[215] Pañcime bhikkhave ādīnavā akkhantiyā katame pañca
bahuno janassa appiyo hoti amanāpo verabahulo ca hoti
vajjabahulo ca sammūḷho kālaṁ karoti kāyassa bhedā parammaraṇā
1 Po. mantā ....
Apāyaṁ duggatiṁ vinipātaṁ nirayaṁ upapajjati ime kho bhikkhave pañca
ādīnavā akkhantiyā. Pañcime bhikkhave ānisaṁsā khantiyā katame
pañca bahuno janassa piyo hoti manāpo na verabahulo hoti
na vajjabahulo asammūḷho kālaṁ karoti kāyassa bhedā parammaraṇā
sugatiṁ saggaṁ lokaṁ upapajjati ime kho bhikkhave pañca
ānisaṁsā khantiyāti.

[216] Pañcime bhikkhave ādīnavā akkhantiyā katame pañca
bahuno janassa appiyo hoti amanāpo luddho 1 ca hoti vippaṭisārī
ca sammūḷho kālaṁ karoti kāyassa bhedā parammaraṇā
apāyaṁ duggatiṁ vinipātaṁ nirayaṁ upapajjati ime kho bhikkhave pañca
ādīnavā akkhantiyā. Pañcime bhikkhave ānisaṁsā khantiyā katame
pañca bahuno janassa piyo hoti manāpo aluddho 2 ca hoti
avippaṭisārī ca asammūḷho kālaṁ karoti kāyassa bhedā parammaraṇā
sugatiṁ saggaṁ lokaṁ upapajjati ime kho bhikkhave pañca
ānisaṁsā khantiyāti.

[217] Pañcime bhikkhave ādīnavā apāsādike katame pañca
attāpi attānaṁ upavadati anuvicca viññū garahanti pāpako
kittisaddo abbhuggacchati sammūḷho kālaṁ karoti kāyassa bhedā
parammaraṇā apāyaṁ duggatiṁ vinipātaṁ nirayaṁ upapajjati ime kho
bhikkhave pañca ādīnavā apāsādike. Pañcime bhikkhave ānisaṁsā
1-2 Ma. luddo aluddo.
Pāsādike katame pañca attāpi attānaṁ na upavadati anuvicca
viññū pasaṁsanti kalyāṇo kittisaddo abbhuggacchati asammūḷho
kālaṁ karoti kāyassa bhedā parammaraṇā sugatiṁ saggaṁ lokaṁ upapajjati
ime kho bhikkhave pañca ānisaṁsā pāsādiketi.

[218] Pañcime bhikkhave ādīnavā apāsādike katame pañca
appasannā nappasīdanti pasannānañca ekaccānaṁ aññathattaṁ hoti
satthu sāsanaṁ na kataṁ 1 hoti pacchimā janatā diṭṭhānugatiṁ āpajjati
cittamassa nappasīdati ime kho bhikkhave pañca ādīnavā apāsādike.
Pañcime bhikkhave ānisaṁsā pāsādike katame pañca appasannā
pasīdanti pasannānañca bhiyyobhāvo hoti satthu sāsanaṁ kataṁ hoti
pacchimā janatā diṭṭhānugatiṁ āpajjati cittamassa pasīdati ime
kho bhikkhave pañca ānisaṁsā pāsādiketi.

[219] Pañcime bhikkhave ādīnavā aggismiṁ katame pañca
acakkhusso dubbaṇṇakaraṇo dubbalakaraṇo saṅgaṇikāpavaḍḍhano 2
tiracchānakathāpavattaniko ime kho bhikkhave pañca ādīnavā aggisminti.

