[365] Āsavasampayuttaṁ dhammaṁ paṭicca āsavasampayutto dhammo
uppajjati adhipatipaccayā: tīṇi. Āsavavippayuttaṁ dhammaṁ paṭicca
Āsavavippayutto dhammo uppajjati adhipatipaccayā: āsavavippayuttaṁ
ekaṁ khandhaṁ paṭicca tato khandhā cittasamuṭṭhānañca rūpaṁ dve
khandhe ... Domanassasahagataṁ mohaṁ paṭicca cittasamuṭṭhānaṁ rūpaṁ ekaṁ
mahābhūtaṁ ... Mahābhūte paṭicca cittasamuṭṭhānaṁ rūpaṁ upādārūpaṁ.
Āsavavippayuttaṁ dhammaṁ paṭicca āsavasampayutto dhammo uppajjati
adhipatipaccayā: domanassasahagataṁ mohaṁ paṭicca sampayuttakā khandhā.
Āsavavippayuttaṁ dhammaṁ paṭicca āsavasampayutto ca āsavavippayutto
ca dhammā uppajjanti adhipatipaccayā: domanassasahagataṁ
mohaṁ paṭicca sampayuttakā khandhā cittasamuṭṭhānañca rūpaṁ.
Āsavasampayuttañca āsavavippayuttañca dhammaṁ paṭicca āsavasampayutto
dhammo uppajjati adhipatipaccayā: domanassasahagataṁ ekaṁ khandhañca
mohañca paṭicca tayo khandhā dve khandhe .... Āsavasampayuttañca
āsavavippayuttañca dhammaṁ paṭicca āsavavippayutto dhammo uppajjati
adhipatipaccayā: āsavasampayutte khandhe ca mahābhūte ca paṭicca
cittasamuṭṭhānaṁ rūpaṁ domanassasahagate khandhe ca mohañca paṭicca
cittasamuṭṭhānaṁ rūpaṁ. Āsavasampayuttañca āsavavippayuttañca dhammaṁ
paṭicca āsavasampayutto ca āsavavippayutto ca dhammā uppajjanti
adhipatipaccayā: domanassasahagataṁ ekaṁ khandhañca mohañca paṭicca
tayo khandhā cittasamuṭṭhānañca rūpaṁ dve khandhe .... Evaṁ
sabbe paccayā vitthāretabbā. Saṅkhittaṁ.

[366] Hetuyā nava ārammaṇe cha adhipatiyā nava anantare
cha samanantare cha sahajāte nava aññamaññe cha nissaye
nava upanissaye cha purejāte cha āsevane cha kamme nava
vipāke ekaṁ āhāre nava indriye nava jhāne nava magge
nava sampayutte cha vippayutte nava atthiyā nava natthiyā
cha vigate cha avigate nava.
Anulomaṁ niṭṭhitaṁ.

[367] Āsavasampayuttaṁ dhammaṁ paṭicca āsavavippayutto dhammo
uppajjati nahetupaccayā: vicikicchāsahagate uddhaccasahagate khandhe
paṭicca vicikicchāsahagato uddhaccasahagato moho. Āsavavippayuttaṁ
dhammaṁ paṭicca āsavavippayutto dhammo uppajjati nahetupaccayā:
ahetukaṁ āsavavippayuttaṁ ekaṁ khandhaṁ paṭicca tayo khandhā
cittasamuṭṭhānañca rūpaṁ dve khandhe ... Ahetukapaṭisandhi yāva
asaññasattā.

[368] Āsavasampayuttaṁ dhammaṁ paṭicca āsavavippayutto dhammo
uppajjati nāarammaṇapaccayā: āsavasampayutte khandhe paṭicca
cittasamuṭṭhānaṁ rūpaṁ. Āsāvippayuttaṁ dhammaṁ paṭicca āsavavippayutto
dhammo uppajjati nāarammaṇapaccayā: āsavavippayutte khandhe
paṭicca cittasamuṭṭhānaṁ rūpaṁ domanassasahagataṁ vicikicchāsahagataṁ
uddhaccasahagataṁ mohaṁ paṭicca cittasamuṭṭhānaṁ rūpaṁ paṭisandhikkhaṇe
Khandhe paṭicca vatthu ekaṁ mahābhūtaṁ ... Yāva asaññasattā.
Āsavasampayuttañca āsavavippayuttañca dhammaṁ paṭicca āsavavippayutto
dhammo uppajjati nāarammaṇapaccayā: āsavasampayutte
khandhe ca mahābhūte ca paṭicca cittasamuṭṭhānaṁ rūpaṁ domanassasahagate
vicikicchāsahagate uddhaccasahagate khandhe ca mohañca paṭicca cittasamuṭṭhānaṁ
rūpaṁ.

[369] Āsavasampayuttaṁ dhammaṁ paṭicca āsavasampayutto dhammo
uppajjati nādhipatipaccayā:. Saṅkhittaṁ.

