[385] Āsavasampayutto dhammo āsavasampayuttassa dhammassa
Ārammaṇapaccayena paccayo: āsavasampayutte khandhe ārabbha āsavasampayuttā
khandhā uppajjanti. Āsavasampayutto dhammo āsavavippayuttassa
dhammassa ārammaṇapaccayena paccayo: āsavasampayutte
khandhe ārabbha āsavavippayuttā khandhā ca moho ca
uppajjanti. Āsavasampayutto dhammo āsavasampayuttassa ca āsavavippayuttassa
ca dhammassa ārammaṇapaccayena paccayo: āsavasampayutte
khandhe ārabbha domanassasahagatā vicikicchāsahagatā uddhaccasahagatā
khandhā ca moho ca uppajjanti. Āsavavippayutto
dhammo āsavavippayuttassa dhammassa ārammaṇapaccayena paccayo:
dānaṁ ... Sīlaṁ ... Uposathakammaṁ ... Taṁ paccavekkhati pubbe suciṇṇāni ...
Jhānā ... Ariyā maggā vuṭṭhahitvā maggaṁ ... Phalaṁ ... Nibbānaṁ ...
Nibbānaṁ gotrabhussa vodānassa maggassa phalassa āvajjanāya
ārammaṇapaccayena paccayo ariyā āsavavippayutte pahīne kilese
paccavekkhanti vikkhambhite kilese paccavekkhanti pubbe ... Cakkhuṁ ...
Vatthuṁ ... Āsavavippayutte khandhe aniccato dukkhato anattato vipassati.
Idha assādanā natthi. Dibbena cakkhunā rūpaṁ passati dibbāya
sotadhātuyā saddaṁ suṇāti cetopariyañāṇena āsavavippayuttacittasamaṅgissa
cittaṁ jānāti ākāsānañcāyatanaṁ viññāṇañcāyatanassa
ākiñcaññāyatanaṁ nevasaññānāsaññāyatanassa rūpāyatanaṁ
cakkhuviññāṇassa phoṭṭhabbāyatanaṁ kāyaviññāṇassa āsavavippayuttā
Khandhā iddhividhañāṇassa cetopariyañāṇassa pubbenivāsānussatiñāṇassa
yathākammūpagañāṇassa anāgataṁsañāṇassa
āvajjanāya mohassa ārammaṇapaccayena paccayo. Āsavavippayutto
dhammo āsavasampayuttassa dhammassa ārammaṇapaccayena paccayo:
dānaṁ ... Sīlaṁ ... Uposathakammaṁ katvā taṁ assādeti abhinandati taṁ
ārabbha rāgo uppajjati diṭṭhi uppajjati vicikicchā ... Uddhaccaṁ ...
Domanassaṁ uppajjati pubbe suciṇṇāni ... Jhānā vuṭṭhahitvā
jhānaṁ ... Cakkhuṁ ... Vatthuṁ ... Āsavavippayutte khandhe assādeti
abhinandati taṁ ārabbha rāgo ... Diṭṭhi domanassaṁ vicikicchā ...
Uddhaccaṁ uppajjati. Āsavavippayutto dhammo āsavasampayuttassa
ca āsavavippayuttassa ca dhammassa ārammaṇapaccayena
paccayo: cakkhuṁ ... Vatthuṁ ... Āsavavippayutte khandhe ārabbha domanassa-
sahagatā vicikicchāsahagatā uddhaccasahagatā khandhā ca moho ca
uppajjanti. Āsavasampayutto ca āsavavippayutto ca dhammā
āsavasampayuttassa dhammassa ārammaṇapaccayena paccayo: domanassasahagate
vicikicchāsahagate uddhaccasahagate khandhe ca mohañca
ārabbha āsavasampayuttā khandhā uppajjanti. Āsavasampayutto ca
āsavavippayutto ca dhammā āsavavippayuttassa dhammassa ārammaṇapaccayena
paccayo: domanassasahagate vicikicchāsahagate uddhaccasahagate
khandhe ca mohañca ārabbha āsavavippayuttā khandhā ca
Moho ca uppajjanti. Āsavasampayutto ca āsavavippayutto ca
dhammā āsavasampayuttassa ca āsavavippayuttassa ca dhammassa
ārammaṇapaccayena paccayo: domanassasahagate vicikicchāsahagate
uddhaccasahagate khandhe ca mohañca ārabbha domanassasahagatā
vicikicchāsahagatā uddhaccasahagatā khandhā ca moho ca uppajjanti.

