พุทธธรรมสงฆ์
📁 หัวข้อธรรม
📁 ฉบับมหามกุฏฯ
📁 ฉบับสยามรัฐ
📁 ฉบับหลวง
📁 ฉบับมหาจุฬาฯ
📁 อรรถกถา
📁 พุทธธรรมสงฆ์
📁 เจดีย์
📁 ฉันหนึ่งมื้อ
📁 ปฏิมาที่ขัดแย้ง
📁 กระทู้
📁 รูปปั้น
📁 อุทเทสิกเจดีย์
📁 ถวายเงินพระบาป
📁 คู่มือการใช้งาน
Abhidhammapiṭake dhammasaṅgaṇi (เล่ม 34)

[700] Katame dhammā nahetū sahetukā tehi dhammehi ye dhammā
nahetū sahetukā vedanākkhandho .pe. Viññāṇakkhandho ime
dhammā nahetū sahetukā. Katame dhammā nahetū ahetukā tehi
dhammehi ye dhammā nahetū ahetukā vedanākkhandho .pe.
Viññāṇakkhandho sabbañca rūpaṁ asaṅkhatā ca dhātu ime dhammā
nahetū ahetukā.
---------

Abhidhammapiṭake dhammasaṅgaṇi (เล่ม 34)

[701] Katame dhammā sappaccayā pañcakkhandhā rūpakkhandho
vedanākkhandho saññākkhandho saṅkhārakkhandho viññāṇakkhandho ime
dhammā sappaccayā. Katame dhammā appaccayā asaṅkhatā dhātu
ime dhammā appaccayā.

Abhidhammapiṭake dhammasaṅgaṇi (เล่ม 34)

[702] Katame dhammā saṅkhatā yeva te dhammā sappaccayā
teva te dhammā saṅkhatā. Katame dhammā asaṅkhatā yo eva
so dhammo appaccayo so eva so dhammo asaṅkhato.

Abhidhammapiṭake dhammasaṅgaṇi (เล่ม 34)

[703] Katame dhammā sanidassanā rūpāyatanaṁ ime dhammā
Sanidassanā. Katame dhammā anidassanā cakkhāyatanaṁ .pe.
Phoṭṭhabbāyatanaṁ vedanākkhandho .pe. Viññāṇakkhandho yañca
rūpaṁ anidassanaṁ appaṭighaṁ dhammāyatanapariyāpannaṁ asaṅkhatā ca dhātu
ime dhammā anidassanā.

Abhidhammapiṭake dhammasaṅgaṇi (เล่ม 34)

[704] Katame dhammā sappaṭighā cakkhāyatanaṁ .pe. Phoṭṭhabbāyatanaṁ
ime dhammā sappaṭighā. Katame dhammā appaṭighā
vedanākkhandho .pe. Viññāṇakkhandho yañca rūpaṁ anidassanaṁ appaṭighaṁ
dhammāyatanapariyāpannaṁ asaṅkhatā ca dhātu ime dhammā appaṭighā.

Abhidhammapiṭake dhammasaṅgaṇi (เล่ม 34)

[705] Katame dhammā rūpino cattāro ca mahābhūtā catunnaṁ ca
mahābhūtānaṁ upādāya rūpaṁ ime dhammā rūpino. Katame dhammā
arūpino vedanākkhandho .pe. Viññāṇakkhandho asaṅkhatā ca
dhātu ime dhammā arūpino.

Abhidhammapiṭake dhammasaṅgaṇi (เล่ม 34)

[706] Katame dhammā lokiyā sāsavā kusalākusalābyākatā
dhammā kāmāvacarā rūpāvacarā arūpāvacarā rūpakkhandho .pe.
Viññāṇakkhandho ime dhammā lokiyā. Katame dhammā lokuttarā
apariyāpannā maggā ca maggaphalāni ca asaṅkhatā ca dhātu ime
dhammā lokuttarā.

