[289] Na cakkhu na cakkhāyatananti: āmantā. Na cakkhāyatanaṁ
na cakkhūti: dibbacakkhu paññācakkhu na cakkhāyatanaṁ cakkhu cakkhuñca
cakkhāyatanañca ṭhapetvā avasesā na ceva cakkhu na ca cakkhāyatanaṁ.
Na sotaṁ na sotāyatananti: āmantā. Na sotāyatanaṁ na sotanti:
dibbasotaṁ taṇhāsotaṁ na sotāyatanaṁ sotaṁ sotañca sotāyatanañca
ṭhapetvā avasesā na ceva sotaṁ na ca sotāyatanaṁ. Na ghānaṁ
na ghānāyatananti: āmantā. Na ghānāyatanaṁ na ghānanti: āmantā.
Na jivhā na jivhāyatananti: āmantā. Na jivhāyatanaṁ na jivhāti:
Āmantā. Na kāyo na kāyāyatananti: āmantā. Na kāyāyatanaṁ
na kāyoti: kāyāyatanaṁ ṭhapetvā avaseso kāyo na kāyāyatanaṁ
kāyo kāyañca kāyāyatanañca ṭhapetvā avaseso na ceva kāyo
na ca kāyāyatanaṁ. Na rūpaṁ na rūpāyatananti: āmantā. Na rūpāyatanaṁ
na rūpanti: rūpāyatanaṁ ṭhapetvā avasesaṁ rūpaṁ na rūpāyatanaṁ rūpaṁ rūpañca
rūpāyatanañca ṭhapetvā avasesaṁ na ceva rūpaṁ na ca rūpāyatanaṁ.
Na saddo na saddāyatananti: āmantā. Na saddāyatanaṁ na saddoti:
āmantā. Na gandho na gandhāyatananti: āmantā. Na gandhāyatanaṁ
na gandhoti: sīlagandho samādhigandho paññāgandho na gandhāyatanaṁ gandho
gandhañca gandhāyatanañca ṭhapetvā avasesā na ceva gandho na ca
gandhāyatanaṁ. Na raso na rasāyatananti: āmantā. Na rasāyatanaṁ na rasoti:
attharaso dhammaraso vimuttiraso na rasāyatanaṁ raso rasañca rasāyatanañca
ṭhapetvā avasesā na ceva raso na ca rasāyatanaṁ. Na phoṭṭhabbo
na phoṭṭhabbāyatananti: āmantā. Na phoṭṭhabbāyatanaṁ na phoṭṭhabboti:
āmantā. Na mano na manāyatananti: āmantā. Na manāyatanaṁ
na manoti: āmantā. Na dhammo na dhammāyatananti: āmantā.
Na dhammāyatanaṁ na dhammoti: dhammāyatanaṁ ṭhapetvā avaseso dhammo
na dhammāyatanaṁ dhammo dhammañca dhammāyatanañca ṭhapetvā avaseso
na ceva dhammo na ca dhammāyatanaṁ.
---------

[290] Cakkhu cakkhāyatananti: dibbacakkhu paññācakkhu cakkhu na cakkhāyatanaṁ
cakkhāyatanaṁ cakkhu ceva cakkhāyatanañca. Āyatanā sotāyatananti:
sotāyatanaṁ āyatanañceva sotāyatanañca avasesā āyatanā
āyatanā na sotāyatanaṁ. Cakkhu cakkhāyatananti: dibbacakkhu paññācakkhu
cakkhu na cakkhāyatanaṁ cakkhāyatanaṁ cakkhu ceva cakkhāyatanañca.
Āyatanā ghānāyatananti: .pe. Āyatanā dhammāyatananti: dhammāyatanaṁ
āyatanañceva dhammāyatanañca avasesā āyatanā āyatanā na dhammāyatanaṁ.
Sotaṁ .pe. Ghānaṁ .pe. Dhammo dhammāyatananti: dhammāyatanaṁ
ṭhapetvā avaseso dhammo dhammo na dhammāyatanaṁ dhammāyatanaṁ
dhammo ceva dhammāyatanañca. Āyatanā cakkhāyatananti cakkhāyatanaṁ
āyatanañceva cakkhāyatanañca avasesā āyatanā āyatanā na cakkhāyatanaṁ.
Dhammo dhammāyatananti: dhammāyatanaṁ ṭhapetvā avaseso
dhammo na dhammāyatanaṁ dhammāyatanaṁ dhammo ceva dhammāyatanañca.
Āyatanā sotāyatananti: .pe. Āyatanā manāyatananti: manāyatanaṁ
āyatanañceva manāyatanañca avasesā āyatanā āyatanā na manāyatanaṁ.
(ekekapadamūlakaṁ cakkaṁ bandhitabbaṁ asammohantena).

