[185] Anidassanaṁ dhammaṁ paṭicca anidassano dhammo uppajjati
hetupaccayā: anidassanaṁ ekaṁ khandhaṁ paṭicca tayo khandhā anidassanaṁ
cittasamuṭṭhānañca rūpaṁ dve khandhe ... Paṭisandhikkhaṇe anidassanaṁ
ekaṁ khandhaṁ paṭicca tayo khandhā anidassanaṁ kaṭattā ca rūpaṁ dve khandhe ...
Khandhe paṭicca vatthu vatthuṁ paṭicca khandhā ekaṁ mahābhūtaṁ ...
Mahābhūte paṭicca anidassanaṁ cittasamuṭṭhānaṁ rūpaṁ kaṭattārūpaṁ upādārūpaṁ.
Anidassanaṁ dhammaṁ paṭicca sanidassano dhammo uppajjati
hetupaccayā: anidassane khandhe paṭicca sanidassanaṁ cittasamuṭṭhānaṁ
Rūpaṁ paṭisandhikkhaṇe mahābhūte paṭicca sanidassanaṁ cittasamuṭṭhānaṁ rūpaṁ
kaṭattārūpaṁ upādārūpaṁ. Anidassanaṁ dhammaṁ paṭicca sanidassano ca
anidassano ca dhammā uppajjanti hetupaccayā: anidassanaṁ ekaṁ khandhaṁ
paṭicca tayo khandhā sanidassanañca anidassanañca cittasamuṭṭhānañca
rūpaṁ dve khandhe ... Paṭisandhikkhaṇe mahābhūte paṭicca sanidassanañca
anidassanañca cittasamuṭṭhānaṁ rūpaṁ kaṭattārūpaṁ upādārūpaṁ.

[186] Anidassanaṁ dhammaṁ paṭicca anidassano dhammo uppajjati
ārammaṇapaccayā: anidassanaṁ ekaṁ khandhaṁ paṭicca tayo khandhā
dve khandhe ... Paṭisandhikkhaṇe vatthuṁ paṭicca khandhā.

[187] Anidassanaṁ dhammaṁ paṭicca anidassano dhammo uppajjati
adhipatipaccayā: anidassanaṁ ekaṁ khandhaṁ paṭicca tayo khandhā anidassanaṁ
cittasamuṭṭhānañca rūpaṁ dve khandhe ... Ekaṁ mahābhūtaṁ paṭicca
tayo mahābhūtā dve mahābhūte ... Mahābhūte paṭicca anidassanaṁ
cittasamuṭṭhānaṁ rūpaṁ upādārūpaṁ. Anidassanaṁ dhammaṁ paṭicca sanidassano
dhammo uppajjati adhipatipaccayā: anidassane khandhe paṭicca
sanidassanaṁ cittasamuṭṭhānaṁ rūpaṁ mahābhūte paṭicca sanidassanaṁ cittasamuṭṭhānaṁ
rūpaṁ upādārūpaṁ. Anidassanaṁ dhammaṁ paṭicca sanidassano ca
anidassano ca dhammā uppajjanti adhipatipaccayā: anidassanaṁ
ekaṁ khandhaṁ paṭicca tayo khandhā sanidassanañca anidassanañca
cittasamuṭṭhānaṁ rūpaṁ dve khandhe ... Mahābhūte paṭicca
Sanidassanañca anidassanañca cittasamuṭṭhānaṁ rūpaṁ upādārūpaṁ.
Saṅkhittaṁ sabbe kātabbā.

[188] Hetuyā tīṇi ārammaṇe ekaṁ adhipatiyā tīṇi
anantare ekaṁ samanantare ekaṁ sahajāte tīṇi aññamaññe
ekaṁ nissaye tīṇi upanissaye ekaṁ purejāte ekaṁ
āsevane ekaṁ kamme tīṇi vipāke tīṇi sabbattha tīṇi
magge tīṇi sampayutte ekaṁ vippayutte tīṇi atthiyā
tīṇi natthiyā ekaṁ vigate ekaṁ avigate tīṇi.
Evaṁ gaṇetabbaṁ.
Anulomaṁ niṭṭhitaṁ.

