[172] Aṭṭhimā bhikkhave mātikā cīvarassa uppādāya sīmāya
Deti katikāya deti bhikkhāpaññattiyā deti saṅghassa deti
ubhatosaṅghassa deti vassaṁ vutthassa saṅghassa deti ādissa
deti puggalassa deti. Sīmāya deti yāvatikā bhikkhū
antosīmagatā tehi bhājetabbaṁ. Katikāya deti sambahulā āvāsā
samānalābhā honti ekasmiṁ āvāse dinne sabbattha dinnaṁ
hoti. Bhikkhāpaññattiyā deti yattha saṅghassa dhuvakārā kariyanti
tattha deti 1 . Saṅghassa deti sammukhībhūtena saṅghena bhājetabbaṁ.
Ubhatosaṅghassa deti bahukāpi bhikkhū honti ekā bhikkhunī
hoti upaḍḍhaṁ dātabbaṁ. Bahukāpi bhikkhuniyo honti eko bhikkhu
hoti upaḍḍhaṁ dātabbaṁ. Vassaṁ vutthassa saṅghassa deti yāvatikā
bhikkhū tasmiṁ āvāse vassaṁ vutthā tehi bhājetabbaṁ. Ādissa deti
yāguyā vā bhatte vā khādanīye vā cīvare vā senāsane vā
bhesajje vā. Puggalassa deti imaṁ cīvaraṁ itthannāmassa dammīti.
Cīvarakkhandhakaṁ niṭṭhitaṁ aṭṭhamaṁ 2 .
Imamhi khandhake vatthū channavuti.
-----------
Tassuddānaṁ

[173] Rājagahako negamo disvā vesāliyaṁ gaṇiṁ 3
puna rājagahaṁ gantvā rañño taṁ paṭivedayi.
1 Yu. demāti. 2 Ma. cīvarakkhandhako aṭṭhamo. 3 Yu. gaṇi.
Putto sālavatikāya abhayassa hi atrajo
jīvatīti kumārena saṅkhāto jīvako iti.
So hi takkasilaṁ gantvā uggahetvā mahābhiso
sattavassikāabādhaṁ natthukammena nāsayi.
Rañño bhagandalābādhaṁ ālepena apākaḍhi 1 .
Mamañca itthāgārañca buddhasaṅghañcupaṭṭhaha 2 .
Rājagahako ca seṭṭhī antagaṇṭhitikicchitaṁ
pajjotassa mahārogaṁ ghaṭapānena nāsayi.
Adhikārañca siveyyaṁ abhisannaṁ sinehayi 3
tīhi uppalahatthehi 4 samattiṁsavirecanaṁ
pakatattaṁ varaṁ yāci siveyyañca paṭiggahi
cīvarañca gihidānaṁ anuññāsi tathāgato.
Rājagahe janapade bahuṁ uppajji cīvaraṁ.
