พุทธธรรมสงฆ์
📁 หัวข้อธรรม
📁 ฉบับมหามกุฏฯ
📁 ฉบับสยามรัฐ
📁 ฉบับหลวง
📁 ฉบับมหาจุฬาฯ
📁 อรรถกถา
📁 พุทธธรรมสงฆ์
📁 เจดีย์
📁 ฉันหนึ่งมื้อ
📁 ปฏิมาที่ขัดแย้ง
📁 กระทู้
📁 รูปปั้น
📁 อุทเทสิกเจดีย์
📁 ถวายเงินพระบาป
📁 คู่มือการใช้งาน


Abhidhammapiṭake paṭṭhānaṁ dutiyo bhāgo (เล่ม 41)

[514] Pītisahagato dhammo pītisahagatassa ca sukhasahagatassa ca
dhammassa anantarapaccayena paccayo purimā purimā pītisahagatā
khandhā pacchimānaṁ pacchimānaṁ pītisahagatānañca sukhasahagatānañca
khandhānaṁ anantarapaccayena paccayo pītisahagataṁ anulomaṁ pītisahagatassa
ca sukhasahagatassa ca gotrabhussa anantarapaccayena paccayo.
Saṅkhittaṁ. Pītisahagataṁ anulomaṁ pītisahagatāya ca sukhasahagatāya ca
phalasamāpattiyā anantarapaccayena paccayo.

Abhidhammapiṭake paṭṭhānaṁ dutiyo bhāgo (เล่ม 41)

[515] Sukhasahagato dhammo sukhasahagatassa dhammassa anantarapaccayena
paccayo purimā purimā sukhasahagatā khandhā pacchimānaṁ
pacchimānaṁ sukhasahagatānaṁ khandhānaṁ anantarapaccayena paccayo
sukhasahagataṁ anulomaṁ sukhasahagatassa gotrabhussa anantarapaccayena
paccayo. Saṅkhittaṁ. Sukhasahagataṁ anulomaṁ sukhasahagatāya
phalasamāpattiyā anantarapaccayena paccayo.

Abhidhammapiṭake paṭṭhānaṁ dutiyo bhāgo (เล่ม 41)

[516] Sukhasahagato dhammo pītisahagatassa dhammassa anantarapaccayena
paccayo purimā purimā sukhasahagatā khandhā pacchimānaṁ
pacchimānaṁ pītisahagatānaṁ khandhānaṁ. Saṅkhittaṁ. Sukhasahagataṁ
anulomaṁ pītisahagatāya phalasamāpattiyā anantarapaccayena paccayo.

Abhidhammapiṭake paṭṭhānaṁ dutiyo bhāgo (เล่ม 41)

[517] Sukhasahagato dhammo upekkhāsahagatassa dhammassa anantarapaccayena
Paccayo sukhasahagataṁ cuticittaṁ upekkhāsahagatassa upapatticittassa
anantarapaccayena paccayo sukhasahagataṁ bhavaṅgaṁ āvajjanāya
anantarapaccayena paccayo sukhasahagataṁ kāyaviññāṇaṁ vipākamanodhātuyā
anantarapaccayena paccayo sukhasahagatā vipākamanoviññāṇadhātu
kiriyāmanoviññāṇadhātuyā anantarapaccayena paccayo sukhasahagataṁ
bhavaṅgaṁ upekkhāsahagatassa bhavaṅgassa anantarapaccayena paccayo
sukhasahagataṁ kusalākusalaṁ upekkhāsahagatassa vuṭṭhānassa kiriyaṁ vuṭṭhānassa
phalaṁ vuṭṭhānassa anantarapaccayena paccayo.

Abhidhammapiṭake paṭṭhānaṁ dutiyo bhāgo (เล่ม 41)

[518] Sukhasahagato dhammo pītisahagatassa ca sukhasahagatassa ca
dhammassa anantarapaccayena paccayo purimā purimā sukhasahagatā khandhā
pacchimānaṁ pacchimānaṁ pītisahagatānañca sukhasahagatānañca khandhānaṁ.
Saṅkhittaṁ. Sukhasahagataṁ anulomaṁ pītisahagatāya ca sukhasahagatāya ca
phalasamāpattiyā anantarapaccayena paccayo.