[291] Na cakkhu na cakkhāyatananti: āmantā. Nāyatanā na
sotāyatananti: āmantā. Na cakkhu na cakkhāyatananti: āmantā.
Nāyatanā na ghānāyatananti: āmantā .pe. Nāyatanā na dhammāyatananti:
āmantā. Na sotaṁ na sotāyatananti: āmantā. Nāyatanā
Na cakkhāyatanaṁ .pe. Nāyatanā na dhammāyatananti: āmantā. Na ghānaṁ
na ghānāyatanaṁ .pe. Na dhammo na dhammāyatananti: āmantā. Nāyatanā
na cakkhāyatananti: āmantā. Na dhammo na dhammāyatananti:
āmantā. Nāyatanā na sotāyatanaṁ .pe. Nāyatanā na manāyatananti:
āmantā. (cakkaṁ bandhantena sabbattha āmantāti kātabbaṁ).
---------

[292] Cakkhu āyatananti: āmantā. Āyatanā cakkhāyatananti: 1
cakkhāyatanaṁ āyatanañceva cakkhāyatanañca avasesā āyatanā āyatanā
na cakkhāyatanaṁ. Sotaṁ āyatananti: āmantā .pe. Ghānaṁ .. Jivhā ..
Kāyo .. Rūpaṁ .. Saddo .. Gandho .. Raso .. Phoṭṭhabbo .. Mano
... Dhammo āyatananti: āmantā. Āyatanā dhammāyatananti: dhammāyatanaṁ
āyatanañceva dhammāyatanañca avasesā āyatanā āyatanā
na dhammāyatanaṁ.

[293] Na cakkhu nāyatananti: cakkhuṁ ṭhapetvā avasesā āyatanā
na cakkhu āyatanā cakkhuñca āyatanañca ṭhapetvā avasesā na ceva
cakkhu na ca āyatanā. Nāyatanā na cakkhāyatananti: āmantā. Na sotaṁ
nāyatananti: sotaṁ ṭhapetvā .pe. Ghānaṁ ṭhapetvā jivhaṁ ṭhapetvā
.pe. Na ca āyatanā. Na kāyo nāyatananti: āmantā. Nāyatanā
1 idhāpi niddeso uddesena na sameti tatthādhippāyo khandhayamakavaṇṇanāyaṁ
vuttanayeneva veditabbo.
Na kāyāyatananti: āmantā. Na rūpaṁ nāyatananti: rūpaṁ ṭhapetvā
.pe. Saddaṁ ṭhapetvā gandhaṁ ṭhapetvā rasaṁ ṭhapetvā phoṭṭhabbaṁ
ṭhapetvā .pe. Na ca āyatanā. Na mano nāyatananti: manaṁ ṭhapetvā
avasesā āyatanā na mano āyatanā manañca āyatanañca ṭhapetvā
avasesā na ceva mano na ca āyatanā. Nāyatanā na manāyatananti:
āmantā. Na dhammo nāyatananti: āmantā. Nāyatanā na dhammāyatananti:
āmantā.
---------

[294] Cakkhu āyatananti: āmantā. Āyatanā sotāyatananti: 1
sotāyatanaṁ āyatanañceva sotāyatanañca avasesā āyatanā āyatanā
na sotāyatanaṁ. Cakkhu āyatananti: āmantā. Āyatanā ghānāyatanaṁ
.pe. Āyatanā dhammāyatananti: dhammāyatanaṁ āyatanañceva dhammāyatanañca
avasesā āyatanā āyatanā na dhammāyatanaṁ. Sotaṁ
āyatananti: āmantā. Āyatanā cakkhāyatananti: .pe. Na cakkhāyatanaṁ
.pe. Āyatanā dhammāyatananti: .pe. Na dhammāyatanaṁ ghānaṁ jivhā
.pe. Dhammo āyatananti: āmantā. Āyatanā cakkhāyatanaṁ
.pe. Āyatanā manāyatananti: manāyatanaṁ āyatanañceva manāyatanañca
avasesā āyatanā āyatanā na manāyatanaṁ. (cakkaṁ bandhitabbaṁ).