Pāvāro kosiyañceva kojavo aḍḍhakāsikaṁ
uccāvacā ca santuṭṭhi nāgamesāgamesu ca
paṭhamaṁ pacchā sadisā katikā ca paṭiharuṁ
bhaṇḍāgāraṁ aguttañca vuṭṭhāpenti tatheva ca
ussannaṁ kolāhalañca kathaṁ bhāje kathaṁ dade
sakātirekabhāgena paṭiviso kathaṁ dade
1 Po. Ma. Yu. apākaḍḍhi. 2 Po. Ma. -- upaṭṭhahi. 3 Po. Ma. Yu. sinehati.
4 Yu. tīni uppalahatthena.
Chakaṇena sītuṇhaṁ 1 ca uttarituṁ na jānare
oropentā 2 bhājanañca pātiyā ca chamāya ca
upacikā majjhe jīranti ekato patthinena ca
pharusāchinnaccibaddhā 3 addasāsi ubhaṇḍite 4
vīmaṁsitvā sakyamuni anuññāsi ticīvaraṁ
aññena atirekena uppajji chiddameva ca
cātuddīpo varaṁ yāci dātuṁ vassikasāṭikaṁ
āgantugamigilānaṁ upaṭṭhākañca bhesajjaṁ
dhuvaṁ udakasāṭiṁ ca paṇītaṁ atikhuddakaṁ
thullakacchu mukhaṁ khomaṁ paripuṇṇaṁ adhiṭṭhanaṁ
pacchimaṁ kato garuko vikaṇṇo suttamokiri
lujjanti nappahonti ca anvādhikaṁ bahūni ca
andhavane asatiyā eko vassaṁ utumhi ca
dve bhātukā rājagahe upanando puna dvisu
kucchivikāro gilāno ubho ceva gilāyanā 5
naggā kusā vākacīraṁ phalakaṁ 6 kesakambalaṁ
vālaulūkapakkhañca ajinaṁ akkanālakaṁ
potthakaṁ nīlapītañca lohitaṁ mañjeṭṭhena ca
kaṇhā mahāraṅganāma- acchinnadasikā tathā
1 Ma. sītuṇhakā. Yu. sītuṇhi ca. 2 Yu. oropento. 3 Po. Ma. Yu. -- bandhā.
4 Po. Ma. ubbhaṇḍite. 5 Po. Ma. gilānakā. 6 Ma. Yu. phalako.
Dīghapupphaphaṇadasā kañcutirīṭaveṭhanaṁ
anuppanne pakkamati saṅgho bhijjati tāvade
pakkhe dadanti saṅghassa āyasmā revato pahi
vissāsagāhādhiṭṭhāti aṭṭha cīvaramātikāti.
---------------------
Campeyyakkhandhakaṁ

[174] Tena samayena buddho bhagavā campāyaṁ viharati gaggarāya
pokkharaṇiyā tīre. Tena kho pana samayena kāsīsu janapadesu
vāsabhagāmo nāma hoti. Tattha kassapagotto nāma bhikkhu
āvāsiko hoti tantibaddho ussukkaṁ āpanno kinti anāgatā
ca pesalā bhikkhū āgaccheyyuṁ āgatā ca pesalā bhikkhū phāsuṁ 1
vihareyyuṁ ayañca āvāso vuḍḍhiṁ viruḷhiṁ vepullaṁ āpajjeyyāti.
Tena kho pana samayena sambahulā bhikkhū kāsīsu cārikaṁ caramānā
yena vāsabhagāmo tadavasariṁsu 2 . Addasā kho kassapagotto
bhikkhu te bhikkhū dūrato va āgacchante disvāna āsanaṁ paññāpesi
pādodakaṁ pādapīṭhaṁ pādakathalikaṁ upanikkhipi paccuggantvā pattacīvaraṁ
paṭiggahesi pānīyena āpucchi nahāne ussukkaṁ akāsi ussukkaṁpi
akāsi yāguyā khādanīye bhattasmiṁ. Athakho tesaṁ āgantukānaṁ
bhikkhūnaṁ etadahosi bhaddako kho ayaṁ āvuso āvāsiko bhikkhu
nahāne ussukkaṁ karoti ussukkaṁpi karoti yāguyā khādanīye
bhattasmiṁ handa mayaṁ āvuso idheva vāsabhagāme nivāsaṁ kappemāti.
