[346] Hoti ca na ca hoti tathāgato parammaraṇāti antaggāhikāya
diṭṭhiyā katamehi pañcahākārehi abhiniveso hoti. Rūpaṁ
idheva maraṇadhammaṁ tathāgato kāyassa bhedā hoti ca na ca hotīti
abhinivesaparāmāso diṭṭhi tāya diṭṭhiyā so anto gahitoti
antaggāhikā diṭṭhi diṭṭhi na vatthu vatthu na diṭṭhi aññā diṭṭhi
aññaṁ vatthu yā ca diṭṭhi yañca vatthu ayaṁ paṭhamā hoti ca na
ca hoti tathāgato parammaraṇāti antaggāhikā diṭṭhi antaggāhikā
diṭṭhi micchādiṭṭhi .pe. Imāni saññojanāni na ca
diṭṭhiyo vedanā idheva maraṇadhammā saññā idheva maraṇadhammā
saṅkhārā idheva maraṇadhammā viññāṇaṁ idheva maraṇadhammaṁ tathāgato
kāyassa bhedā hoti ca na ca hotīti abhinivesaparāmāso diṭṭhi
Tāya diṭṭhiyā so anto gahitoti antaggāhikā diṭṭhi .pe.
Hoti ca na ca hoti tathāgato parammaraṇāti antaggāhikāya
diṭṭhiyā imehi pañcahākārehi abhiniveso hoti.

[347] Neva hoti na na hoti tathāgato parammaraṇāti
antaggāhikāya diṭṭhiyā katamehi pañcahākārehi abhiniveso hoti.
Rūpaṁ idheva maraṇadhammaṁ tathāgato kāyassa bhedā [1]- neva hoti na
na hotīti abhinivesaparāmāso diṭṭhi tāya diṭṭhiyā so anto
gahitoti antaggāhikā diṭṭhi diṭṭhi na vatthu vatthu na diṭṭhi
aññā diṭṭhi aññaṁ vatthu yā ca diṭṭhi yañca vatthu ayaṁ
paṭhamā neva hoti na na hoti tathāgato parammaraṇāti antaggāhikā
diṭṭhi antaggāhikā diṭṭhi micchādiṭṭhi .pe. Imāni
saññojanāni na ca diṭṭhiyo vedanā idheva maraṇadhammā saññā
idheva maraṇadhammā saṅkhārā idheva maraṇadhammā viññāṇaṁ
idheva maraṇadhammaṁ tathāgato kāyassa bhedā [2]- neva hoti na na
hotīti abhinivesaparāmāso diṭṭhi tāya diṭṭhiyā so anto
gahitoti antaggāhikā diṭṭhi diṭṭhi na vatthu vatthu na diṭṭhi
aññā diṭṭhi aññaṁ vatthu yā ca diṭṭhi yañca vatthu ayaṁ
pañcamī neva hoti na na hoti tathāgato parammaraṇāti antaggāhikā
diṭṭhi antaggāhikā diṭṭhi micchādiṭṭhi .pe. Imāni
saññojanāni na ca diṭṭhiyo neva hoti na na hoti tathāgato
1-2 Ma. paraṁ maraṇā ....
Parammaraṇāti antaggāhikāya diṭṭhiyā imehi pañcahākārehi
abhiniveso hoti antaggāhikāya diṭṭhiyā imehi paññāsāya
ākārehi abhiniveso hoti.

[348] Pubbantānudiṭṭhiyā katamehi aṭṭhārasahi ākārehi
abhiniveso hoti. Cattāro sassatavādā cattāro ekaccasassatikā
cattāro antānantikā cattāro amarāvikkhepikā
dve adhiccasamuppannikā pubbantānudiṭṭhiyā imehi aṭṭhārasahi
ākārehi abhiniveso hoti.

[349] Aparantānudiṭṭhiyā katamehi catucattāḷīsāya ākārehi
abhiniveso hoti. Soḷasa saññivādā 1 aṭṭha asaññivādā 2
aṭṭha nevasaññināsaññivādā satta ucchedavādā pañca
diṭṭhadhammanibbānavādā aparantānudiṭṭhiyā imehi catucattāḷīsāya
ākārehi abhiniveso hoti.

