พุทธธรรมสงฆ์
📁 หัวข้อธรรม
📁 ฉบับมหามกุฏฯ
📁 ฉบับสยามรัฐ
📁 ฉบับหลวง
📁 ฉบับมหาจุฬาฯ
📁 อรรถกถา
📁 พุทธธรรมสงฆ์
📁 เจดีย์
📁 ฉันหนึ่งมื้อ
📁 ปฏิมาที่ขัดแย้ง
📁 กระทู้
📁 รูปปั้น
📁 อุทเทสิกเจดีย์
📁 ถวายเงินพระบาป
📁 คู่มือการใช้งาน


Abhidhammapiṭake paṭṭhānaṁ paṭhamo bhāgo (เล่ม 40)

[1732] Asaṅkiliṭṭhasaṅkilesiko dhammo asaṅkiliṭṭhāsaṅkilesikassa
dhammassa vippayuttapaccayena paccayo purejātaṁ: vatthu
Asaṅkiliṭṭhāsaṅkilesikānaṁ khandhānaṁ vippayuttapaccayena paccayo.

Abhidhammapiṭake paṭṭhānaṁ paṭhamo bhāgo (เล่ม 40)

[1733] Asaṅkiliṭṭhāsaṅkilesiko dhammo asaṅkiliṭṭhasaṅkilesikassa
dhammassa vippayuttapaccayena paccayo sahajātaṁ pacchājātaṁ.
Sahajātā: asaṅkiliṭṭhāsaṅkilesikā khandhā cittasamuṭṭhānānaṁ rūpānaṁ
vippayuttapaccayena paccayo. Pacchājātā: asaṅkiliṭṭhāsaṅkilesikā
khandhā purejātassa imassa kāyassa vippayuttapaccayena paccayo.

Abhidhammapiṭake paṭṭhānaṁ paṭhamo bhāgo (เล่ม 40)

[1734] Saṅkiliṭṭhasaṅkilesiko dhammo saṅkiliṭṭhasaṅkilesikassa
dhammassa atthipaccayena paccayo saṅkiliṭṭhasaṅkilesiko eko khandho
tiṇṇannaṁ khandhānaṁ atthipaccayena paccayo .pe.

Abhidhammapiṭake paṭṭhānaṁ paṭhamo bhāgo (เล่ม 40)

[1735] Saṅkiliṭṭhasaṅkilesiko dhammo asaṅkiliṭṭhasaṅkilesikassa
dhammassa atthipaccayena paccayo sahajātaṁ pacchājātaṁ. Sahajātā:
saṅkiliṭṭhasaṅkilesikā khandhā cittasamuṭṭhānānaṁ rūpānaṁ atthipaccayena
paccayo. Pacchājātā: saṅkiliṭṭhasaṅkilesikā khandhā purejātassa
imassa kāyassa atthipaccayena paccayo.

Abhidhammapiṭake paṭṭhānaṁ paṭhamo bhāgo (เล่ม 40)

[1736] Saṅkiliṭṭhasaṅkilesiko dhammo saṅkiliṭṭhasaṅkilesikassa ca
asaṅkiliṭṭhasaṅkilesikassa ca dhammassa atthipaccayena paccayo
saṅkiliṭṭhasaṅkilesiko eko khandho tiṇṇannaṁ khandhānaṁ
cittasamuṭṭhānānañca rūpānaṁ atthipaccayena paccayo dve khandhā ....

Abhidhammapiṭake paṭṭhānaṁ paṭhamo bhāgo (เล่ม 40)

[1737] Asaṅkiliṭṭhasaṅkilesiko dhammo asaṅkiliṭṭhasaṅkilesikassa
dhammassa atthipaccayena paccayo sahajātaṁ purejātaṁ pacchājātaṁ
Āhāraṁ indriyaṁ. Sahajāto: asaṅkiliṭṭhasaṅkilesiko eko khandho
tiṇṇannaṁ khandhānaṁ cittasamuṭṭhānānañca rūpānaṁ atthipaccayena paccayo
paṭisandhikkhaṇe asaññasattānaṁ ekaṁ mahābhūtaṁ tiṇṇannaṁ khandhānaṁ
atthipaccayena paccayo .pe. Purejātaṁ: cakkhuṁ aniccato dukkhato
anattato vipassati sotaṁ ... .pe. Kāyaṁ rūpe phoṭṭhabbe ... Vatthuṁ
aniccato dukkhato anattato vipassati dibbena cakkhunā rūpaṁ passati
dibbāya sotadhātuyā saddaṁ suṇāti rūpāyatanaṁ cakkhuviññāṇassa
phoṭṭhabbāyatanaṁ kāyaviññāṇassa atthipaccayena paccayo cakkhāyatanaṁ
cakkhuviññāṇassa kāyāyatanaṁ kāyaviññāṇassa vatthu asaṅkiliṭṭhasaṅkilesikānaṁ
khandhānaṁ atthipaccayena paccayo. Pacchājātā:
asaṅkiliṭṭhasaṅkilesikā khandhā purejātassa imassa kāyassa
atthipaccayena paccayo. Kabaḷiṁkāro āhāro imassa kāyassa
rūpajīvitindriyaṁ kaṭattārūpānaṁ atthipaccayena paccayo.

Abhidhammapiṭake paṭṭhānaṁ paṭhamo bhāgo (เล่ม 40)

[1738] Asaṅkiliṭṭhasaṅkilesiko dhammo saṅkiliṭṭhasaṅkilesikassa
dhammassa atthipaccayena paccayo purejātaṁ: cakkhuṁ assādeti
abhinandati taṁ ārabbha rāgo uppajjati domanassaṁ uppajjati vatthuṁ
assādeti vatthu saṅkiliṭṭhasaṅkilesikānaṁ khandhānaṁ atthipaccayena
paccayo.

Abhidhammapiṭake paṭṭhānaṁ paṭhamo bhāgo (เล่ม 40)

[1739] Asaṅkiliṭṭhasaṅkilesiko dhammo asaṅkiliṭṭhāsaṅkilesikassa
dhammassa atthipaccayena paccayo purejātaṁ: vatthu
Asaṅkiliṭṭhāsaṅkilesikānaṁ khandhānaṁ atthipaccayena paccayo.

Abhidhammapiṭake paṭṭhānaṁ paṭhamo bhāgo (เล่ม 40)

[1740] Asaṅkiliṭṭhāsaṅkilesiko dhammo asaṅkiliṭṭhāsaṅkilesikassa
dhammassa atthipaccayena paccayo asaṅkiliṭṭhāsaṅkilesiko
eko khandho tiṇṇannaṁ khandhānaṁ atthipaccayena paccayo.

Abhidhammapiṭake paṭṭhānaṁ paṭhamo bhāgo (เล่ม 40)

[1741] Asaṅkiliṭṭhāsaṅkilesiko dhammo asaṅkiliṭṭhasaṅkilesikassa
dhammassa atthipaccayena paccayo sahajātaṁ pacchājātaṁ. Sahajātā:
asaṅkiliṭṭhāsaṅkilesikā khandhā cittasamuṭṭhānānaṁ rūpānaṁ atthipaccayena
paccayo. Pacchājātā: asaṅkiliṭṭhāsaṅkilesikā khandhā
purejātassa imassa kāyassa atthipaccayena paccayo.