[386] Āsavasampayutto dhammo āsavasampayuttassa dhammassa
adhipatipaccayena paccayo: ārammaṇādhipati sahajātādhipati.
Ārammaṇādhipati: āsavasampayutte khandhe garuṁ katvā āsavasampayuttā
khandhā uppajjanti. Sahajātādhipati: āsavasampayuttādhipati
sampayuttakānaṁ khandhānaṁ adhipatipaccayena paccayo. Āsavasampayutto
dhammo āsavavippayuttassa dhammassa adhipatipaccayena
paccayo: sahajātādhipati: āsavasampayuttādhipati cittasamuṭṭhānānaṁ
rūpānaṁ adhipatipaccayena paccayo domanassasahagatādhipati mohassa
cittasamuṭṭhānānañca rūpānaṁ adhipatipaccayena paccayo. Āsavasampayutto
dhammo āsavasampayuttassa ca āsavavippayuttassa ca
dhammassa adhipatipaccayena paccayo: sahajātā: āsavasampayuttādhipati
sampayuttakānaṁ khandhānaṁ cittasamuṭṭhānānañca rūpānaṁ adhipatipaccayena
paccayo domanassasahagatādhipati sampayuttakānaṁ khandhānaṁ
mohassa ca cittasamuṭṭhānānañca rūpānaṁ adhipatipaccayena paccayo.
Āsavavippayutto dhammo āsavavippayuttassa dhammassa adhipatipaccayena
Paccayo: ārammaṇādhipati sahajātādhipati. Ārammaṇādhipati:
dānaṁ ... Sīlaṁ ... Uposathakammaṁ garuṁ katvā paccavekkhati pubbe
suciṇṇāni ... Jhānā vuṭṭhahitvā jhānaṁ ... Ariyā maggā vuṭṭhahitvā
maggaṁ ... Phalaṁ ... Nibbānaṁ garuṁ katvā paccavekkhanti nibbānaṁ
gotrabhussa vodānassa maggassa phalassa adhipatipaccayena paccayo.
Sahajātādhipati: āsavavippayuttādhipati sampayuttakānaṁ khandhānaṁ cittasamuṭṭhānānañca
rūpānaṁ adhipatipaccayena paccayo. Āsavavippayutto
dhammo āsavasampayuttassa dhammassa adhipatipaccayena paccayo:
ārammaṇādhipati: dānaṁ ... Sīlaṁ ... Uposathakammaṁ katvā taṁ garuṁ katvā
assādeti abhinandati taṁ garuṁ katvā rāgo uppajjati diṭṭhi
uppajjati pubbe suciṇṇāni ... Jhānā ... Cakkhuṁ ... Vatthuṁ ...
Āsavavippayutte khandhe garuṁ katvā assādeti abhinandati taṁ garuṁ
katvā rāgo uppajjati diṭṭhi uppajjati.

