[269] Yassa vedanākkhandho nuppajjittha tassa saññākkhandho
na nirujjhissatīti: natthi. Yassa vā pana saññākkhandho na nirujjhissati
Tassa vedanākkhandho nuppajjitthāti: uppajjittha.

[270] Yattha rūpakkhandho nuppajjittha .pe.

[271] Yassa yattha rūpakkhandho nuppajjittha tassa tattha vedanākkhandho
na nirujjhissatīti: suddhāvāsaṁ upapajjantānaṁ arūpānaṁ tesaṁ
tattha rūpakkhandho nuppajjittha no ca tesaṁ tattha vedanākkhandho
na nirujjhissati suddhāvāse parinibbantānaṁ arūpe parinibbantānaṁ
tesaṁ tattha rūpakkhandho ca nuppajjittha vedanākkhandho ca na
nirujjhissati. Yassa vā pana yattha vedanākkhandho na nirujjhissati
tassa tattha rūpakkhandho nuppajjitthāti: pañcavokāre parinibbantānaṁ
asaññasattānaṁ tesaṁ tattha vedanākkhandho na nirujjhissati no ca
tesaṁ tattha rūpakkhandho nuppajjittha suddhāvāse parinibbantānaṁ
arūpe parinibbantānaṁ tesaṁ tattha vedanākkhandho ca na nirujjhissati
rūpakkhandho ca nuppajjittha.

[272] Yassa yattha vedanākkhandho nuppajjittha tassa tattha
saññākkhandho na nirujjhissatīti: suddhāvāsaṁ upapajjantānaṁ tesaṁ
tattha vedanākkhandho nuppajjittha no ca tesaṁ tattha saññākkhandho
na nirujjhissati suddhāvāse parinibbantānaṁ asaññasattānaṁ tesaṁ tattha
vedanākkhandho ca nuppajjittha saññākkhandho ca na nirujjhissati. Yassa
vā pana yattha saññākkhandho na nirujjhissati tassa tattha vedanākkhandho
nuppajjitthāti: parinibbantānaṁ tesaṁ tattha saññākkhandho na nirujjhissati
No ca tesaṁ tattha vedanākkhandho nuppajjittha suddhāvāse
parinibbantānaṁ asaññasattānaṁ tesaṁ tattha saññākkhandho ca na nirujjhissati
vedanākkhandho ca nuppajjittha.
Uppādanirodhavāraṁ niṭṭhitaṁ.
Pavattivāro.
----------
Pariññāvāro

[273] Yo rūpakkhandhaṁ parijānāti so vedanākkhandhaṁ parijānātīti:
āmantā. Yo vā pana vedanākkhandhaṁ parijānāti so rūpakkhandhaṁ
parijānātīti: āmantā. Yo rūpakkhandhaṁ na parijānāti so vedanākkhandhaṁ
na parijānātīti: āmantā. Yo vā pana vedanākkhandhaṁ
na parijānāti so rūpakkhandhaṁ na parijānātīti: āmantā.

[274] Yo rūpakkhandhaṁ parijānittha so vedanākkhandhaṁ parijānitthāti:
āmantā. Yo vā pana vedanākkhandhaṁ parijānittha so rūpakkhandhaṁ
parijānitthāti: āmantā. Yo rūpakkhandhaṁ na parijānittha so
vedanākkhandhaṁ na parijānitthāti: āmantā. Yo vā pana vedanākkhandhaṁ
na parijānittha so rūpakkhandhaṁ na parijānitthāti: āmantā.

[275] Yo rūpakkhandhaṁ parijānissati so vedanākkhandhaṁ parijānissatīti:
āmantā. Yo vā pana vedanākkhandhaṁ parijānissati so rūpakkhandhaṁ
parijānissatīti: āmantā. Yo rūpakkhandhaṁ na parijānissati so
Vedanākkhandhaṁ na parijānissatīti: āmantā. Yo vā pana vedanākkhandhaṁ
na parijānissati so rūpakkhandhaṁ na parijānissatīti: āmantā.

[276] Yo rūpakkhandhaṁ parijānāti so vedanākkhandhaṁ parijānitthāti:
no. Yo vā pana vedanākkhandhaṁ parijānittha so rūpakkhandhaṁ parijānātīti:
no. Yo rūpakkhandhaṁ na parijānāti so vedanākkhandhaṁ na parijānitthāti:
arahā rūpakkhandhaṁ na parijānāti no ca vedanākkhandhaṁ na parijānittha
aggamaggasamaṅgiñca arahantañca ṭhapetvā avasesā puggalā rūpakkhandhañca
na parijānanti vedanākkhandhañca na parijānittha. Yo vā pana
vedanākkhandhaṁ na parijānittha so rūpakkhandhaṁ na parijānātīti: aggamaggasamaṅgī
vedanākkhandhaṁ na parijānittha no ca rūpakkhandhaṁ na parijānāti
aggamaggasamaṅgiñca arahantañca ṭhapetvā avasesā puggalā vedanākkhandhañca
na parijānittha rūpakkhandhañca na parijānanti.

[277] Yo rūpakkhandhaṁ parijānāti so vedanākkhandhaṁ parijānissatīti:
no. Yo vā pana vedanākkhandhaṁ parijānissati so rūpakkhandhaṁ
parijānātīti: no. Yo rūpakkhandhaṁ na parijānāti so vedanākkhandhaṁ
na parijānissatīti: ye maggaṁ paṭilabhissanti te rūpakkhandhaṁ na parijānanti
no ca vedanākkhandhaṁ na parijānissanti arahā ye ca puthujjanā
maggaṁ na paṭilabhissanti te rūpakkhandhañca na parijānanti vedanākkhandhañca
na parijānissanti. Yo vā pana vedanākkhandhaṁ na parijānissati so rūpakkhandhaṁ
na parijānātīti: aggamaggasamaṅgī vedanākkhandhaṁ na parijānissati
No ca rūpakkhandhaṁ na parijānāti arahā ye ca puthujjanā maggaṁ
na paṭilabhissanti te vedanākkhandhañca na parijānissanti rūpakkhandhañca
na parijānanti.

[278] Yo rūpakkhandhaṁ parijānittha so vedanākkhandhaṁ parijānissatīti:
no. Yo vā pana vedanākkhandhaṁ parijānissati so rūpakkhandhaṁ
parijānitthāti: no. Yo rūpakkhandhaṁ na parijānittha so vedanākkhandhaṁ
na parijānissatīti: ye maggaṁ paṭilabhissanti te rūpakkhandhaṁ na parijānittha
no ca vedanākkhandhaṁ na parijānissanti aggamaggasamaṅgī ye ca puthujjanā
maggaṁ na paṭilabhissanti te rūpakkhandhañca na parijānittha vedanākkhandhañca
na parijānissanti. Yo vā pana vedanākkhandhaṁ na parijānissati so
rūpakkhandhaṁ na parijānitthāti: arahā vedanākkhandhaṁ na parijānissati no
ca rūpakkhandhaṁ na parijānittha aggamaggasamaṅgī ye ca puthujjanā maggaṁ
na paṭilabhissanti te vedanākkhandhañca na parijānissanti rūpakkhandhañca
na parijānittha.
Pariññāvāraṁ niṭṭhitaṁ.
Khandhayamakaṁ niṭṭhitaṁ.
--------
Āyatanayamakaṁ
paṇṇattivāro