[17] Puggalo upalabbhati sacchikaṭṭhaparamaṭṭhena rūpañca upalabbhati
sacchikaṭṭhaparamaṭṭhenāti. Āmantā. Aññaṁ rūpaṁ añño puggaloti.
Na hevaṁ vattabbe. Ājānāhi niggahaṁ hañci puggalo upalabbhati
sacchikaṭṭhaparamaṭṭhena rūpañca upalabbhati sacchikaṭṭhaparamaṭṭhena tena
vata re vattabbe aññaṁ rūpaṁ añño puggaloti yaṁ tattha vadesi
vattabbe kho puggalo upalabbhati sacchikaṭṭhaparamaṭṭhena rūpañca
upalabbhati sacchikaṭṭhaparamaṭṭhena no ca vattabbe aññaṁ rūpaṁ añño
Puggaloti micchā no ce pana vattabbe aññaṁ rūpaṁ añño
puggaloti no vata re vattabbe puggalo upalabbhati sacchikaṭṭhaparamaṭṭhena
rūpañca upalabbhati sacchikaṭṭhaparamaṭṭhenāti yaṁ tattha vadesi
vattabbe kho puggalo upalabbhati sacchikaṭṭhaparamaṭṭhena rūpañca
upalabbhati sacchikaṭṭhaparamaṭṭhena no ca vattabbe aññaṁ rūpaṁ añño
puggaloti micchā .pe.

[18] Puggalo upalabbhati sacchikaṭṭhaparamaṭṭhena vedanā ca
upalabbhati sacchikaṭṭhaparamaṭṭhena .pe. Saññā ca upalabbhati .pe.
Saṅkhārā ca upalabbhanti .pe. Viññāṇañca upalabbhati
sacchikaṭṭhaparamaṭṭhenāti. Āmantā. Aññaṁ viññāṇaṁ añño puggaloti.
Na hevaṁ vattabbe. Ājānāhi niggahaṁ hañci puggalo upalabbhati
sacchikaṭṭhaparamaṭṭhena viññāṇañca upalabbhati sacchikaṭṭhaparamaṭṭhena
tena vata re vattabbe aññaṁ viññāṇaṁ añño puggaloti yaṁ
tattha vadesi vattabbe kho puggalo upalabbhati sacchikaṭṭhaparamaṭṭhena
viññāṇañca upalabbhati sacchikaṭṭhaparamaṭṭhena no ca vattabbe
aññaṁ viññāṇaṁ añño puggaloti micchā no ce pana vattabbe
aññaṁ viññāṇaṁ añño puggaloti no vata re vattabbe puggalo
upalabbhati sacchikaṭṭhaparamaṭṭhena viññāṇañca upalabbhati
sacchikaṭṭhaparamaṭṭhenāti yaṁ tattha vadesi vattabbe kho puggalo upalabbhati
sacchikaṭṭhaparamaṭṭhena viññāṇañca upalabbhati sacchikaṭṭhaparamaṭṭhena
No ca vattabbe aññaṁ viññāṇaṁ añño puggaloti micchā .pe.

[19] Puggalo upalabbhati sacchikaṭṭhaparamaṭṭhena cakkhāyatanañca
upalabbhati sacchikaṭṭhaparamaṭṭhena .pe. Sotāyatanañca upalabbhati .pe.
Ghānāyatanañca upalabbhati .pe. Jivhāyatanañca upalabbhati .pe.
Kāyāyatanañca upalabbhati .pe. Rūpāyatanañca upalabbhati .pe.
Saddāyatanañca upalabbhati .pe. Gandhāyatanañca upalabbhati .pe.
Rasāyatanañca upalabbhati .pe. Phoṭṭhabbāyatanañca upalabbhati .pe.
Manāyatanañca upalabbhati .pe. Dhammāyatanañca upalabbhati sacchikaṭṭhaparamaṭṭhena
.pe.