[350] Saññojanikāya diṭṭhiyā katamehi aṭṭhārasahi
ākārehi abhiniveso hoti. Yā diṭṭhi diṭṭhigataṁ diṭṭhigahaṇaṁ .pe.
Diṭṭhābhiniveso diṭṭhiparāmāso saññojanikāya diṭṭhiyā imehi
aṭṭhārasahi ākārehi abhiniveso hoti.

[351] Ahanti mānavinibandhāya diṭṭhiyā katamehi aṭṭhārasahi
ākārehi abhiniveso hoti. Cakkhuṁ ahanti mānavinibandhā diṭṭhi
diṭṭhi na vatthu vatthu na diṭṭhi aññā diṭṭhi aññaṁ vatthu
1-2 Ma. Yu. saññīvādā asaññīvādā. evamuparipi.
Yā ca diṭṭhi yañca vatthu ayaṁ paṭhamā ahanti mānavinibandhā
diṭṭhi mānavinibandhā diṭṭhi micchādiṭṭhi .pe. Imāni
saññojanāni na ca diṭṭhiyo sotaṁ ahanti .pe. Ghānaṁ ahanti
jivhā ahanti kāyo ahanti mano ahanti .pe. Dhammā ahanti
cakkhuviññāṇaṁ ahanti .pe. Manoviññāṇaṁ ahanti abhinivesaparāmāso
ahanti mānavinibandhā diṭṭhi diṭṭhi na vatthu vatthu
na diṭṭhi aññā diṭṭhi aññaṁ vatthu yā ca diṭṭhi yañca
vatthu ayaṁ aṭṭhamī ahanti mānavinibandhā diṭṭhi mānavinibandhā
diṭṭhi micchādiṭṭhi .pe. Imāni saññojanāni na ca diṭṭhiyo
ahanti mānavinibandhāya diṭṭhiyā imehi aṭṭhārasahi ākārehi
abhiniveso hoti.

[352] Mamanti mānavinibandhāya diṭṭhiyā katamehi aṭṭhārasahi
ākārehi abhiniveso hoti. Cakkhuṁ mamanti mānavinibandhā diṭṭhi
diṭṭhi na vatthu vatthu na diṭṭhi aññā diṭṭhi aññaṁ vatthu
yā ca diṭṭhi yañca vatthu ayaṁ paṭhamā mamanti mānavinibandhā
diṭṭhi mānavinibandhā diṭṭhi micchādiṭṭhi .pe. Imāni
saññojanāni na ca diṭṭhiyo sotaṁ mamanti .pe. Ghānaṁ
mamanti jivhā mamanti .pe. Mano mamanti .pe. Dhammā mamanti
cakkhuviññāṇaṁ mamanti .pe. Manoviññāṇaṁ mamanti abhinivesaparāmāso
mamanti mānavinibandhā diṭṭhi diṭṭhi na vatthu vatthu
Na diṭṭhi aññā diṭṭhi aññaṁ vatthu yā ca diṭṭhi yañca
vatthu ayaṁ aṭṭhamī mamanti mānavinibandhā diṭṭhi mānavinibandhā
diṭṭhi micchādiṭṭhi .pe. Imāni saññojanāni na ca diṭṭhiyo
mamanti mānavinibandhāya diṭṭhiyā imehi aṭṭhārasahi ākārehi
abhiniveso hoti.

