[210] Yā panāti yā yādisā .pe. Bhikkhunīti .pe.
Ayaṁ imasmiṁ atthe adhippetā bhikkhunīti. Duggahitenāti aññathā
gahitena 1 . Dūpadhāritenāti aññathā upadhāritena. Paranti
upasampannaṁ ujjhāpeti āpatti pācittiyassa.

[211] Upasampannāya upasampannasaññā ujjhāpeti āpatti
pācittiyassa. Upasampannāya vematikā ujjhāpeti āpatti
pācittiyassa. Upasampannāya anupasampannasaññā ujjhāpeti
āpatti pācittiyassa. Anupasampannaṁ ujjhāpeti āpatti
dukkaṭassa. Anupasampannāya upasampannasaññā āpatti dukkaṭassa.
Anupasampannāya vematikā āpatti dukkaṭassa. Anupasampannāya
anupasampannasaññā āpatti dukkaṭassa.

[212] Anāpatti ummattikāya ādikammikāyāti.
--------
Andhakāravaggassa navamasikkhāpadaṁ

[213] Tena samayena buddho bhagavā sāvatthiyaṁ viharati jetavane
anāthapiṇḍikassa ārāme. Tena kho pana samayena bhikkhuniyo
attano bhaṇḍakaṁ apassantiyo caṇḍakāliṁ bhikkhuniṁ etadavocuṁ
apayye amhākaṁ bhaṇḍakaṁ passeyyāsīti. Caṇḍakālī bhikkhunī
ujjhāyati khīyati vipāceti ahameva nūna corī ahameva
1 Ma. Yu. uggahitena.
Nūnālajjinī yā ayyā 1 attano bhaṇḍakaṁ apassantiyo tā maṁ
evamāhaṁsu apayye amhākaṁ bhaṇḍakaṁ passeyyāsīti sacāhayye
tumhākaṁ bhaṇḍakaṁ gaṇhāmi assamaṇī homi brahmacariyā cavāmi
nirayaṁ upapajjāmi yā pana maṁ abhūtena evamāha sāpi
assamaṇī hotu brahmacariyā cavatu nirayaṁ upapajjatūti. Yā tā
bhikkhuniyo appicchā .pe. Tā ujjhāyanti khīyanti vipācenti
kathaṁ hi nāma ayyā caṇḍakālī attānaṁpi paraṁpi nirayenapi brahmacariyenapi
abhisapissatīti .pe. Saccaṁ kira bhikkhave caṇḍakālī
bhikkhunī attānaṁpi paraṁpi nirayenapi brahmacariyenapi abhisapatīti.
Saccaṁ bhagavāti. Vigarahi buddho bhagavā kathaṁ hi nāma bhikkhave
caṇḍakālī bhikkhunī attānaṁpi paraṁpi nirayenapi brahmacariyenapi
abhisapissati netaṁ bhikkhave appasannānaṁ vā pasādāya .pe. Evañca
pana bhikkhave bhikkhuniyo imaṁ sikkhāpadaṁ uddisantu yā pana bhikkhunī
attānaṁ vā paraṁ vā nirayena vā brahmacariyena vā abhisapeyya
pācittiyanti.

[214] Yā panāti yā yādisā .pe. Bhikkhunīti .pe. Ayaṁ
imasmiṁ atthe adhippetā bhikkhunīti. Attānanti paccattaṁ. Paranti
upasampannaṁ nirayena vā brahmacariyena vā abhisapati āpatti
pācittiyassa.

[215] Upasampannāya upasampannasaññā nirayena vā
1 Ma. ayyāyo.
Brahmacariyena vā abhisapati āpatti pācittiyassa. Upasampannāya
vematikā nirayena vā brahmacariyena vā abhisapati āpatti
pācittiyassa. Upasampannāya anupasampannasaññā nirayena vā
brahmacariyena vā abhisapati āpatti pācittiyassa. Tiracchānayoniyā
vā pittivisayena vā manussadobhaggena vā abhisapati
āpatti dukkaṭassa. Anupasampannaṁ abhisapati āpatti dukkaṭassa.
Anupasampannāya upasampannasaññā āpatti dukkaṭassa.
Anupasampannāya vematikā āpatti dukkaṭassa. Anupasampannāya
anupasampannasaññā āpatti dukkaṭassa.

[216] Anāpatti atthapurekkhārāya dhammapurekkhārāya
anusāsanīpurekkhārāya ummattikāya ādikammikāyāti.
-------
Andhakāravaggassa dasamasikkhāpadaṁ

[217] Tena samayena buddho bhagavā sāvatthiyaṁ viharati jetavane
anāthapiṇḍikassa ārāme. Tena kho pana samayena caṇḍakālī
bhikkhunī bhikkhunīhi saddhiṁ bhaṇḍitvā attanā 1 vadhitvā vadhitvā rodati.
Yā tā bhikkhuniyo appicchā .pe. Tā ujjhāyanti khīyanti vipācenti
kathaṁ hi nāma ayyā caṇḍakālī attānaṁ vadhitvā vadhitvā
rodissatīti .pe. Saccaṁ kira bhikkhave caṇḍakālī bhikkhunī attānaṁ
vadhitvā vadhitvā rodatīti. Saccaṁ bhagavāti. Vigarahi buddho
1 Ma. Yu. attānaṁ.
Bhagavā kathaṁ hi nāma bhikkhave caṇḍakālī bhikkhunī attānaṁ
vadhitvā vadhitvā rodissati netaṁ bhikkhave appasannānaṁ vā
pasādāya .pe. Evañca pana bhikkhave bhikkhuniyo imaṁ sikkhāpadaṁ
uddisantu yā pana bhikkhunī attānaṁ vadhitvā vadhitvā rodeyya
pācittiyanti.

[218] Yā panāti yā yādisā .pe. Bhikkhunīti .pe. Ayaṁ
imasmiṁ atthe adhippetā bhikkhunīti. Attānanti paccattaṁ.
Vadhitvā vadhitvā rodati āpatti pācittiyassa. Vadhati na
rodati āpatti dukkaṭassa. Rodati na vadhati āpatti
dukkaṭassa.

[219] Anāpatti ñātibyasanena vā bhogabyasanena vā rogabyasanena
vā phuṭṭhā rodati na vadhati ummattikāya ādikammikāyāti.
Andhakāravaggo dutiyo.
----------
Naggavaggassa paṭhamasikkhāpadaṁ