[20] Cakkhudhātu ca upalabbhati sacchikaṭṭhaparamaṭṭhena .pe.
Sotadhātu ca upalabbhati .pe. Ghānadhātu ca upalabbhati .pe.
Jivhādhātu ca upalabbhati .pe. Kāyadhātu ca upalabbhati .pe.
Rūpadhātu ca upalabbhati .pe. Saddadhātu ca upalabbhati .pe.
Gandhadhātu ca upalabbhati .pe. Rasadhātu ca upalabbhati .pe.
Phoṭṭhabbadhātu ca upalabbhati .pe. Cakkhuviññāṇadhātu ca upalabbhati
.pe. Sotaviññāṇadhātu ca upalabbhati .pe. Ghānaviññāṇadhātu
ca upalabbhati .pe. Jivhāviññāṇadhātu ca upalabbhati .pe.
Kāyaviññāṇadhātu ca upalabbhati .pe. Manodhātu ca upalabbhati
.pe. Manoviññāṇadhātu ca upalabbhati .pe. Dhammadhātu ca upalabbhati
sacchikaṭṭhaparamaṭṭhena .pe.

[21] Cakkhundriyañca upalabbhati sacchikaṭṭhaparamaṭṭhena .pe.
Sotindriyañca upalabbhati .pe. Ghānindriyañca upalabbhati .pe.
Jivhindriyañca upalabbhati .pe. Kāyindriyañca upalabbhati .pe.
Manindriyañca upalabbhati .pe. Jīvitindriyañca upalabbhati .pe.
Itthindriyañca upalabbhati .pe. Purisindriyañca upalabbhati .pe.
Sukhindriyañca upalabbhati .pe. Dukkhindriyañca upalabbhati .pe.
Somanassindriyañca upalabbhati .pe. Domanassindriyañca upalabbhati
.pe. Upekkhindriyañca upalabbhati .pe. Saddindriyañca upalabbhati
.pe. Viriyindriyañca upalabbhati .pe. Satindriyañca upalabbhati
.pe. Samādhindriyañca upalabbhati .pe. Paññindriyañca upalabbhati
.pe. Anaññataññassāmītindriyañca upalabbhati .pe.
Aññindriyañca upalabbhati .pe. Aññātāvindriyañca upalabbhati
sacchikaṭṭhaparamaṭṭhenāti. Āmantā. Aññaṁ aññātāvindriyaṁ añño
puggaloti. Na hevaṁ vattabbe. Ājānāhi niggahaṁ hañci puggalo
upalabbhati sacchikaṭṭhaparamaṭṭhena aññātāvindriyañca upalabbhati
sacchikaṭṭhaparamaṭṭhena tena vata re vattabbe aññaṁ aññātāvindriyaṁ
añño puggaloti yaṁ tattha vadesi vattabbe kho puggalo
upalabbhati sacchikaṭṭhaparamaṭṭhena aññātāvindriyañca upalabbhati
sacchikaṭṭhaparamaṭṭhena no ca vattabbe aññaṁ aññātāvindriyaṁ
añño puggaloti micchā no ce pana vattabbe aññaṁ aññātāvindriyaṁ
Añño puggaloti no vata re vattabbe puggalo
upalabbhati sacchikaṭṭhaparamaṭṭhena aññātāvindriyañca upalabbhati sacchikaṭṭha-
paramaṭṭhenāti yaṁ tattha vadesi vattabbe kho puggalo upalabbhati
sacchikaṭṭhaparamaṭṭhena aññātāvindriyañca upalabbhati sacchikaṭṭhaparamaṭṭhena
no ca vattabbe aññaṁ aññātāvindriyaṁ añño puggaloti
micchā .pe.

