[37] Sotindriyaṁ upalabbhati .pe. Aññātāvindriyaṁ upalabbhati
sacchikaṭṭhaparamaṭṭhena cakkhundriyañca upalabbhati .pe. Aññindriyañca
upalabbhati sacchikaṭṭhaparamaṭṭhena aññaṁ aññātāvindriyaṁ aññaṁ
aññindriyanti. Āmantā. Puggalo upalabbhati sacchikaṭṭhaparamaṭṭhena
aññātāvindriyañca upalabbhati sacchikaṭṭhaparamaṭṭhenāti. Āmantā.
Aññaṁ aññātāvindriyaṁ añño puggaloti. Na hevaṁ vattabbe.
Ājānāhi niggahaṁ hañci aññātāvindriyaṁ upalabbhati sacchikaṭṭhaparamaṭṭhena
aññindriyañca upalabbhati sacchikaṭṭhaparamaṭṭhena aññaṁ
aññātāvindriyaṁ aññaṁ aññindriyaṁ puggalo upalabbhati sacchikaṭṭhaparamaṭṭhena
aññātāvindriyañca upalabbhati sacchikaṭṭhaparamaṭṭhena tena
vata re vattabbe aññaṁ aññātāvindriyaṁ añño puggaloti yaṁ tattha
vadesi vattabbe kho aññātāvindriyaṁ upalabbhati sacchikaṭṭhaparamaṭṭhena
aññindriyañca upalabbhati sacchikaṭṭhaparamaṭṭhena aññaṁ aññātāvindriyaṁ
aññaṁ aññindriyaṁ puggalo upalabbhati sacchikaṭṭhaparamaṭṭhena
aññātāvindriyañca upalabbhati sacchikaṭṭhaparamaṭṭhena no ca vattabbe
aññaṁ aññātāvindriyaṁ añño puggaloti micchā no ce pana
vattabbe aññaṁ aññātāvindriyaṁ añño puggaloti no vata
re vattabbe aññātāvindriyaṁ upalabbhati sacchikaṭṭhaparamaṭṭhena
aññindriyañca upalabbhati sacchikaṭṭhaparamaṭṭhena aññaṁ aññātāvindriyaṁ
aññaṁ aññindriyaṁ puggalo upalabbhati sacchikaṭṭhaparamaṭṭhena
Aññātāvindriyañca upalabbhati sacchikaṭṭhaparamaṭṭhenāti yaṁ tattha
vadesi vattabbe kho aññātāvindriyaṁ upalabbhati sacchikaṭṭhaparamaṭṭhena
aññindriyañca upalabbhati sacchikaṭṭhaparamaṭṭhena aññaṁ aññātāvindriyaṁ
aññaṁ aññindriyaṁ puggalo upalabbhati sacchikaṭṭhaparamaṭṭhena
aññātāvindriyañca upalabbhati sacchikaṭṭhaparamaṭṭhena no ca vattabbe
aññaṁ aññātāvindriyaṁ añño puggaloti micchā .pe.