[387] Āsavasampayutto dhammo āsavasampayuttassa dhammassa
anantarapaccayena paccayo: purimā purimā āsavasampayuttā khandhā
pacchimānaṁ pacchimānaṁ āsavasampayuttānaṁ khandhānaṁ anantarapaccayena
paccayo. Āsavasampayutto dhammo āsavavippayuttassa dhammassa
anantarapaccayena paccayo: purimā purimā domanassasahagatā vicikicchāsahagatā
uddhaccasahagatā khandhā pacchimassa pacchimassa domanassasahagatassa
vicikicchāsahagatassa uddhaccasahagatassa mohassa anantarapaccayena
Paccayo āsavasampayuttā khandhā vuṭṭhānassa anantarapaccayena
paccayo. Āsavasampayutto dhammo āsavasampayuttassa ca
āsavavippayuttassa ca dhammassa anantarapaccayena paccayo: purimā
purimā domanassasahagatā vicikicchāsahagatā uddhaccasahagatā khandhā
pacchimānaṁ pacchimānaṁ domanassasahagatānaṁ vicikicchāsahagatānaṁ uddhaccasahagatānaṁ
khandhānaṁ mohassa ca anantarapaccayena paccayo. Āsavavippayutto
dhammo āsavavippayuttassa dhammassa anantarapaccayena
paccayo: purimo purimo domanassasahagato vicikicchāsahagato
uddhaccasahagato moho pacchimassa pacchimassa domanassasahagatassa
vicikicchāsahagatassa uddhaccasahagatassa mohassa anantarapaccayena
paccayo purimā purimā āsavavippayuttā khandhā pacchimānaṁ pacchimānaṁ
āsavavippayuttānaṁ khandhānaṁ anantarapaccayena paccayo anulomaṁ
gotrabhussa phalasamāpattiyā anantarapaccayena paccayo. Āsavavippayutto
dhammo āsavasampayuttassa dhammassa anantarapaccayena
paccayo: purimo purimo domanassasahagato vicikicchāsahagato
uddhaccasahagato moho pacchimānaṁ pacchimānaṁ domanassasahagatānaṁ
vicikicchāsahagatānaṁ uddhaccasahagatānaṁ khandhānaṁ anantarapaccayena paccayo
āvajjanā āsavasampayuttānaṁ khandhānaṁ anantarapaccayena paccayo.
Āsavavippayutto dhammo āsavasampayuttassa ca āsavavippayuttassa ca
dhammassa anantarapaccayena paccayo: purimo purimo domanassasahagato
Vicikicchāsahagato uddhaccasahagato moho pacchimānaṁ
pacchimānaṁ domanassasahagatānaṁ vicikicchāsahagatānaṁ uddhaccasahagatānaṁ
khandhānaṁ mohassa ca anantarapaccayena paccayo āvajjanā
domanassasahagatānaṁ vicikicchāsahagatānaṁ uddhaccasahagatānaṁ khandhānaṁ
mohassa ca anantarapaccayena paccayo. Āsavasampayutto ca
āsavavippayutto ca dhammā āsavasampayuttassa dhammassa anantarapaccayena
paccayo: purimā purimā domanassasahagatā vicikicchāsahagatā
uddhaccasahagatā khandhā ca moho ca pacchimānaṁ pacchimānaṁ
domanassasahagatānaṁ vicikicchāsahagatānaṁ uddhaccasahagatānaṁ khandhānaṁ
anantarapaccayena paccayo. Āsavasampayutto ca āsavavippayutto ca
dhammā āsavavippayuttassa dhammassa anantarapaccayena paccayo:
purimā purimā domanassasahagatā vicikicchāsahagatā uddhaccasahagatā
khandhā ca moho ca pacchimassa pacchimassa domanassasahagatassa
vicikicchāsahagatassa uddhaccasahagatassa mohassa anantarapaccayena
paccayo domanassasahagatā vicikicchāsahagatā uddhaccasahagatā
khandhā ca moho ca vuṭṭhānassa annatarapaccayena paccayo.
Āsavasampayutto ca āsavavippayutto ca dhammā āsavasampayuttassa ca
āsavavippayuttassa ca dhammassa anantarapaccayena paccayo: purimā
purimā domanassasahagatā vicikicchāsahagatā uddhaccasahagatā khandhā ca
moho ca pacchimānaṁ pacchimānaṁ domanassasahagatānaṁ vicikicchāsahagatānaṁ
Uddhaccasahagatānaṁ khandhānaṁ mohassa ca anantarapaccayena paccayo.
Āsavasampayutto dhammo āsavasampayuttassa dhammassa samanantarapaccayena
paccayo:. Sahajātapaccayena paccayo: nava. Aññamaññapaccayena
paccayo: cha. Nissayapaccayena paccayo: nava.