[22] Puggalo nūpalabbhati sacchikaṭṭhaparamaṭṭhenāti. Āmantā.
Vuttaṁ bhagavatā atthi puggalo attahitāya paṭipanno 1 rūpañca
upalabbhati sacchikaṭṭhaparamaṭṭhenāti. Āmantā. Aññaṁ rūpaṁ añño
puggaloti. Na hevaṁ vattabbe. Ājānāhi paṭikammaṁ hañci
vuttaṁ bhagavatā atthi puggalo attahitāya paṭipanno rūpañca upalabbhati
sacchikaṭṭhaparamaṭṭhena tena vata re vattabbe aññaṁ rūpaṁ añño
puggaloti yaṁ tattha vadesi vattabbe kho vuttaṁ bhagavatā atthi
puggalo attahitāya paṭipanno rūpañca upalabbhati sacchikaṭṭhaparamaṭṭhena
no ca vattabbe aññaṁ rūpaṁ añño puggaloti micchā
no ce pana vattabbe aññaṁ rūpaṁ añño puggaloti no vata
re vattabbe vuttaṁ bhagavatā atthi puggalo attahitāya paṭipanno
rūpañca upalabbhati sacchikaṭṭhaparamaṭṭhenāti yaṁ tattha vadesi vattabbe
kho vuttaṁ bhagavatā atthi puggalo attahitāya paṭipanno rūpañca
1 abhi. pu. 127
Upalabbhati sacchikaṭṭhaparamaṭṭhena no ca vattabbe aññaṁ rūpaṁ añño
puggaloti micchā .pe. Puggalo nūpalabbhati sacchikaṭṭhaparamaṭṭhenāti.
Āmantā. Vuttaṁ bhagavatā atthi puggalo attahitāya
paṭipanno vedanā ca upalabbhati .pe. Saññā ca upalabbhati
.pe. Saṅkhārā ca upalabbhanti .pe. Viññāṇañca upalabbhati
sacchikaṭṭhaparamaṭṭhenāti. Āmantā. Aññaṁ viññāṇaṁ añño
puggaloti. Na hevaṁ vattabbe. Ājānāhi paṭikammaṁ hañci
vuttaṁ bhagavatā atthi puggalo attahitāya paṭipanno viññāṇañca
upalabbhati sacchikaṭṭhaparamaṭṭhena tena vata re vattabbe aññaṁ
viññāṇaṁ añño puggaloti yaṁ tattha vadesi vattabbe kho vuttaṁ
bhagavatā atthi puggalo attahitāya paṭipanno viññāṇañca upalabbhati
sacchikaṭṭhaparamaṭṭhena no ca vattabbe aññaṁ viññāṇaṁ añño
puggaloti micchā no ce pana vattabbe aññaṁ viññāṇaṁ añño
puggaloti no vata re vattabbe vuttaṁ bhagavatā atthi puggalo
attahitāya paṭipanno viññāṇañca upalabbhati sacchikaṭṭhaparamaṭṭhenāti
yaṁ tattha vadesi vattabbe kho vuttaṁ bhagavatā atthi puggalo
attahitāya paṭipanno viññāṇañca upalabbhati sacchikaṭṭhaparamaṭṭhena
no ca vattabbe aññaṁ viññāṇaṁ añño puggaloti micchā .pe.

[23] Puggalo nūpalabbhati sacchikaṭṭhaparamaṭṭhenāti. Āmantā.
Vuttaṁ bhagavatā atthi puggalo attahitāya paṭipanno cakkhāyatanañca
Upalabbhati sacchikaṭṭhaparamaṭṭhena .pe. Sotāyatanañca upalabbhati
.pe. Dhammāyatanañca upalabbhati sacchikaṭṭhaparamaṭṭhena .pe.

[24] .. Cakkhudhātu ca upalabbhati sacchikaṭṭhaparamaṭṭhena .pe.
Kāyadhātu ca upalabbhati .pe. Rūpadhātu ca upalabbhati .pe. Phoṭṭhabbadhātu
ca upalabbhati .pe. Cakkhuviññāṇadhātu ca upalabbhati .pe.
Manoviññāṇadhātu ca upalabbhati .pe. Dhammadhātu ca upalabbhati
sacchikaṭṭhaparamaṭṭhena .pe.