[38] Rūpaṁ upalabbhati sacchikaṭṭhaparamaṭṭhena vedanā ca upalabbhati
sacchikaṭṭhaparamaṭṭhena aññaṁ rūpaṁ aññā vedanāti. Āmantā.
Vuttaṁ bhagavatā atthi puggalo attahitāya paṭipanno rūpañca
upalabbhati sacchikaṭṭhaparamaṭṭhenāti. Āmantā. Aññaṁ rūpaṁ añño
puggaloti. Na hevaṁ vattabbe. Ājānāhi paṭikammaṁ hañci rūpaṁ
upalabbhati sacchikaṭṭhaparamaṭṭhena vedanā ca upalabbhati sacchikaṭṭhaparamaṭṭhena
aññaṁ rūpaṁ aññā vedanā vuttaṁ bhagavatā atthi puggalo
attahitāya paṭipanno rūpañca upalabbhati sacchikaṭṭhaparamaṭṭhena tena
vata re vattabbe aññaṁ rūpaṁ añño puggaloti yaṁ tattha vadesi
vattabbe kho rūpaṁ upalabbhati sacchikaṭṭhaparamaṭṭhena vedanā ca upalabbhati
sacchikaṭṭhaparamaṭṭhena aññaṁ rūpaṁ aññā vedanā vuttaṁ bhagavatā atthi
puggalo attahitāya paṭipanno rūpañca upalabbhati sacchikaṭṭhaparamaṭṭhena
no ca vattabbe aññaṁ rūpaṁ añño puggaloti micchā no ce
pana vattabbe aññaṁ rūpaṁ añño puggaloti no vata re
Vattabbe rūpaṁ upalabbhati sacchikaṭṭhaparamaṭṭhena vedanā ca upalabbhati
sacchikaṭṭhaparamaṭṭhena aññaṁ rūpaṁ aññā vedanā vuttaṁ bhagavatā
atthi puggalo attahitāya paṭipanno rūpañca upalabbhati
sacchikaṭṭhaparamaṭṭhenāti yaṁ tattha vadesi vattabbe kho rūpaṁ upalabbhati
sacchikaṭṭhaparamaṭṭhena vedanā ca upalabbhati sacchikaṭṭhaparamaṭṭhena aññaṁ
rūpaṁ aññā vedanā vuttaṁ bhagavatā atthi puggalo attahitāya
paṭipanno rūpañca upalabbhati sacchikaṭṭhaparamaṭṭhena no ca vattabbe
aññaṁ rūpaṁ añño puggaloti micchā .pe.

[39] Rūpaṁ upalabbhati sacchikaṭṭhaparamaṭṭhena saññā ca upalabbhati
.pe. Saṅkhārā ca upalabbhanti .pe. Viññāṇañca upalabbhati
sacchikaṭṭhaparamaṭṭhena .pe.

[40] Vedanā upalabbhati sacchikaṭṭhaparamaṭṭhena saññā ca
upalabbhati .pe. Saṅkhārā ca upalabbhanti .pe. Viññāṇañca
upalabbhati .pe. Rūpañca upalabbhati sacchikaṭṭhaparamaṭṭhena .pe.

[41] Saññā upalabbhati sacchikaṭṭhaparamaṭṭhena saṅkhārā ca
upalabbhanti .pe. Viññāṇañca upalabbhati .pe. Rūpañca upalabbhati
.pe. Vedanā ca upalabbhati sacchikaṭṭhaparamaṭṭhena .pe.

[42] Saṅkhārā upalabbhanti sacchikaṭṭhaparamaṭṭhena viññāṇañca
upalabbhati .pe. Rūpañca upalabbhati .pe. Vedanā ca upalabbhati
.pe. Saññā ca upalabbhati sacchikaṭṭhaparamaṭṭhena .pe.

[43] Viññāṇaṁ upalabbhati sacchikaṭṭhaparamaṭṭhena rūpañca
upalabbhati .pe. Vedanā ca upalabbhati .pe. Saññā ca upalabbhati
.pe. Saṅkhārā ca upalabbhanti sacchikaṭṭhaparamaṭṭhena .pe.

[44] Cakkhāyatanaṁ upalabbhati sacchikaṭṭhaparamaṭṭhena sotāyatanañca
upalabbhati .pe. Dhammāyatanañca upalabbhati sacchikaṭṭhaparamaṭṭhena
.pe.

[45] Sotāyatanaṁ upalabbhati .pe. Dhammāyatanaṁ upalabbhati
sacchikaṭṭhaparamaṭṭhena cakkhāyatanañca upalabbhati .pe. Manāyatanañca
upalabbhati sacchikaṭṭhaparamaṭṭhena .pe.

[46] Cakkhudhātu upalabbhati sacchikaṭṭhaparamaṭṭhena sotadhātu ca
upalabbhati .pe. Dhammadhātu ca upalabbhati sacchikaṭṭhaparamaṭṭhena .pe.