Athakho te āgantukā bhikkhū tattheva vāsabhagāme nivāsaṁ
kappesuṁ. Athakho kassapagottassa bhikkhuno etadahosi yo kho
1 Po. Ma. Yu. phāsu. 2 Ma. Yu. tadavasaruṁ.
Imesaṁ āgantukānaṁ bhikkhūnaṁ āgantukakilamatho so paṭippassaddho
yepīme gocare appakataññuno tedānīme gocare pakataññuno
dukkaraṁ kho pana parakulesu yāvajīvaṁ ussukkaṁ kātuṁ viññatti ca
manussānaṁ amanāpā yannūnāhaṁ na ussukkaṁ kareyyaṁ yāguyā
khādanīye bhattasminti. So na ussukkaṁ akāsi yāguyā khādanīye
bhattasmiṁ. Athakho tesaṁ āgantukānaṁ bhikkhūnaṁ etadahosi pubbe
khvāyaṁ āvuso āvāsiko bhikkhu nahāne ussukkaṁ karoti 1 ussukkaṁpi
karoti 2 yāguyā khādanīye bhattasmiṁ sodānāyaṁ na ussukkaṁ karoti
yāguyā khādanīye bhattasmiṁ duṭṭhodānāyaṁ āvuso āvāsiko
bhikkhu handa mayaṁ āvuso imaṁ 3 āvāsikaṁ bhikkhuṁ ukkhipāmāti.
Athakho te āgantukā bhikkhū sannipatitvā kassapagottaṁ bhikkhuṁ
etadavocuṁ pubbe kho tvaṁ āvuso nahāne ussukkaṁ karosi
ussukkaṁpi karosi yāguyā khādanīye bhattasmiṁ sodāni tvaṁ na
ussukkaṁ karosi yāguyā khādanīye bhattasmiṁ āpattiṁ tvaṁ āvuso
āpanno passasetaṁ āpattinti. Natthi me āvuso āpatti
yamahaṁ passeyyanti. Athakho te āgantukā bhikkhū kassapagottaṁ
bhikkhuṁ āpattiyā adassane ukkhipiṁsu. Athakho kassapagottassa
bhikkhuno etadahosi ahaṁ kho etaṁ na jānāmi āpatti vā
esā anāpatti vā āpanno camhi anāpanno vā ukkhitto
1-2 Ma. Yu. akāsi. 3 Sī. Ma. Yu. ayaṁ pāṭho na hoti.
Camhi anukkhitto vā dhammikena vā adhammikena vā kuppena
vā akuppena vā ṭhānārahena vā aṭṭhānārahena vā yannūnāhaṁ
campaṁ gantvā bhagavantaṁ etamatthaṁ puccheyyanti. Athakho kassapagotto
bhikkhu senāsanaṁ saṁsāmetvā pattacīvaramādāya yena campā
tena pakkāmi anupubbena yena campā yena bhagavā
tenupasaṅkami upasaṅkamitvā bhagavantaṁ abhivādetvā ekamantaṁ nisīdi.
