[387] Na vattabbaṁ anāgataṁ atthīti. Āmantā. Nanu
vuttaṁ bhagavatā kabaḷīkāre ce bhikkhave āhāre atthi rāgo atthi
nandi atthi taṇhā patiṭṭhitaṁ tattha viññāṇaṁ virūḷhaṁ yattha
patiṭṭhitaṁ viññāṇaṁ virūḷhaṁ atthi tattha nāmarūpassa avakkanti yattha
atthi nāmarūpassa avakkanti atthi tattha saṅkhārānaṁ vuḍḍhi yattha
atthi saṅkhārānaṁ vuḍḍhi atthi tattha āyatiṁ punabbhavābhinibbatti
yattha atthi āyatiṁ punabbhavābhinibbatti atthi tattha āyatiṁ jātijarāmaraṇaṁ
yattha atthi āyatiṁ jātijarāmaraṇaṁ sasokantaṁ bhikkhave sarajaṁ
saupāyāsanti vadāmi phasse ce bhikkhave āhāre ... Manosañcetanāya
ce bhikkhave āhāre ... Viññāṇe ce bhikkhave āhāre atthi rāgo
atthi nandi .pe. Sarajaṁ saupāyāsanti vadāmīti 3 attheva suttantoti.
1 saṁ. saḷāyatana. 65. 2 aṁ. tika. 253. 3 saṁ. ni. 122.
Āmantā. Tena hi na vattabbaṁ anāgataṁ atthīti.

[388] Anāgataṁ atthīti. Āmantā. Nanu vuttaṁ bhagavatā
kabaḷīkāre ce bhikkhave āhāre natthi rāgo natthi nandi natthi
taṇhā appatiṭṭhitaṁ tattha viññāṇaṁ avirūḷhaṁ yattha appatiṭṭhitaṁ
viññāṇaṁ avirūḷhaṁ natthi tattha nāmarūpassa avakkanti yattha natthi
nāmarūpassa avakkanti natthi tattha saṅkhārānaṁ vuḍḍhi yattha natthi
saṅkhārānaṁ vuḍḍhi natthi tattha āyatiṁ punabbhavābhinibbatti yattha
natthi āyatiṁ punabbhavābhinibbatti natthi tattha āyatiṁ jātijarāmaraṇaṁ
yattha natthi āyatiṁ jātijarāmaraṇaṁ asokantaṁ bhikkhave arajaṁ anupāyāsanti
vadāmi phasse ce bhikkhave āhāre ... Manosañcetanāya ce
bhikkhave āhāre ... Viññāṇe ce bhikkhave āhāre natthi rāgo
natthi nandi .pe. Arajaṁ anupāyāsanti vadāmīti 1 attheva suttantoti.
Āmantā. Tena hi na vattabbaṁ anāgataṁ atthīti.
Sabbamatthītikathā.
-------
Atītaṁ khandhātikathā

[389] Atītaṁ khandhāti. Āmantā. Atītaṁ atthīti. Na hevaṁ
vattabbe .pe. Atītaṁ āyatananti. Āmantā. Atītaṁ atthīti.
Na hevaṁ vattabbe .pe. Atītaṁ dhātūti. Āmantā. Atītaṁ
1 saṁ. ni. 122.
Atthīti. Na hevaṁ vattabbe .pe. Atītaṁ khandhadhātuāyatananti.
Āmantā. Atītaṁ atthīti. Na hevaṁ vattabbe .pe.

[390] Anāgataṁ khandhāti. Āmantā. Anāgataṁ atthīti.
Na hevaṁ vattabbe .pe. Anāgataṁ āyatananti. Āmantā. Anāgataṁ
atthīti. Na hevaṁ vattabbe .pe. Anāgataṁ dhātūti. Āmantā.
Anāgataṁ atthīti. Na hevaṁ vattabbe .pe. Anāgataṁ khandhadhātuāyatananti.
Āmantā. Anāgataṁ atthīti. Na hevaṁ vattabbe .pe.

