[1257] Kusalena cittena samuṭṭhitaṁ vacīkammaṁ rūpaṁ kusalanti.
Āmantā. Yaṁ kiñci kusalena cittena samuṭṭhitaṁ rūpaṁ sabbantaṁ
kusalanti. Na hevaṁ vattabbe .pe. Yathā kāyakammaṁ tathā vacīkammanti.

[1258] Akusalena cittena samuṭṭhitaṁ kāyakammaṁ rūpaṁ akusalanti.
Āmantā. Sārammaṇaṁ atthi tassa āvajjanā ābhogo samannāhāro
manasikāro cetanā patthanā paṇidhīti. Na hevaṁ vattabbe
.pe. Nanu anārammaṇaṁ natthi tassa āvajjanā ābhogo samannāhāro
manasikāro cetanā patthanā paṇidhīti. Āmantā.
Hañci anārammaṇaṁ natthi tassa āvajjanā ābhogo samannāhāro
manasikāro cetanā patthanā paṇidhi no vata re vattabbe akusalena
cittena samuṭṭhitaṁ kāyakammaṁ rūpaṁ akusalanti.

[1259] Akusalena cittena samuṭṭhito phasso akusalo sārammaṇo
atthi tassa āvajjanā .pe. Paṇidhīti. Āmantā. Akusalena
cittena samuṭṭhitaṁ kāyakammaṁ rūpaṁ akusalaṁ sārammaṇaṁ atthi tassa
āvajjanā .pe. Paṇidhīti. Na hevaṁ vattabbe .pe. Akusalena
cittena samuṭṭhitā vedanā .pe. Saññā cetanā rāgo doso
moho māno diṭṭhi vicikicchā thīnaṁ uddhaccaṁ ahirikaṁ .pe. Anottappaṁ
akusalaṁ sārammaṇaṁ atthi tassa āvajjanā .pe. Paṇidhīti.
Āmantā. Akusalena cittena samuṭṭhitaṁ kāyakammaṁ rūpaṁ akusalaṁ
sārammaṇaṁ atthi tassa āvajjanā .pe. Paṇidhīti. Na hevaṁ
vattabbe .pe.

[1260] Akusalena cittena samuṭṭhitaṁ kāyakammaṁ rūpaṁ akusalaṁ
anārammaṇaṁ natthi tassa āvajjanā .pe. Paṇidhīti. Āmantā.
Akusalena cittena samuṭṭhito phasso akusalo anārammaṇo natthi tassa
āvajjanā .pe. Paṇidhīti. Na hevaṁ vattabbe .pe. Akusalena
cittena samuṭṭhitaṁ kāyakammaṁ rūpaṁ akusalaṁ anārammaṇaṁ natthi tassa
āvajjanā .pe. Paṇidhīti. Āmantā. Akusalena cittena samuṭṭhitā
vedanā .pe. Saññā cetanā rāgo doso moho māno diṭṭhi
vicikicchā thīnaṁ uddhaccaṁ ahirikaṁ .pe. Anottappaṁ akusalaṁ anārammaṇaṁ
natthi tassa āvajjanā .pe. Paṇidhīti. Na hevaṁ vattabbe .pe.

[1261] Akusalena cittena samuṭṭhitaṁ kāyakammaṁ rūpaṁ akusalanti.
Āmantā. Yaṁ kiñci akusalena cittena samuṭṭhitaṁ rūpaṁ sabbantaṁ
akusalanti. Na hevaṁ vattabbe .pe.

[1262] Akusalena cittena samuṭṭhitaṁ vacīkammaṁ rūpaṁ akusalanti.
Āmantā. Sārammaṇaṁ atthi tassa āvajjanā .pe. Paṇidhīti.
Na hevaṁ vattabbe .pe. Nanu anārammaṇaṁ natthi tassa āvajjanā
.pe. Paṇidhīti. Āmantā. Hañci anārammaṇaṁ natthi tassa
āvajjanā .pe. Paṇidhi no vata re vattabbe akusalena cittena
samuṭṭhitaṁ vacīkammaṁ rūpaṁ akusalanti.

[1263] Akusalena cittena samuṭṭhito phasso akusalo sārammaṇo
atthi tassa āvajjanā .pe. Paṇidhīti. Āmantā. Akusalena
cittena samuṭṭhitaṁ vacīkammaṁ rūpaṁ akusalaṁ sārammaṇaṁ atthi tassa
āvajjanā .pe. Paṇidhīti. Na hevaṁ vattabbe .pe. Akusalena
cittena samuṭṭhitā vedanā .pe. Saññā cetanā rāgo doso
moho māno diṭṭhi vicikicchā thīnaṁ uddhaccaṁ ahirikaṁ .pe. Anottappaṁ
akusalaṁ sārammaṇaṁ atthi tassa āvajjanā .pe. Paṇidhīti.
Āmantā. Akusalena cittena samuṭṭhitaṁ vacīkammaṁ rūpaṁ akusalaṁ
sārammaṇaṁ atthi tassa āvajjanā .pe. Paṇidhīti. Na hevaṁ
vattabbe .pe.

[1264] Akusalena cittena samuṭṭhitaṁ vacīkammaṁ rūpaṁ akusalaṁ
anārammaṇaṁ natthi tassa āvajjanā .pe. Paṇidhīti. Āmantā.
Akusalena cittena samuṭṭhito phasso akusalo anārammaṇo natthi
tassa āvajjanā .pe. Paṇidhīti. Na hevaṁ vattabbe .pe.
Akusalena cittena samuṭṭhitaṁ vacīkammaṁ rūpaṁ akusalaṁ anārammaṇaṁ natthi
tassa āvajjanā .pe. Paṇidhīti. Āmantā. Akusalena cittena
samuṭṭhitā vedanā .pe. Saññā cetanā rāgo doso moho
māno diṭṭhi vicikicchā thīnaṁ uddhaccaṁ ahirikaṁ .pe. Anottappaṁ
akusalaṁ anārammaṇaṁ natthi tassa āvajjanā .pe. Paṇidhīti.
Na hevaṁ vattabbe .pe.

[1265] Akusalena cittena samuṭṭhitaṁ vacīkammaṁ rūpaṁ akusalanti.
Āmantā. Yaṁ kiñci akusalena cittena samuṭṭhitaṁ rūpaṁ sabbantaṁ
akusalanti. Na hevaṁ vattabbe .pe.

[1266] Akusalena cittena samuṭṭhitaṁ vacīkammaṁ rūpaṁ akusalanti.
Āmantā. Akusalena cittena samuṭṭhitaṁ rūpāyatanaṁ akusalanti.
Na hevaṁ vattabbe .pe. Akusalena cittena samuṭṭhitaṁ vacīkammaṁ rūpaṁ
akusalanti. Āmantā. Akusalena cittena samuṭṭhitaṁ saddāyatanaṁ
.pe. Gandhāyatanaṁ rasāyatanaṁ phoṭṭhabbāyatanaṁ paṭhavīdhātu āpodhātu
tejodhātu vāyodhātu asuci assu lohitaṁ .pe. Sedo akusaloti.
Na hevaṁ vattabbe .pe.