Āciṇṇaṁ kho panetaṁ buddhānaṁ bhagavantānaṁ āgantukehi bhikkhūhi
saddhiṁ paṭisammodituṁ. Athakho bhagavā kassapagottaṁ bhikkhuṁ etadavoca
kacci bhikkhu khamanīyaṁ kacci yāpanīyaṁ kaccisi 1 appakilamathena addhānaṁ
āgato kuto ca tvaṁ bhikkhu āgacchasīti. Khamanīyaṁ bhagavā yāpanīyaṁ
bhagavā appakilamathena cāhaṁ bhante addhānaṁ āgato atthi bhante
kāsīsu janapadesu vāsabhagāmo nāma tatthāhaṁ [2]- āvāsiko
tantibaddho ussukkaṁ āpanno kinti anāgatā ca pesalā bhikkhū
āgaccheyyuṁ āgatā ca pesalā bhikkhū phāsuṁ vihareyyuṁ ayañca
āvāso vuḍḍhiṁ viruḷhiṁ vepullaṁ āpajjeyyāti athakho bhante
sambahulā bhikkhū kāsīsu cārikaṁ caramānā yena vāsabhagāmo
tadavasariṁsu 3 addasaṁ kho ahaṁ bhante te bhikkhū dūrato va āgacchante
disvāna āsanaṁ paññāpesiṁ pādodakaṁ pādapīṭhaṁ pādakathalikaṁ
upanikkhipiṁ paccuggantvā pattacīvaraṁ paṭiggahesiṁ pānīyena āpucchiṁ
nahāne ussukkaṁ akāsiṁ ussukkaṁpi akāsiṁ yāguyā khādanīye
1 Po. Ma. Yu. kacci. 2 Ma. Yu. bhagavā. 3 Ma. Yu. tadavasaruṁ.
Bhattasmiṁ athakho tesaṁ bhante āgantukānaṁ bhikkhūnaṁ etadahosi
bhaddako kho ayaṁ āvuso āvāsiko bhikkhu nahāne ussukkaṁ karoti
ussukkaṁpi karoti yāguyā khādanīye bhattasmiṁ handa mayaṁ āvuso
idheva vāsabhagāme nivāsaṁ kappemāti athakho te bhante āgantukā
bhikkhū tattheva vāsabhagāme nivāsaṁ kappesuṁ tassa mayhaṁ bhante
etadahosi yo kho imesaṁ āgantukānaṁ bhikkhūnaṁ āgantukakilamatho
so paṭippassaddho yepīme gocare appakataññuno tedānīme
gocare pakataññuno dukkaraṁ kho pana parakulesu yāvajīvaṁ ussukkaṁ
kātuṁ viññatti ca manussānaṁ amanāpā yannūnāhaṁ na ussukkaṁ
kareyyaṁ yāguyā khādanīye bhattasmiṁ 1 so kho ahaṁ bhante na ussukkaṁ
akāsiṁ yāguyā khādanīye bhattasminti 2 athakho tesaṁ bhante
āgantukānaṁ bhikkhūnaṁ etadahosi pubbe khvāyaṁ āvuso āvāsiko
bhikkhu nahāne ussukkaṁ karoti ussukkaṁpi karoti yāguyā khādanīye
bhattasmiṁ sodānāyaṁ na ussukkaṁ karoti yāguyā khādanīye
bhattasmiṁ duṭṭhodānāyaṁ āvuso āvāsiko bhikkhu handa mayaṁ
āvuso imaṁ 3 āvāsikaṁ bhikkhuṁ ukkhipāmāti athakho te bhante
āgantukā bhikkhū sannipatitvā maṁ etadavocuṁ pubbe kho tvaṁ
āvuso nahāne ussukkaṁ karosi ussukkaṁpi karosi yāguyā
khādanīye bhattasmiṁ sodāni tvaṁ na ussukkaṁ karosi yāguyā
khādanīye bhattasmiṁ āpattiṁ tvaṁ āvuso āpanno passasetaṁ
1 Po. Ma. Yu. bhattasminti. 2 Ma. bhattasmiṁ. 3 Po. Ma. ayaṁ pāṭho na hoti.
Āpattinti natthi me āvuso āpatti yamahaṁ passeyyanti
athakho te bhante āgantukā bhikkhū maṁ āpattiyā adassane
ukkhipiṁsu tassa mayhaṁ bhante etadahosi ahaṁ kho etaṁ na
jānāmi āpatti vā esā anāpatti vā āpanno camhi
anāpanno vā ukkhitto camhi anukkhitto vā dhammikena
vā adhammikena vā kuppena vā akuppena vā ṭhānārahena
vā aṭṭhānārahena vā yannūnāhaṁ campaṁ gantvā bhagavantaṁ
etamatthaṁ puccheyyanti tato ahaṁ bhagavā āgacchāmīti.
