[1267] Akusalena cittena samuṭṭhitaṁ rūpāyatanaṁ abyākatanti.
Āmantā. Akusalena cittena samuṭṭhitaṁ vacīkammaṁ rūpaṁ abyākatanti.
Katanti. Na hevaṁ vattabbe .pe. Akusalena cittena samuṭṭhitaṁ
saddāyatanaṁ .pe. Gandhāyatanaṁ rasāyatanaṁ phoṭṭhabbāyatanaṁ .pe.
Paṭhavīdhātu āpodhātu tejodhātu vāyodhātu asuci assu lohitaṁ
.pe. Sedo abyākatoti. Āmantā. Akusalena cittena samuṭṭhitaṁ
vacīkammaṁ rūpaṁ abyākatanti. Na hevaṁ vattabbe .pe.

[1268] Akusalena cittena samuṭṭhitaṁ vacīkammaṁ rūpaṁ anārammaṇaṁ
akusalanti. Āmantā. Akusalena cittena samuṭṭhitaṁ rūpāyatanaṁ
anārammaṇaṁ akusalanti. Na hevaṁ vattabbe .pe. Akusalena
cittena samuṭṭhitaṁ vacīkammaṁ rūpaṁ anārammaṇaṁ akusalanti. Āmantā.
Akusalena cittena samuṭṭhitaṁ saddāyatanaṁ .pe. Gandhāyatanaṁ rasāyatanaṁ
phoṭṭhabbāyatanaṁ .pe. Paṭhavīdhātu āpodhātu tejodhātu .pe.
Vāyodhātu asuci assu lohitaṁ .pe. Sedo anārammaṇo akusaloti.
Na hevaṁ vattabbe .pe.

[1269] Akusalena cittena samuṭṭhitaṁ rūpāyatanaṁ anārammaṇaṁ
abyākatanti. Āmantā. Akusalena cittena samuṭṭhitaṁ vacīkammaṁ
rūpaṁ anārammaṇaṁ abyākatanti. Na hevaṁ vattabbe .pe. Akusalena
cittena samuṭṭhitaṁ saddāyatanaṁ .pe. Gandhāyatanaṁ rasāyatanaṁ phoṭṭhabbāyatanaṁ
paṭhavīdhātu āpodhātu tejodhātu vāyodhātu asuci assu
lohitaṁ .pe. Sedo anārammaṇo abyākatoti. Āmantā.
Akusalena cittena samuṭṭhitaṁ vacīkammaṁ rūpaṁ anārammaṇaṁ abyākatanti.
Na hevaṁ vattabbe .pe.

[1270] Akusalena cittena samuṭṭhitaṁ vacīkammaṁ rūpaṁ phassavippayuttaṁ
akusalanti. Āmantā. Akusalena cittena samuṭṭhitaṁ rūpāyatanaṁ
phassavippayuttaṁ akusalanti. Na hevaṁ vattabbe .pe. Akusalena
cittena samuṭṭhitaṁ vacīkammaṁ rūpaṁ phassavippayuttaṁ akusalanti. Āmantā.
Akusalena cittena samuṭṭhitaṁ saddāyatanaṁ .pe. Gandhāyatanaṁ rasāyatanaṁ
phoṭṭhabbāyatanaṁ paṭhavīdhātu āpodhātu tejodhātu .pe. Vāyodhātu
asuci assu lohitaṁ .pe. Sedo phassavippayutto akusaloti.
Na hevaṁ vattabbe .pe.

[1271] Akusalena cittena samuṭṭhitaṁ rūpāyatanaṁ phassavippayuttaṁ
abyākatanti. Āmantā. Akusalena cittena samuṭṭhitaṁ vacīkammaṁ
rūpaṁ anārammaṇaṁ phassavippayuttaṁ abyākatanti. Na hevaṁ vattabbe
.pe. Akusalena cittena samuṭṭhitaṁ saddāyatanaṁ .pe. Gandhāyatanaṁ
rasāyatanaṁ phoṭṭhabbāyatanaṁ paṭhavīdhātu āpodhātu tejodhātu vāyodhātu
asuci assu lohitaṁ .pe. Sedo anārammaṇo phassavippayutto
abyākatoti. Āmantā. Akusalena cittena samuṭṭhitaṁ vacīkammaṁ rūpaṁ
anārammaṇaṁ phassavippayuttaṁ abyākatanti. Na hevaṁ vattabbe .pe.

[1272] Akusalena cittena samuṭṭhitaṁ vacīkammaṁ rūpaṁ anārammaṇaṁ
phassavippayuttaṁ akusalanti. Āmantā. Akusalena cittena samuṭṭhitaṁ
rūpāyatanaṁ anārammaṇaṁ phassavippayuttaṁ akusalanti. Na hevaṁ vattabbe
.pe. Akusalena cittena samuṭṭhitaṁ vacīkammaṁ rūpaṁ anārammaṇaṁ phassavippayuttaṁ
akusalanti. Āmantā. Akusalena cittena samuṭṭhitaṁ
saddāyatanaṁ .pe. Gandhāyatanaṁ rasāyatanaṁ phoṭṭhabbāyatanaṁ .pe.
Paṭhavīdhātu āpodhātu tejodhātu vāyodhātu asuci assu lohitaṁ
.pe. Sedo anārammaṇo phassavippayutto akusaloti. Na hevaṁ
vattabbe .pe.

[1273] Akusalena cittena samuṭṭhitaṁ rūpāyatanaṁ anārammaṇaṁ
phassavippayuttaṁ abyākatanti. Āmantā. Akusalena cittena
samuṭṭhitaṁ vacīkammaṁ rūpaṁ anārammaṇaṁ phassavippayuttaṁ abyākatanti.
Na hevaṁ vattabbe .pe. Akusalena cittena samuṭṭhitaṁ saddāyatanaṁ
.pe. Gandhāyatanaṁ rasāyatanaṁ phoṭṭhabbāyatanaṁ paṭhavīdhātu āpodhātu
tejodhātu vāyodhātu asuci assu lohitaṁ .pe. Sedo anārammaṇo
phassavippayutto abyākatoti. Āmantā. Akusalena cittena
samuṭṭhitaṁ vacīkammaṁ rūpaṁ anārammaṇaṁ phassavippayuttaṁ abyākatanti.
Na hevaṁ vattabbe .pe.

[1274] Na vattabbaṁ rūpaṁ kusalampi akusalampīti. Āmantā.
Nanu kāyakammaṁ vacīkammaṁ kusalampi akusalampīti. Āmantā.
Hañci kāyakammaṁ vacīkammaṁ kusalampi akusalampi tena vata re vattabbe
rūpaṁ kusalampi akusalampīti.

[1275] Rūpaṁ kusalampi akusalampīti. Āmantā. Cakkhāyatanaṁ
Kusalampi akusalampīti. Na hevaṁ vattabbe .pe. Rūpaṁ kusalampi
akusalampīti. Āmantā. Sotāyatanaṁ .pe. Ghānāyatanaṁ jivhāyatanaṁ
kāyāyatanaṁ rūpāyatanaṁ saddāyatanaṁ gandhāyatanaṁ rasāyatanaṁ phoṭṭhabbāyatanaṁ
paṭhavīdhātu āpodhātu tejodhātu vāyodhātu asuci assu lohitaṁ
.pe. Sedo kusalopi akusalopīti. Na hevaṁ vattabbe .pe.

[1276] Kāyo rūpaṁ kāyakammaṁ rūpanti. Āmantā. Mano
rūpaṁ manokammaṁ rūpanti. Na hevaṁ vattabbe .pe.