[1164] Nevācayagāmināpacayagāmi dhammo ācayagāmissa dhammassa
ārammaṇapaccayena paccayo upanissayapaccayena paccayo purejātapaccayena
paccayo.

[1165] Nevācayagāmināpacayagāmi dhammo apacayagāmissa dhammassa
Upanissayapaccayena paccayo purejātapaccayena paccayo.

[1166] Ācayagāmi ca nevācayagāmināpacayagāmi ca dhammā
ācayagāmissa dhammassa ... Sahajātaṁ purejātaṁ.

[1167] Ācayagāmi ca nevācayagāmināpacayagāmi ca dhammā
nevācayagāmināpacayagāmissa dhammassa ... Sahajātaṁ pacchājātaṁ āhāraṁ
indriyaṁ.

[1168] Apacayagāmi ca nevācayagāmināpacayagāmi ca dhammā
apacayagāmissa dhammassa ... Sahajātaṁ purejātaṁ.

[1169] Apacayagāmi ca nevācayagāmināpacayagāmi ca dhammā
nevācayagāmināpacayagāmissa dhammassa ... Sahajātaṁ pacchājātaṁ āhāraṁ
indriyaṁ.

[1170] Nahetuyā paṇṇarasa nāarammaṇe nādhipatiyā nānantare
nasamanantare paṇṇarasa nasahajāte ekādasa nāññamaññe ekādasa
nanissaye ekādasa naupanissaye cuddasa napurejāte terasa
napacchājāte paṇṇarasa nāasevane nakamme navipāke nāahāre
naindriye najhāne namagge paṇṇarasa nasampayutte ekādasa
navippayutte nava noatthiyā nava nonatthiyā paṇṇarasa novigate
paṇṇarasa noavigate nava. Evaṁ gaṇetabbaṁ.
Paccanīyaṁ.

[1171] Hetupaccayā nāarammaṇe satta ... Nādhipatiyā nānantare
Nasamanantare satta nāññamaññe tīṇi naupanissaye satta napurejāte
napacchājāte nāasevane nakamme navipāke nāahāre naindriye
najhāne namagge satta nasampayutte tīṇi navippayutte tīṇi nonatthiyā
satta novigate satta. Evaṁ gaṇetabbaṁ.
Anulomapaccanīyaṁ.

[1172] Nahetupaccayā ārammaṇe satta ... Adhipatiyā dasa
anantare cha samanantare cha sahajāte nava aññamaññe tīṇi nissaye
terasa upanissaye nava purejāte tīṇi pacchājāte tīṇi āsevane
tīṇi kamme satta vipāke ekaṁ āhāre satta indriye jhāne
magge satta sampayutte tīṇi vippayutte pañca atthiyā terasa
natthiyā cha vigate cha avigate terasa. Evaṁ gaṇetabbaṁ.
Paccanīyānulomaṁ.
Ācayagāmittikaṁ dasamaṁ
niṭṭhitaṁ.
--------
Sekkhattikaṁ
paṭiccavāro

[1173] Sekkhaṁ dhammaṁ paṭicca sekkho dhammo uppajjati hetupaccayā
sekkhaṁ ekaṁ khandhaṁ paṭicca tayo khandhā dve khandhe ....
Sekkhaṁ dhammaṁ paṭicca nevasekkhānāsekkho dhammo uppajjati hetupaccayā
sekkhe khandhe paṭicca cittasamuṭṭhānaṁ rūpaṁ. Sekkhaṁ dhammaṁ paṭicca
sekkho ca nevasekkhānāsekkho ca dhammā uppajjanti hetupaccayā
sekkhaṁ ekaṁ khandhaṁ paṭicca tayo khandhā cittasamuṭṭhānañca rūpaṁ
dve khandhe ....