[370] Āsavasampayuttaṁ dhammaṁ paṭicca āsavasampayutto dhammo
uppajjati napurejātapaccayā: arūpe āsavasampayuttaṁ ekaṁ khandhaṁ
paṭicca tayo khandhā dve khandhe .... Āsavasampayuttaṁ dhammaṁ
paṭicca āsavavippayutto dhammo uppajjati napurejātapaccayā:
arūpe vicikicchāsahagate uddhaccasahagate khandhe paṭicca vicikicchāsahagato
uddhaccasahagato moho āsavasampayutte khandhe paṭicca
cittasamuṭṭhānaṁ rūpaṁ. Āsavasampayuttaṁ dhammaṁ paṭicca āsavasampayutto
ca āsavavippayutto ca dhammā uppajjanti napurejātapaccayā:
arūpe vicikicchāsahagataṁ uddhaccasahagataṁ ekaṁ khandhaṁ paṭicca
tayo khandhā moho ca dve khandhe .... Āsavavippayuttaṁ dhammaṁ
paṭicca āsavavippayutto dhammo uppajjati napurejātapaccayā:
arūpe āsavavippayuttaṁ ekaṁ khandhaṁ paṭicca tayo khandhā dve khandhe ...
Āsavavippayutte khandhe paṭicca cittasamuṭṭhānaṁ rūpaṁ domanassasahagataṁ
vicikicchāsahagataṁ uddhaccasahagataṁ mohaṁ paṭicca cittasamuṭṭhānaṁ rūpaṁ
paṭisandhi yāva asaññasattā. Āsavavippayuttaṁ dhammaṁ paṭicca
āsavasampayutto dhammo uppajjati napurejātapaccayā: arūpe
vicikicchāsahagataṁ uddhaccasahagataṁ mohaṁ paṭicca sampayuttakā khandhā.
Āsavasampayuttañca āsavavippayuttañca dhammaṁ paṭicca āsavasampayutto
dhammo uppajjati napurejātapaccayā: arūpe vicikicchāsahagataṁ
uddhaccasahagataṁ ekaṁ khandhañca mohañca paṭicca tayo
khandhā dve khandhe .... Āsavasampayuttañca āsavavippayuttañca
dhammaṁ paṭicca āsavavippayutto dhammo uppajjati napurejātapaccayā:
āsavasampayutte khandhe ca mahābhūte ca paṭicca cittasamuṭṭhānaṁ
rūpaṁ domanassasahagate vicikicchāsahagate uddhaccasahagate khandhe ca
mohañca paṭicca cittasamuṭṭhānaṁ rūpaṁ. Dve. Napacchājātapaccayā:
nava nāasevanapaccayā: nava.

[371] Āsavasampayuttaṁ dhammaṁ paṭicca āsavasampayutto dhammo
uppajjati nakammapaccayā: āsavasampayutte khandhe paṭicca sampayuttakā
cetanā. Āsavavippayuttaṁ dhammaṁ paṭicca āsavavippayutto
dhammo uppajjati nakammapaccayā: āsavavippayutte khandhe paṭicca
vippayuttakā cetanā. Āsavavippayuttaṁ dhammaṁ paṭicca āsavasampayutto
dhammo uppajjati nakammapaccayā: domanassasahagataṁ
Vicikicchāsahagataṁ uddhaccasahagataṁ mohaṁ paṭicca sampayuttakā cetanā.
Āsavasampayuttañca āsavavippayuttañca dhammaṁ paṭicca āsavasampayutto
dhammo uppajjati nakammapaccayā: domanassasahagate
vicikicchāsahagate uddhaccasahagate khandhe ca mohañca paṭicca sampayuttakā
cetanā. Navipākapaccayā: nāahārapaccayā: naindriyapaccayā:
najhānapaccayā: namaggapaccayā: nasampayuttapaccayā: navippayuttapaccayā:
nonatthipaccayā: novigatapaccayā:.

[372] Nahetuyā dve nāarammaṇe tīṇi nādhipatiyā nava
nānantare tīṇi nasamanantare tīṇi nāññamaññe tīṇi naupanissaye
tīṇi napurejāte satta napacchājāte nava nāasevane
nava nakamme cattāri navipāke nava nāahāre ekaṁ
naindriye ekaṁ najhāne ekaṁ namagge ekaṁ nasampayutte
tīṇi navippayutte cha nonatthiyā tīṇi novigate tīṇi.
Paccanīyaṁ niṭṭhitaṁ.

[373] Hetupaccayā nāarammaṇe tīṇi ... Napurejāte cha navipāke
nava nasampayutte tīṇi navippayutte cattāri nonatthiyā
tīṇi novigate tīṇi.
Anulomapaccanīyaṁ niṭṭhitaṁ.

[374] Nahetupaccayā ārammaṇe dve ... Anantare dve
samanantare dve kamme dve vipāke ekaṁ āhāre dve magge
Ekaṁ samupayutte dve vippayutte dve vigate dve avigate dve.
Paccanīyānulomaṁ niṭṭhitaṁ.
Sahajātavāro paṭiccavārasadiso.
Paccayavāro