[355] Āsavo dhammo noāsavassa dhammassa vippayuttapaccayena
paccayo: sahajātaṁ pacchājātaṁ. Sahajātā: āsavā cittasamuṭṭhānānaṁ
rūpānaṁ vippayuttapaccayena paccayo. Pacchājātā:
āsavā purejātassa imassa kāyassa vippayuttapaccayena paccayo.
Noāsavo dhammo noāsavassa dhammassa vippayuttapaccayena paccayo:
sahajātaṁ purejātaṁ pacchājātaṁ. Sahajātā: noāsavā khandhā
cittasamuṭṭhānānaṁ rūpānaṁ vippayuttapaccayena paccayo paṭisandhikkhaṇe
khandhā vatthussa vippayuttapaccayena paccayo vatthu khandhānaṁ
vippayuttapaccayena paccayo. Purejātaṁ: cakkhāyatanaṁ cakkhuviññāṇassa
kāyāyatanaṁ kāyaviññāṇassa vatthu noāsavānaṁ khandhānaṁ
vippayuttapaccayena paccayo. Pacchājātā: noāsavā khandhā
Purejātassa imassa kāyassa vippayuttapaccayena paccayo. Noāsavo
dhammo āsavassa dhammassa vippayuttapaccayena paccayo:
purejātaṁ: vatthu āsavānaṁ vippayuttapaccayena paccayo. Noāsavo
dhammo āsavassa ca noāsavassa ca dhammassa vippayuttapaccayena
paccayo: purejātaṁ: vatthu āsavānaṁ sampayuttakānañca khandhānaṁ
vippayuttapaccayena paccayo. Āsavo ca noāsavo ca dhammā
noāsavassa dhammassa vippayuttapaccayena paccayo: sahajātaṁ pacchājātaṁ.
Sahajātā: āsavā ca sampayuttakā ca khandhā cittasamuṭṭhānānaṁ
rūpānaṁ vippayuttapaccayena paccayo. Pacchājātā:
āsavā ca sampayuttakā ca khandhā purejātassa imassa kāyassa
vippayuttapaccayena paccayo.