[388] Āsavasampayutto dhammo āsavasampayuttassa dhammassa
upanissayapaccayena paccayo: ārammaṇūpanissayo anantarūpanissayo
pakatūpanissayo .pe. Pakatūpanissayo: āsavasampayuttā khandhā
āsavasampayuttānaṁ khandhānaṁ upanissayapaccayena paccayo. Āsavasampayutto
dhammo āsavavippayuttassa dhammassa upanissayapaccayena
paccayo: anantarūpanissayo pakatūpanissayo .pe. Pakatūpanissayo:
āsavasampayuttā khandhā āsavavippayuttānaṁ khandhānaṁ mohassa ca
upanissayapaccayena paccayo. Āsavasampayutto dhammo āsavasampayuttassa
ca āsavavippayuttassa ca dhammassa upanissayapaccayena
paccayo: anantarūpanissayo pakatūpanissayo .pe. Pakatūpanissayo:
āsavasampayuttā khandhā domanassasahagatānaṁ vicikicchāsahagatānaṁ
uddhaccasahagatānaṁ khandhānaṁ mohassa ca upanissayapaccayena paccayo.
Āsavavippayutto dhammo āsavavippayuttassa dhammassa upanissayapaccayena
paccayo: ārammaṇūpanissayo anantarūpanissayo pakatūpanissayo
.pe. Pakatūpanissayo: saddhaṁ upanissāya dānaṁ deti
sīlaṁ ... .pe. Paññaṁ kāyikaṁ sukhaṁ senāsanaṁ ... Mohaṁ upanissāya
Samāpattiṁ uppādeti saddhā .pe. Paññā kāyikaṁ sukhaṁ kāyikaṁ
dukkhaṁ moho ca saddhāya mohassa ca upanissayapaccayena paccayo.
Āsavavippayutto dhammo āsavasampayuttassa dhammassa upanissayapaccayena
paccayo: ārammaṇūpanissayo anantarūpanissayo pakatūpanissayo
.pe. Pakatūpanissayo: saddhaṁ upanissāya mānaṁ jappeti
diṭṭhiṁ gaṇhāti sīlaṁ ... .pe. Paññaṁ kāyikaṁ sukhaṁ kāyikaṁ dukkhaṁ
utuṁ bhojanaṁ senāsanaṁ ... Mohaṁ upanissāya pāṇaṁ hanati .pe. Saṅghaṁ
bhindati saddhā ca moho ca rāgassa .pe. Patthanāya upanissayapaccayena
paccayo. Āsavavippayutto dhammo āsavasampayuttassa
ca āsavavippayuttassa ca dhammassa upanissayapaccayena
paccayo: anantarūpanissayo pakatūpanissayo .pe. Pakatūpanissayo:
saddhā ... Sīlaṁ ... Moho domanassasahagatānaṁ vicikicchāsahagatānaṁ
uddhaccasahagatānaṁ khandhānaṁ mohassa ca upanissayapaccayena paccayo.
Āsavasampayutto ca āsavavippayutto ca dhammā āsavasampayuttassa
dhammassa upanissayapaccayena paccayo: anantarūpanissayo pakatūpanissayo
.pe. Pakatūpanissayo: domanassasahagatā vicikicchāsahagatā
uddhaccasahagatā khandhā ca moho ca āsavasampayuttānaṁ
khandhānaṁ upanissayapaccayena paccayo. Pucchitabbaṁ mūlaṁ domanassasahagatā
vicikicchāsahagatā uddhaccasahagatā khandhā ca moho ca
āsavavippayuttānaṁ khandhānaṁ mohassa ca upanissayapaccayena paccayo.
Āsavasampayutto ca āsavavippayutto ca dhammā āsavasampayuttassa ca
āsavavippayuttassa ca dhammassa upanissayapaccayena paccayo: anantarūpanissayo
pakatūpanissayo .pe. Pakatūpanissayo: domanassasahagatā
vicikicchāsahagatā uddhaccasahagatā khandhā ca moho ca domanassasahagatānaṁ
vicikicchāsahagatānaṁ uddhaccasahagatānaṁ khandhānañca mohassa ca
upanissayapaccayena paccayo.

[389] Āsavavippayutto dhammo āsavavippayuttassa dhammassa
purejātapaccayena paccayo: ārammaṇapurejātaṁ vatthupurejātaṁ.
Ārammaṇapurejātaṁ: cakkhuṁ ... Vatthuṁ aniccato dukkhato anattato
vipassati dibbena cakkhunā rūpaṁ passati dibbāya sotadhātuyā
saddaṁ suṇāti rūpāyatanaṁ cakkhuviññāṇassa phoṭṭhabbāyatanaṁ
kāyaviññāṇassa. Vatthupurejātaṁ: cakkhāyatanaṁ cakkhuviññāṇassa
kāyāyatanaṁ kāyaviññāṇassa vatthu āsavavippayuttānaṁ khandhānaṁ
mohassa ca purejātapaccayena paccayo. Āsavavippayutto dhammo
āsavasampayuttassa dhammassa purejātapaccayena paccayo:
ārammaṇapurejātaṁ vatthupurejātaṁ. Ārammaṇapurejātaṁ: cakkhuṁ ...
Vatthuṁ assādeti abhinandati taṁ ārabbha rāgo uppajjati .pe.
Domanassaṁ uppajjati. Vatthupurejātaṁ: vatthu āsavasampayuttānaṁ
khandhānaṁ purejātapaccayena paccayo. Āsavavippayutto dhammo
āsavasampayuttassa ca āsavavippayuttassa ca dhammassa purejātapaccayena
Paccayo: ārammaṇapurejātaṁ vatthupurejātaṁ. Ārammaṇapurejātaṁ:
cakkhuṁ ... Vatthuṁ ārabbha domanassasahagatā vicikicchāsahagatā
uddhaccasahagatā khandhā ca moho ca uppajjanti.
Vatthupurejātaṁ: vatthu domanassasahagatānaṁ vicikicchāsahagatānaṁ uddhaccasahagatānaṁ
khandhānaṁ mohassa ca purejātapaccayena paccayo.