[189] Anidassanaṁ dhammaṁ paṭicca anidassano dhammo uppajjati
nahetupaccayā: ahetukaṁ anidassanaṁ ekaṁ khandhaṁ paṭicca tayo khandhā
anidassanaṁ cittasamuṭṭhānañca rūpaṁ dve khandhe ... Ahetukapaṭisandhikkhaṇe
khandhe paṭicca vatthu vatthuṁ paṭicca khandhā ekaṁ
mahābhūtaṁ ... Mahābhūte paṭicca anidassanaṁ cittasamuṭṭhānaṁ rūpaṁ kaṭattārūpaṁ
upādārūpaṁ bāhiraṁ ... Āhārasamuṭṭhānaṁ utusamuṭṭhānaṁ asaññasattānaṁ ...
Vicikicchāsahagate uddhaccasahagate khandhe paṭicca vicikicchāsahagato
uddhaccasahagato moho. Anidassanaṁ dhammaṁ paṭicca
sanidassano dhammo uppajjati nahetupaccayā: ahetuke anidassane
khandhe paṭicca sanidassanaṁ cittasamuṭṭhānaṁ rūpaṁ paṭisandhikkhaṇe
Mahābhūte paṭicca sanidassanaṁ cittasamuṭṭhānaṁ rūpaṁ kaṭattārūpaṁ upādārūpaṁ
bāhiraṁ ... Āhārasamuṭṭhānaṁ ... Utusamuṭṭhānaṁ ... Asaññasattānaṁ mahābhūte
paṭicca sanidassanaṁ kaṭattārūpaṁ upādārūpaṁ. Anidassanaṁ dhammaṁ
paṭicca sanidassano ca anidassano ca dhammā uppajjanti nahetupaccayā:
ahetukaṁ anidassanaṁ ekaṁ khandhaṁ paṭicca sanidassanañca
anidassanañca cittasamuṭṭhānaṁ rūpaṁ dve khandhe ... Paṭisandhikkhaṇe
mahābhūte paṭicca ... Bāhiraṁ ... Āhārasamuṭṭhānaṁ ... Utusamuṭṭhānaṁ ...
Asaññasattānaṁ mahābhūte paṭicca sanidassanañca anidassanañca
kaṭattārūpaṁ upādārūpaṁ. Evaṁ sabbe kātabbā.

[190] Nahetuyā tīṇi nāarammaṇe tīṇi nādhipatiyā tīṇi
nānantare tīṇi nasamanantare tīṇi nāññamaññe tīṇi naupanissaye
tīṇi napurejāte tīṇi napacchājāte tīṇi nāasevane
tīṇi nakamme tīṇi navipāke tīṇi nāahāre tīṇi naindriye
tīṇi najhāne tīṇi namagge tīṇi nasampayutte tīṇi navippayutte
tīṇi nonatthiyā tīṇi novigate tīṇi.
Paccanīyaṁ niṭṭhitaṁ.

[191] Hetupaccayā nāarammaṇe tīṇi ... Nādhipatiyā tīṇi
sabbattha tīṇi nakamme ekaṁ navipāke tīṇi nasampayutte tīṇi
navippayutte ekaṁ nonatthiyā tīṇi novigate tīṇi.
Anulomapaccanīyaṁ niṭṭhitaṁ.

[192] Nahetupaccayā ārammaṇe ekaṁ ... Anantare ekaṁ
samanantare ekaṁ sahajāte tīṇi aññamaññe ekaṁ nissaye tīṇi
upanissaye ekaṁ purejāte ekaṁ āsevane ekaṁ kamme tīṇi
saṅkhittaṁ ... Jhāne tīṇi magge ekaṁ sampayutte ekaṁ vippayutte
tīṇi atthiyā tīṇi natthiyā ekaṁ vigate ekaṁ avigate tīṇi.
Paccanīyānulomaṁ niṭṭhitaṁ.
Paccayavāro

[193] Anidassanaṁ dhammaṁ paccayā anidassano dhammo uppajjati
hetupaccayā: anidassanaṁ ekaṁ khandhaṁ paccayā tayo khandhā anidassanaṁ
cittasamuṭṭhānañca rūpaṁ dve khandhe ... Paṭisandhikkhaṇe
khandhe paccayā vatthu vatthuṁ paccayā khandhā ekaṁ mahābhūtaṁ
paccayā ... Mahābhūte paccayā anidassanaṁ cittasamuṭṭhānaṁ rūpaṁ
kaṭattārūpaṁ upādārūpaṁ vatthuṁ paccayā anidassanā khandhā.
Itarepi dve pañhā kātabbā.

[194] Anidassanaṁ dhammaṁ paccayā anidassano dhammo uppajjati
ārammaṇapaccayā: anidassanaṁ ekaṁ khandhaṁ ... Dve khandhe ...
Paṭisandhikkhaṇe vatthuṁ paccayā khandhā cakkhāyatanaṁ paccayā cakkhuviññāṇaṁ
kāyāyatanaṁ paccayā kāyaviññāṇaṁ vatthuṁ paccayā
anidassanā khandhā. Saṅkhittaṁ.