[356] Āsavo dhammo āsavassa dhammassa atthipaccayena
paccayo: kāmāsavo diṭṭhāsavassa avijjāsavassa atthipaccayena
paccayo. Cakkaṁ. Āsavo dhammo noāsavassa dhammassa atthipaccayena
paccayo: sahajātaṁ pacchājātaṁ. Sahajātā: āsavā
sampayuttakānaṁ khandhānaṁ cittasamuṭṭhānānañca rūpānaṁ atthipaccayena
paccayo. Pacchājātā: āsavā purejātassa imassa kāyassa
atthipaccayena paccayo. Āsavo dhammo āsavassa ca noāsavassa ca
dhammassa atthipaccayena paccayo: kāmāsavo diṭṭhāsavassa
avijjāsavassa sampayuttakānañca khandhānaṁ cittasamuṭṭhānānañca rūpānaṁ
Atthipaccayena paccayo. Noāsavo dhammo noāsavassa dhammassa
atthipaccayena paccayo: sahajātaṁ purejātaṁ pacchājātaṁ āhāraṁ
indriyaṁ. Sahajāto: noāsavo eko khandho tiṇṇannaṁ khandhānaṁ
yāva asaññasattā. Purejātaṁ: cakkhuṁ ... Vatthuṁ aniccato ...
Domanassaṁ uppajjati dibbena cakkhunā rūpaṁ passati dibbāya
sotadhātuyā saddaṁ suṇāti rūpāyatanaṁ cakkhuviññāṇassa phoṭṭhabbāyatanaṁ
kāyaviññāṇassa cakkhāyatanaṁ cakkhuviññāṇassa kāyāyatanaṁ
kāyaviññāṇassa vatthu noāsavānaṁ khandhānaṁ atthipaccayena
paccayo. Pacchājātā: noāsavā khandhā purejātassa imassa
kāyassa atthipaccayena paccayo kabaḷiṁkāro āhāro imassa
kāyassa atthipaccayena paccayo rūpajīvitindriyaṁ kaṭattārūpānaṁ atthipaccayena
paccayo. Noāsavo dhammo āsavassa dhammassa atthipaccayena
paccayo: sahajātaṁ purejātaṁ. Sahajātā: noāsavā
khandhā āsavānaṁ atthipaccayena paccayo. Purejātaṁ: cakkhuṁ ...
Vatthuṁ assādeti abhinandati taṁ ārabbha āsavā uppajjanti vatthu
āsavānaṁ atthipaccayena paccayo. Noāsavo dhammo āsavassa ca
noāsavassa ca dhammassa atthipaccayena paccayo: sahajātaṁ purejātaṁ.
Sahajāto: noāsavo eko khandho tiṇṇannaṁ khandhānaṁ āsavānañca
cittasamuṭṭhānānañca rūpānaṁ atthipaccayena paccayo dve khandhā ....
Cakkaṁ. Āsavo ca noāsavo ca dhammā āsavassa dhammassa atthipaccayena
Paccayo: sahajātaṁ purejātaṁ. Sahajāto: kāmāsavo ca
noāsavā sampayuttakā ca khandhā diṭṭhāsavassa avijjāsavassa
atthipaccayena paccayo. Cakkaṁ. Kāmāsavo ca vatthu ca diṭṭhāsavassa
avijjāsavassa atthipaccayena paccayo. Āsavo ca noāsavo ca
dhammā noāsavassa dhammassa atthipaccayena paccayo: sahajātaṁ
purejātaṁ pacchājātaṁ āhāraṁ indriyaṁ. Sahajāto: noāsavo
eko khandho ca āsavā ca tiṇṇannaṁ khandhānaṁ cittasamuṭṭhānānañca
rūpānaṁ atthipaccayena paccayo sahajātā āsavā ca mahābhūtā ca
cittasamuṭṭhānānaṁ rūpānaṁ atthipaccayena paccayo āsavā ca vatthu ca
noāsavānaṁ khandhānaṁ atthipaccayena paccayo. Pacchājātā:
āsavā ca kabaḷiṁkāro āhāro ca imassa kāyassa atthipaccayena
paccayo pacchājātā: āsavā ca rūpajīvitindriyañca kaṭattārūpānaṁ
atthipaccayena paccayo. Āsavo ca noāsavo ca dhammā
āsavassa ca noāsavassa ca dhammassa atthipaccayena paccayo:
sahajātaṁ purejātaṁ. Sahajāto: noāsavo eko khandho ca
kāmāsavo ca tiṇṇannaṁ khandhānaṁ diṭṭhāsavassa avijjāsavassa
cittasamuṭṭhānānañca rūpānaṁ atthipaccayena paccayo dve khandhe ....
Cakkaṁ bandhitabbaṁ. Sahajāto: kāmāsavo ca vatthu ca diṭṭhāsavassa
avijjāsavassa sampayuttakānañca khandhānaṁ atthipaccayena paccayo.
Cakkaṁ bandhitabbaṁ.

[357] Hetuyā satta ārammaṇe nava adhipatiyā nava
anantare nava samanantare nava sahajāte nava aññamaññe
nava nissaye nava upanissaye nava purejāte tīṇi pacchājāte
tīṇi āsevane nava kamme tīṇi vipāke ekaṁ āhāre
tīṇi. Saṅkhittaṁ. Magge nava sampayutte nava vippayutte
pañca atthiyā nava vigate nava avigate nava.
Anulomaṁ niṭṭhitaṁ.

[358] Āsavo dhammo āsavassa dhammassa ārammaṇapaccayena
paccayo: sahajātapaccayena paccayo: upanissayapaccayena paccayo:.
Āsavo dhammo noāsavassa dhammassa ārammaṇapaccayena paccayo:
sahajātapaccayena paccayo: upanissayapaccayena paccayo: pacchājātapaccayena
paccayo:. Āsavo dhammo āsavassa ca noāsavassa
ca dhammassa ārammaṇapaccayena paccayo: sahajātapaccayena
paccayo: upanissayapaccayena paccayo:. Noāsavo dhammo
noāsavassa dhammassa ārammaṇapaccayena paccayo: sahajātapaccayena
paccayo: upanissayapaccayena paccayo: purejātapaccayena
paccayo: pacchājātapaccayena paccayo: kammapaccayena
paccayo: āhārapaccayena paccayo: indriyapaccayena paccayo:.
Noāsavo dhammo āsavassa dhammassa ārammaṇapaccayena paccayo:
sahajātapaccayena paccayo: upanissayapaccayena paccayo: purejātapaccayena
Paccayo:. Noāsavo dhammo āsavassa ca noāsavassa
ca dhammassa ārammaṇapaccayena paccayo: sahajātapaccayena
paccayo: upanissayapaccayena paccayo: purejātapaccayena
paccayo:. Āsavo ca noāsavo ca dhammā āsavassa
dhammassa ārammaṇapaccayena paccayo: sahajātapaccayena paccayo:
upanissayapaccayena paccayo: purejātapaccayena paccayo:. Āsavo ca
noāsavo ca dhammā noāsavassa dhammassa ārammaṇapaccayena
paccayo: sahajātapaccayena paccayo: upanissayapaccayena paccayo:.
Āsavo ca noāsavo ca dhammā āsavassa ca noāsavassa
ca dhammassa ārammaṇapaccayena paccayo: sahajātapaccayena
paccayo: upanissayapaccayena paccayo:.

