[2074] Bahiddhā dhammo bahiddhā dhammassa hetupaccayena
paccayo bahiddhā hetū sampayuttakānaṁ khandhānaṁ cittasamuṭṭhānānañca
rūpānaṁ hetupaccayo paṭisandhikkhaṇe ....

[2075] Ajjhatto dhammo ajjhattassa dhammassa ārammaṇapaccayena
paccayo dānaṁ datvā sīlaṁ samādiyitvā uposathakammaṁ
katvā taṁ paccavekkhati pubbe suciṇṇāni ... Jhānā vuṭṭhahitvā ...
Ariyā maggā vuṭṭhahitvā maggaṁ paccavekkhanti phalaṁ paccavekkhanti
pahīne kilese paccavekkhanti vikkhambhite kilese paccavekkhanti
pubbe samudāciṇṇe kilese jānanti ajjhattaṁ cakkhuṁ ... Kāyaṁ
rūpe ... Phoṭṭhabbe vatthuṁ ... Ajjhatte khandhe aniccato dukkhato anattato
vipassanti assādenti abhinandanti taṁ ārabbha rāgo ... Domanassaṁ
uppajjati dibbena cakkhunā rūpaṁ ... Dibbāya sotadhātuyā saddaṁ suṇāti
ākāsānañcāyatanaṁ viññāṇañcāyatanassa ārammaṇapaccayena
paccayo ākiñcaññāyatanaṁ nevasaññānāsaññāyatanassa ārammaṇapaccayena
paccayo rūpāyatanaṁ ... Phoṭṭhabbāyatanaṁ kāyaviññāṇassa
ārammaṇapaccayena paccayo ajjhattā khandhā iddhividhañāṇassa
pubbenivāsānussatiñāṇassa yathākammūpagañāṇassa anāgataṁsañāṇassa
āvajjanāya ārammaṇapaccayena paccayo.

[2076] Ajjhatto dhammo bahiddhā dhammassa ārammaṇapaccayena
paccayo paro ajjhattaṁ cakkhuṁ. Saṅkhittaṁ. Vatthuṁ ... Ajjhatte
khandhe aniccato dukkhato anattato vipassati assādeti abhinandati
taṁ ārabbha rāgo ... Domanassaṁ uppajjati dibbena cakkhunā rūpaṁ ...
Dibbāya sotadhātuyā saddhaṁ ... Cetopariyañāṇena ajjhattacittasamaṅgissa
cittaṁ jānāti ajjhattaṁ rūpāyatanaṁ bahiddhā cakkhuviññāṇassa
ajjhattaṁ phoṭṭhabbāyatanaṁ bahiddhā kāyaviññāṇassa
ārammaṇapaccayena paccayo ajjhattā khandhā iddhividhañāṇassa
Cetopariyañāṇassa pubbenivāsānussatiñāṇassa yathākammūpagañāṇassa
anāgataṁsañāṇassa āvajjanāya ārammaṇapaccayena paccayo.

[2077] Bahiddhā dhammo bahiddhā dhammassa ārammaṇapaccayena
paccayo paro dānaṁ datvā sīlaṁ ... Uposathakammaṁ ... Taṁ paccavekkhati
pubbe suciṇṇāni paccavekkhati jhānā vuṭṭhahitvā ... Ariyā
maggā vuṭṭhahitvā maggaṁ paccavekkhanti phalaṁ ... Nibbānaṁ paccavekkhanti
nibbānaṁ gotrabhussa vodānassa maggassa phalassa āvajjanāya
ārammaṇapaccayena paccayo ariyā pahīne kilese paccavekkhanti
vikkhambhite kilese ... Pubbe samudāciṇṇe ... Paro bahiddhā cakkhuṁ ...
Vatthuṁ ... Bahiddhā khandhe aniccato ... Domanassaṁ uppajjati dibbena
cakkhunā rūpaṁ ... Dibbāya sotadhātuyā saddaṁ ... Cetopariyañāṇena
bahiddhā cittasamaṅgissa ... Ākāsānañcāyatanaṁ viññāṇañcāyatanassa
ārammaṇapaccayena paccayo ākiñcaññāyatanaṁ nevasaññānāsaññāyatanassa
ārammaṇapaccayena paccayo bahiddhā khandhā iddhividhañāṇassa
cetopariyañāṇassa āvajjanāya ārammaṇapaccayena
paccayo.

