[1134] Apacayagāmi dhammo apacayagāmissa dhammassa kammapaccayena
paccayo apacayagāmi cetanā sampayuttakānaṁ khandhānaṁ
kammapaccayena paccayo.

[1135] Apacayagāmi dhammo nevācayagāmināpacayagāmissa dhammassa
kammapaccayena paccayo sahajātā nānākhaṇikā. Sahajātā:
apacayagāmi cetanā cittasamuṭṭhānānaṁ rūpānaṁ. Nānākhaṇikā:
apacayagāmi cetanā vipākānaṁ khandhānaṁ kammapaccayena paccayo.

[1136] Apacayagāmi dhammo apacayagāmissa ca nevācayagāmi-
nāpacayagāmissa ca dhammassa kammapaccayena paccayo apacayagāmi
cetanā sampayuttakānaṁ khandhānaṁ cittasamuṭṭhānānañca rūpānaṁ kammapaccayena
paccayo.

[1137] Nevācayagāmināpacayagāmi dhammo nevācayagāmināpacayagāmissa
dhammassa kammapaccayena paccayo nevācayagāmināpacayagāmi
cetanā sampayuttakānaṁ khandhānaṁ cittasamuṭṭhānānañca rūpānaṁ kammapaccayena
paccayo paṭisandhikkhaṇe nevācayagāmināpacayagāmi cetanā
sampayuttakānaṁ khandhānaṁ kaṭattā ca rūpānaṁ kammapaccayena paccayo.

[1138] Nevācayagāmināpacayagāmi dhammo nevācayagāmināpacayagāmissa
dhammassa vipākapaccayena paccayo vipāko nevācayagāmināpacayagāmi
Eko khandho tiṇṇannaṁ khandhānaṁ paṭisandhikkhaṇe khandhā
vatthussa vipākapaccayena paccayo.

[1139] Ācayagāmi dhammo ācayagāmissa dhammassa āhārapaccayena
paccayo indriyapaccayena paccayo jhānapaccayena paccayo
maggapaccayena paccayo sampayuttapaccayena paccayo.

[1140] Ācayagāmi dhammo nevācayagāmināpacayagāmissa dhammassa
vippayuttapaccayena paccayo sahajātaṁ pacchājātaṁ. Sahajātā:
ācayagāmī khandhā cittasamuṭṭhānānaṁ rūpānaṁ vippayuttapaccayena paccayo.
Pacchājātā: ācayagāmī khandhā purejātassa imassa kāyassa
vippayuttapaccayena paccayo.

[1141] Apacayagāmi dhammo nevācayagāmināpacayagāmissa dhammassa
vippayuttapaccayena paccayo sahajātaṁ pacchājātaṁ. Sahajātā:
apacayagāmī khandhā cittasamuṭṭhānānaṁ rūpānaṁ vippayuttapaccayena
paccayo. Pacchājātā: apacayagāmī khandhā purejātassa imassa
kāyassa vippayuttapaccayena paccayo.

[1142] Nevācayagāmināpacayagāmi dhammo nevācayagāmināpacayagāmissa
dhammassa vippayuttapaccayena paccayo sahajātaṁ purejātaṁ
pacchājātaṁ. Sahajātā: nevācayagāmināpacayagāmī khandhā
cittasamuṭṭhānānaṁ rūpānaṁ vippayuttapaccayena paccayo paṭisandhikkhaṇe
nevācayagāmināpacayagāmī khandhā kaṭattārūpānaṁ vippayuttapaccayena
Paccayo khandhā vatthussa vippayuttapaccayena paccayo vatthu khandhānaṁ
vippayuttapaccayena paccayo. Purejātaṁ: cakkhāyatanaṁ ... Kāyāyatanaṁ
kāyaviññāṇassa vatthu nevācayagāmināpacayagāmīnaṁ khandhānaṁ
vippayuttapaccayena paccayo. Pacchājātā: nevācayagāmināpacayagāmī
khandhā purejātassa imassa kāyassa.

[1143] Nevācayagāmināpacayagāmi dhammo ācayagāmissa dhammassa
vippayuttapaccayena paccayo. Purejātaṁ: vatthu ācayagāmīnaṁ khandhānaṁ
vippayuttapaccayena paccayo.