Anāpatti esā bhikkhu nesā āpatti anāpannosi nasi
āpanno anukkhittosi nasi ukkhitto adhammikenāsi kammena
ukkhitto kuppena aṭṭhānārahena gaccha tvaṁ bhikkhu tattheva
vāsabhagāme nivāsaṁ kappehīti 1 . Evaṁ bhanteti kho kassapagotto
bhikkhu bhagavato paṭissuṇitvā uṭṭhāyāsanā bhagavantaṁ abhivādetvā
padakkhiṇaṁ katvā yena vāsabhagāmo tena pakkāmi. Athakho tesaṁ
āgantukānaṁ bhikkhūnaṁ ahudeva kukkuccaṁ ahu vippaṭisāro alābhā
vata no na vata no lābhā dulladdhaṁ vata no na vata no
suladdhaṁ ye mayaṁ suddhaṁ bhikkhuṁ anāpattikaṁ avatthusmiṁ akāraṇe
ukkhipimhā handa mayaṁ āvuso campaṁ gantvā bhagavato santike
accayaṁ accayato desemāti. Athakho te āgantukā bhikkhū senāsanaṁ
saṁsāmetvā pattacīvaramādāya yena campā tena pakkamiṁsu
1 Po. kappesīti.
Anupubbena yena campā yena bhagavā tenupasaṅkamiṁsu upasaṅkamitvā
bhagavantaṁ abhivādetvā ekamantaṁ nisīdiṁsu. Āciṇṇaṁ kho
panetaṁ buddhānaṁ bhagavantānaṁ āgantukehi bhikkhūhi saddhiṁ paṭisammodituṁ.
Athakho bhagavā te bhikkhū etadavoca kacci bhikkhave khamanīyaṁ
kacci yāpanīyaṁ kaccittha 1 appakilamathena addhānaṁ āgatā kuto
ca tumhe bhikkhave āgacchathāti. Khamanīyaṁ bhagavā yāpanīyaṁ bhagavā
appakilamathena ca mayaṁ bhante addhānaṁ āgatā atthi bhante
kāsīsu janapadesu vāsabhagāmo nāma tato mayaṁ bhagavā āgacchāmāti.
Tumhe bhikkhave āvāsikaṁ bhikkhuṁ ukkhipitthāti 2 . Evaṁ bhanteti.
Kismiṁ bhikkhave vatthusmiṁ kismiṁ 3 kāraṇeti. Avatthusmiṁ bhagavā
akāraṇeti. Vigarahi buddho bhagavā ananucchavikaṁ 4 bhikkhave 5 ananulomikaṁ
appaṭirūpaṁ assāmaṇakaṁ akappiyaṁ akaraṇīyaṁ kathaṁ hi nāma tumhe
moghapurisā suddhaṁ bhikkhuṁ anāpattikaṁ avatthusmiṁ akāraṇe
ukkhipissatha netaṁ moghapurisā appasannānaṁ vā pasādāya .pe.
Vigarahitvā dhammiṁ kathaṁ katvā bhikkhū āmantesi na bhikkhave
suddho bhikkhu anāpattiko avatthusmiṁ akāraṇe ukkhipitabbo yo
ukkhipeyya āpatti dukkaṭassāti. Athakho te bhikkhū uṭṭhāyāsanā
ekaṁsaṁ uttarāsaṅgaṁ karitvā bhagavato pādesu sirasā nipatitvā
bhagavantaṁ etadavocuṁ accayo no bhante accagamā yathābāle
1 Yu. kacci. 2 Po. ukkhipitvāti. 3 Sī. Ma. Yu. ayaṁ pāṭho na hoti.
4 Yu. anucchaviyaṁ. 5 Ma. moghapurisā.
Yathāmūḷhe yathāakusale ye mayaṁ suddhaṁ bhikkhuṁ anāpattikaṁ avatthusmiṁ
akāraṇe ukkhipimhā tesaṁ no bhante bhagavā accayaṁ accayato
paṭiggaṇhātu āyatiṁ saṁvarāyāti. Taggha tumhe bhikkhave accayo
accagamā yathābāle yathāmūḷhe yathāakusale ye tumhe suddhaṁ
bhikkhuṁ anāpattikaṁ avatthusmiṁ akāraṇe ukkhipittha yato ca kho
tumhe bhikkhave accayaṁ accayato disvā yathādhammaṁ paṭikarotha taṁ
vo mayaṁ paṭiggaṇhāma vuḍḍhi hesā bhikkhave ariyassa vinaye
yo accayaṁ accayato disvā yathādhammaṁ paṭikaroti āyatiṁ saṁvaraṁ
āpajjatīti.