[2078] Bahiddhā dhammo ajjhattassa dhammassa ārammaṇapaccayena
paccayo ariyā nibbānaṁ paccavekkhanti nibbānaṁ
gotrabhussa vodānassa maggassa phalassa āvajjanāya ārammaṇapaccayena
paccayo bahiddhā cakkhuṁ ... Vatthuṁ ... Bahiddhā khandhe aniccato ...
Domanassaṁ uppajjati dibbena cakkhunā rūpaṁ passati dibbāya
sotadhātuyā saddaṁ suṇāti cetopariyañāṇena bahiddhā cittasamaṅgissa
cittaṁ jānāti bahiddhā rūpāyatanaṁ ajjhattassa cakkhuviññāṇassa
bahiddhā phoṭṭhabbāyatanaṁ ajjhattassa kāyaviññāṇassa
bahiddhā khandhā iddhividhañāṇassa cetopariyañāṇassa
pubbenivāsānussatiñāṇassa yathākammūpagañāṇassa anāgataṁsañāṇassa
āvajjanāya ārammaṇapaccayena paccayo.

[2079] Ajjhatto dhammo ajjhattassa dhammassa adhipatipaccayena
paccayo ārammaṇādhipati sahajātādhipati. Ārammaṇādhipati:
dānaṁ datvā sīlaṁ ... Uposathakammaṁ ... Taṁ garuṁ katvā
paccavekkhati pubbe suciṇṇāni garuṁ katvā ... Jhānā vuṭṭhahitvā
jhānaṁ garuṁ katvā ... Ariyā maggā vuṭṭhahitvā maggaṁ garuṁ katvā ...
Phalaṁ garuṁ katvā paccavekkhanti ajjhattaṁ cakkhuṁ ... Vatthuṁ ... Ajjhatte
khandhe garuṁ katvā assādeti abhinandati taṁ garuṁ katvā rāgo ...
Diṭṭhi uppajjati. Sahajātādhipati: ajjhattādhipati sampayuttakānaṁ
khandhānaṁ cittasamuṭṭhānānañca rūpānaṁ adhipatipaccayena paccayo.

[2080] Ajjhatto dhammo bahiddhā dhammassa adhipatipaccayena
paccayo. Ārammaṇādhipati: paro ajjhattaṁ cakkhuṁ ... Vatthuṁ ...
Ajjhatte khandhe garuṁ katvā assādeti abhinandati taṁ garuṁ
katvā rāgo uppajjati diṭṭhi uppajjati.

[2081] Bahiddhā dhammo bahiddhā dhammassa adhipatipaccayena
paccayo ārammaṇādhipati sahajātādhipati. Ārammaṇādhipati:
paro dānaṁ datvā sīlaṁ ... Uposathakammaṁ ... Taṁ garuṁ katvā ...
Pubbe suciṇṇāni garuṁ katvā ... Jhānā vuṭṭhahitvā ... Ariyā
maggā vuṭṭhahitvā maggaṁ garuṁ katvā ... Phalaṁ garuṁ katvā ... Nibbānaṁ
gotrabhussa vodānassa maggassa phalassa adhipatipaccayena paccayo
bahiddhā cakkhuṁ ... Vatthuṁ ... Bahiddhā khandhe garuṁ katvā assādeti
abhinandati taṁ garuṁ katvā rāgo ... Diṭṭhi uppajjati.
Sahajātādhipati: bahiddhādhipati sampayuttakānaṁ khandhānaṁ cittasamuṭṭhānānañca
rūpānaṁ adhipatipaccayena paccayo.

[2082] Bahiddhā dhammo ajjhattassa dhammassa adhipatipaccayena
paccayo. Ārammaṇādhipati: ariyā nibbānaṁ garuṁ katvā
paccavekkhanti nibbānaṁ gotrabhussa vodānassa maggassa phalassa
adhipatipaccayena paccayo bahiddhā cakkhuṁ ... Vatthuṁ ... Bahiddhā khandhe garuṁ
katvā assādeti abhinandati taṁ garuṁ katvā rāgo ... Diṭṭhi uppajjati.

[2083] Ajjhatto dhammo ajjhattassa dhammassa anantarapaccayena
paccayo purimā purimā ajjhattā khandhā pacchimānaṁ
pacchimānaṁ ajjhattānaṁ khandhānaṁ anantarapaccayena paccayo anulomaṁ
gotrabhussa anulomaṁ vodānassa gotrabhu maggassa vodānaṁ
maggassa maggo phalassa .pe. Anulomaṁ phalasamāpattiyā nirodhā
Vuṭṭhahantassa nevasaññānāsaññāyatanaṁ phalasamāpattiyā anantarapaccayena
paccayo.