[2064] Ajjhattaṁ dhammaṁ paccayā ajjhatto dhammo uppajjati
ārammaṇapaccayā paṭiccavārasadisaṁ. Cakkhāyatanaṁ paccayā cakkhuviññāṇaṁ
kāyāyatanaṁ ... Vatthuṁ paccayā ajjhattā khandhā.

[2065] Bahiddhā dhammaṁ paccayā bahiddhā dhammo ... Paṭiccavārasadisaṁ.
Cakkhāyatanaṁ ... Kāyāyatanaṁ ... Vatthuṁ paccayā bahiddhā
khandhā.

[2066] Ajjhattaṁ dhammaṁ paccayā ajjhatto dhammo uppajjati
adhipatipaccayā vatthu atirekaṁ paṭiccavārasadisaṁ. Anantarapaccayā
samanantarapaccayā sahajātapaccayā sahajātavāre paripuṇṇā
mahābhūte paccayā mahābhūtānaṁ khandhānañca pacchā pañcāyatanañca
vatthu ca kātabbā. Aññamaññapaccayā nissayapaccayā.
Saṅkhittaṁ. Avigatapaccayā.

[2067] Hetuyā dve ārammaṇe. Saṅkhittaṁ. Avigate dve.
Anulomaṁ.

[2068] Ajjhattaṁ dhammaṁ paccayā ajjhatto dhammo uppajjati
nahetupaccayā ahetukaṁ ajjhattaṁ ekaṁ khandhaṁ ... Ahetukapaṭisandhikkhaṇe
khandhe paccayā vatthu vatthuṁ paccayā khandhā ekaṁ mahābhūtaṁ ...
Āhāra ... Utu ... Asaññasattānaṁ ... Cakkhāyatanaṁ ... Kāyāyatanaṁ ...
Vatthuṁ paccayā ahetukā ajjhattā khandhā vicikicchāsahagate uddhaccasahagate
khandhe ca vatthuñca paccayā vicikicchāsahagato uddhaccasahagato
moho.

[2069] Bahiddhā dhammaṁ paccayā bahiddhā dhammo ... Nahetupaccayā
pavatti paṭisandhipi mahābhūtāpi kātabbā. Cakkhāyatanaṁ ...
Kāyāyatanaṁ ... Vatthuṁ paccayā ahetukā bahiddhā khandhā vicikicchāsahagate
uddhaccasahagate khandhe ca vatthuñca paccayā vicikicchāsahagato
uddhaccasahagato moho .pe. Nāarammaṇapaccayā
nādhipatipaccayā sahajātasadisaṁ. Nānantarapaccayā nasamanantarapaccayā
nāññamaññapaccayā naupanissayapaccayā napurejātapaccayā paṭiccavārasadisaṁ.
Napacchājātapaccayā nāasevanapaccayā nakammapaccayā.
Saṅkhittaṁ. Navippayuttapaccayā paṭiccavārapaccanīye vippayuttasadisaṁ.
Nonatthipaccayā novigatapaccayā.

[2070] Nahetuyā dve nāarammaṇe dve. Saṅkhittaṁ.
Novigate dve.
Paccanīyaṁ.

[2071] Hetupaccayā nāarammaṇe dve ... Nādhipatiyā
dve .pe. Navipāke nasampayutte nonatthiyā novigate dve.
Anulomapaccanīyaṁ.

[2072] Nahetupaccayā ārammaṇe dve .pe. Avigate
dve.
Paccanīyānulomaṁ.
Nissayavāro paccayavārasadiso saṁsaṭṭhavāropi
sampayuttavāropi vitthāretabbo.
Pañhāvāro

[2073] Ajjhatto dhammo ajjhattassa dhammassa hetupaccayena
paccayo ajjhattā hetū sampayuttakānaṁ khandhānaṁ cittasamuṭṭhānānañca
rūpānaṁ hetupaccayena paccayo paṭisandhikkhaṇe ....