[282] 5 Kese me olikhissanti kappako upasaṅkami
1 Ma. Yu. abbahitvāna. 2 Po. suvaṇṇamayo. Ma. Yu. suvaṇṇako. 3 Sī.
Yu. soḷasapabbedho. 4 Po. Ma. Yu. ubbhamāhu. 5 Yu. sahassakaṇḍu satabheṇḍu.
Tato ādāsamādāya sarīraṁ paccavekkhisaṁ.
Tuccho kāyo adissittha andhakāre 1 tamo byagā 2
sabbe coḷā samucchinnā natthidāni punabbhavoti.
Vītasoko thero.

[283] 6 Pañca nīvaraṇe hitvā yogakkhemassa pattiyā
dhammādāsaṁ gahetvāna ñāṇadassanamattano
paccavekkhiṁ imaṁ kāyaṁ sabbaṁ santarabāhiraṁ
ajjhattañca bahiddhā ca tuccho kāyo adissathāti.
Puṇṇamāso thero.

[284] 7 Yathāpi bhaddo ājañño khalitvā patitiṭṭhati
bhiyyo laddhāna saṁvegaṁ adīno vahate dhuraṁ
evaṁ dassanasampannaṁ sammāsambuddhasāvakaṁ
ājāniyaṁ maṁ dhāretha puttaṁ buddhassa orasanti.
Nandako thero.

[285] 8 Ehi nandaka gacchāma upajjhāyassa santikaṁ
sīhanādaṁ nadissāma buddhaseṭṭhassa sammukhā.
Yāya no anukampāya amhe pabbājayī muni
so no attho anuppatto sabbasaṁyojanakkhayoti.
Bhārato 3 thero.
1 Ma. andhakāro. 2 Po. byago. 3 Ma. Yu. bharato.

[286] 9 Nadanti evaṁ sappaññā sīhāva girigabbhare
dhīrā 1 vijitasaṅgāmā jetvā māraṁ savāhanaṁ 2 .
Satthā ca pariciṇṇo me dhammo saṅgho ca pūjito
ahañca citto 3 sumano puttaṁ disvā anāsavanti.
Bhāradvājo thero.

[287] 10 Upāsitā sappurisā sutā dhammā abhiṇhaso
sutvāna paṭipajjissaṁ añjasaṁ amatogadhaṁ.
Bhavarāgahatassa me sato bhavarāgo puna me na vijjati
na cāhu na ca me bhavissati na ca me etarahipi 4 vijjatīti.
Kaṇhadinno thero.
Uddānaṁ
uttaro bhaddaji thero sobhito valliyo isi
vītasoko ca so thero puṇṇamāso ca nandako
bhārato 5 bhāradvājo ca kaṇhadinno mahāmunīti.
Vaggo tatiyo.
---------------
Theragāthāya dukanipātassa catutthavaggo

[288] 1 Yato ahaṁ pabbajitvā 6 sammāsambuddhasāsane
vimuccamāno uggacchiṁ kāmadhātuṁ upaccagaṁ.
1 Ma. Yu. vīrā. 2 Ma. savāhaniṁ. 3 Ma. Yu. vitto. 4 Ma. pisaddo natthi.
5 Ma. Yu. bharato. 6 Ma. Yu. pabbajito.
Brahmuno pekkhamānassa tato cittaṁ vimucci me
akuppā me vimuttīti sabbasaṁyojanakkhayāti.
Migasiro thero.

[289] 2 Aniccāni gahakāni tattha tattha punappunaṁ
gahakāraṁ gavesanto dukkhā jāti punappunaṁ.
Gahakāraka diṭṭhosi puna gehaṁ na kāhasi
sabbā te phāsukā bhaggā 1 thūṇirā ca padālitā
vimariyādikataṁ cittaṁ idheva vidhamissatīti.
Sivako thero.

[290] 3 Arahaṁ sugato loke vātehābādhito muni
sace uṇhodakaṁ atthi munino dehi brāhmaṇa.
Pūjito pūjaneyyānaṁ sakkareyyāna sakkato
apacito apacineyyānaṁ 1 tassa icchāmi hātaveti.
Upavāṇo thero.

[291] 4 Diṭṭhā mayā dhammadharā upāsakā
kāmā aniccā iti bhāsamānā
sā rattarattā maṇikuṇḍalesu
puttesu dāresu ca te apekkhā.
Addhāna jānanti yato 2 ca dhammaṁ
1 Ma. paceyyānaṁ. 2 Yu. yathāva dhammaṁ.
Kāmā aniccā iti cāpi āhu
rāgañca tesaṁ na balatthi chettuṁ
tasmā sitā puttadāraṁ dhanañcāti.
Isidinno thero.