Vinayapiṭake cullavaggassa
paṭhamo bhāgo
----------
namo tassa bhagavato arahato sammāsambuddhassa.
Kammakkhandhakaṁ

[1] Tena samayena buddho bhagavā sāvatthiyaṁ viharati jetavane
anāthapiṇḍikassa ārāme. Tena kho pana samayena paṇḍukalohitakā
bhikkhū attanā bhaṇḍanakārakā kalahakārakā vivādakārakā bhassakārakā
saṅghe adhikaraṇakārakā yepi caññe bhikkhū bhaṇḍanakārakā
kalahakārakā vivādakārakā bhassakārakā saṅghe adhikaraṇakārakā te
upasaṅkamitvā evaṁ vadenti mā kho tumhe āyasmanto [1]- ajesi
balavā balavaṁ paṭimantetha tumhe tena paṇḍitatarā ca byattatarā ca
bahussutatarā ca alamatthatarā ca mā cassa bhāyittha mayaṁpi
tumhākaṁ pakkhā bhavissāmāti. Tena anuppannāni ceva bhaṇḍanāni
uppajjanti uppannāni ca bhaṇḍanāni bhiyyobhāvāya vepullāya
saṁvattanti. Ye te bhikkhū appicchā santuṭṭhā 2 lajjino kukkuccakā
sikkhākāmā te ujjhāyanti khīyanti vipācenti kathaṁ hi nāma
paṇḍukalohitakā bhikkhū attanā bhaṇḍanakārakā kalahakārakā
vivādakārakā bhassakārakā saṅghe adhikaraṇakārakā yepi caññe bhikkhū
1 Po. Ma. Yu. eso. 2 Ma. Yu. santuṭṭhā ... sikkhakāmāti cattārome pāṭhā na
dissanti.
Bhaṇḍanakārakā kalahakārakā vivādakārakā bhassakārakā saṅghe
adhikaraṇakārakā te upasaṅkamitvā evaṁ vakkhanti mā kho tumhe
āyasmanto eso ajesi balavā balavaṁ paṭimantetha tumhe
tena paṇḍitatarā ca byattatarā ca bahussutatarā ca alamatthatarā
ca mā cassa bhāyittha mayaṁpi tumhākaṁ pakkhā bhavissāmāti.
Tena anuppannāni ceva bhaṇḍanāni uppajjanti uppannāni ca
bhaṇḍanāni bhiyyobhāvāya vepullāya saṁvattantīti. Athakho te
bhikkhū bhagavato etamatthaṁ ārocesuṁ.

[2] Athakho bhagavā etasmiṁ nidāne etasmiṁ pakaraṇe bhikkhusaṅghaṁ
sannipātāpetvā bhikkhū paṭipucchi saccaṁ kira bhikkhave paṇḍukalohitakā
bhikkhū attanā bhaṇḍanakārakā kalahakārakā vivādakārakā
bhassakārakā saṅghe adhikaraṇakārakā yepi caññe bhikkhū bhaṇḍanakārakā
kalahakārakā vivādakārakā bhassakārakā saṅghe adhikaraṇakārakā
te upasaṅkamitvā evaṁ vadenti mā kho tumhe
āyasmanto eso ajesi balavā balavaṁ paṭimantetha tumhe
tena paṇḍitatarā ca byattatarā ca bahussutatarā ca alamatthatarā
ca mā cassa bhāyittha mayaṁpi tumhākaṁ pakkhā bhavissasāmāti
tena anuppannāni ceva bhaṇḍanāni uppajjanti uppannāni ca
bhaṇḍanāni bhiyyobhāvāya vepullāya saṁvattantīti. Saccaṁ bhagavāti 1 .
1 Yu. itisaddo na paññāyati.
Vigarahi buddho bhagavā ananucchavikaṁ 1 bhikkhave tesaṁ moghapurisānaṁ
ananulomikaṁ appaṭirūpaṁ assāmaṇakaṁ akappiyaṁ akaraṇīyaṁ kathaṁ hi
nāma te bhikkhave moghapurisā attanā bhaṇḍanakārakā .pe.
Saṅghe adhikaraṇakārakā yepi caññe bhikkhū bhaṇḍanakārakā .pe.
Saṅghe adhikaraṇakārakā te upasaṅkamitvā evaṁ vakkhanti mā
kho tumhe āyasmanto eso ajesi balavā balavaṁ paṭimantetha
tumhe tena paṇḍitatarā ca byattatarā ca bahussutatarā ca
alamatthatarā ca mā cassa bhāyittha mayaṁpi tumhākaṁ pakkhā
bhavissāmāti tena anuppannāni ceva bhaṇḍanāni uppajjanti
uppannāni ca bhaṇḍanāni bhiyyobhāvāya vepullāya saṁvattanti
netaṁ bhikkhave appasannānaṁ vā pasādāya pasannānaṁ vā
bhiyyobhāvāya athakhvetaṁ 2 bhikkhave appasannānaṁ ceva appasādāya
pasannānaṁ ca ekaccānaṁ aññathattāyāti.