[359] Nahetuyā nava nāarammaṇe nava nādhipatiyā nava
sabbattha nava noavigate nava.
Paccanīyaṁ niṭṭhitaṁ.

[360] Hetupaccayā nāarammaṇe satta ... Nādhipatiyā satta
nānantare satta nasamanantare satta nāññamaññe tīṇi naupanissaye
satta sabbattha satta namagge satta nasampayutte tīṇi navippayutte
satta nonatthiyā satta novigate satta.
Anulomapaccanīyaṁ niṭṭhitaṁ.

[361] Nahetupaccayā ārammaṇe nava ... Adhipatiyā nava anulomapadā
paripuṇṇā ... Avigate nava.
Paccanīyānulomaṁ niṭṭhitaṁ.
Āsavadukaṁ niṭṭhitaṁ.
--------
Sāsavadukaṁ
paṭiccavāro

[362] Sāsavaṁ dhammaṁ paṭicca sāsavo dhammo uppajjati hetupaccayā:
sāsavaṁ ekaṁ khandhaṁ paṭicca tayo khandhā cittasamuṭṭhānañca
rūpaṁ dve khandhe ... Paṭisandhikkhaṇe khandhe paṭicca vatthu vatthuṁ
paṭicca khandhā ekaṁ mahābhūtaṁ ... Mahābhūte paṭicca cittasamuṭṭhānaṁ
rūpaṁ kaṭattārūpaṁ upādārūpaṁ. Anāsavaṁ dhammaṁ paṭicca anāsavo
dhammo uppajjati hetupaccayā: anāsavaṁ ekaṁ khandhaṁ paṭicca
tayo khandhā dve khandhe .... Anāsavaṁ dhammaṁ paṭicca sāsavo
dhammo uppajjati hetupaccayā: anāsave khandhe paṭicca cittasamuṭṭhānaṁ
rūpaṁ. Anāsavaṁ dhammaṁ paṭicca sāsavo ca anāsavo ca
dhammā uppajjanti hetupaccayā: anāsavaṁ ekaṁ khandhaṁ paṭicca
tayo khandhā cittasamuṭṭhānañca rūpaṁ dve khandhe ... Sāsavañca
anāsavañca dhammaṁ paṭicca sāsavo dhammo uppajjati hetupaccayā:
anāsave khandhe ca mahābhūte ca paṭicca cittasamuṭṭhānaṁ rūpaṁ.
Yathā cūḷantaraduke lokiyadukaṁ evaṁ kātabbaṁ ninnānākaraṇaṁ.
Sāsavadukaṁ niṭṭhitaṁ.
-----------
Āsavasampayuttadukaṁ
paṭiccavāro

