[155] Tena kho pana samayena chabbaggiyā bhikkhū bhagavatā
sīmāsammati anuññātāti atimahatiyo sīmāyo sammannanti
catuyojanikāpi pañcayojanikāpi chayojanikāpi. Bhikkhū uposathaṁ
āgacchantā uddissamānepi pātimokkhe āgacchanti uddiṭṭhamattepi
āgacchanti antarāpi parivasanti. Bhagavato etamatthaṁ ārocesuṁ.
Na bhikkhave atimahatī sīmā sammannitabbā catuyojanikā vā
pañcayojanikā vā chayojanikā vā yo sammanneyya āpatti dukkaṭassa.
Anujānāmi bhikkhave tiyojanaparamaṁ sīmaṁ sammannitunti.

[156] Tena kho pana samayena chabbaggiyā bhikkhū nadīpārasīmaṁ 4
sammannanti. Uposathaṁ āgacchantā bhikkhūpi vuyhanti pattāpi
1 sabbattha sammutīti dissati. 2 Po. sā. 3 sammatā saṅghena sīmāti
pāṭho yuttataro bhaveyya padato kattu niccaṁ ṭhapitattā upasampanno saṅghena
itthannāmoti ca sammato saṅghena itthannāmo vihāro uposathāgāranti ca
nidassanaṁ. 4 Sī. Yu. nadīpāraṁ siṁmaṁ.
Vuyhanti cīvarānipi vuyhanti. Bhagavato etamatthaṁ ārocesuṁ.
Na bhikkhave nadīpārasīmā sammannitabbā yo sammanneyya āpatti
dukkaṭassa. Anujānāmi bhikkhave yatthassa dhuvanāvā vā dhuvasetu
vā evarūpaṁ nadīpārasīmaṁ sammannitunti.

[157] Tena kho pana samayena bhikkhū anupariveṇiyaṁ pātimokkhaṁ
uddisanti asaṅketena. Āgantukā bhikkhū na jānanti kattha
vā 1 ajja uposatho kariyissatīti. Bhagavato etamatthaṁ ārocesuṁ.
Na bhikkhave anupariveṇiyaṁ pātimokkhaṁ uddisitabbaṁ asaṅketena yo
uddiseyya āpatti dukkaṭassa. Anujānāmi bhikkhave uposathāgāraṁ
sammannitvā uposathaṁ kātuṁ yaṁ saṅgho ākaṅkhati vihāraṁ vā
aḍḍhayogaṁ vā pāsādaṁ vā hammiyaṁ vā guhaṁ vā. Evañca pana
bhikkhave sammannitabbaṁ. Byattena bhikkhunā paṭibalena saṅgho
ñāpetabbo suṇātu me bhante saṅgho yadi saṅghassa pattakallaṁ
saṅgho itthannāmaṁ vihāraṁ uposathāgāraṁ sammanneyya. Esā
ñatti. Suṇātu me bhante saṅgho saṅgho itthannāmaṁ vihāraṁ
uposathāgāraṁ sammannati. Yassāyasmato khamati itthannāmassa
vihārassa uposathāgārassa sammati so tuṇhassa yassa nakkhamati
so bhāseyya. Sammato saṅghena itthannāmo vihāro uposathāgāraṁ.
Khamati saṅghassa tasmā tuṇhī. Evametaṁ dhārayāmīti.
1 ayaṁ saddo atireko viya khāyati.

[158] Tena kho pana samayena aññatarasmiṁ āvāse dve
uposathāgārāni sammatāni honti. Bhikkhū ubhayattha sannipatanti
idha uposatho kariyissati idha uposatho kariyissatīti. Bhagavato
etamatthaṁ ārocesuṁ. Na bhikkhave ekasmiṁ āvāse dve
uposathāgārāni sammannitabbāni yo sammanneyya āpatti dukkaṭassa.
Anujānāmi bhikkhave ekaṁ samūhanitvā ekattha uposathaṁ kātuṁ.
Evañca pana bhikkhave samūhantabbaṁ. Byattena bhikkhunā paṭibalena
saṅgho ñāpetabbo suṇātu me bhante saṅgho yadi saṅghassa
pattakallaṁ saṅgho itthannāmaṁ uposathāgāraṁ samūhaneyya. Esā
ñatti. Suṇātu me bhante saṅgho saṅgho itthannāmaṁ
uposathāgāraṁ samūhanati. Yassāyasmato khamati itthannāmassa
uposathāgārassa samugghāto so tuṇhassa yassa nakkhamati
so bhāseyya. Samūhataṁ saṅghena itthannāmaṁ uposathāgāraṁ. Khamati
saṅghassa tasmā tuṇhī. Evametaṁ dhārayāmīti.

