[195] Hetuyā tīṇi ārammaṇe ekaṁ adhipatiyā tīṇi
.pe. Avigate tīṇi.
Anulomaṁ niṭṭhitaṁ.

[196] Anidassanaṁ dhammaṁ paccayā anidassano dhammo uppajjati
nahetupaccayā: ahetukaṁ anidassanaṁ ekaṁ khandhaṁ paccayā tayo
khandhā anidassanaṁ cittasamuṭṭhānañca rūpaṁ dve khandhe ...
Ahetukapaṭisandhikkhaṇe ... Yāva asaññasattā cakkhāyatanaṁ paccayā
cakkhuviññāṇaṁ kāyāyatanaṁ paccayā kāyaviññāṇaṁ vatthuṁ paccayā
ahetukā anidassanā khandhā vicikicchāsahagate uddhaccasahagate
khandhe ca vatthuñca paccayā vicikicchāsahagato uddhaccasahagato
moho. Itarepi dve kātabbā. Saṅkhittaṁ.

[197] Nahetuyā tīṇi nāarammaṇe tīṇi novigate tīṇi.
Paccanīyaṁ niṭṭhitaṁ.

[198] Hetupaccayā nāarammaṇe tīṇi ... Nakamme ekaṁ
navippayutte ekaṁ nonatthiyā tīṇi novigate tīṇi.
Anulomapaccanīyaṁ niṭṭhitaṁ.

[199] Nahetupaccayā ārammaṇe ekaṁ ... Magge ekaṁ avigate
tīṇi.
Paccanīyānulomaṁ niṭṭhitaṁ.
Nissayavāropi evaṁ kātabbo.
Saṁsaṭṭhavāro

[200] Anidassanaṁ dhammaṁ saṁsaṭṭho anidassano dhammo uppajjati
Hetupaccayā: anidassanaṁ ekaṁ khandhaṁ saṁsaṭṭhā tayo khandhā dve
khandhe ... Paṭisandhi.

[201] Anidassanaṁ dhammaṁ saṁsaṭṭho anidassano dhammo uppajjati
ārammaṇapaccayā:. Evaṁ sabbaṁ sappaccayagaṇanāhi saddhiṁ kātabbaṁ.
Sampayuttavāropi saṁsaṭṭhavārasadiso.
Pañhāvāro

[202] Anidassano dhammo anidassanassa dhammassa hetupaccayena
paccayo: anidassanā hetū sampayuttakānaṁ khandhānaṁ anidassanānaṁ
cittasamuṭṭhānānañca rūpānaṁ hetupaccayena paccayo: paṭisandhikkhaṇe ....
Anidassano dhammo sanidassanassa dhammassa hetupaccayena paccayo:
anidassanā hetū sanidassanānaṁ cittasamuṭṭhānānaṁ rūpānaṁ hetupaccayena
paccayo: paṭisandhikkhaṇe .... Anidassano dhammo sanidassanassa ca
anidassanassa ca dhammassa hetupaccayena paccayo: anidassanā hetū
sampayuttakānaṁ khandhānaṁ sanidassanānañca anidassanānañca cittasamuṭṭhānānañca
rūpānaṁ hetupaccayena paccayo: paṭisandhikkhaṇe ....

[203] Sanidassano dhammo anidassanassa dhammassa ārammaṇapaccayena
paccayo: sanidassanaṁ rūpaṁ aniccato ... Domanassaṁ uppajjati
dibbena cakkhunā ... Rūpāyatanaṁ cakkhuviññāṇassa
ārammaṇapaccayena paccayo sanidassanā khandhā iddhividhañāṇassa
pubbenivāsānussatiñāṇassa anāgataṁsañāṇassa āvajjanāya
Ārammaṇapaccayena paccayo:. Anidassano dhammo anidassanassa
dhammassa ārammaṇapaccayena paccayo: dānaṁ ... Sīlaṁ ... Uposathakammaṁ ...
Taṁ paccavekkhati pubbe suciṇṇāni paccavekkhati jhānā
vuṭṭhahitvā jhānaṁ paccavekkhati ariyā maggā vuṭṭhahitvā maggaṁ
paccavekkhanti phalaṁ paccavekkhanti nibbānaṁ paccavekkhanti
nibbānaṁ gotrabhussa vodānassa maggassa phalassa āvajjanāya
ārammaṇapaccayena paccayo ariyā pahīne kilese paccavekkhanti
vikkhambhite kilese ... Pubbe ... Cakkhuṁ ... Kāyaṁ sadde vatthuṁ ...
Anidassane khandhe aniccato ... Domanassaṁ uppajjati dibbāya
sotadhātuyā saddaṁ suṇāti cetopariyañāṇena anidassanacittasamaṅgissa
cittaṁ jānāti ākāsānañcāyatanaṁ viññāṇañcāyatanassa
ākiñcaññāyatanaṁ nevasaññānāsaññāyatanassa saddāyatanaṁ sotaviññāṇassa
phoṭṭhabbāyatanaṁ kāyaviññāṇassa anidassanā khandhā
iddhividhañāṇassa cetopariyañāṇassa pubbenivāsānussatiñāṇassa
yathākammūpagañāṇassa anāgataṁsañāṇassa āvajjanāya ārammaṇapaccayena
paccayo:.

[204] Sanidassano dhammo anidassanassa dhammassa adhipatipaccayena
paccayo: ārammaṇādhipati: anidassanaṁ rūpaṁ garuṁ katvā
assādeti abhinandati taṁ garuṁ katvā rāgo uppajjati diṭṭhi uppajjati.
Anidassano dhammo anidassanassa dhammassa adhipatipaccayena
Paccayo: ārammaṇāpadhiti sahajātādhipati. Ārammaṇādhipati:
dānaṁ datvā sīlaṁ ... Uposathakammaṁ ... Taṁ garuṁ katvā ... Pubbe
suciṇṇāni ... Jhānā vuṭṭhahitvā ... Ariyā maggā vuṭṭhahitvā maggaṁ
garuṁ katvā ... Phalaṁ garuṁ katvā ... Nibbānaṁ gotrabhussa vodānassa
maggassa phalassa adhipatipaccayena paccayo cakkhuṁ ... Vatthuṁ ...
Anidassane khandhe garuṁ katvā assādeti abhinandati taṁ garuṁ katvā
rāgo uppajjati diṭṭhi uppajjati. Sahajātādhipati: anidassanādhipati
sampayuttakānaṁ khandhānaṁ anidassanānaṁ cittasamuṭṭhānānañca rūpānaṁ
adhipatipaccayena paccayo. Anidassano dhammo sanidassanassa dhammassa
adhipatipaccayena paccayo: sahajātādhipati: anidassanādhipati
sanidassanānaṁ cittasamuṭṭhānānaṁ rūpānaṁ adhipatipaccayena paccayo.
Anidassano dhammo sanidassanassa ca anidassanassa ca dhammassa
adhipatipaccayena paccayo: sahajātādhipati: anidassanādhipati sampayuttakānaṁ
khandhānaṁ sanidassanānañca anidassanānañca cittasamuṭṭhānānañca
rūpānaṁ adhipatipaccayena paccayo.