[1722] Asaṅkiliṭṭhāsaṅkilesiko dhammo asaṅkiliṭṭhasaṅkilesikassa
dhammassa vipākapaccayena paccayo vipākā asaṅkiliṭṭhāsaṅkilesikā
khandhā cittasamuṭṭhānānaṁ rūpānaṁ vipākapaccayena paccayo.

[1723] Asaṅkiliṭṭhāsaṅkilesiko dhammo asaṅkiliṭṭhasaṅkilesikassa
ca asaṅkiliṭṭhāsaṅkilesikassa ca dhammassa vipākapaccayena paccayo
asaṅkiliṭṭhāsaṅkilesiko eko khandho tiṇṇannaṁ khandhānaṁ cittasamuṭṭhānānañca
rūpānaṁ vipākapaccayena paccayo dve khandhā .pe.

[1724] Saṅkiliṭṭhasaṅkilesiko dhammo saṅkiliṭṭhasaṅkilesikassa
dhammassa āhārapaccayena paccayo tīṇi.

[1725] Asaṅkiliṭṭhasaṅkilesiko dhammo asaṅkiliṭṭhasaṅkilesikassa
dhammassa āhārapaccayena paccayo asaṅkiliṭṭhasaṅkilesikā āhārā
sampayuttakānaṁ khandhānaṁ cittasamuṭṭhānānañca rūpānaṁ āhārapaccayena
paccayo paṭisandhikkhaṇe kabaḷiṁkāro āhāro imassa kāyassa
āhārapaccayena paccayo .pe.

[1726] Asaṅkiliṭṭhāsaṅkilesiko dhammo asaṅkiliṭṭhāsaṅkilesikassa
dhammassa āhārapaccayena paccayo tīṇi.

[1727] Saṅkiliṭṭhasaṅkilesiko dhammo saṅkiliṭṭhāsaṅkilesikassa
dhammassa indriyapaccayena paccayo tīṇi. Asaṅkiliṭṭhasaṅkilesiko
dhammo asaṅkiliṭṭhasaṅkilesikassa dhammassa indriyapaccayena paccayo
asaṅkiliṭṭhasaṅkilesikā indriyā sampayuttakānaṁ khandhānaṁ cittasamuṭṭhānānañca
rūpānaṁ indriyapaccayena paccayo paṭisandhikkhaṇe cakkhundriyaṁ
cakkhuviññāṇassa kāyindriyaṁ kāyaviññāṇassa indriyapaccayena
paccayo rūpajīvitindriyaṁ kaṭattārūpānaṁ indriyapaccayena paccayo.
Asaṅkiliṭṭhāsaṅkilesiko dhammo tīṇi.

[1728] Saṅkiliṭṭhasaṅkilesiko dhammo saṅkiliṭṭhasaṅkilesikassa
dhammassa jhānapaccayena paccayo ... Maggapaccayena paccayo
... Sampayuttapaccayena paccayo.

[1729] Saṅkiliṭṭhasaṅkilesiko dhammo asaṅkiliṭṭhasaṅkilesikassa
dhammassa vippayuttapaccayena paccayo sahajātaṁ pacchājātaṁ.
Sahajātā: saṅkiliṭṭhasaṅkilesikā khandhā cittasamuṭṭhānānaṁ rūpānaṁ
vippayuttapaccayena paccayo. Pacchājātā: saṅkiliṭṭhasaṅkilesikā
khandhā purejātassa imassa kāyassa vippayuttapaccayena paccayo.

[1730] Asaṅkiliṭṭhasaṅkilesiko dhammo asaṅkiliṭṭhasaṅkilesikassa
dhammassa vippayuttapaccayena paccayo sahajātaṁ purejātaṁ pacchājātaṁ.
Sahajātā: asaṅkiliṭṭhasaṅkilesikā khandhā cittasamuṭṭhānānaṁ rūpānaṁ
vippayuttapaccayena paccayo paṭisandhikkhaṇe asaṅkiliṭṭhasaṅkilesikā
khandhā kaṭattā ca rūpānaṁ vippayuttapaccayena paccayo khandhā
vatthussa vatthu khandhānaṁ vippayuttapaccayena paccayo. Purejātaṁ:
cakkhāyatanaṁ cakkhuviññāṇassa kāyāyatanaṁ kāyaviññāṇassa
vippayuttapaccayena paccayo vatthu asaṅkiliṭṭhasaṅkilesikānaṁ khandhānaṁ
vippayuttapaccayena paccayo. Pacchājātā: asaṅkiliṭṭhasaṅkilesikā
khandhā purejātassa imassa kāyassa vippayuttapaccayena paccayo.

[1731] Asaṅkiliṭṭhasaṅkilesiko dhammo saṅkiliṭṭhasaṅkilesikassa
dhammassa vippayuttapaccayena paccayo purejātaṁ: vatthu saṅkiliṭṭhasaṅkilesikānaṁ
khandhānaṁ vippayuttapaccayena paccayo.