[534] Sukhasahagato dhammo pītisahagatassa ca sukhasahagatassa ca
dhammassa upanissayapaccayena paccayo ārammaṇūpanissayo
anantarūpanissayo pakatūpanissayo. Pakatūpanissayo: sukhasahagataṁ saddhaṁ
upanissāya pītisahagatena ca sukhasahagatena ca cittena dānaṁ deti ...
Diṭṭhiṁ gaṇhāti sukhasahagataṁ sīlaṁ ... Patthanaṁ ... Sukhasahagataṁ kāyaviññāṇaṁ
upanissāya pītisahagatena ca sukhasahagatena ca cittena dānaṁ deti ...
Nigamaghātaṁ karoti .pe. Sukhasahagatā saddhā ... Patthanā ... Sukhasahagataṁ
kāyaviññāṇaṁ pītisahagatāya ca sukhasahagatāya ca saddhāya patthanāya
upanissayapaccayena paccayo.

[535] Upekkhāsahagato dhammo upekkhāsahagatassa dhammassa
upanissayapaccayena paccayo ārammaṇūpanissayo anantarūpanissayo
pakatūpanissayo. Pakatūpanissayo: upekkhāsahagataṁ saddhaṁ upanissāya
upekkhāsahagatena cittena dānaṁ deti ... Abhiññaṁ uppādeti ... Diṭṭhiṁ
gaṇhāti upekkhāsahagataṁ sīlaṁ ... Patthanaṁ upanissāya upekkhāsahagatena
cittena dānaṁ deti ... Nigamaghātaṁ karoti upekkhāsahagatā saddhā ...
Patthanā upekkhāsahagatāya saddhāya patthanāya upanissayapaccayena
paccayo.

[536] Upekkhāsahagato dhammo pītisahagatassa dhammassa upanissayapaccayena
paccayo ārammaṇūpanissayo anantarūpanissayo pakatūpanissayo.
Pakatūpanissayo: upekkhāsahagataṁ saddhaṁ upanissāya pītisahagatena
Cittena dānaṁ deti ... Diṭṭhiṁ gaṇhāti upekkhāsahagataṁ
sīlaṁ ... Patthanaṁ upanissāya pītisahagatena cittena dānaṁ deti ... Nigamaghātaṁ
karoti upekkhāsahagatā saddhā ... Patthanā pītisahagatāya saddhāya
patthanāya upanissayapaccayena paccayo.

[537] Upekkhāsahagato dhammo sukhasahagatassa dhammassa upanissayapaccayena
paccayo ārammaṇūpanissayo anantarūpanissayo pakatūpanissayo.
Pakatūpanissayo: upekkhāsahagataṁ saddhaṁ upanissāya
sukhasahagatena cittena dānaṁ deti ... Diṭṭhiṁ gaṇhāti upekkhāsahagataṁ sīlaṁ ...
Patthanaṁ upanissāya sukhasahagatena cittena dānaṁ deti ... Nigamaghātaṁ
karoti upekkhāsahagatā saddhā ... Patthanā sukhasahagatāya saddhāya
patthanāya sukhasahagatassa kāyaviññāṇassa upanissayapaccayena paccayo.

[538] Upekkhāsahagato dhammo pītisahagatassa ca sukhasahagatassa ca
dhammassa upanissayapaccayena paccayo ārammaṇūpanissayo anantarūpanissayo
pakatūpanissayo. Pakatūpanissayo: upekkhāsahagataṁ saddhaṁ
upanissāya pītisahagatena ca sukhasahagatena ca cittena dānaṁ deti ...
Diṭṭhiṁ gaṇhāti upekkhāsahagataṁ sīlaṁ ... Patthanaṁ upanissāya
pītisahagatena ca sukhasahagatena ca cittena dānaṁ deti ... Nigamaghātaṁ karoti
upekkhāsahagatā saddhā ... Patthanā pītisahagatāya ca sukhasahagatāya ca
saddhāya patthanāya upanissayapaccayena paccayo.