[220] Pañcime bhikkhave ādīnavā madhurāyaṁ katame pañca
visamā bahurajā caṇḍasunakhā vālayakkhā 3 dullabhapiṇḍā
ime kho bhikkhave pañca ādīnavā madhurāyanti.
Akkosakavaggo dutiyo.
1 Ma. Yu. akataṁ. 2 Po. saṅgaṇikāya bandhano. 3 Po. bālayakkhā. Ma. Yu. vāḷayakkhā.
Tassuddānaṁ
akkosabhaṇḍanasīlaṁ bāhubhāṇī 1 dve akhantiyo
apāsādikā dve vuttā aggismiṁ madhurena cāti.
------------
Dīghacārikavaggo tatiyo

[221] Pañcime bhikkhave ādīnavā dīghacārikaṁ anavatthacārikaṁ
anuyuttassa viharato katame pañca assutaṁ na suṇāti sutaṁ na
pariyodapeti 2 sutenekaccena avisārado hoti bāḷhaṁ 3 rogātaṅkaṁ
phusati na ca mittavā hoti ime kho bhikkhave pañca ādīnavā
dīghacārikaṁ anavatthacārikaṁ anuyuttassa viharato. Pañcime bhikkhave
ānisaṁsā samavatthacāre katame pañca assutaṁ suṇāti sutaṁ
pariyodapeti sutenekaccena visārado hoti na bāḷhaṁ rogātaṅkaṁ
phusati mittavā ca hoti ime kho bhikkhave pañca ānisaṁsā
samavatthacāreti.

[222] Pañcime bhikkhave ādīnavā dīghacārikaṁ anavatthacārikaṁ anuyuttassa
viharato katame pañca anadhigataṁ nādhigacchati adhigataṁ 4
parihāyati adhigatenekaccena avisārado hoti bāḷhaṁ rogātaṅkaṁ
phusati na ca mittavā hoti ime kho bhikkhave pañca ādīnavā
dīghacārikaṁ anavatthacārikaṁ anuyuttassa viharato. Pañcime bhikkhave
1 Ma. Yu. bahubhāṇī. 2 Ma. pariyodāpeti. aparaṁpi īdisameva. 3 Ma. Yu. gāḷhaṁ.
aparaṁpi īdisameva. 4 Po. Ma. Yu. adhigatā. aparaṁpi īdisameva.
Ānisaṁsā samavatthacāre katame pañca anadhigataṁ adhigacchati
adhigataṁ na parihāyati adhigatenekaccena visārado hoti na bāḷhaṁ
rogātaṅkaṁ phusati mittavā ca hoti ime kho bhikkhave pañca
ānisaṁsā samavatthacāreti.

[223] Pañcime bhikkhave ādīnavā abhinivāse 1 katame pañca
bahubhaṇḍo hoti bahubhaṇḍasannicayo bahubhesajjo hoti bahubhesajjasannicayo
bahukicco hoti bahukaraṇīyo abyatto 2 kiṁkaraṇīyesu saṁsaṭṭho
viharati gahaṭṭhapabbajitehi ananulomikena gihisaṁsaggena tamhā ca
āvāsā pakkamanto sāpekkho pakkamati ime kho bhikkhave pañca
ādīnavā abhinivāse 1 . Pañcime bhikkhave ānisaṁsā samavatthanivāse 3
katame pañca na bahubhaṇḍo hoti na bahubhaṇḍasannicayo na bahubhesajjo
hoti na bahubhesajjasannicayo na bahukicco hoti na bahukaraṇīyo
byatto 4 kiṁkaraṇīyesu asaṁsaṭṭho viharati gahaṭṭhapabbajitehi
ananulomikena gihisaṁsaggena tamhā ca āvāsā pakkamanto anapekkho
pakkamati ime kho bhikkhave pañca ānisaṁsā samavatthanivāseti.

[224] Pañcime bhikkhave ādīnavā abhinivāse katame pañca
āvāsamaccharī hoti kulamaccharī hoti lābhamaccharī hoti vaṇṇamaccharī
hoti dhammamaccharī hoti ime kho bhikkhave pañca ādīnavā
abhinivāse. Pañcime bhikkhave ānisaṁsā samavatthanivāse katame pañca
1 Ma. Yu. atinivāse. aparaṁpi īdisameva. 2 Ma. byatto. 3 Ma. Yu. samavatthavāse.
aparaṁpi īdisameva. 4 Ma. na byatto.
Na āvāsamaccharī hoti na kulamaccharī hoti na lābhamaccharī hoti
na vaṇṇamaccharī hoti na dhammamaccharī hoti ime kho bhikkhave
pañca ānisaṁsā samavatthanivāseti.