[175] Sappaccayo dhammo sappaccayassa dhammassa hetupaccayena
paccayo: sappaccayā hetū sampayuttakānaṁ khandhānaṁ cittasamuṭṭhānānañca
rūpānaṁ hetupaccayena paccayo paṭisandhikkhaṇe ....

[176] Sappaccayo dhammo sappaccayassa dhammassa ārammaṇapaccayena
paccayo: dānaṁ datvā sīlaṁ samādiyitvā uposathakammaṁ ...
Taṁ paccavekkhati pubbe suciṇṇāni paccavekkhati jhānā vuṭṭhahitvā
jhānaṁ paccavekkhati ariyā maggā vuṭṭhahitvā maggaṁ paccavekkhanti
phalaṁ paccavekkhanti pahīne kilese ... Vikkhambhite kilese
paccevekkhanti pubbe samudāciṇṇe kilese jānanti cakkhuṁ ...
Vatthuṁ ... Sappaccaye khandhe aniccato ... Domanassaṁ uppajjati
dibbena cakkhunā rūpaṁ passati dibbāya sotadhātuyā saddaṁ suṇāti
cetopariyañāṇena sappaccayacittasamaṅgissa cittaṁ jānāti
ākāsānañcāyatanaṁ viññāṇañcāyatanaṁ ākiñcaññāyatanaṁ
nevasaññānāsaññāyatanassa rūpāyatanaṁ cakkhuviññāṇassa phoṭṭhabbāyatanaṁ
kāyaviññāṇassa sappaccayā khandhā iddhividhañāṇassa
cetopariyañāṇassa pubbenivāsānussatiñāṇassa yathākammūpagañāṇassa
anāgataṁsañāṇassa āvajjanāya ārammaṇapaccayena paccayo:.
Appaccayo dhammo sappaccayassa dhammassa ārammaṇapaccayena paccayo:
ariyā nibbānaṁ paccavekkhanti nibbānaṁ gotrabhussa vodānassa
maggassa phalassa āvajjanāya ārammaṇapaccayena paccayo.

[177] Sappaccayo dhammo sappaccayassa dhammassa adhipatipaccayena
paccayo: ārammaṇādhipati sahajātādhipati. Ārammaṇādhipati:
dānaṁ datvā sīlaṁ ... Uposathakammaṁ ... Taṁ garuṁ katvā paccavekkhati
pubbe ... Jhānā ... Ariyā maggā vuṭṭhahitvā maggaṁ garuṁ katvā
paccavekkhanti phalaṁ garuṁ ... Cakkhuṁ ... Vatthuṁ ... Sappaccaye khandhe
Garuṁ katvā assādeti abhinandati taṁ garuṁ katvā rāgo uppajjati
diṭṭhi uppajjati. Sahajātādhipati: sappaccayādhipati sampayuttakānaṁ
khandhānaṁ cittasamuṭṭhānānañca rūpānaṁ adhipatipaccayena paccayo:.
Appaccayo dhammo sappaccayassa dhammassa adhipatipaccayena paccayo:
ārammaṇādhipati ariyā nibbānaṁ garuṁ katvā paccavekkhanti nibbānaṁ
gotrabhussa vodānassa maggassa phalassa adhipatipaccayena paccayo:.

[178] Sappaccayo dhammo sappaccayassa dhammassa anantarapaccayena
paccayo:. Saṅkhittaṁ. Upanissayapaccayena paccayo:
dve pañhā upanissayamūlaṁ. Purejātapaccayena paccayo:.
Saṅkhittaṁ. Avigatapaccayena paccayo: sabbattha ekāyeva pañhā.

[179] Hetuyā ekaṁ ārammaṇe dve adhipatiyā dve
anantare ekaṁ samanantare ekaṁ sahajāte ekaṁ aññamaññe
ekaṁ nissaye ekaṁ upanissaye dve purejāte ekaṁ sabbattha
ekaṁ avigate ekaṁ. Evaṁ gaṇetabbaṁ.
Anulomaṁ niṭṭhitaṁ.

[180] Sappaccayo dhammo sappaccayassa dhammassa ārammaṇapaccayena
paccayo: sahajātapaccayena paccayo: upanissayapaccayena
paccayo: purejātapaccayena paccayo: pacchājātapaccayena
paccayo: kammapaccayena paccayo: āhārapaccayena paccayo: indriyapaccayena
paccayo:. Appaccayo dhammo sappaccayassa dhammassa
Ārammaṇapaccayena paccayo: upanissayapaccayena paccayo:.

[181] Nahetuyā dve nāarammaṇe ekaṁ nādhipatiyā dve
nānantare dve nasamanantare dve. Saṅkhittaṁ. Naupanissaye
dve napurejāte dve. Saṅkhittaṁ. Novigate dve noavigate
dve. Evaṁ gaṇetabbaṁ.
Paccanīyaṁ niṭṭhitaṁ.

[182] Hetupaccayā nāarammaṇe ekaṁ ... Nādhipatiyā ekaṁ
nānantare ekaṁ nasamanantare ekaṁ nāññamaññe ekaṁ naupanissaye
ekaṁ saṅkhittaṁ ... Nasampayutte ekaṁ navippayutte ekaṁ nonatthiyā
ekaṁ novigate ekaṁ evaṁ gaṇetabbaṁ.
Anulomapaccanīyaṁ niṭṭhitaṁ.

[183] Nahetupaccayā ārammaṇe dve ... Adhipatiyā dve anantare
ekaṁ saṅkhittaṁ ... Upanissaye dve purejāte ekaṁ saṅkhittaṁ
... Avigate ekaṁ evaṁ gaṇetabbaṁ.
Paccanīyānulomaṁ niṭṭhitaṁ.
Sappaccayadukaṁ niṭṭhitaṁ.
---------------
Saṅkhatadukaṁ
paṭiccavāro

[184] Saṅkhataṁ dhammaṁ paṭicca saṅkhato dhammo uppajjati hetupaccayā:
saṅkhataṁ ekaṁ khandhaṁ paṭicca tayo khandhā cittasamuṭṭhānañca
rūpaṁ paṭisandhikkhaṇe khandhe paṭicca vatthu vatthuṁ paṭicca khandhā ekaṁ
mahābhūtaṁ ... Mahābhūte paṭicca cittasamuṭṭhānaṁ rūpaṁ kaṭattārūpaṁ upādārūpaṁ.
Imaṁ dukaṁ yathā sappaccayadukaṁ evaṁ kātabbaṁ ninnānākaraṇaṁ.
Saṅkhatadukaṁ niṭṭhitaṁ.
--------------
Sanidassanadukaṁ
paṭiccavāro