[175] Tena kho pana samayena campāyaṁ bhikkhū evarūpāni
kammāni karonti adhammena vaggakammaṁ 1 karonti adhammena
samaggakammaṁ 2 karonti dhammena vaggakammaṁ karonti dhammapaṭirūpakena
vaggakammaṁ karonti dhammapaṭirūpakena samaggakammaṁ karonti ekopi
ekaṁ ukkhipati ekopi dve ukkhipati ekopi sambahule ukkhipati
ekopi saṅghaṁ ukkhipati dvepi ekaṁ ukkhipanti dvepi dve
ukkhipanti dvepi sambahule ukkhipanti dvepi saṅghaṁ ukkhipanti
1-2 sabbattha vaggakammanti ca samaggakammanti ca disusanti. tāni pana uposathakkhandhake
pāliyā na samenti. tattha hi cattārīmāni bhikkhave uposathakammāni
adhammena vaggaṁ uposathakammantyādikā pāli dissati.
Sambahulāpi ekaṁ ukkhipanti sambahulāpi dve ukkhipanti sambahulāpi
sambahule ukkhipanti sambahulāpi saṅghaṁ ukkhipanti saṅghopi saṅghaṁ
ukkhipati. Ye te bhikkhū appicchā .pe. Te ujjhāyanti khīyanti
vipācenti kathaṁ hi nāma campāyaṁ bhikkhū evarūpāni kammāni
karissanti adhammena vaggakammaṁ karissanti .pe. Saṅghopi saṅghaṁ
ukkhipissatīti. Athakho te bhikkhū bhagavato etamatthaṁ ārocesuṁ.
Saccaṁ kira bhikkhave campāyaṁ bhikkhū evarūpāni kammāni karonti
adhammena vaggakammaṁ karonti .pe. Saṅghopi saṅghaṁ ukkhipatīti. Saccaṁ
bhagavāti 1 . Vigarahi buddho bhagavā .pe. Vigarahitvā dhammiṁ kathaṁ
katvā bhikkhū āmantesi.

[176] Dhammena 2 ce bhikkhave vaggakammaṁ akammaṁ na ca karaṇīyaṁ.
Adhammena ce bhikkhave 3 samaggakammaṁ akammaṁ na ca karaṇīyaṁ. Dhammena
ce bhikkhave 4 vaggakammaṁ akammaṁ na ca karaṇīyaṁ. Dhammapaṭirūpakena ce
bhikkhave 5 vaggakammaṁ akammaṁ na ca karaṇīyaṁ. Dhammapaṭirūpakena ce
bhikkhave 6 samaggakammaṁ akammaṁ na ca karaṇīyaṁ. Ekopi ekaṁ ukkhipati
akammaṁ na ca karaṇīyaṁ. Ekopi dve ukkhipati akammaṁ na ca
karaṇīyaṁ. Ekopi sambahule ukkhipati akammaṁ na ca karaṇīyaṁ.
Ekopi saṅghaṁ ukkhipati akammaṁ na ca karaṇīyaṁ. Dvepi ekaṁ
ukkhipanti akammaṁ na ca karaṇīyaṁ. Dvepi dve ukkhipanti akammaṁ
na ca karaṇīyaṁ. Dvepi sambahule ukkhipanti akammaṁ na ca karaṇīyaṁ.
1 Yu. itisaddo na dissati. 2 Po. Ma. adhammena. 3-4-5-6 Ma. ce bhikkhaveti
na dissati.
