[1144] Nevācayagāmināpacayagāmi dhammo apacayagāmissa dhammassa
vippayuttapaccayena paccayo. Purejātaṁ: vatthu apacayagāmīnaṁ khandhānaṁ
vippayuttapaccayena paccayo.

[1145] Ācayagāmi dhammo ācayagāmissa dhammassa atthipaccayena
paccayo ācayagāmi eko khandho tiṇṇannaṁ khandhānaṁ.

[1146] Ācayagāmi dhammo nevācayagāmināpacayagāmissa dhammassa
atthipaccayena paccayo sahajātaṁ pacchājātaṁ. Sahajātā: ācayagāmī
khandhā cittasamuṭṭhānānaṁ rūpānaṁ atthipaccayena paccayo.
Pacchājātā: ācayagāmī khandhā purejātassa imassa kāyassa
atthipaccayena paccayo.

[1147] Ācayagāmi dhammo ācayagāmissa ca nevācayagāmi-
nāpacayagāmissa ca dhammassa atthipaccayena paccayo ācayagāmi eko
Khandho tiṇṇannaṁ khandhānaṁ cittasamuṭṭhānānañca rūpānaṁ atthipaccayena
paccayo dve khandhā .... Apacayagāmi dhammo ... Tīṇi. Ācayagāminayena
kātabbaṁ.

[1148] Nevācayagāmināpacayagāmi dhammo nevācayagāmināpacayagāmissa
dhammassa atthipaccayena paccayo sahajātaṁ purejātaṁ pacchājātaṁ
āhāraṁ indriyaṁ. Sahajāto: nevācayagāmināpacayagāmi eko
khandho tiṇṇannaṁ khandhānaṁ cittasamuṭṭhānānañca rūpānaṁ atthipaccayena
paccayo dve khandhā ... Paṭisandhikkhaṇe khandhā vatthussa atthipaccayena
paccayo vatthu khandhānaṁ atthipaccayena paccayo ekaṁ
mahābhūtaṁ ... Bāhiraṁ ... Āhāra ... Utu ... Asaññasattānaṁ ....
Purejātaṁ: arahā cakkhuṁ ... Vatthuṁ aniccato dukkhato anattato vipassati
dibbena cakkhunā rūpaṁ ... Dibbāya sotadhātuyā saddaṁ suṇāti
rūpāyatanaṁ cakkhuviññāṇassa phoṭṭhabbāyatanaṁ kāyaviññāṇassa
cakkhāyatanaṁ cakkhuviññāṇassa kāyāyatanaṁ kāyaviññāṇassa vatthu
nevācayagāmināpacayagāmīnaṁ khandhānaṁ atthipaccayena paccayo. Pacchājātā:
nevācayagāmināpacayagāmī khandhā purejātassa imassa kāyassa
atthipaccayena paccayo. Kabaḷiṁkāro āhāro imassa kāyassa
rūpajīvitindriyaṁ kaṭattārūpānaṁ.

[1149] Nevācayagāmināpacayagāmi dhammo ācayagāmissa dhammassa
atthipaccayena paccayo. Purejātaṁ: sekkhā vā puthujjanā vā cakkhuṁ
Aniccato dukkhato anattato vipassanti assādenti abhinandanti
taṁ ārabbha rāgo ... Domanassaṁ uppajjati sotaṁ ... Vatthuṁ aniccato ...
Vipassanti assādenti abhinandanti taṁ ārabbha rāgo ... Domanassaṁ
uppajjati dibbena cakkhunā rūpaṁ ... Dibbāya sotadhātuyā saddaṁ
suṇāti vatthu ācayagāmīnaṁ khandhānaṁ atthipaccayena paccayo.

[1150] Nevācayagāmināpacayagāmi dhammo apacayagāmissa dhammassa
atthipaccayena paccayo. Purejātaṁ: vatthu apacayagāmīnaṁ khandhānaṁ
atthipaccayena paccayo.

[1151] Ācayagāmi ca nevācayagāmināpacayagāmi ca dhammā
ācayagāmissa dhammassa atthipaccayena paccayo sahajātaṁ purejātaṁ.
Sahajāto: ācayagāmi eko khandho ca vatthu ca tiṇṇannaṁ khandhānaṁ
atthipaccayena paccayo dve khandhā ....

[1152] Ācayagāmi ca nevācayagāmināpacayagāmi ca dhammā
nevācayagāmināpacayagāmissa dhammassa atthipaccayena paccayo sahajātaṁ
pacchājātaṁ āhāraṁ indriyaṁ. Sahajātā: ācayagāmī khandhā ca
mahābhūtā ca cittasamuṭṭhānānaṁ rūpānaṁ atthipaccayena paccayo.
Pacchājātā: ācayagāmī khandhā ca kabaḷiṁkāro āhāro ca imassa
kāyassa atthipaccayena paccayo. Pacchājātā: ācayagāmī khandhā ca
rūpajīvitindriyañca kaṭattārūpānaṁ atthipaccayena paccayo.

[1153] Apacayagāmi ca nevācayagāmināpacayagāmi ca dhammā
Apacayagāmissa dhammassa atthipaccayena paccayo. Dve kātabbā
dassitanayena. Natthipaccayena paccayo vigatapaccayena paccayo
avigatapaccayena paccayo.