Abhidhammapiṭake paṭṭhānaṁ dutiyo bhāgo (เล่ม 41)

[519] Upekkhāsahagato dhammo upekkhāsahagatassa dhammassa
anantarapaccayena paccayo āvajjanā pañcannaṁ viññāṇānaṁ anantarapaccayena
paccayo purimā purimā upekkhāsahagatā khandhā pacchimānaṁ
pacchimānaṁ upekkhāsahagatānaṁ khandhānaṁ. Saṅkhittaṁ. Upekkhāsahagataṁ
anulomaṁ upekkhāsahagatāya phalasamāpattiyā nirodhā vuṭṭhahantassa
nevasaññānāsaññāyatanaṁ upekkhāsahagatāya phalasamāpattiyā
anantarapaccayena paccayo.

Abhidhammapiṭake paṭṭhānaṁ dutiyo bhāgo (เล่ม 41)

[520] Upekkhāsahagato dhammo pītisahagatassa dhammassa
anantarapaccayena paccayo upekkhāsahagataṁ cuticittaṁ pītisahagatassa
upapatticittassa āvajjanā pītisahagatānaṁ khandhānaṁ vipākamanodhātu
pītisahagatāya vipākamanoviññāṇadhātuyā upekkhāsahagataṁ bhavaṅgaṁ
pītisahagatassa bhavaṅgassa upekkhāsahagataṁ kusalākusalaṁ pītisahagatassa
vuṭṭhānassa kiriyaṁ vuṭṭhānassa phalaṁ vuṭṭhānassa nirodhā
vuṭṭhahantassa nevasaññānāsaññāyatanaṁ pītisahagatāya phalasamāpattiyā
anantarapaccayena paccayo.

Abhidhammapiṭake paṭṭhānaṁ dutiyo bhāgo (เล่ม 41)

[521] Upekkhāsahagato dhammo sukhasahagatassa dhammassa ...
Pītisahagatassa ca sukhasahagatassa ca dhammassa anantarapaccayena
paccayo. Tāniyeva ca gamanāni niyāmetabbāni.

Abhidhammapiṭake paṭṭhānaṁ dutiyo bhāgo (เล่ม 41)

[522] Pītisahagato ca sukhasahagato ca dhammā pītisahagatassa
dhammassa ... Sukhasahagatassa dhammassa ... Upekkhāsahagatassa dhammassa
anantarapaccayena paccayo pītisahagatañca sukhasahagatañca cuticittaṁ
upekkhāsahagatassa upapatticittassa pītisahagatañca sukhasahagatañca
bhavaṅgaṁ āvajjanāya pītisahagatā ca sukhasahagatā ca vipākamanoviññāṇadhātu
kiriyāmanoviññāṇadhātuyā pītisahagatañca sukhasahagatañca
bhavaṅgaṁ upekkhāsahagatassa bhavaṅgassa pītisahagatañca sukhasahagatañca
kusalākusalaṁ upekkhāsahagatassa vuṭṭhānassa kiriyaṁ vuṭṭhānassa
phalaṁ vuṭṭhānassa anantarapaccayena paccayo.

Abhidhammapiṭake paṭṭhānaṁ dutiyo bhāgo (เล่ม 41)

[523] Pītisahagato ca sukhasahagato ca dhammā pītisahagatassa ca
sukhasahagatassa ca dhammassa anantarapaccayena paccayo purimā purimā
pītisahagatā ca sukhasahagatā ca khandhā pacchimānaṁ pacchimānaṁ
pītisahagatānañca sukhasahagatānañca khandhānaṁ. Saṅkhittaṁ.
Pītisahagatañca sukhasahagatañca anulomaṁ pītisahagatāya ca sukhasahagatāya
ca phalasamāpattiyā anantarapaccayena paccayo.