[390] Āsavasampayutto dhammo āsavavippayuttassa dhammassa
pacchājātapaccayena paccayo: pacchājātā āsavasampayuttā khandhā
purejātassa imassa kāyassa pacchājātapaccayena paccayo. Āsavavippayutto
dhammo āsavavippayuttassa dhammassa pacchājātapaccayena
paccayo: pacchājātā āsavavippayuttā khandhā ca moho ca purejātassa
imassa kāyassa pacchājātapaccayena paccayo. Āsavasampayutto
ca āsavavippayutto ca dhammā āsavavippayuttassa dhammassa
pacchājātapaccayena paccayo: pacchājātā domanassasahagatā
vicikicchāsahagatā uddhaccasahagatā khandhā ca moho ca purejātassa
imassa kāyassa pacchājātapaccayena paccayo.

[391] Āsavasampayutto dhammo āsavasampayuttassa dhammassa
āsevanapaccayena paccayo: nava āvajjanāpi vuṭṭhānampi natthi.

[392] Āsavasampayutto dhammo āsavasampayuttassa dhammassa
kammapaccayena paccayo: āsavasampayuttā cetanā sampayuttakānaṁ
khandhānaṁ kammapaccayena paccayo. Āsavasampayutto dhammo āsavavippayuttassa
Dhammassa kammapaccayena paccayo: sahajātā nānākhaṇikā.
Sahajātā: āsavasampayuttā cetanā cittasamuṭṭhānānaṁ
rūpānaṁ kammapaccayena paccayo. Nānākhaṇikā: āsavasampayuttā
cetanā vipākānaṁ khandhānaṁ kaṭattā ca rūpānaṁ kammapaccayena paccayo
domanassasahagatā vicikicchāsahagatā uddhaccasahagatā cetanā mohassa
cittasamuṭṭhānānañca rūpānaṁ kammapaccayena paccayo. Āsavasampayutto
dhammo āsavasampayuttassa ca āsavavippayuttassa ca dhammassa
kammapaccayena paccayo: āsavasampayuttā cetanā sampayuttakānaṁ
khandhānaṁ cittasamuṭṭhānānañca rūpānaṁ kammapaccayena paccayo domanassasahagatā
vicikicchāsahagatā uddhaccasahagatā cetanā sampayuttakānaṁ
khandhānaṁ mohassa ca cittasamuṭṭhānānañca rūpānaṁ kammapaccayena
paccayo. Āsavavippayutto dhammo āsavavippayuttassa dhammassa
kammapaccayena paccayo: sahajātā nānākhaṇikā. Sahajātā:
āsavavippayuttā cetanā sampayuttakānaṁ khandhānaṁ cittasamuṭṭhānānañca
rūpānaṁ kammapaccayena paccayo. Nānākhaṇikā: āsavavippayuttā
cetanā vipākānaṁ khandhānaṁ kaṭattā ca rūpānaṁ kammapaccayena
paccayo.

[393] Āsavavippayutto dhammo āsavavippayuttassa dhammassa
vipākapaccayena paccayo: ekaṁ.

[394] Āsavasampayutto dhammo āsavasampayuttassa dhammassa
Āhārapaccayena paccayo: āsavasampayuttā āhārā sampayuttakānaṁ
khandhānaṁ āhārapaccayena paccayo. Āsavasampayutto dhammo
āsavavippayuttassa dhammassa āhārapaccayena paccayo: āsavasampayuttā
āhārā cittasamuṭṭhānānaṁ rūpānaṁ āhārapaccayena paccayo
domanassasahagatā vicikicchāsahagatā uddhaccasahagatā āhārā mohassa
cittasamuṭṭhānānañca rūpānaṁ āhārapaccayena paccayo.
Āsavasampayutto dhammo āsavasampayuttassa ca āsavavippayuttassa ca
dhammassa āhārapaccayena paccayo: āsavasampayuttā āhārā
sampayuttakānaṁ khandhānaṁ cittasamuṭṭhānānañca rūpānaṁ āhārapaccayena
paccayo domanassasahagatā vicikicchāsahagatā uddhaccasahagatā
āhārā sampayuttakānaṁ khandhānaṁ mohassa ca cittasamuṭṭhānānañca
rūpānaṁ āhārapaccayena paccayo. Āsavavippayutto dhammo
āsavavippayuttassa dhammassa āhārapaccayena paccayo: āsavavippayuttā
āhārā sampayuttakānaṁ khandhānaṁ cittasamuṭṭhānānañca rūpānaṁ
āhārapaccayena paccayo paṭisandhikkhaṇe kabaḷiṁkāro āhāro imassa
kāyassa āhārapaccayena paccayo.