[391] Paccuppannaṁ khandhā paccuppannaṁ atthīti. Āmantā.
Atītaṁ khandhā atītaṁ atthīti. Na hevaṁ vattabbe .pe. Paccuppannaṁ
āyatanaṁ paccuppannaṁ atthīti. Āmantā. Atītaṁ āyatanaṁ atītaṁ
atthīti. Na hevaṁ vattabbe .pe. Paccuppannaṁ dhātu paccuppannaṁ
atthīti. Āmantā. Atītaṁ dhātu atītaṁ atthīti. Na hevaṁ
vattabbe .pe. Paccuppannaṁ khandhadhātuāyatanaṁ paccuppannaṁ atthīti.
Āmantā. Atītaṁ khandhadhātuāyatanaṁ atītaṁ atthīti. Na hevaṁ
vattabbe .pe.

[392] Paccuppannaṁ khandhā paccuppannaṁ atthīti. Āmantā.
Anāgataṁ khandhā anāgataṁ atthīti. Na hevaṁ vattabbe .pe.
Paccuppannaṁ āyatanaṁ paccuppannaṁ atthīti. Āmantā. Anāgataṁ
āyatanaṁ anāgataṁ atthīti. Na hevaṁ vattabbe .pe. Paccuppannaṁ
dhātu paccuppannaṁ atthīti. Āmantā. Anāgataṁ dhātu anāgataṁ
Atthīti. Na hevaṁ vattabbe .pe. Paccuppannaṁ khandhadhātuāyatanaṁ
paccuppannaṁ atthīti. Āmantā. Anāgataṁ khandhadhātuāyatanaṁ anāgataṁ
atthīti. Na hevaṁ vattabbe .pe.

[393] Atītaṁ khandhā atītaṁ natthīti. Āmantā. Paccuppannaṁ
khandhā paccuppannaṁ natthīti. Na hevaṁ vattabbe .pe. Atītaṁ
āyatanaṁ atītaṁ natthīti. Āmantā. Paccuppannaṁ āyatanaṁ
paccuppannaṁ natthīti. Na hevaṁ vattabbe .pe. Atītaṁ dhātu atītaṁ
natthīti. Āmantā. Paccuppannaṁ dhātu paccuppannaṁ natthīti.
Na hevaṁ vattabbe .pe. Atītaṁ khandhadhātuāyatanaṁ atītaṁ natthīti.
Āmantā. Paccuppannaṁ khandhadhātuāyatanaṁ paccuppannaṁ natthīti.
Na hevaṁ vattabbe .pe.

[394] Anāgataṁ khandhā anāgataṁ natthīti. Āmantā.
Paccuppannaṁ khandhā paccuppannaṁ natthīti. Na hevaṁ vattabbe
.pe. Anāgataṁ āyatanaṁ .pe. Anāgataṁ dhātu .pe. Anāgataṁ
khandhadhātuāyatanaṁ anāgataṁ natthīti. Āmantā. Paccuppannaṁ
khandhadhātuāyatanaṁ paccuppannaṁ natthīti. Na hevaṁ vattabbe .pe.

[395] Atītaṁ rūpaṁ khandhoti. Āmantā. Atītaṁ rūpaṁ atthīti. Na
hevaṁ vattabbe .pe. Atītaṁ rūpaṁ āyatananti. Āmantā. Atītaṁ
rūpaṁ atthīti. Na hevaṁ vattabbe .pe. Atītaṁ rūpaṁ dhātūti. Āmantā.
Atītaṁ rūpaṁ atthīti. Na hevaṁ vattabbe .pe. Atītaṁ rūpaṁ khandhadhātuāyatananti.
Āmantā. Atītaṁ rūpaṁ atthīti. Na hevaṁ
vattabbe .pe.

[396] Anāgataṁ rūpaṁ khandhoti. Āmantā. Anāgataṁ rūpaṁ
atthīti. Na hevaṁ vattabbe .pe. Anāgataṁ rūpaṁ āyatanaṁ .pe.
Anāgataṁ rūpaṁ dhātu .pe. Anāgataṁ rūpaṁ khandhadhātuāyatananti.
Āmantā. Anāgataṁ rūpaṁ atthīti. Na hevaṁ vattabbe .pe.