[2084] Bahiddhā dhammo bahiddhā dhammassa anantarapaccayena
paccayo purimā purimā bahiddhāti nānākaraṇaṁ taṁyeva gamanaṁ.

[2085] Ajjhatto dhammo ajjhattassa dhammassa samanantarapaccayena
paccayo anantarasadisaṁ .pe. Sahajātapaccayena paccayo
aññamaññapaccayena paccayo nissayapaccayena paccayo upanissayapaccayena
paccayo ārammaṇūpanissayo anantarūpanissayo pakatūpanissayo.
Pakatūpanissayo: ajjhattaṁ saddhaṁ upanissāya dānaṁ deti
sīlaṁ ... Uposathakammaṁ ... Jhānaṁ ... Vipassanaṁ ... Maggaṁ ... Abhiññaṁ ...
Samāpattiṁ uppādeti mānaṁ jappeti diṭṭhiṁ gaṇhāti ajjhattaṁ
sīlaṁ ... Paññaṁ rāgaṁ patthanaṁ kāyikaṁ sukhaṁ kāyikaṁ dukkhaṁ utuṁ bhojanaṁ ...
Senāsanaṁ upanissāya dānaṁ deti ... Samāpattiṁ uppādeti pāṇaṁ hanati
saṅghaṁ bhindati ajjhattā saddhā ... Paññā rāgo patthanā kāyikaṁ
sukhaṁ kāyikaṁ dukkhaṁ ... Senāsanaṁ ajjhattāya saddhāya paññāya rāgassa
patthanāya kāyikassa sukhassa kāyikassa dukkhassa maggassa phalasamāpattiyā
upanissayapaccayena paccayo.

[2086] Ajjhatto dhammo bahiddhā dhammassa upanissayapaccayena
paccayo ārammaṇūpanissayo pakatūpanissayo. Pakatūpanissayo:
paro ajjhattaṁ saddhaṁ upanissāya dānaṁ deti ... Mānaṁ jappeti diṭṭhiṁ
Gaṇhāti paro ajjhattaṁ sīlaṁ ... Senāsanaṁ upanissāya dānaṁ deti ...
Pāṇaṁ hanati saṅghaṁ bhindati ajjhattā saddhā ... Senāsanaṁ bahiddhā
saddhāya maggassa phalasamāpattiyā upanissayapaccayena paccayo.

[2087] Bahiddhā dhammo bahiddhā dhammassa upanissayapaccayena
paccayo ārammaṇūpanissayo anantarūpanissayo pakatūpanissayo.
Pakatūpanissayo: paro bahiddhā saddhaṁ ... Patthanaṁ kāyikaṁ sukhaṁ ...
Senāsanaṁ upanissāya dānaṁ deti ... Saṅghaṁ bhindati bahiddhā saddhā ...
Senāsanaṁ bahiddhā saddhāya phalasamāpattiyā upanissayapaccayena
paccayo.

[2088] Bahiddhā dhammo ajjhattassa dhammassa upanissayapaccayena
paccayo ārammaṇūpanissayo pakatūpanissayo. Pakatūpanissayo:
bahiddhā saddhaṁ ... Senāsanaṁ upanissāya dānaṁ deti ...
Saṅghaṁ bhindati bahiddhā saddhā ... Senāsanaṁ ajjhattāya saddhāya
phalasamāpattiyā upanissayapaccayena paccayo.

[2089] Ajjhatto dhammo ajjhattassa dhammassa purejātapaccayena
paccayo ārammaṇapurejātaṁ vatthupurejātaṁ. Ārammaṇapurejātaṁ:
ajjhattaṁ cakkhuṁ ... Vatthuṁ aniccato dukkhato anattato ...
Domanassaṁ uppajjati dibbena cakkhunā rūpaṁ ... Dibbāya sotadhātuyā
saddaṁ suṇāti rūpāyatanaṁ cakkhuviññāṇassa phoṭṭhabbāyatanaṁ kāyaviññāṇassa
purejātapaccayena paccayo. Vatthupurejātaṁ: cakkhāyatanaṁ
Cakkhuviññāṇassa kāyāyatanaṁ kāyaviññāṇassa vatthu ajjhattānaṁ
khandhānaṁ purejātapaccayena paccayo.

[2090] Ajjhatto dhammo bahiddhā dhammassa purejātapaccayena
paccayo. Ārammaṇapurejātaṁ: paro ajjhattaṁ cakkhuṁ ... Vatthuṁ
aniccato ... Domanassaṁ uppajjati dibbena cakkhunā rūpaṁ passati
dibbāya sotadhātuyā saddaṁ suṇāti ajjhattaṁ rūpāyatanaṁ bahiddhā
cakkhuviññāṇassa ajjhattaṁ phoṭṭhabbāyatanaṁ bahiddhā kāyaviññāṇassa
purejātapaccayena paccayo.

[2091] Bahiddhā dhammo bahiddhā dhammassa purejātapaccacena
paccayo ārammaṇapurejātaṁ vatthupurejātaṁ. Ārammaṇapurejātaṁ:
paro bahiddhā cakkhuṁ ... Vatthuṁ aniccato ... Dibbena cakkhunā rūpaṁ
passati dibbāya sotadhātuyā saddaṁ suṇāti bahiddhā rūpāyatanaṁ
bahiddhā cakkhuviññāṇassa bahiddhā phoṭṭhabbāyatanaṁ bahiddhā kāyaviññāṇassa.
Vatthupurejātaṁ: bahiddhā cakkhāyatanaṁ ... Kāyāyatanaṁ ...
Vatthu bahiddhā khandhānaṁ purejātapaccayena paccayo.

[2092] Bahiddhā dhammo ajjhattassa dhammassa purejātapaccayena
paccayo. Ārammaṇapurejātaṁ: bahiddhā cakkhuṁ ... Vatthuṁ aniccato ...
Domanassaṁ uppajjati dibbena cakkhunā rūpaṁ ... Dibbāya sotadhātuyā
saddaṁ ... Bahiddhā rūpāyatanaṁ ajjhattassa cakkhuviññāṇassa .pe.
Bahiddhā phoṭṭhabbāyatanaṁ ajjhattassa kāyaviññāṇassa purejātapaccayena
Paccayo.

[2093] Ajjhatto ca bahiddhā ca dhammā ajjhattassa dhammassa
purejātapaccayena paccayo ārammaṇapurejātaṁ vatthupurejātaṁ: bahiddhā
rūpāyatanañca ajjhattaṁ cakkhāyatanañca ajjhattassa cakkhuviññāṇassa
purejātapaccayena paccayo bahiddhā phoṭṭhabbāyatanañca
ajjhattaṁ kāyāyatanañca ajjhattassa kāyaviññāṇassa bahiddhā
rūpāyatanañca ajjhattaṁ vatthu ca ... Bahiddhā phoṭṭhabbāyatanañca
ajjhattaṁ vatthu ca ajjhattānaṁ khandhānaṁ purejātapaccayena paccayo.