[182] Katamañca bhikkhave vaggakammaṁ. Ñattidutiye ce bhikkhave
kamme yāvatikā bhikkhū kammappattā te anāgatā honti
chandārahānaṁ chando anāhaṭo hoti sammukhībhūtā paṭikkosanti
vaggakammaṁ. Ñattidutiye ce bhikkhave kamme yāvatikā bhikkhū
kammappattā te āgatā honti chandārahānaṁ chando anāhaṭo
hoti sammukhībhūtā paṭikkosanti vaggakammaṁ. Ñattidutiye ce
bhikkhave kamme yāvatikā bhikkhū kammappattā te āgatā honti
chandārahānaṁ chando āhaṭo hoti sammukhībhūtā paṭikkosanti
vaggakammaṁ. Ñatticatutthe ce bhikkhave kamme yāvatikā bhikkhū
Kammappattā te anāgatā honti chandārahānaṁ chando anāhaṭo
hoti sammukhībhūtā paṭikkosanti vaggakammaṁ. Ñatticatutthe
ce bhikkhave kamme yāvatikā bhikkhū kammappattā te āgatā
honti chandārahānaṁ chando anāhaṭo hoti sammukhībhūtā
paṭikkosanti vaggakammaṁ. Ñatticatutthe ce bhikkhave kamme
yāvatikā bhikkhū kammappattā te āgatā honti chandārahānaṁ
chando āhaṭo hoti sammukhībhūtā paṭikkosanti vaggakammaṁ.
Idaṁ vuccati bhikkhave vaggakammaṁ.

[183] Katamañca bhikkhave samaggakammaṁ. Ñattidutiye ce bhikkhave
kamme yāvatikā bhikkhū kammappattā te āgatā honti
chandārahānaṁ chando āhaṭo hoti sammukhībhūtā nappaṭikkosanti
samaggakammaṁ. Ñatticatutthe ce bhikkhave kamme yāvatikā bhikkhū
kammappattā te āgatā honti chandārahānaṁ chando āhaṭo
hoti sammukhībhūtā nappaṭikkosanti samaggakammaṁ. Idaṁ vuccati
bhikkhave samaggakammaṁ.

[184] Katamañca bhikkhave dhammapaṭirūpakena vaggakammaṁ.
Ñattidutiye ce bhikkhave kamme paṭhamaṁ kammavācaṁ anussāveti pacchā
ñattiṁ ṭhapeti yāvatikā bhikkhū kammappattā te anāgatā honti
chandārahānaṁ chando anāhaṭo hoti sammukhībhūtā paṭikkosanti
dhammapaṭirūpakena vaggakammaṁ. Ñattidutiye ce bhikkhave kamme paṭhamaṁ
Kammavācaṁ anussāveti pacchā ñattiṁ ṭhapeti yāvatikā bhikkhū
kammappattā te āgatā honti chandārahānaṁ chando anāhaṭo
hoti sammukhībhūtā paṭikkosanti dhammapaṭirūpakena vaggakammaṁ.
Ñattidutiye ce bhikkhave kamme paṭhamaṁ kammavācaṁ anussāveti pacchā
ñattiṁ ṭhapeti yāvatikā bhikkhū kammappattā te āgatā honti
chandārahānaṁ chando āhaṭo hoti sammukhībhūtā paṭikkosanti
dhammapaṭirūpakena vaggakammaṁ. Ñatticatutthe ce bhikkhave kamme
paṭhamaṁ kammavācaṁ anussāveti pacchā ñattiṁ ṭhapeti yāvatikā
bhikkhū kammappattā te anāgatā honti chandārahānaṁ chando
anāhaṭo hoti sammukhībhūtā paṭikkosanti dhammapaṭirūpakena
vaggakammaṁ. Ñatticatutthe ce bhikkhave kamme paṭhamaṁ kammavācaṁ
anussāveti pacchā ñattiṁ ṭhapeti yāvatikā bhikkhū kammappattā te
āgatā honti chandārahānaṁ chando anāhaṭo hoti sammukhībhūtā
paṭikkosanti dhammapaṭirūpakena vaggakammaṁ. Ñatticatutthe ce
bhikkhave kamme paṭhamaṁ kammavācaṁ anussāveti pacchā ñattiṁ ṭhapeti
yāvatikā bhikkhū kammappattā te āgatā honti chandārahānaṁ
chando āhaṭo hoti sammukhībhūtā paṭikkosanti dhammapaṭirūpakena
vaggakammaṁ. Idaṁ vuccati bhikkhave dhammapaṭirūpakena vaggakammaṁ.