Dvepi saṅghaṁ ukkhipanti akammaṁ na ca karaṇīyaṁ. Sambahulāpi ekaṁ
ukkhipanti akammaṁ na ca karaṇīyaṁ. Sambahulāpi dve ukkhipanti
akammaṁ na ca karaṇīyaṁ. Sambahulāpi sambahule ukkhipanti akammaṁ
na ca karaṇīyaṁ. Sambahulāpi saṅghaṁ ukkhipanti akammaṁ na ca karaṇīyaṁ.
Saṅghopi saṅghaṁ ukkhipati akammaṁ na ca karaṇīyaṁ.

[177] Cattārīmāni bhikkhave kammāni adhammena vaggakammaṁ
adhammena samaggakammaṁ dhammena vaggakammaṁ dhammena samaggakammaṁ 1 .
Tatra bhikkhave yadidaṁ 2 adhammena vaggakammaṁ idaṁ bhikkhave kammaṁ
adhammattā vaggattā kuppaṁ aṭṭhānārahaṁ na bhikkhave evarūpaṁ
kammaṁ kātabbaṁ na ca mayā evarūpaṁ kammaṁ anuññātaṁ. Tatra
bhikkhave yadidaṁ adhammena samaggakammaṁ idaṁ bhikkhave kammaṁ adhammattā
kuppaṁ aṭṭhānārahaṁ na bhikkhave evarūpaṁ kammaṁ kātabbaṁ na ca
mayā evarūpaṁ kammaṁ anuññātaṁ. Tatra bhikkhave yadidaṁ dhammena
vaggakammaṁ idaṁ bhikkhave kammaṁ vaggattā kuppaṁ aṭṭhānārahaṁ na
bhikkhave evarūpaṁ kammaṁ kātabbaṁ na ca mayā evarūpaṁ kammaṁ
anuññātaṁ. Tatra bhikkhave yadidaṁ dhammena samaggakammaṁ idaṁ bhikkhave
kammaṁ dhammattā samaggattā akuppaṁ ṭhānārahaṁ evarūpaṁ bhikkhave
kammaṁ kātabbaṁ evarūpañca mayā kammaṁ anuññātaṁ. Tasmātiha
bhikkhave evarūpaṁ kammaṁ karissāma yadidaṁ dhammena samagganti
1 Po. samaggakammanti. 2 Sī. Po. Yu. yamidaṁ.
Evañhi vo bhikkhave sikkhitabbanti.

[178] Tena kho pana samayena chabbaggiyā bhikkhū evarūpāni
kammāni karonti adhammena vaggakammaṁ karonti adhammena
samaggakammaṁ karonti dhammena vaggakammaṁ karonti dhammapaṭirūpakena
vaggakammaṁ karonti dhammapaṭirūpakena samaggakammaṁ karonti
ñattivipannaṁpi kammaṁ karonti anussāvanasampannaṁ anussāvanavipannaṁpi
kammaṁ karonti ñattisampannaṁ ñattivipannaṁpi anussāvanavipannaṁpi
kammaṁ karonti aññatrāpi dhammā kammaṁ karonti aññatrāpi
vinayā kammaṁ karonti aññatrāpi satthu sāsanā kammaṁ karonti
paṭikuṭṭhakataṁpi kammaṁ karonti adhammikaṁ kuppaṁ aṭṭhānārahaṁ. Ye te
bhikkhū appicchā .pe. Te ujjhāyanti khīyanti vipācenti kathaṁ
hi nāma chabbaggiyā bhikkhū evarūpāni kammāni karissanti adhammena
vaggakammaṁ karissanti .pe. Paṭikuṭṭhakataṁpi kammaṁ karissanti
adhammikaṁ kuppaṁ aṭṭhānārahanti. Athakho te bhikkhū bhagavato etamatthaṁ
ārocesuṁ. Saccaṁ kira bhikkhave chabbaggiyā bhikkhū evarūpāni kammāni
karonti adhammena vaggakammaṁ karonti .pe. Paṭikuṭṭhakataṁpi
kammaṁ karonti adhammikaṁ kuppaṁ aṭṭhānārahanti. Saccaṁ bhagavāti.