[363] Āsavasampayuttaṁ dhammaṁ paṭicca āsavasampayutto dhammo
uppajjati hetupaccayā: āsavasampayuttaṁ ekaṁ khandhaṁ paṭicca tayo
khandhā dve khandhe .... Āsavasampayuttaṁ dhammaṁ paṭicca āsavavippayutto
dhammo uppajjati hetupaccayā: āsavasampayutte khandhe
paṭicca cittasamuṭṭhānaṁ rūpaṁ domanassasahagate khandhe paṭicca moho
cittasamuṭṭhānañca rūpaṁ. Āsavasampayuttaṁ dhammaṁ paṭicca āsavasampayutto
ca āsavavippayutto ca dhammā uppajjanti hetupaccayā:
āsavasampayuttaṁ ekaṁ khandhaṁ paṭicca tayo khandhā cittasamuṭṭhānañca
rūpaṁ dve khandhe ... Domanassasahagataṁ ekaṁ khandhaṁ paṭicca tayo khandhā
moho cittasamuṭṭhānañca rūpaṁ dve khandhe .... Āsavavippayuttaṁ dhammaṁ
paṭicca āsavavippayutto dhammo uppajjati hetupaccayā: āsavavippayuttaṁ
ekaṁ khandhaṁ paṭicca tayo khandhā cittasamuṭṭhānañca rūpaṁ dve
khandhe ... Domanassasahagataṁ vicikicchāsahagataṁ uddhaccasahagataṁ mohaṁ
paṭicca cittasamuṭṭhānaṁ rūpaṁ paṭisandhikkhaṇe khandhe paṭicca vatthu
vatthuṁ paṭicca khandhā ekaṁ mahābhūtaṁ paṭicca tayo mahābhūtā
Tayo mahābhūte paṭicca ekaṁ mahābhūtaṁ dve mahābhūte paṭicca
dve ... Mahābhūte paṭicca cittasamuṭṭhānaṁ rūpaṁ kaṭattārūpaṁ upādārūpaṁ.
Āsavavippayuttaṁ dhammaṁ paṭicca āsavasampayutto dhammo
uppajjati hetupaccayā: domanassasahagataṁ vicikicchāsahagataṁ uddhaccasahagataṁ
mohaṁ paṭicca sampayuttakā khandhā. Āsavavippayuttaṁ
dhammaṁ paṭicca āsavasampayutto ca āsavavippayutto ca dhammā
uppajjanti hetupaccayā: domanassasahagataṁ vicikicchāsahagataṁ uddhaccasahagataṁ
mohaṁ paṭicca sampayuttakā khandhā cittasamuṭṭhānañca
rūpaṁ. Āsavasampayuttañca āsavavippayuttañca dhammaṁ paṭicca āsavasampayutto
dhammo uppajjati hetupaccayā: domanassasahagataṁ
vicikicchāsahagataṁ uddhaccasahagataṁ ekaṁ khandhañca mohañca paṭicca
tayo khandhā dve khandhe .... Āsavasampayuttañca āsavavippayuttañca
dhammaṁ paṭicca āsavavippayutto dhammo uppajjati hetupaccayā:
āsavasampayutte khandhe ca mahābhūte ca paṭicca cittasamuṭṭhānaṁ
rūpaṁ domanassasahagate vicikicchāsahagate uddhaccasahagate
khandhe ca mohañca paṭicca cittasamuṭṭhānaṁ rūpaṁ. Āsavasampayuttañca
āsavavippayuttañca dhammaṁ paṭicca āsavasampayutto ca āsavavippayutto
ca dhammā uppajjanti hetupaccayā: domanassasahagataṁ
vicikicchāsahagataṁ uddhaccasahagataṁ ekaṁ khandhañca mohañca paṭicca
tayo khandhā cittasamuṭṭhānañca rūpaṁ dve khandhe ....

[364] Āsavasampayuttaṁ dhammaṁ paṭicca āsavasampayutto dhammo
uppajjati ārammaṇapaccayā: āsavasampayuttaṁ ekaṁ khandhaṁ paṭicca
tayo khandhā dve khandhe .... Āsavasampayuttaṁ dhammaṁ paṭicca
āsavavippayutto dhammo uppajjati ārammaṇapaccayā: domanassasahagate
vicikicchāsahagate uddhaccasahagate khandhe paṭicca moho.
Āsavasampayuttaṁ dhammaṁ paṭicca āsavasampayutto ca āsavavippayutto ca
dhammā uppajjanti ārammaṇapaccayā: domanassasahagataṁ vicikicchāsahagataṁ
uddhaccasahagataṁ ekaṁ khandhaṁ paṭicca tayo khandhā moho ca
dve khandhe .... Āsavavippayuttaṁ dhammaṁ paṭicca āsavavippayutto
dhammo uppajjati ārammaṇapaccayā: āsavavippayuttaṁ ekaṁ khandhaṁ
paṭicca tayo khandhā dve khandhe ... Paṭisandhikkhaṇe vatthuṁ
paṭicca khandhā. Āsavavippayuttaṁ dhammaṁ paṭicca āsavasampayutto
dhammo uppajjati ārammaṇapaccayā: domanassasahagataṁ vicikicchāsahagataṁ
uddhaccasahagataṁ mohaṁ paṭicca sampayuttakā khandhā. Āsavasampayuttañca
āsavavippayuttañca dhammaṁ paṭicca āsavasampayutto
dhammo uppajjati ārammaṇapaccayā: domanassasahagataṁ vicikicchāsahagataṁ
uddhaccasahagataṁ ekaṁ khandhañca mohañca paṭicca tayo
khandhā dve khandhe ....