahābhūtā. Noupādā dhammaṁ paṭicca
upādā dhammo uppajjati nahetupaccayā: ahetuke noupādā khandhe
paṭicca upādā cittasamuṭṭhānaṁ rūpaṁ ahetukapaṭisandhikkhaṇe mahābhūte
paṭicca upādā cittasamuṭṭhānaṁ rūpaṁ kaṭattārūpaṁ upādārūpaṁ yāva
Asaññasattā. Noupādā dhammaṁ paṭicca upādā ca noupādā ca
dhammā uppajjanti nahetupaccayā: ahetukaṁ noupādā ekaṁ khandhaṁ
paṭicca tayo khandhā upādā ca noupādā ca cittasamuṭṭhānaṁ rūpaṁ
ahetukapaṭisandhi. Upādā ca noupādā ca dhammaṁ paṭicca noupādā
dhammo uppajjati nahetupaccayā: ahetukapaṭisandhikkhaṇe noupādā
ekaṁ khandhañca vatthuñca paṭicca tayo khandhā dve khandhe ....

[299] Noupādā dhammaṁ paṭicca noupādā dhammo uppajjati
nāarammaṇapaccayā: noupādā khandhe paṭicca noupādā cittasamuṭṭhānaṁ
rūpaṁ paṭisandhikkhaṇe ekaṁ mahābhūtaṁ yāva asaññasattā dve
mahābhūte paṭicca dve mahābhūtā. Noupādā dhammaṁ paṭicca upādā
dhammo uppajjati nāarammaṇapaccayā: noupādā khandhe paṭicca
upādā cittasamuṭṭhānaṁ rūpaṁ paṭisandhikkhaṇe mahābhūte paṭicca
upādā cittasamuṭṭhānaṁ rūpaṁ kaṭattārūpaṁ upādārūpaṁ yāva
asaññasattā. Noupādā dhammaṁ paṭicca upādā ca noupādā ca
dhammā uppajjanti nāarammaṇapaccayā: noupādā khandhe paṭicca
upādā ca noupādā ca cittasamuṭṭhānaṁ rūpaṁ paṭisandhi. ...
Nādhipatipaccayā: pañca nānantarapaccayā: tīṇi. Saṅkhittaṁ. ...
Naupanissayapaccayā: napurejātapaccayā: pañca napacchājātapaccayā:
pañca nāasevanapaccayā: pañca.

[300] Noupādā dhammaṁ paṭicca noupādā dhammo uppajjati
Nakammapaccayā: noupādā khandhe paṭicca sampayuttakā cetanā
bāhiraṁ ... Āhārasamuṭṭhānaṁ ... Utusamuṭṭhānaṁ ... Dve mahābhūte
paṭicca dve mahābhūtā. Noupādā dhammaṁ paṭicca upādā dhammo
uppajjati nakammapaccayā: bāhire ... Āhārasamuṭṭhāne ... Utusamuṭṭhāne
mahābhūte paṭicca upādārūpaṁ. Noupādā dhammaṁ paṭicca upādā ca
noupādā ca dhammā uppajjanti nakammapaccayā: bāhiraṁ ...
Āhārasamuṭṭhānaṁ ... Utusamuṭṭhānaṁ ekaṁ mahābhūtaṁ paṭicca tayo mahābhūtā
upādā ca rūpaṁ.

[301] Noupādā dhammaṁ paṭicca noupādā dhammo uppajjati
navipākapaccayā: noupādā ekaṁ khandhaṁ paṭicca tayo khandhā
noupādā ca cittasamuṭṭhānaṁ rūpaṁ ekaṁ mahābhūtaṁ yāva asaññasattā
evaṁ tīṇi noupādāmūlake.

[302] Noupādā dhammaṁ paṭicca noupādā dhammo uppajjati
nāahārapaccayā: bāhiraṁ ... Utusamuṭṭhānaṁ ... Asaññasattānaṁ ekaṁ
mahābhūtaṁ ... Dve mahābhūte paṭicca dve mahābhūtā. Noupādā dhammaṁ
paṭicca upādā dhammo uppajjati nāahārapaccayā: bāhiraṁ ...
Utusamuṭṭhānaṁ ... Asaññasattānaṁ mahābhūte paṭicca upādārūpaṁ.
Noupādā dhammaṁ paṭicca upādā ca noupādā ca dhammā
uppajjanti nāahārapaccayā: bāhiraṁ ... Utusamuṭṭhānaṁ ekaṁ
mahābhūtaṁ paṭicca tayo mahābhūtā upādā ca rūpaṁ.

[303] Noupādā dhammaṁ paṭicca noupādā dhammo uppajjati
naindriyapaccayā: bāhiraṁ ... Āhārasamuṭṭhānaṁ ... Utusamuṭṭhānaṁ ekaṁ
mahābhūtaṁ .... Noupādā dhammaṁ paṭicca upādā dhammo uppajjati
naindriyapaccayā: bāhire mahābhūte ... Āhārasamuṭṭhāne ...
Utusamuṭṭhāne ... Asaññasattānaṁ mahābhūte paṭicca rūpajīvitindriyaṁ.
Noupādā dhammaṁ paṭicca upādā ca noupādā ca dhammā
uppajjanti naindriyapaccayā: bāhiraṁ ... Āhārasamuṭṭhānaṁ ...
Utusamuṭṭhānaṁ ekaṁ mahābhūtaṁ ....