[159] Tena kho pana samayena aññatarasmiṁ āvāse atikhuddakaṁ
uposathāgāraṁ sammataṁ hoti. Tadahuposathe mahābhikkhusaṅgho sannipatito
hoti. Bhikkhū asammatāya bhūmiyā nisinnā pātimokkhaṁ assosuṁ.
Athakho tesaṁ bhikkhūnaṁ etadahosi bhagavatā paññattaṁ uposathāgāraṁ
sammannitvā uposatho kātabboti mayañcamha asammatāya bhūmiyā
nisinnā pātimokkhaṁ assumhā 1 kato nu kho amhākaṁ uposatho
1 Yu. assosumhā.
Akato nu khoti. Bhagavato etamatthaṁ ārocesuṁ. Sammatāya
vā bhikkhave bhūmiyā nisinno 1 asammatāya vā yato pātimokkhaṁ
suṇāti kato vassa uposatho tenahi bhikkhave saṅgho yāvamahantaṁ
uposathamukhaṁ 2 ākaṅkhati tāvamahantaṁ uposathamukhaṁ sammannatu.
Evañca pana bhikkhave sammannitabbaṁ. Paṭhamaṁ nimittā kittetabbā
nimitte kittetvā byattena bhikkhunā paṭibalena saṅgho ñāpetabbo
suṇātu me bhante saṅgho yāvatā samantā nimittā kittitā
yadi saṅghassa pattakallaṁ saṅgho etehi nimittehi uposathamukhaṁ
sammanneyya. Esā ñatti. Suṇātu me bhante saṅgho yāvatā
samantā nimittā kittitā saṅgho etehi nimittehi uposathamukhaṁ
sammannati. Yassāyasmato khamati etehi nimittehi uposathamukhassa
sammati so tuṇhassa yassa nakkhamati so bhāseyya. Sammataṁ
saṅghena etehi nimittehi uposathamukhaṁ. Khamati saṅghassa tasmā
tuṇhī. Evametaṁ dhārayāmīti.

[160] Tena kho pana samayena aññatarasmiṁ āvāse tadahuposathe
navakā bhikkhū paṭhamataraṁ sannipatitvā na tāva therā āgacchantīti
pakkamiṁsu. Uposatho vikālo 3 ahosi. Bhagavato etamatthaṁ
ārocesuṁ. Anujānāmi bhikkhave tadahuposathe therehi bhikkhūhi
paṭhamataraṁ sannipatitunti
1 Ma. Yu. nisinnā. 2 sabbattha pamukhaṁ. 3 Ma. Yu. vikāle.

[161] Tena kho pana samayena rājagahe sambahulā āvāsā
samānasīmā honti. Tattha bhikkhū vivadanti amhākaṁ āvāse
uposatho kariyatu 1 amhākaṁ āvāse uposatho kariyatūti. Bhagavato
etamatthaṁ ārocesuṁ. Idha pana bhikkhave sambahulā āvāsā
samānasīmā honti tattha bhikkhū vivadanti amhākaṁ āvāse
uposatho kariyatu amhākaṁ āvāse uposatho kariyatūti tehi
bhikkhave bhikkhūhi sabbeheva ekajjhaṁ sannipatitvā uposatho kātabbo
yattha vā pana thero bhikkhu viharati tattha sannipatitvā uposatho
kātabbo na tveva vaggena saṅghena uposatho kātabbo yo
kareyya āpatti dukkaṭassāti.

