[566] Bālo paro akusaloti cāhāti paro bālo hīno
nihīno omako lāmako jatukko paritto akusalo aviddhā
avijjāgato añāṇī avibhāvī duppaññoti evamāha evaṁ katheti
evaṁ bhaṇati evaṁ dīpayati evaṁ voharatīti bālo paro akusaloti
cāha. Tenāha bhagavā
1 Po. Yu. diṭṭhisuddhiṁ. 2 Ma. diṭṭhivinicchaye vinicchayadiṭṭhiyā.
Diṭṭhe sute sīlavate mute vā
ete ca nissāya vimānadassī
vinicchaye ṭhatvā pahassamāno
bālo paro akusaloti cāhāti.

[567] Yeneva bāloti paraṁ dahāti
tenātumānaṁ kusaloti cāha
sayamattanā so kusalovadāno 1
aññaṁ vimāneti tatheva pāvā.

[568] Yeneva bāloti paraṁ dahātīti yena hetunā yena
paccayena yena kāraṇena yena pabhavena paraṁ bālato hīnato
nihīnato omakato lāmakato jatukkato parittato dahati passati
dakkhati oloketi nijjhāyati upaparikkhatīti yeneva bāloti paraṁ
dahāti.

[569] Tenātumānaṁ kusaloti cāhāti ātumā vuccati attā.
Sopi teneva hetunā tena paccayena tena kāraṇena tena pabhavena
attānaṁ āha ahamasmi kusalo paṇḍito paññavā buddhimā
ñāṇī vibhāvī medhāvīti tenātumānaṁ kusaloti cāha.

[570] Sayamattanā so kusalovadānoti sayaṁ attānaṁ kusalavādo
paṇḍitavādo dhīravādo ñāṇavādo hetuvādo lakkhaṇavādo kāraṇavādo
ṭhānavādo sakāya laddhiyāti sayamattanā so kusalovadāno.
1 Po. Ma. kusalāvadāno. ito paraṁ īdisameva.

[571] Aññaṁ vimāneti tatheva pāvāti na sammānetītipi
aññaṁ vimāneti. Athavā domanassaṁ janetītipi aññaṁ vimāneti.
Tatheva pāvāti tatheva taṁ diṭṭhigataṁ pāvadati itipāyaṁ puggalo
micchādiṭṭhiko viparītadassanoti aññaṁ vimāneti tatheva pāvā.
Tenāha bhagavā
yeneva bāloti paraṁ dahāti
tenātumānaṁ kusaloti cāha
sayamattanā so kusalovadāno
aññaṁ vimāneti tatheva pāvāti.

[572] Atīsaraṁdiṭṭhiyā 1 so samatto
mānena matto paripuṇṇamānī
sayameva sāmaṁ manasābhisitto
diṭṭhī hi sā tassa tathā samattā.

[573] Atīsaraṁdiṭṭhiyā so samattoti atisāradiṭṭhiyo vuccanti
dvāsaṭṭhī diṭṭhigatāni. Kiṁkāraṇā atisāradiṭṭhiyo vuccanti
dvāsaṭṭhī diṭṭhigatāni. Sabbā tā diṭṭhiyo kāraṇātikkantā
lakkhaṇātikkantā hīnātikkantā 2 taṁkāraṇā atisāradiṭṭhiyo vuccanti
dvāsaṭṭhī diṭṭhigatāni. Sabbepi titthiyā atisāradiṭṭhiyā.
Kiṁkāraṇā sabbepi titthiyā atisāradiṭṭhiyā 3 . Te aññamaññaṁ
atikkamitvā samatikkamitvā vītivattetvā diṭṭhigatāni janenti
1 Ma. atisāradiṭṭhiyā. 2 Ma. ṭhānātikkantā. 3 Ma. sabbāpi
diṭṭhiyo atisāradiṭṭhiyo.
Sañjanenti nibbattenti abhinibbattenti taṁkāraṇā sabbepi titthiyā
atisāradiṭṭhiyā 1 . So samattoti atisāradiṭṭhiyā samatto paripuṇṇo
anomoti atīsaraṁdiṭṭhiyā so samatto.

[574] Mānena matto paripuṇṇamānīti sakāya diṭṭhiyā mānena
matto pamatto ummatto adhimattoti mānena matto.
Paripuṇṇamānīti paripuṇṇamānī samattamānī anomamānīti mānena
matto paripuṇṇamānī.

[575] Sayameva sāmaṁ manasābhisittoti sayameva attānaṁ cittena
abhisiñcati ahamasmi kusalo paṇḍito paññavā buddhimā ñāṇī
vibhāvī medhāvīti sayameva sāmaṁ manasābhisitto.