Vigarahi buddho bhagavā .pe. Vigarahitvā dhammiṁ kathaṁ katvā bhikkhū
āmantesi.

[179] Adhammena ce bhikkhave vaggakammaṁ akammaṁ na ca
Karaṇīyaṁ. Adhammena ce bhikkhave samaggakammaṁ akammaṁ na ca karaṇīyaṁ.
Dhammena ce bhikkhave vaggakammaṁ akammaṁ na ca karaṇīyaṁ. Dhammapaṭirūpakena
ce bhikkhave vaggakammaṁ akammaṁ na ca karaṇīyaṁ.
Dhammapaṭirūpakena ce bhikkhave samaggakammaṁ akammaṁ na ca karaṇīyaṁ.
Ñattivipannañce bhikkhave kammaṁ anusāvanasampannaṁ akammaṁ na ca
karaṇīyaṁ. Anusāvanavipannañce bhikkhave kammaṁ ñattisampannaṁ akammaṁ
na ca karaṇīyaṁ. Ñattivipannañce bhikkhave kammaṁ anussāvanavipannaṁ
akammaṁ na ca karaṇīyaṁ. Aññatrāpi bhikkhave dhammā kammaṁ akammaṁ
na ca karaṇīyaṁ. Aññatrāpi bhikkhave 1 vinayā kammaṁ akammaṁ na ca
karaṇīyaṁ. Aññatrāpi bhikkhave satthu sāsanā kammaṁ akammaṁ na
ca karaṇīyaṁ. Paṭikuṭṭhakataṁ ce bhikkhave kammaṁ adhammikaṁ kuppaṁ
aṭṭhānārahaṁ akammaṁ na ca karaṇīyaṁ.

[180] Chayimāni bhikkhave kammāni adhammakammaṁ vaggakammaṁ
samaggakammaṁ dhammapaṭirūpakena vaggakammaṁ dhammapaṭirūpakena
samaggakammaṁ dhammena samaggakammaṁ.

[181] Katamañca bhikkhave adhammakammaṁ. Ñattidutiye ce bhikkhave
kamme ekāya ñattiyā kammaṁ karoti na ca kammavācaṁ anussāveti
adhammakammaṁ. Ñattidutiye ce bhikkhave kamme dvīhi ñattīhi kammaṁ
karoti na ca kammavācaṁ anussāveti adhammakammaṁ. Ñattidutiye
ce bhikkhave kamme ekāya kammavācāya kammaṁ karoti na ca ñattiṁ
1 Ma. Yu. ayaṁ pāṭho na dissati.
Ṭhapeti adhammakammaṁ. Ñattidutiye ce bhikkhave kamme dvīhi
kammavācāhi kammaṁ karoti na ca ñattiṁ ṭhapeti adhammakammaṁ.
Ñatticatutthe ce bhikkhave kamme ekāya ñattiyā kammaṁ karoti
na ca kammavācaṁ anussāveti adhammakammaṁ. Ñatticatutthe ce
bhikkhave kamme dvīhi ñattīhi tīhi ñattīhi catūhi ñattīhi kammaṁ
karoti na ca kammavācaṁ anussāveti adhammakammaṁ. Ñatticatutthe
ce bhikkhave kamme ekāya kammavācāya kammaṁ karoti na ca ñattiṁ
ṭhapeti adhammakammaṁ. Ñatticatutthe ce bhikkhave kamme dvīhi
kammavācāhi tīhi kammavācāhi catūhi kammavācāhi kammaṁ
karoti na ca ñattiṁ ṭhapeti adhammakammaṁ. Idaṁ vuccati bhikkhave
adhammakammaṁ.