[162] Tena kho pana samayena āyasmā mahākassapo andhakavindā
rājagahaṁ uposathaṁ āgacchanto antarāmagge nadiṁ taranto manaṁ
vuḷho ahosi cīvarānissa allāni. Bhikkhū āyasmantaṁ mahākassapaṁ
etadavocuṁ kissa te āvuso cīvarāni allānīti.
Idhāhaṁ āvuso andhakavindā rājagahaṁ uposathaṁ āgacchanto antarāmagge
nadiṁ taranto manamhi 2 vuḷho tena me cīvarāni allānīti.
Bhagavato etamatthaṁ ārocesuṁ. Yā sā bhikkhave saṅghena sīmā
sammatā samānasaṁvāsā ekuposathā saṅgho taṁ sīmaṁ ticīvarena
avippavāsaṁ sammannatu. Evañca pana bhikkhave sammannitabbā.
1 Yu. kariyatūti. 2 manaṁ amhīti padacchedo.
Byattena bhikkhunā paṭibalena saṅgho ñāpetabbo suṇātu me
bhante saṅgho yā sā saṅghena sīmā sammatā samānasaṁvāsā
ekuposathā yadi saṅghassa pattakallaṁ saṅgho taṁ sīmaṁ ticīvarena
avippavāsaṁ sammanneyya. Esā ñatti. Suṇātu me bhante
saṅgho yā sā saṅghena sīmā sammatā samānasaṁvāsā ekuposathā
saṅgho taṁ sīmaṁ ticīvarena avippavāsaṁ sammannati. Yassāyasmato
khamati etissā sīmāya ticīvarena avippavāsassa 1 sammati so
tuṇhassa yassa nakkhamati so bhāseyya. Sammatā sā sīmā
saṅghena ticīvarena avippavāso 2 khamati saṅghassa tasmā tuṇhī.
Evametaṁ dhārayāmīti. Tena kho pana samayena bhikkhū bhagavatā
ticīvarena avippavāsasammati anuññātāti antaraghare cīvarāni 3
nikkhipanti. Tāni cīvarāni nassantipi dayhantipi undurehipi khajjanti.
Bhikkhū duccolā honti lūkhacīvarā. Bhikkhū evamāhaṁsu kissa
tumhe āvuso duccolā lūkhacīvarāti. Idha mayaṁ āvuso bhagavatā
ticīvarena avippavāsasammati anuññātāti antaraghare cīvarāni
1 sabbattha ticīvarena avippavāsāyāti dissati. 2 sabbattha ticīvarena avippavāsāti
dissati. vikatikammametaṁ na visesanaṁ tasmā ticīvarena avippavāsassāti ca ticīvarena
avippavāsoti ca yuttataraṁ sammato saṅghena itthannāmo vihāro uposathāgāranti hettha
nidassanaṁ. 3 ticīvarānītipi pāṭho.
Nikkhipimhā tāni cīvarāni naṭṭhānipi daḍḍhānipi undurehipi khāyitāni
tena mayaṁ duccolā lūkhacīvarāti. Bhagavato etamatthaṁ ārocesuṁ.
Yā sā bhikkhave saṅghena sīmā sammatā samānasaṁvāsā ekuposathā
saṅgho taṁ sīmaṁ ticīvarena avippavāsaṁ sammannatu ṭhapetvā gāmañca
gāmūpacārañca. Evañca pana bhikkhave sammannitabbā. Byattena
bhikkhunā paṭibalena saṅgho ñāpetabbo suṇātu me bhante saṅgho
yā sā saṅghena sīmā sammatā samānasaṁvāsā ekuposathā yadi
saṅghassa pattakallaṁ saṅgho taṁ sīmaṁ ticīvarena avippavāsaṁ sammanneyya
ṭhapetvā gāmañca gāmūpacārañca. Esā ñatti. Suṇātu me
bhante saṅgho yā sā saṅghena sīmā sammatā samānasaṁvāsā
ekuposathā saṅgho taṁ sīmaṁ ticīvarena avippavāsaṁ sammannati
ṭhapetvā gāmañca gāmūpacārañca. Yassāyasmato khamati etissā
sīmāya ticīvarena avippavāsassa sammati ṭhapetvā gāmañca gāmūpacārañca
so tuṇhassa yassa nakkhamati so bhāseyya.
Sammatā sā sīmā saṅghena 1 ticīvarena avippavāso ṭhapetvā
gāmañca gāmūpacārañca. Khamati saṅghassa tasmā tuṇhī.
Evametaṁ dhārayāmīti.

