[180] Ekadhammo bhikkhave bhāvito bahulīkato ekantanibbidāya
virāgāya nirodhāya upasamāya abhiññāya sambodhāya nibbānāya saṁvattati
katamo ekadhammo dhammānussati ... Saṅghānussati ... Sīlānussati ...
Cāgānussati ... Devatānussati ... Ānāpānasati 1 ... Maraṇasati 2
kāyagatāsati ... Upasamānussati ayaṁ kho bhikkhave ekadhammo bhāvito bahulīkato
ekantanibbidāya virāgāya nirodhāya upasamāya abhiññāya sambodhāya
nibbānāya saṁvattatīti.
Vaggo paṭhamo.

[181] Nāhaṁ bhikkhave aññaṁ ekadhammaṁpi samanupassāmi yena
anuppannā vā akusalā dhammā uppajjanti uppannā vā akusalā
dhammā bhiyyobhāvāya vepullāya saṁvattanti yathayidaṁ bhikkhave micchādiṭṭhi
micchādiṭṭhikassa bhikkhave anuppannā ceva akusalā dhammā uppajjanti
uppannā ca akusalā dhammā bhiyyobhāvāya vepullāya saṁvattantīti.

[182] Nāhaṁ bhikkhave aññaṁ ekadhammaṁpi samanupassāmi yena
anuppannā vā kusalā dhammā uppajjanti uppannā vā kusalā
dhammā bhiyyobhāvāya vepullāya saṁvattanti yathayidaṁ bhikkhave sammādiṭṭhi
sammādiṭṭhikassa bhikkhave anuppannā ceva kusalā dhammā
uppajjanti uppannā ca kusalā dhammā bhiyyobhāvāya vepullāya
saṁvattantīti.
1-2 Ma. ānāpānassati ... maraṇassati ...

[183] Nāhaṁ bhikkhave aññaṁ ekadhammaṁpi samanupassāmi yena
anuppannā vā kusalā dhammā nuppajjanti uppannā vā kusalā
dhammā parihāyanti yathayidaṁ bhikkhave micchādiṭṭhi micchādiṭṭhikassa
bhikkhave anuppannā ceva kusalā dhammā nuppajjanti uppannā ca
kusalā dhammā parihāyantīti.

[184] Nāhaṁ bhikkhave aññaṁ ekadhammaṁpi samanupassāmi yena
anuppannā vā akusalā dhammā nuppajjanti uppannā vā akusalā
dhammā parihāyanti yathayidaṁ bhikkhave sammādiṭṭhi sammādiṭṭhikassa
bhikkhave anuppannā ceva akusalā dhammā nuppajjanti uppannā ca
akusalā dhammā parihāyantīti.

[185] Nāhaṁ bhikkhave aññaṁ ekadhammaṁpi samanupassāmi yena
anuppannā vā micchādiṭṭhi uppajjati uppannā vā micchādiṭṭhi
pavaḍḍhati yathayidaṁ bhikkhave ayoniso manasikāro ayoniso bhikkhave
manasikaroto anuppannā ceva micchādiṭṭhi uppajjati uppannā ca
micchādiṭṭhi pavaḍḍhatīti.

[186] Nāhaṁ bhikkhave aññaṁ ekadhammaṁpi samanupassāmi yena
anuppannā vā sammādiṭṭhi uppajjati uppannā vā sammādiṭṭhi
pavaḍḍhati yathayidaṁ bhikkhave yoniso manasikāro yoniso bhikkhave
manasikaroto anuppannā ceva sammādiṭṭhi uppajjati uppannā ca
sammādiṭṭhi pavaḍḍhatīti.

[187] Nāhaṁ bhikkhave aññaṁ ekadhammaṁpi samanupassāmi yenevaṁ 1
sattā kāyassa bhedā parammaraṇā apāyaṁ duggatiṁ vinipātaṁ nirayaṁ
upapajjanti yathayidaṁ bhikkhave micchādiṭṭhi micchādiṭṭhiyā bhikkhave
samannāgatā sattā kāyassa bhedā parammaraṇā apāyaṁ duggatiṁ vinipātaṁ
nirayaṁ upapajjantīti.

[188] Nāhaṁ bhikkhave aññaṁ ekadhammaṁpi samanupassāmi yenevaṁ 2
sattā kāyassa bhedā parammaraṇā sugatiṁ saggaṁ lokaṁ upapajjanti
yathayidaṁ bhikkhave sammādiṭṭhi sammādiṭṭhiyā bhikkhave samannāgatā sattā
kāyassa bhedā parammaraṇā sugatiṁ saggaṁ lokaṁ upapajjantīti 3 .

[189] Micchādiṭṭhikassa bhikkhave purisapuggalassa yañceva kāyakammaṁ
yathādiṭṭhisamattaṁ samādinnaṁ yañca vacīkammaṁ yathādiṭṭhisamattaṁ samādinnaṁ
yañca manokammaṁ yathādiṭṭhisamattaṁ samādinnaṁ yā ca cetanā yā ca
patthanā yo ca paṇidhi ye ca saṅkhārā sabbe te dhammā aniṭṭhāya
akantāya amanāpāya ahitāya dukkhāya saṁvattanti taṁ kissa hetu
diṭṭhi hi 4 bhikkhave pāpikā. Seyyathāpi bhikkhave nimbabījaṁ vā kosātakībījaṁ
vā tittakalābubījaṁ vā allāya paṭhaviyā nikkhittaṁ yañceva
paṭhavīrasaṁ upādiyati yañca āporasaṁ upādiyati sabbantaṁ tittakattāya
kaṭukattāya asātattāya saṁvattati taṁ kissa hetu bījaṁ hi 5 bhikkhave
pāpakaṁ evameva kho bhikkhave micchādiṭṭhikassa purisapuggalassa yañceva
kāyakammaṁ yathādiṭṭhisamattaṁ samādinnaṁ yañca vacīkammaṁ yathādiṭṭhisamattaṁ
1,2 Ma. evaṁsaddo natthi. 3 Ma. sabbattha uppajjantīti. 4-5 Ma. hissa.
ito paraṁ īdisameva.
Samādinnaṁ yañca manokammaṁ yathādiṭṭhisamattaṁ samādinnaṁ yā ca
cetanā yā ca patthanā yo ca paṇidhi ye ca saṅkhārā sabbe te
dhammā aniṭṭhāya akantāya amanāpāya ahitāya dukkhāya saṁvattanti
taṁ kissa hetu diṭṭhi hi bhikkhave pāpikāti.