[185] Katamañca bhikkhave dhammapaṭirūpakena samaggakammaṁ.
Ñattidutiye ce bhikkhave kamme paṭhamaṁ kammavācaṁ anussāveti pacchā
Ñattiṁ ṭhapeti yāvatikā bhikkhū kammappattā te āgatā honti
chandārahānaṁ chando āhaṭo hoti sammukhībhūtā nappaṭikkosanti
dhammapaṭirūpakena samaggakammaṁ. Ñatticatutthe ce bhikkhave kamme
paṭhamaṁ kammavācaṁ anussāveti pacchā ñattiṁ ṭhapeti yāvatikā
bhikkhū kammappattā te āgatā honti chandārahānaṁ chando
āhaṭo hoti sammukhībhūtā nappaṭikkosanti dhammapaṭirūpakena
samaggakammaṁ. Idaṁ vuccati bhikkhave dhammapaṭirūpakena samaggakammaṁ.

[186] Katamañca bhikkhave dhammena samaggakammaṁ. Ñattidutiye
ce bhikkhave kamme paṭhamaṁ ñattiṁ ṭhapeti pacchā ekāya kammavācāya
kammaṁ karoti yāvatikā bhikkhū kammappattā te āgatā honti
chandārahānaṁ chando āhaṭo hoti sammukhībhūtā nappaṭikkosanti
dhammena samaggakammaṁ. Ñatticatutthe ce bhikkhave kamme paṭhamaṁ
ñattiṁ ṭhapeti pacchā tīhi kammavācāhi kammaṁ karoti yāvatikā
bhikkhū kammappattā te āgatā honti chandārahānaṁ chando
āhaṭo hoti sammukhībhūtā nappaṭikkosanti. Dhammena
samaggakammaṁ. Idaṁ vuccati bhikkhave dhammena samaggakammaṁ.

[187] Pañca saṅghā catuvaggo bhikkhusaṅgho pañcavaggo
bhikkhusaṅgho dasavaggo bhikkhusaṅgho vīsativaggo bhikkhusaṅgho atirekavīsativaggo
bhikkhusaṅghoti 1 . Tatra bhikkhave yvāyaṁ catuvaggo bhikkhusaṅgho
ṭhapetvā tīṇi kammāni upasampadaṁ pavāraṇaṁ abbhānaṁ dhammena
1 Ma. Yu. itisaddo na dassati.
Samaggo sabbakammesu kammappatto. Tatra bhikkhave yvāyaṁ
pañcavaggo bhikkhusaṅgho ṭhapetvā dve kammāni majjhimesu janapadesu
upasampadaṁ abbhānaṁ dhammena samaggo sabbakammesu kammappatto.
Tatra bhikkhave yvāyaṁ dasavaggo bhikkhusaṅgho ṭhapetvā ekaṁ kammaṁ
abbhānaṁ dhammena samaggo sabbakammesu kammappatto. Tatra
bhikkhave yvāyaṁ vīsativaggo bhikkhusaṅgho dhammena samaggo
sabbakammesu kammappatto. Tatra bhikkhave yvāyaṁ atirekavīsativaggo
bhikkhusaṅgho dhammena samaggo sabbakammesu kammappatto.

[188] Catuvaggakaraṇañce bhikkhave kammaṁ bhikkhunīcatuttho kammaṁ
kareyya akammaṁ na ca karaṇīyaṁ. Catuvaggakaraṇañce bhikkhave kammaṁ
sikkhamānācatuttho .pe. Sāmaṇeracatuttho sāmaṇerīcatuttho
sikkhaṁ paccakkhātakacatuttho antimavatthuṁ ajjhāpannakacatuttho
āpattiyā adassane ukkhittakacatuttho āpattiyā appaṭikamme
ukkhittakacatuttho pāpikāya diṭṭhiyā appaṭinissagge ukkhittakacatuttho
paṇḍakacatuttho theyyasaṁvāsakacatuttho titthiyapakkantakacatuttho
tiracchānagatacatuttho mātughātakacatuttho pitughātakacatuttho
arahantaghātakacatuttho bhikkhunīdūsakacatuttho saṅghabhedakacatuttho
lohituppādakacatuttho ubhatobyañjanakacatuttho nānāsaṁvāsakacatuttho
nānāsīmāya ṭhitacatuttho iddhiyā vehāse
ṭhitacatuttho yassa saṅgho kammaṁ karoti taṁcatuttho kammaṁ
Kareyya akammaṁ na ca karaṇīyaṁ.
Catuvaggakaraṇaṁ.