[353] Attavādapaṭisaṁyuttāya diṭṭhiyā katamehi vīsatiyā
ākārehi abhiniveso hoti. Idha assutavā puthujjano ariyānaṁ
adassāvī ariyadhammassa akovido ariyadhamme avinīto sappurisānaṁ
adassāvī sappurisadhammassa akovido sappurisadhamme avinīto rūpaṁ
attato samanupassati rūpavantaṁ vā attānaṁ attani vā rūpaṁ
rūpasmiṁ vā attānaṁ .pe. Vedanaṁ saññaṁ saṅkhāre viññāṇaṁ
attato samanupassati viññāṇavantaṁ vā attānaṁ attani vā
viññāṇaṁ viññāṇasmiṁ vā attānaṁ .pe..
Kathaṁ rūpaṁ attato samanupassati. Idhekacco paṭhavīkasiṇaṁ .pe.
Odātakasiṇaṁ attato samanupassati yaṁ odātakasiṇaṁ so ahaṁ
yo ahaṁ taṁ odātakasiṇanti odātakasiṇañca attañca advayaṁ
samanupassati seyyathāpi telappadīpassa jhāyato yā acchi so
vaṇṇo yo vaṇṇo sā acchīti acchiñca vaṇṇañca advayaṁ
samanupassati evameva idhekacco odātakasiṇaṁ attato samanupassati
.pe. Ayaṁ paṭhamā rūpavatthukā attavādapaṭisaṁyuttā diṭṭhi
Attavādapaṭisaṁyuttā diṭṭhi micchādiṭṭhi .pe. Imāni saññojanāni
na ca diṭṭhiyo attavādapaṭisaṁyuttāya diṭṭhiyā imehi vīsatiyā
ākārehi abhiniveso hoti.

[354] Lokavādapaṭisaṁyuttāya diṭṭhiyā katamehi aṭṭhahi
ākārehi abhiniveso hoti. Sassato attā ca loko cāti
abhinivesaparāmāso lokavādapaṭisaṁyuttā diṭṭhi diṭṭhi na vatthu vatthu
na diṭṭhi aññā diṭṭhi aññaṁ vatthu yā ca diṭṭhi yañca
vatthu ayaṁ paṭhamā lokavādapaṭisaṁyuttā diṭṭhi lokavādapaṭisaṁyuttā
diṭṭhi micchādiṭṭhi .pe. Imāni saññojanāni na ca
diṭṭhiyo asassato attā ca loko cāti sassato ca
asassato ca attā ca loko cāti .pe. Nevasassatonāsassato
attā ca loko cāti antavā attā ca loko cāti anantavā
attā ca loko cāti antavā ca anantavā ca attā
ca loko cāti nevantavānānantavā attā ca loko cāti
abhinivesaparāmāso lokavādapaṭisaṁyuttā diṭṭhi diṭṭhi na vatthu
vatthu na diṭṭhi aññā diṭṭhi aññaṁ vatthu yā ca diṭṭhi
yañca vatthu ayaṁ aṭṭhamī lokavādapaṭisaṁyuttā diṭṭhi lokavādapaṭisaṁyuttā
diṭṭhi micchādiṭṭhi .pe. Imāni saññojanāni na
ca diṭṭhiyo lokavādapaṭisaṁyuttāya diṭṭhiyā imehi aṭṭhahi
ākārehi abhiniveso hoti.

