[628] Teneva maññāmi avippavāsanti tāya buddhānussatiyā
bhāvento avippavāsoti taṁ maññāmi avippavuṭṭhoti taṁ maññāmi
jānāmi evaṁ jānāmi evaṁ ājānāmi evaṁ vijānāmi evaṁ
paṭivijānāmīti [3]- teneva maññāmi avippavāsaṁ. Tenāha piṅgiyatthero
passāmi naṁ manasā cakkhunāva
rattindivaṁ brāhmaṇa appamatto
namassamāno vivasāmi rattiṁ
teneva maññāmi avippavāsanti.

[629] Saddhā ca pīti ca mano sati ca
1 Ma. buddhānussatiṁ. 2 Ma. vivasemi atināmemi atikkamemīti. 3 Ma. evaṁ
paṭivijjhāmīti. evamīdisesu ṭhānesu.
Nāmentime 1 gotamasāsanamhā
yaṁ yaṁ disaṁ vajjati 2 bhūripañño
sa tena teneva natohamasmi.

[630] Saddhā ca pīti ca mano sati cāti saddhāti yā
ca bhagavantaṁ ārabbha saddhā saddahanā okappanā abhippasādo
saddhā saddhindriyaṁ saddhābalaṁ. Pītīti yā ca bhagavantaṁ ārabbha
pīti pāmujjaṁ 3 modanā pamodanā vitti odagyaṁ attamanatā atippasādanatā
cittassa. Manoti yañca bhagavantaṁ ārabbha cittaṁ mano
mānasaṁ hadayaṁ paṇḍaraṁ mano manāyatanaṁ manindriyaṁ viññāṇaṁ viññāṇakkhandho
tajjā manoviññāṇadhātu. Satīti yā ca bhagavantaṁ
ārabbha sati anussati .pe. Sammāsatīti saddhā ca pīti ca mano
sati ca.

[631] Nāmentime gotamasāsanamhāti ime cattāro dhammā
gotamasāsanā buddhasāsanā jinasāsanā tathāgatasāsanā arahantasāsanā
nāmenti nāgacchanti 4 na vijahanti na vināsentīti
nāmentime gotamasāsanamhā.

[632] Yaṁ yaṁ disaṁ vajjati bhūripaññoti yaṁ yaṁ disanti
puratthimaṁ vā disaṁ pacchimaṁ vā disaṁ dakkhiṇaṁ vā disaṁ uttaraṁ vā
disaṁ vajati gacchati kamati atikkamati. Bhūripaññoti bhūripañño
mahāpañño tikkhapañño puthupañño hāsapañño javanapañño
1 Ma. nāpentime. evamuparipi. 2 Ma. vajati. evamuparipi. 3 Ma. sabbattha
pāmojjaṁ. 4 Ma. na gacchanti.
Nibbedhikapaññoti [1]- yaṁ yaṁ disaṁ vajjati bhūripañño.

[633] Sa tena teneva natohamasmīti so yena buddho
tena teneva nato tanninno tappoṇo tappabbhāro tadadhimutto
tadādhipateyyoti sa tena teneva natohamasmi. Tenāha
piṅgiyatthero
saddhā ca pīti ca mano sati ca
nāmentime gotamasāsanamhā
yaṁ yaṁ disaṁ vajjati bhūripañño
sa tena teneva natohamasmīti.

[634] Jiṇṇassa me dubbalathāmakassa
teneva kāyo na paleti tattha
saṅkappayantāya vajāmi niccaṁ
mano hi me brāhmaṇa tena yutto.

[635] Jiṇṇassa me dubbalathāmakassāti jiṇṇassāti 2
jiṇṇassa vuḍḍhassa mahallakassa addhagatassa vayoanuppattassāti
jiṇṇassa 2 . Dubbalathāmakassāti dubbalathāmakassa appathāmakassa
parittathāmakassāti jiṇṇassa me dubbalathāmakassa.

[636] Teneva kāyo na paleti tatthāti kāyo yena buddho
tena na paleti na vajati na gacchati nābhikkamatīti 3 teneva kāyo
na paleti tattha.
1 Ma. bhūri vuccati pathavī. bhagavā tāya pathavisamāya paññāya vipulāya vitthatāya
samannāgatoti. 2 Ma. idaṁ pāṭhadvayaṁ natthi. 3 Ma. nātikkamatīti. evamuparipi.

[637] Saṅkappayantāya vajāmi niccanti saṅkappagamanena
vitakkagamanena ñāṇagamanena paññāgamanena buddhigamanena vajāmi
gacchāmi abhikkamāmīti saṅkappayantāya vajāmi niccaṁ.