[189] Pañcavaggakaraṇañce bhikkhave kammaṁ bhikkhunīpañcamo
kammaṁ kareyya akammaṁ na ca karaṇīyaṁ. Pañcavaggakaraṇañce
bhikkhave kammaṁ sikkhamānāpañcamo .pe. Sāmaṇerapañcamo
sāmaṇerīpañcamo sikkhaṁ paccakkhātakapañcamo antimavatthuṁ ajjhāpannakapañcamo
āpattiyā adassane ukkhittakapañcamo
āpattiyā appaṭikamme ukkhittakapañcamo pāpikāya diṭṭhiyā
appaṭinissagge ukkhittakapañcamo paṇḍakapañcamo theyyasaṁvāsakapañcamo
titthiyapakkantakapañcamo tiracchānagatapañcamo
mātughātakapañcamo pitughātakapañcamo arahantaghātakapañcamo
bhikkhunīdūsakapañcamo saṅghabhedakapañcamo lohituppādakapañcamo
ubhatobyañjanakapañcamo nānāsaṁvāsakapañcamo nānāsīmāya
ṭhitapañcamo iddhiyā vehāse ṭhitapañcamo yassa saṅgho kammaṁ
karoti taṁpañcamo kammaṁ kareyya akammaṁ na ca karaṇīyaṁ.
Pañcavaggakaraṇaṁ.

[190] Dasavaggakaraṇañce bhikkhave kammaṁ bhikkhunīdasamo kammaṁ
kareyya akammaṁ na ca karaṇīyaṁ. Dasavaggakaraṇañce bhikkhave kammaṁ
sikkhamānādasamo .pe. Sāmaṇeradasamo sāmaṇerīdasamo sikkhaṁ
paccakkhātakadasamo antimavatthuṁ ajjhāpannakadasamo āpattiyā
Adassane ukkhittakadasamo āpattiyā appaṭikamme ukkhittakadasamo
pāpikāya diṭṭhiyā appaṭinissagge ukkhittakadasamo paṇḍakadasamo
theyyasaṁvāsakadasamo titthiyapakkantakadasamo tiracchānagatadasamo
mātughātakadasamo pitughātakadasamo arahantaghātakadasamo bhikkhunīdūsakadasamo
saṅghabhedakadasamo lohituppādakadasamo ubhatobyañjanakadasamo
nānāsaṁvāsakadasamo nānāsīmāya ṭhitadasamo
iddhiyā vehāse ṭhitadasamo [1]- yassa saṅgho kammaṁ karoti taṁdasamo
kammaṁ kareyya akammaṁ na ca karaṇīyaṁ.
Dasavaggakaraṇaṁ.

[191] Vīsativaggakaraṇañce bhikkhave kammaṁ bhikkhunīvīso kammaṁ
kareyya akammaṁ na ca karaṇīyaṁ. Vīsativaggakaraṇañce bhikkhave
kammaṁ sikkhamānāvīso .pe. Sāmaṇeravīso sāmaṇerīvīso sikkhaṁ
paccakkhātakavīso antimavatthuṁ ajjhāpannakavīso āpattiyā
adassane ukkhittakavīso āpattiyā appaṭikamme ukkhittakavīso
pāpikāya diṭṭhiyā appaṭinissagge ukkhittakavīso paṇḍakavīso
theyyasaṁvāsakavīso titthiyapakkantakavīso tiracchānagatavīso mātughātakavīso
pitughātakavīso arahantaghātakavīso bhikkhunīdūsakavīso
saṅghabhedakavīso lohituppādakavīso ubhatobyañjanakavīso nānāsaṁvāsakavīso
nānāsīmāya ṭhitavīso [2]- yassa saṅgho kammaṁ karoti
taṁvīso kammaṁ kareyya akammaṁ na ca karaṇīyaṁ.
1 Ma. dasa vaggakaraṇañce kammaṁ. 2 Po. Ma. iddhiyā vehāse ṭhitavīso kammaṁ
kareyya.
Vīsativaggakaraṇaṁ.