[18] Buddho so bhagavā loke dhammaṁ deseti cakkhumā
taṁ tvaṁ gantvāna pucchassu so te taṁ byākarissati.

[19] Sambuddhoti vaco sutvā udaggo bāvarī ahu
sokassa tanuko āsi pītiñca vipulaṁ labhi.

[20] So bāvarī attamano udaggo
taṁ devataṁ pucchati vedajāto
katamamhi gāme nigamamhi vā pana
katamamhi vā janapade lokanātho
yattha gantvā namassemu 3
sambuddhaṁ dipaduttamaṁ 4 .

[21] Sāvatthiyaṁ kosalamandire jino
pahūtapañño varabhūrimedhaso
so sakyaputto vidhuro anāsavo
1 Ma. pathavimaṇḍale. Sī. puthavimaṇḍale. 2 Ma. sabbakammakkhayaṁ.
3 Ma. passemu. 4 Ma. sabbattha dvipaduttamaṁ.
Muddhādhipātassa vidū narāsabho.

[22] Tato āmantayī sisse brāhmaṇe mantapārage 1
etha māṇavā akkhissaṁ suṇotha vacanaṁ mama.

[23] Yasseso dullabho loke pātubhāvo abhiṇhaso
svājja lokamhi uppanno sambuddho iti vissuto
khippaṁ gantvāna sāvatthiṁ passavho dipaduttamaṁ.

[24] Kathaṁ carahi jānemu disvā buddhoti brāhmaṇa
ajānataṁ no pabrūhi yathā jānemu taṁ mayaṁ.

[25] Āgatāni hi mantesu mahāpurisalakkhaṇā
dvattiṁsā ca byākhyātā 2 samattā anupubbaso.

[26] Yassete honti gattesu mahāpurisalakkhaṇā
duveva 3 tassa gatiyo tatiyā hi na vijjati.

[27] Sace agāraṁ āvasati vijeyya paṭhaviṁ imaṁ
adaṇḍena asatthena dhammenamanusāsati 4 .