[25] .. Cakkhundriyañca upalabbhati sacchikaṭṭhaparamaṭṭhena .pe.
Sotindriyañca upalabbhati sacchikaṭṭhaparamaṭṭhena .pe. Aññātāvindriyañca
upalabbhati sacchikaṭṭhaparamaṭṭhena .pe. Puggalo nūpalabbhati
sacchikaṭṭhaparamaṭṭhenāti. Āmantā. Vuttaṁ bhagavatā atthi puggalo
attahitāya paṭipanno aññātāvindriyañca upalabbhati sacchikaṭṭhaparamaṭṭhenāti.
Āmantā. Aññaṁ aññātāvindriyaṁ añño puggaloti.
Na hevaṁ vattabbe. Ājānāhi paṭikammaṁ hañci vuttaṁ bhagavatā atthi
puggalo attahitāya paṭipanno aññātāvindriyañca upalabbhati
sacchikaṭṭhaparamaṭṭhena tena vata re vattabbe aññaṁ aññātāvindriyaṁ
añño puggaloti yaṁ tattha vadesi vattabbe kho vuttaṁ bhagavatā atthi
puggalo attahitāya paṭipanno aññātāvindriyañca upalabbhati
sacchikaṭṭhaparamaṭṭhena no ca vattabbe aññaṁ aññātāvindriyaṁ añño
puggaloti micchā no ce pana vattabbe aññaṁ aññātāvindriyaṁ
Añño puggaloti no vata re vattabbe vuttaṁ bhagavatā atthi
puggalo attahitāya paṭipanno aññātāvindriyañca upalabbhati
sacchikaṭṭhaparamaṭṭhenāti yaṁ tattha vadesi vattabbe kho vuttaṁ
bhagavatā atthi puggalo attahitāya paṭipanno aññātāvindriyañca
upalabbhati sacchikaṭṭhaparamaṭṭhena no ca vattabbe aññaṁ aññātāvindriyaṁ
añño puggaloti micchā .pe.
Suddhikasaṁsandanā.

[26] Rūpaṁ upalabbhati sacchikaṭṭhaparamaṭṭhena vedanā ca upalabbhati
sacchikaṭṭhaparamaṭṭhena aññaṁ rūpaṁ aññā vedanāti. Āmantā.
Puggalo upalabbhati sacchikaṭṭhaparamaṭṭhena rūpañca upalabbhati sacchikaṭṭha-
paramaṭṭhenāti. Āmantā. Aññaṁ rūpaṁ añño puggaloti.
Na hevaṁ vattabbe. Ājānāhi niggahaṁ hañci rūpaṁ upalabbhati
sacchikaṭṭhaparamaṭṭhena vedanā ca upalabbhati sacchikaṭṭhaparamaṭṭhena
aññaṁ rūpaṁ aññā vedanā puggalo upalabbhati sacchikaṭṭhaparamaṭṭhena
rūpañca upalabbhati sacchikaṭṭhaparamaṭṭhena tena vata re vattabbe
aññaṁ rūpaṁ añño puggaloti yaṁ tattha vadesi vattabbe kho
rūpaṁ upalabbhati sacchikaṭṭhaparamaṭṭhena vedanā ca upalabbhati
sacchikaṭṭhaparamaṭṭhena aññaṁ rūpaṁ aññā vedanā puggalo upalabbhati
sacchikaṭṭhaparamaṭṭhena rūpañca upalabbhati sacchikaṭṭhaparamaṭṭhena no
ca vattabbe aññaṁ rūpaṁ añño puggaloti micchā no ce pana
Vattabbe aññaṁ rūpaṁ añño puggaloti no vata re vattabbe
rūpaṁ upalabbhati sacchikaṭṭhaparamaṭṭhena vedanā ca upalabbhati
sacchikaṭṭhaparamaṭṭhena aññaṁ rūpaṁ aññā vedanā puggalo upalabbhati
sacchikaṭṭhaparamaṭṭhena rūpañca upalabbhati sacchikaṭṭhaparamaṭṭhenāti yaṁ
tattha vadesi vattabbe kho rūpaṁ upalabbhati sacchikaṭṭhaparamaṭṭhena
vedanā ca upalabbhati sacchikaṭṭhaparamaṭṭhena aññaṁ rūpaṁ aññā
vedanā puggalo upalabbhati sacchikaṭṭhaparamaṭṭhena rūpañca upalabbhati
sacchikaṭṭhaparamaṭṭhena no ca vattabbe aññaṁ rūpaṁ añño puggaloti
micchā .pe.