[163] Sīmaṁ bhikkhave sammannantena paṭhamaṁ samānasaṁvāsā sīmā 2
1 sammatā sā saṅghena sīmā ticīvarena avippavāso. 2 samānasaṁvāsasīmātipi pāṭho.
paṭhamaṁ sīmā sammannitabbā.
Sammannitabbā pacchā ticīvarena avippavāso sammannitabbo.
Sīmaṁ bhikkhave samūhanantena paṭhamaṁ ticīvarena avippavāso samūhantabbo
pacchā samānasaṁvāsā sīmā 1 samūhantabbā. Evañca pana bhikkhave
ticīvarena avippavāso samūhantabbo. Byattena bhikkhunā paṭibalena
saṅgho ñāpetabbo suṇātu me bhante saṅgho yo so saṅghena
ticīvarena avippavāso sammato yadi saṅghassa pattakallaṁ saṅgho
taṁ ticīvarena avippavāsaṁ samūhaneyya. Esā ñatti. Suṇātu
me bhante saṅgho yo so saṅghena ticīvarena avippavāso
sammato saṅgho taṁ ticīvarena avippavāsaṁ samūhanati 2 . Yassāyasmato
khamati etassa ticīvarena avippavāsassa samugghāto so
tuṇhassa yassa nakkhamati so bhāseyya. Samūhato so
saṅghena ticīvarena avippavāso. Khamati saṅghassa tasmā tuṇhī.
Evametaṁ dhārayāmīti. Evañca pana bhikkhave samānasaṁvāsā 3 sīmā
samūhantabbā. Byattena bhikkhunā paṭibalena saṅgho ñāpetabbo
suṇātu me bhante saṅgho yā sā saṅghena sīmā sammatā
samānasaṁvāsā ekuposathā yadi saṅghassa pattakallaṁ saṅgho taṁ
sīmaṁ samūhaneyya [4]-. Esā ñatti. Suṇātu me bhante
saṅgho yā sā saṅghena sīmā sammatā samānasaṁvāsā ekuposathā saṅgho
1 pacchā sīmā samūhantabbā. 2 sī samūhanti. 3 Yu. Rā. ayaṁ pāṭho na dissati.
4 Ma. samānasaṁvāsaṁ ekuposathaṁ.
Taṁ sīmaṁ samūhanati [1]-. Yassāyasmato khamati etissā sīmāya samānasaṁvāsāya
ekuposathāya samugghāto so tuṇhassa yassa nakkhamati
so bhāseyya. Samūhatā sā sīmā saṅghena samānasaṁvāsā
ekuposathā. Khamati saṅghassa tasmā tuṇhī. Evametaṁ dhārayāmīti 2 .

[164] Asammatāya bhikkhave sīmāya aṭṭhapitāya yaṁ gāmaṁ vā
nigamaṁ vā upanissāya viharati yā tassa gāmassa vā gāmasīmā
1 Ma. samānasaṁvāsaṁ ekuposathaṁ. 2 sabbapotthakesu īdisāyevāyaṁ kammavācā āgatā.
sā pana ūnā vā atirekā vā khāyati. tattha hi samānasaṁvāsā ekuposathāti padadvayaṁ
sace sīmāti padassa visesanaṁ saṅgho taṁ sīmaṁ samūhaneyyāti ca saṅgho taṁ sīmaṁ
samūhanatīti ca vacanesu ūnaṁ siyā yadi pana sammatāti pade vikatikammaṁ yassāyasmato ...
samugghātoti ca samūhatā sā ... ekuposathāti ca vacanesu atirekaṁ siyā. vicāretvā
gahetabbaṁ. amhākampanāyaṁ khanti suṇātu me bhante saṅgho yā sā saṅghena sīmā
sammatā samānasaṁvāsā ekuposathā. yadi saṅghassa pattakallaṁ saṅgho taṁ sīmaṁ
samūhaneyya. esā ñatti. suṇātu me bhante saṅgho yā sā saṅghena sīmā
sammatā samānasaṁvāsā ekuposathā saṅgho taṁ sīmaṁ samūhanati. yassāyasmato khamati
etissā sīmāya samugghāto so tuṇhassa yassa nakkhamati so bhāseyya. samūhatā
sā saṅghena sīmā. khamati saṅghassa tasmā tuṇhī. evametaṁ dhārayāmīti.
Nigamassa vā nigamasīmā ayaṁ tattha samānasaṁvāsā ekuposathā.
Agāmake ce bhikkhave araññe samantā sattabbhantarā ayaṁ tattha
samānasaṁvāsā ekuposathā. Sabbā bhikkhave nadī asīmā sabbo
samuddo asīmo sabbo jātassaro asīmo. Nadiyā vā bhikkhave
samudde vā jātassare vā yaṁ majjhimassa purisassa samantā
udakukkhepā ayaṁ tattha samānasaṁvāsā ekuposathāti.