Abhidhammapiṭake dhammasaṅgaṇi (เล่ม 34)

[707] Katame dhammā kenaciviññeyyā kenacinaviññeyyā ye
te dhammā cakkhuviññeyyā na te dhammā sotaviññeyyā ye vā
pana te dhammā sotaviññeyyā na te dhammā cakkhuviññeyyā ye
Te dhammā cakkhuviññeyyā na te dhammā ghānaviññeyyā ye
vā pana te dhammā ghānaviññeyyā na te dhammā cakkhuviññeyyā
ye te dhammā cakkhuviññeyyā na te dhammā jivhāviññeyyā ye
vā pana te dhammā jivhāviññeyyā na te dhammā cakkhuviññeyyā
ye te dhammā cakkhuviññeyyā na te dhammā kāyaviññeyyā ye
vā pana te dhammā kāyaviññeyyā na te dhammā cakkhuviññeyyā
ye te dhammā sotaviññeyyā na te dhammā ghānaviññeyyā ye
vā pana te dhammā ghānaviññeyyā na te dhammā sotaviññeyyā
ye te dhammā sotaviññeyyā na te dhammā jivhāviññeyyā ye
vā pana te dhammā jivhāviññeyyā na te dhammā sotaviññeyyā
ye te dhammā sotaviññeyyā na te dhammā kāyaviññeyyā ye
vā pana te dhammā kāyaviññeyyā na te dhammā sotaviññeyyā
ye te dhammā sotaviññeyyā na te dhammā cakkhuviññeyyā ye
vā pana te dhammā cakkhuviññeyyā na te dhammā sotaviññeyyā
ye te dhammā ghānaviññeyyā na te dhammā jivhāviññeyyā ye
vā pana te dhammā jivhāviññeyyā na te dhammā ghānaviññeyyā
ye te dhammā ghānaviññeyyā na te dhammā kāyaviññeyyā ye
vā pana te dhammā kāyaviññeyyā na te dhammā ghānaviññeyyā
ye te dhammā ghānaviññeyyā na te dhammā cakkhuviññeyyā ye
vā pana te dhammā cakkhuviññeyyā na te dhammā ghānaviññeyyā
Ye te dhammā ghānaviññeyyā na te dhammā sotaviññeyyā ye
vā pana te dhammā sotaviññeyyā na te dhammā ghānaviññeyyā
ye te dhammā jivhāviññeyyā na te dhammā kāyaviññeyyā ye
vā pana te dhammā kāyaviññeyyā na te dhammā jivhāviññeyyā
ye te dhammā jivhāviññeyyā na te dhammā cakkhuviññeyyā ye
vā pana te dhammā cakkhuviññeyyā na te dhammā jivhāviññeyyā
ye te dhammā jivhāviññeyyā na te dhammā sotaviññeyyā ye
vā pana te dhammā sotaviññeyyā na te dhammā jivhāviññeyyā
ye te dhammā jivhāviññeyyā na te dhammā ghānaviññeyyā ye
vā pana te dhammā ghānaviññeyyā na te dhammā jivhāviññeyyā
ye te dhammā kāyaviññeyyā na te dhammā cakkhuviññeyyā ye
vā pana te dhammā cakkhuviññeyyā na te dhammā kāyaviññeyyā
ye te dhammā kāyaviññeyyā na te dhammā sotaviññeyyā ye
vā pana te dhammā sotaviññeyyā na te dhammā kāyaviññeyyā
ye te dhammā kāyaviññeyyā na te dhammā ghānaviññeyyā ye
vā pana te dhammā ghānaviññeyyā na te dhammā kāyaviññeyyā
ye te dhammā kāyaviññeyyā na te dhammā jivhāviññeyyā ye
vā pana te dhammā jivhāviññeyyā na te dhammā kāyaviññeyyā
ime dhammā kenaciviññeyyā kenacinaviññeyyā.

Abhidhammapiṭake dhammasaṅgaṇi (เล่ม 34)

[708] Katame dhammā āsavā cattāro āsavā kāmāsavo
bhavāsavo diṭṭhāsavo avijjāsavo.

Abhidhammapiṭake dhammasaṅgaṇi (เล่ม 34)

[709] Tattha katamo kāmāsavo yo kāmesu kāmacchando
kāmarāgo kāmanandī kāmataṇhā kāmasineho kāmapariḷāho kāmamucchā
kāmajjhosānaṁ ayaṁ vuccati kāmāsavo.