[355] Oliyanābhiniveso bhavadiṭṭhi atidhāvanābhiniveso 1
vibhavadiṭṭhi assādadiṭṭhiyā pañcattiṁsāya ākārehi abhiniveso kati
bhavadiṭṭhiyo kati vibhavadiṭṭhiyo attānudiṭṭhiyā vīsatiyā ākārehi
abhiniveso kati bhavadiṭṭhiyo kati vibhavadiṭṭhiyo .pe. Lokavādapaṭisaṁyuttāya
diṭṭhiyā aṭṭhahi ākārehi abhiniveso kati bhavadiṭṭhiyo
kati vibhavadiṭṭhiyo. Assādadiṭṭhiyā pañcattiṁsāya
ākārehi abhiniveso siyā bhavadiṭṭhiyo siyā vibhavadiṭṭhiyo attānudiṭṭhiyā
vīsatiyā ākārehi abhiniveso paṇṇarasa 2 bhavadiṭṭhiyo
pañca vibhavadiṭṭhiyo micchādiṭṭhiyā dasahi ākārehi abhiniveso
sabbāvatā vibhavadiṭṭhiyo sakkāyadiṭṭhiyā vīsatiyā ākārehi
abhiniveso paṇṇarasa bhavadiṭṭhiyo pañca vibhavadiṭṭhiyo sakkāyavatthukāya
sassatadiṭṭhiyā paṇṇarasahi ākārehi abhiniveso
sabbāvatā bhavadiṭṭhiyo sakkāyavatthukāya ucchedadiṭṭhiyā pañcahākārehi
abhiniveso sabbāvatā vibhavadiṭṭhiyo sassato lokoti
antaggāhikāya diṭṭhiyā pañcahākārehi abhiniveso sabbāvatā
bhavadiṭṭhiyo asassato lokoti antaggāhikāya diṭṭhiyā pañcahākārehi
abhiniveso sabbāvatā vibhavadiṭṭhiyo antavā lokoti
antaggāhikāya diṭṭhiyā pañcahākārehi abhiniveso siyā bhavadiṭṭhiyo
siyā vibhavadiṭṭhiyo anantavā lokoti antaggāhikāya
diṭṭhiyā pañcahākārehi abhiniveso siyā bhavadiṭṭhiyo siyā vibhavadiṭṭhiyo
taṁ jīvaṁ taṁ sarīranti antaggāhikāya diṭṭhiyā pañcahākārehi
1 Sī. abhibhāvanābhiniveso. 2 pannarasāti vā pāṭho.
Abhiniveso sabbāvatā vibhavadiṭṭhiyo aññaṁ jīvaṁ aññaṁ sarīranti
antaggāhikāya diṭṭhiyā pañcahākārehi abhiniveso sabbāvatā
bhavadiṭṭhiyo hoti tathāgato parammaraṇāti antaggāhikāya diṭṭhiyā
pañcahākārehi abhiniveso sabbāvatā bhavadiṭṭhiyo na hoti
tathāgato parammaraṇāti antaggāhikāya diṭṭhiyā pañcahākārehi
abhiniveso sabbāvatā vibhavadiṭṭhiyo hoti ca na ca hoti tathāgato
parammaraṇāti antaggāhikāya diṭṭhiyā pañcahākārehi abhiniveso
siyā bhavadiṭṭhiyo siyā vibhavadiṭṭhiyo [1]- aparantānudiṭṭhiyā
catucattāḷīsāya ākārehi abhiniveso siyā bhavadiṭṭhiyo siyā vibhavadiṭṭhiyo
saññojanikāya diṭṭhiyā aṭṭhārasahi ākārehi abhiniveso
siyā bhavadiṭṭhiyo siyā vibhavadiṭṭhiyo ahanti mānavinibandhāya
diṭṭhiyā aṭṭhārasahi ākārehi abhiniveso sabbāvatā
vibhavadiṭṭhiyo mamanti mānavinibandhāya diṭṭhiyā aṭṭhārasahi ākārehi
abhiniveso sabbāvatā bhavadiṭṭhiyo attavādapaṭisaṁyuttāya diṭṭhiyā
vīsatiyā ākārehi abhiniveso paṇṇarasa bhavadiṭṭhiyo pañca
vibhavadiṭṭhiyo lokavādapaṭisaṁyuttāya diṭṭhiyā aṭṭhahi ākārehi abhiniveso
siyā bhavadiṭṭhiyo siyā vibhavadiṭṭhiyo sabbāvatā
diṭṭhiyo [2]- attānudiṭṭhiyo sabbāvatā diṭṭhiyo micchādiṭṭhiyo
1 Ma. neva hoti na na hoti tathāgato paraṁ maraṇāti antaggāhikāya diṭṭhiyā
pañcahākārehi abhiniveso siyā bhavadiṭṭhiyo siyā vibhavadiṭṭhiyo. pubbantānudiṭṭhiyā
aṭṭhārasahi ākārehi abhiniveso siyā bhavadiṭṭhiyo siyā vibhavadiṭṭhiyo.
2 Ma. Yu. assādadiṭ ṭhiyo sabbāvatā diṭṭhiyo.
Sabbāvatā diṭṭhiyo sakkāyadiṭṭhiyo sabbāvatā diṭṭhiyo antaggāhikā
diṭṭhiyo sabbāvatā diṭṭhiyo saññojanikā diṭṭhiyo
attavādapaṭisaṁyuttā diṭṭhiyo bhavadiṭṭhiyo 1 vibhavadiṭṭhiyo etaṁ
dvayaṁ takkitā nissitā ye tesaṁ nirodhamhi natthi ñāṇaṁ yatthāyaṁ
loko vīparitasaññīti.