[817] Maṁsasotaṁ dhammūpatthaddhaṁ dibbasotaṁ hotīti. Āmantā.
Dibbasotaṁ dhammūpatthaddhaṁ maṁsasotaṁ hotīti. Na hevaṁ vattabbe .pe.

[818] Maṁsasotaṁ dhammūpatthaddhaṁ dibbasotaṁ hotīti. Āmantā.
Ekaññeva sotanti. Na hevaṁ vattabbe .pe.

[819] Ekaññeva sotanti. Āmantā. Nanu dve sotāni
vuttāni bhagavatā maṁsasotaṁ dibbasotanti. Āmantā. Hañci
dve sotāni vuttāni bhagavatā maṁsasotaṁ dibbasotaṁ no vata re
vattabbe ekaññeva sotanti.
Dibbasotakathā.
-----------
Yathākammūpagatañāṇakathā

[820] Yathākammūpagatañāṇaṁ dibbacakkhunti. Āmantā. Yathākammūpagatañca
manasi karoti dibbena cakkhunā rūpaṁ passatīti.
Na hevaṁ vattabbe .pe.

[821] Yathākammūpagatañca manasi karoti dibbena cakkhunā rūpaṁ
passatīti. Āmantā. Dvinnaṁ phassānaṁ dvinnaṁ cittānaṁ samodhānaṁ
hotīti. Na hevaṁ vattabbe .pe.

[822] Yathākammūpagatañāṇaṁ dibbacakkhunti. Āmantā. Ime vata
bhonto sattāti ca manasi karoti kāyaduccaritena samannāgatāti ca manasi
karoti vacīduccaritena samannāgatāti ca manasi karoti manoduccaritena
samannāgatāti ca manasi karoti ariyānaṁ upavādakāti ca manasi
karoti micchādiṭṭhikāti ca manasi karoti micchādiṭṭhikammasamādānāti
ca manasi karoti te kāyassa bhedā parammaraṇā apāyaṁ
duggatiṁ vinipātaṁ nirayaṁ upapannāti ca manasi karoti ime vā pana
bhonto sattāti ca manasi karoti kāyasucaritena samannāgatāti
ca manasi karoti vacīsucaritena samannāgatāti ca manasi karoti
manosucaritena samannāgatāti ca manasi karoti ariyānaṁ anupavādakāti
ca manasi karoti sammādiṭṭhikāti ca manasi karoti sammādiṭṭhikammasamādānāti
ca manasi karoti te kāyassa bhedā parammaraṇā
Sugatiṁ saggaṁ lokaṁ upapannāti ca manasi karoti dibbena cakkhunā
rūpaṁ passatīti. Na hevaṁ vattabbe .pe.

[823] Yathākammūpagatañāṇaṁ dibbacakkhunti. Āmantā. Ime
vata bhonto sattāti ca manasi karoti .pe. Te kāyassa bhedā
parammaraṇā sugatiṁ saggaṁ lokaṁ upapannāti ca manasi karoti
dibbena cakkhunā rūpaṁ passatīti. Āmantā. Dvinnaṁ phassānaṁ
davinnaṁ cittānaṁ samodhānaṁ hotīti. Na hevaṁ vattabbe .pe.

[824] Yathākammūpagatañāṇaṁ dibbacakkhunti. Āmantā. Atthi
koci adibbacakkhuko dibbacakkhuṁ appaṭiladdho anadhigato asacchikato
yathākammūpagataṁ jānātīti. Āmantā. Hañci atthi koci adibbacakkhuko
dibbacakkhuṁ appaṭiladdho anadhigato asacchikato yathākammūpagataṁ jānāti
no vata re vattabbe yathākammūpagatañāṇaṁ dibbacakkhunti.

[825] Yathākammūpagatañāṇaṁ dibbacakkhunti. Āmantā. Āyasmā
sārīputto yathākammūpagataṁ jānātīti. Āmantā. Hañci āyasmā
sārīputto yathākammūpagataṁ jānāti no vata re vattabbe yathākammūpagatañāṇaṁ
dibbacakkhunti.

[826] Āyasmā sārīputto yathākammūpagataṁ jānātīti. Āmantā.
Atthāyasmato sārīputtassa dibbacakkhunti. Na hevaṁ vattabbe .pe.