[3] Athakho bhagavā paṇḍukalohitake 3 bhikkhū anekapariyāyena
vigarahitvā dubbharatāya dupposatāya mahicchatāya asantuṭṭhatāya 4
saṅgaṇikāya kosajjassa avaṇṇaṁ bhāsitvā anekapariyāyena subharatāya
suposatāya appicchassa santuṭṭhassa sallekhassa dhūtassa pāsādikassa
apacayassa viriyārambhassa vaṇṇaṁ bhāsitvā bhikkhūnaṁ tadanucchavikaṁ
1 Yu. ananucchaviyaṁ. 2 Ma. Yu. athakho taṁ.
3 Ma. Yu. te. 4 Ma. Yu. asantuṭṭhiyā.
Tadanulomikaṁ dhammiṁ kathaṁ katvā bhikkhū āmantesi tenahi bhikkhave
saṅgho paṇḍukalohitakānaṁ bhikkhūnaṁ tajjanīyakammaṁ karotu. Evañca
pana bhikkhave kātabbaṁ. Paṭhamaṁ paṇḍukalohitakā bhikkhū codetabbā
codetvā sāretabbā sāretvā āpatti āropetabbā 1 āpattiṁ
āropetvā 2 byattena bhikkhunā paṭibalena saṅgho ñāpetabbo
suṇātu me bhante saṅgho ime paṇḍukalohitakā bhikkhū attanā
bhaṇḍanakārakā kalahakārakā vivādakārakā bhassakārakā saṅghe adhikaraṇakārakā
yepi caññe bhikkhū bhaṇḍanakārakā kalahakārakā vivādakārakā
bhassakārakā saṅghe adhikaraṇakārakā te upasaṅkamitvā evaṁ
vadenti mā kho tumhe āyasmanto eso ajesi balavā balavaṁ
paṭimantetha tumhe tena paṇḍitatarā ca byattatarā ca bahussutatarā ca
alamatthatarā ca mā cassa bhāyittha mayaṁpi tumhākaṁ pakkhā
bhavissāmāti. Tena anuppannāni ceva bhaṇḍanāni uppajjanti
uppannāni ca bhaṇḍanāni bhiyyobhāvāya vepullāya saṁvattanti.
Yadi saṅghassa pattakallaṁ saṅgho paṇḍukalohitakānaṁ bhikkhūnaṁ
tajjanīyakammaṁ kareyya. Esā ñatti. Suṇātu me bhante
saṅgho ime paṇḍukalohitakā bhikkhū attanā bhaṇḍanakārakā .pe.
Saṅghe adhikaraṇakārakā yepi caññe bhikkhū bhaṇḍanakārakā .pe.
Saṅghe adhikaraṇakārakā te upasaṅkamitvā evaṁ vadenti
1 Ma. āpattiṁ āropetabbā. Yu. āpattiṁ ropetabbā. ito paraṁ īdisameva.
2 Yu. ropetvā.
Mā kho tumhe āyasmanto eso ajesi balavā balavaṁ paṭimantetha
tumhe tena paṇḍitatarā ca byattatarā ca bahussutatarā ca
alamatthatarā ca mā cassa bhāyittha mayaṁpi tumhākaṁ pakkhā
bhavissāmāti. Tena anuppannāni ceva bhaṇḍanāni uppajjanti
uppannāni ca bhaṇḍanāni bhiyyobhāvāya vepullāya saṁvattanti.
Saṅgho paṇḍukalohitakānaṁ bhikkhūnaṁ tajjanīyakammaṁ karoti.
Yassāyasmato khamati paṇḍukalohitakānaṁ bhikkhūnaṁ tajjanīyakammassa karaṇaṁ
so tuṇhassa yassa nakkhamati so bhāseyya. Dutiyampi
etamatthaṁ vadāmi. Suṇātu me bhante saṅgho ime paṇḍukalohitakā
bhikkhū attanā bhaṇḍanakārakā .pe. Saṅghe adhikaraṇakārakā
yepi caññe bhikkhū bhaṇḍanakārakā .pe. Saṅghe adhikaraṇakārakā
te upasaṅkamitvā evaṁ vadenti mā kho tumhe āyasmanto
eso ajesi balavā balavaṁ paṭimantetha tumhe tena paṇḍitatarā
ca byattatarā ca bahussutatarā ca alamatthatarā ca mā cassa
bhāyittha mayaṁpi tumhākaṁ pakkhā bhavissāmāti. Tena anuppannāni
ceva bhaṇḍanāni uppajjanti uppannāni ca bhaṇḍanāni bhiyyobhāvāya
vepullāya saṁvattanti. Saṅgho paṇḍukalohitakānaṁ bhikkhūnaṁ
tajjanīyakammaṁ karoti. Yassāyasmato khamati paṇḍukalohitakānaṁ
bhikkhūnaṁ tajjanīyakammassa karaṇaṁ so tuṇhassa yassa nakkhamati
so bhāseyya. Tatiyampi etematthaṁ vadāmi. Suṇātu me bhante
Saṅgho ime paṇḍukalohitakā bhikkhū attanā bhaṇḍanakārakā .pe.
Saṅghe adhikaraṇakārakā yepi caññe bhikkhū bhaṇḍanakārakā .pe.
Saṅghe adhikaraṇakārakā te upasaṅkamitvā evaṁ vadenti mā
kho tumhe āyasmanto eso ajesi balavā balavaṁ paṭimantetha
tumhe tena paṇḍitatarā ca byattatarā ca bahussutatarā ca alamatthatarā
ca mā cassa bhāyittha mayaṁpi tumhākaṁ pakkhā bhavissāmāti.
Tena anuppannāni ceva bhaṇḍanāni uppajjanti uppannāni ca
bhaṇḍanāni bhiyyobhāvāya vepullāya saṁvattanti. Saṅgho paṇḍukalohitakānaṁ
bhikkhūnaṁ tajjanīyakammaṁ karoti. Yassāyasmato khamati
paṇḍukalohitakānaṁ bhikkhūnaṁ tajjanīyakammassa karaṇaṁ so tuṇhassa
yassa nakkhamati so bhāseyya. Kataṁ saṅghena paṇḍukalohitakānaṁ
bhikkhūnaṁ tajjanīyakammaṁ khamati saṅghassa tasmā tuṇhī. Evametaṁ
dhārayāmīti.

