[1742] Asaṅkiliṭṭhāsaṅkilesiko dhammo asaṅkiliṭṭhasaṅkilesikassa
ca asaṅkiliṭṭhāsaṅkilesikassa ca dhammassa atthipaccayena
paccayo asaṅkiliṭṭhāsaṅkilesiko eko khandho tiṇṇannaṁ
khandhānaṁ cittasamuṭṭhānānañca rūpānaṁ atthipaccayena paccayo.

[1743] Asaṅkiliṭṭhasaṅkilesiko ca asaṅkiliṭṭhāsaṅkilesiko ca
dhammā asaṅkiliṭṭhasaṅkilesikassa dhammassa atthipaccayena paccayo
sahajātaṁ pacchājātaṁ āhāraṁ indriyaṁ. Sahajātā: asaṅkiliṭṭhāsaṅkilesikā
khandhā ca mahābhūtā ca cittasamuṭṭhānānaṁ rūpānaṁ atthipaccayena
paccayo. Pacchājātā: asaṅkiliṭṭhāsaṅkilesikā khandhā ca
kabaḷiṁkāro āhāro ca imassa kāyassa atthipaccayena paccayo.
Pacchājātā: asaṅkiliṭṭhasaṅkilesikā khandhā ca rūpajīvitindriyañca
Kaṭattārūpānaṁ atthipaccayena paccayo.

[1744] Asaṅkiliṭṭhasaṅkilesiko ca asaṅkiliṭṭhāsaṅkilesiko ca
dhammā asaṅkiliṭṭhāsaṅkilesikassa dhammassa atthipaccayena paccayo
sahajātaṁ purejātaṁ. Sahajāto: asaṅkiliṭṭhāsaṅkilesiko eko
khandho ca vatthu ca tiṇṇannaṁ khandhānaṁ atthipaccayena paccayo.

[1745] Saṅkiliṭṭhasaṅkilesiko ca asaṅkiliṭṭhasaṅkilesiko ca
dhammā saṅkiliṭṭhasaṅkilesikassa dhammassa atthipaccayena paccayo sahajātaṁ
purejātaṁ. Sahajāto: saṅkiliṭṭhasaṅkilesiko eko khandho ca
vatthu ca tiṇṇannaṁ khandhānaṁ atthipaccayena paccayo dve khandhā.

[1746] Saṅkiliṭṭhasaṅkilesiko ca asaṅkiliṭṭhasaṅkilesiko ca
dhammā asaṅkiliṭṭhasaṅkilesikassa dhammassa atthipaccayena paccayo
sahajātaṁ pacchājātaṁ āhāraṁ indriyaṁ. Sahajātā: saṅkiliṭṭhasaṅkilesikā
khandhā ca mahābhūtā ca cittasamuṭṭhānānaṁ rūpānaṁ atthipaccayena
paccayo. Pacchājātā: saṅkiliṭṭhasaṅkilesikā khandhā ca kabaḷiṁkāro
āhāro ca purejātassa imassa kāyassa atthipaccayena paccayo.
Pacchājātā: saṅkiliṭṭhasaṅkilesikā khandhā ca rūpajīvitindriyañca
kaṭattārūpānaṁ atthipaccayena paccayo.

[1747] Saṅkiliṭṭhasaṅkilesiko dhammo saṅkiliṭṭhasaṅkilesikassa
dhammassa natthipaccayena paccayo ... Vigatapaccayena paccayo
... Avigatapaccayena paccayo.

[1748] Hetuyā satta ārammaṇe cha adhipatiyā aṭṭha
anantare satta samanantare satta sahajāte nava aññamaññe
tīṇi nissaye terasa upanissaye aṭṭha purejāte tīṇi pacchājāte
tīṇi āsevane tīṇi kamme satta vipāke cattāri āhāre
indriye jhāne magge satta sampayutte tīṇi vippayutte pañca
atthiyā terasa natthiyā satta vigate satta avigate terasa.

[1749] Hetupaccayā adhipatiyā cattāri ... Sahajāte satta
aññamaññe tīṇi nissaye satta vipāke cattāri indriye magge
cattāri sampayutte tīṇi vippayutte tīṇi atthiyā avigate satta.

[1750] Hetusahajātanissayātthiavigatanti satta.
Hetusahajātāññamaññanissayātthiavigatanti tīṇi.
Hetusahajātāññamaññanissayasampayuttātthiavigatanti tīṇi.
Hetusahajātanissayavippayuttātthiavigatanti tīṇi.
Hetusahajātanissayavipākātthiavigatanti cattāri.
Hetusahajātāññamaññanissayavipākātthiavigatanti dve.
Hetusahajātāññamaññanissayavipākasampayuttātthiavigatanti dve.
Hetusahajātanissayavipākavippayuttātthiavigatanti dve.
Hetusahajātāññamaññanissayavipākavippayuttātthiavigatanti
ekaṁ. Yathā kusalattike evaṁ vitthāretabbaṁ.
Anulomaṁ.

[1751] Saṅkiliṭṭhasaṅkilesiko dhammo saṅkiliṭṭhasaṅkilesikassa
dhammassa ārammaṇapaccayena paccayo ... Sahajātapaccayena paccayo
... Upanissayapaccayena paccayo.