[295] Na cakkhu nāyatananti: cakkhuṁ ṭhapetvā avasesā āyatanā
1 idhāpi pubbe vuttanayena veditabbaṁ.
Na cakkhu āyatanā cakkhuñca āyatanañca ṭhapetvā avasesā na ceva
cakkhu na ca āyatanā. Nāyatanā na sotāyatananti: āmantā
.pe. Na cakkhu nāyatananti: cakkhuṁ ṭhapetvā avasesā āyatanā
na cakkhu āyatanā cakkhuñca āyatanañca ṭhapetvā avasesā na ceva
cakkhu na ca āyatanā. Nāyatanā na ghānāyatanaṁ .pe. Nāyatanā
na dhammāyatananti: āmantā. Na sotaṁ nāyatananti: sotaṁ ṭhapetvā
.pe. Ghānaṁ ṭhapetvā jivhaṁ ṭhapetvā .pe. Na ca āyatanā.
Na kāyo nāyatananti: āmantā. Nāyatanā na cakkhāyatananti:
āmantā .pe. Nāyatanā na dhammāyatananti: āmantā .pe.
Na dhammo nāyatananti: āmantā. Nāyatanā na cakkhāyatananti:
āmantā. Na dhammo nāyatananti: āmantā. Nāyatanā na sotāyatananti:
āmantā .pe. Nāyatanā na manāyatananti: āmantā.
(cakkaṁ bandhitabbaṁ).
Paṇṇattivāro.
--------
Pavattivāro

[296] Yassa cakkhāyatanaṁ uppajjati tassa sotāyatanaṁ uppajjatīti:
sacakkhukānaṁ asotakānaṁ upapajjantānaṁ tesaṁ cakkhāyatanaṁ uppajjati
no ca tesaṁ sotāyatanaṁ uppajjati sacakkhukānaṁ sasotakānaṁ upapajjantānaṁ
tesaṁ cakkhāyatanañca uppajjati sotāyatanañca uppajjati.
Yassa vā pana sotāyatanaṁ uppajjati tassa cakkhāyatanaṁ uppajjatīti:
sasotakānaṁ acakkhukānaṁ upapajjantānaṁ tesaṁ sotāyatanaṁ uppajjati
no ca tesaṁ cakkhāyatanaṁ uppajjati sasotakānaṁ sacakkhukānaṁ upapajjantānaṁ
tesaṁ sotāyatanañca uppajjati cakkhāyatanañca uppajjati.

[297] Yassa cakkhāyatanaṁ uppajjati tassa ghānāyatanaṁ uppajjatīti:
sacakkhukānaṁ aghānakānaṁ upapajjantānaṁ tesaṁ cakkhāyatanaṁ uppajjati
no ca tesaṁ ghānāyatanaṁ uppajjati sacakkhukānaṁ saghānakānaṁ upapajjantānaṁ
tesaṁ cakkhāyatanañca uppajjati ghānāyatanañca uppajjati.
Yassa vā pana ghānāyatanaṁ uppajjati tassa cakkhāyatanaṁ uppajjatīti:
saghānakānaṁ acakkhukānaṁ upapajjantānaṁ tesaṁ ghānāyatanaṁ uppajjati
no ca tesaṁ cakkhāyatanaṁ uppajjati saghānakānaṁ sacakkhukānaṁ upapajjantānaṁ
tesaṁ ghānāyatanañca uppajjati cakkhāyatanañca uppajjati.

[298] Yassa cakkhāyatanaṁ uppajjati tassa rūpāyatanaṁ uppajjatīti:
āmantā. Yassa vā pana rūpāyatanaṁ uppajjati tassa cakkhāyatanaṁ
uppajjatīti: sarūpakānaṁ acakkhukānaṁ upapajjantānaṁ tesaṁ rūpāyatanaṁ
uppajjati no ca tesaṁ cakkhāyatanaṁ uppajjati sacakkhukānaṁ upapajjantānaṁ
tesaṁ rūpāyatanañca uppajjati cakkhāyatanañca uppajjati.