[539] Pītisahagato ca sukhasahagato ca dhammā pītisahagatassa
Dhammassa upanissayapaccayena paccayo ārammaṇūpanissayo
anantarūpanissayo pakatūpanissayo. Pakatūpanissayo: pītisahagatañca
sukhasahagatañca saddhaṁ upanissāya pītisahagatena cittena dānaṁ
deti ... Diṭṭhiṁ gaṇhāti pītisahagatañca sukhasahagatañca sīlaṁ ... Patthanaṁ
upanissāya pītisahagatena cittena dānaṁ deti ... Nigamaghātaṁ karoti
pītisahagatā ca sukhasahagatā ca saddhā ... Patthanā pītisahagatāya
saddhāya patthanāya upanissayapaccayena paccayo.

[540] Pītisahagato ca sukhasahagato ca dhammā sukhasahagatassa
dhammassa upanissayapaccayena paccayo ārammaṇūpanissayo anantarūpanissayo
pakatūpanissayo. Pakatūpanissayo: pītisahagatañca
sukhasahagatañca saddhaṁ upanissāya sukhasahagatena cittena dānaṁ deti ... Diṭṭhiṁ
gaṇhāti pītisahagatañca sukhasahagatañca sīlaṁ ... Patthanaṁ upanissāya
sukhasahagatena cittena dānaṁ deti ... Nigamaghātaṁ karoti pītisahagatā ca
sukhasahagatā ca saddhā ... Patthanā sukhasahagatāya saddhāya patthanāya
sukhasahagatassa kāyaviññāṇassa upanissayapaccayena paccayo.

[541] Pītisahagato ca sukhasahagato ca dhammā upekkhāsahagatassa
dhammassa upanissayapaccayena paccayo ārammaṇūpanissayo anantarūpanissayo
pakatūpanissayo. Pakatūpanissayo: pītisahagatañca
sukhasahagatañca saddhaṁ upanissāya upekkhāsahagatena cittena dānaṁ deti ...
Abhiññaṁ uppādeti ... Diṭṭhiṁ gaṇhāti pītisahagatañca sukhasahagatañca
Sīlaṁ ... Patthanaṁ upanissāya upekkhāsahagatena cittena dānaṁ deti ...
Nigamaghātaṁ karoti pītisahagatā ca sukhasahagatā ca saddhā ... Patthanā
upekkhāsahagatāya saddhāya patthanāya upanissayapaccayena paccayo.

[542] Pītisahagato ca sukhasahagato ca dhammā pītisahagatassa ca
sukhasahagatassa ca dhammassa upanissayapaccayena paccayo ārammaṇūpanissayo
anantarūpanissayo pakatūpanissayo. Pakatūpanissayo: pītisahagatañca
sukhasahagatañca saddhaṁ upanissāya pītisahagatena ca
sukhasahagatena ca cittena dānaṁ deti sīlaṁ samādiyati uposathakammaṁ karoti
pītisahagatañca sukhasahagatañca jhānaṁ uppādeti vipassanaṁ ... Maggaṁ ...
Samāpattiṁ ... Mānaṁ ... Diṭṭhiṁ gaṇhāti pītisahagatañca sukhasahagatañca
sīlaṁ ... Sutaṁ cāgaṁ paññaṁ rāgaṁ mohaṁ mānaṁ diṭṭhiṁ ... Patthanaṁ upanissāya
pītisahagatena ca sukhasahagatena ca cittena dānaṁ deti sīlaṁ samādiyati
uposathakammaṁ karoti pītisahagatañca sukhasahagatañca jhānaṁ ... Vipassanaṁ ...
Maggaṁ ... Samāpattiṁ uppādeti pītisahagatena ca sukhasahagatena ca
cittena adinnaṁ ādiyati musā bhaṇati pisuṇaṁ bhaṇati samphaṁ palapati
sandhiṁ chindati nillopaṁ harati ekāgārikaṁ karoti paripanthe tiṭṭhati
paradāraṁ gacchati gāmaghātaṁ karoti nigamaghātaṁ karoti pītisahagatā ca
sukhasahagatā ca saddhā ... Patthanā pītisahagatāya ca sukhasahagatāya ca
saddhāya patthanāya upanissayapaccayena paccayo.

[543] Pītisahagato dhammo pītisahagatassa dhammassa āsevanapaccayena
Paccayo purimā purimā pītisahagatā khandhā pacchimānaṁ
pacchimānaṁ pītisahagatānaṁ khandhānaṁ āsevanapaccayena paccayo
pītisahagataṁ anulomaṁ pītisahagatassa gotrabhussa anulomaṁ vodānassa
gotrabhu maggassa vodānaṁ maggassa āsevanapaccayena paccayo.