[4] Tīhi bhikkhave aṅgehi samannāgataṁ tajjanīyakammaṁ
adhammakammañceva hoti avinayakammañca duvūpasantañca asammukhā kataṁ
hoti appaṭipucchā kataṁ hoti appaṭiññāya kataṁ hoti
imehi kho bhikkhave tīhaṅgehi samannāgataṁ tajjanīyakammaṁ
adhammakammañceva hoti avinayakammañca duvūpasantañca.

[5] Aparehipi bhikkhave tīhaṅgehi samannāgataṁ tajjanīyakammaṁ
adhammakammañceva hoti avinayakammañca duvūpasantañca anāpattiyā
Kataṁ hoti adesanāgāminiyā āpattiyā kataṁ hoti desitāya
āpattiyā kataṁ hoti imehi kho bhikkhave tīhaṅgehi samannāgataṁ
tajjanīyakammaṁ adhammakammañceva hoti avinayakammañca duvūpasantañca.

[6] Aparehipi bhikkhave tīhaṅgehi samannāgataṁ tajjanīyakammaṁ
adhammakammañceva hoti avinayakammañca duvūpasantañca acodetvā
kataṁ hoti asāretvā kataṁ hoti āpattiṁ anāropetvā kataṁ
hoti imehi kho bhikkhave tīhaṅgehi samannāgataṁ tajjanīyakammaṁ
adhammakammañceva hoti avinayakammañca duvūpasantañca.

[7] Aparehipi bhikkhave tīhaṅgehi samannāgataṁ tajjanīyakammaṁ
adhammakammañceva hoti avinayakammañca duvūpasantañca asammukhā
kataṁ hoti adhammena kataṁ hoti vaggena kataṁ hoti imehi
kho bhikkhave tīhaṅgehi samannāgataṁ tajjanīyakammaṁ adhammakammañceva
hoti avinayakammañca duvūpasantañca.

[8] Aparehipi bhikkhave tīhaṅgehi samannāgataṁ tajjanīyakammaṁ
adhammakammañceva hoti avinayakammañca duvūpasantañca appaṭipucchā
kataṁ hoti adhammena kataṁ hoti vaggena kataṁ hoti imehi
kho bhikkhave tīhaṅgehi samannāgataṁ tajjanīyakammaṁ adhammakammañceva
hoti avinayakammañca duvūpasantañca.

[9] Aparehipi bhikkhave tīhaṅgehi samannāgataṁ tajjanīyakammaṁ
adhammakammañceva hoti avinayakammañca duvūpasantañca appaṭiññāya
Kataṁ hoti adhammena kataṁ hoti vaggena kataṁ hoti imehi kho
bhikkhave tīhaṅgehi samannāgataṁ tajjanīyakammaṁ adhammakammañceva
hoti avinayakammañca duvūpasantañca.