[30] Nāhaṁ bhikkhave aññaṁ ekadhammaṁpi samanupassāmi yaṁ evaṁ
abhāvitaṁ abahulīkataṁ dukkhādhivāhaṁ hoti yathayidaṁ bhikkhave cittaṁ cittaṁ
bhikkhave abhāvitaṁ abahulīkataṁ dukkhādhivāhaṁ hotīti.

[31] Nāhaṁ bhikkhave aññaṁ ekadhammaṁpi samanupassāmi yaṁ evaṁ
bhāvitaṁ bahulīkataṁ sukhādhivāhaṁ hoti yathayidaṁ bhikkhave cittaṁ cittaṁ
bhikkhave bhāvitaṁ bahulīkataṁ sukhādhivāhaṁ hotīti.
Vaggo 1 tatiyo.

[32] Nāhaṁ bhikkhave aññaṁ ekadhammaṁpi samanupassāmi yaṁ evaṁ
adantaṁ mahato anatthāya saṁvattati yathayidaṁ bhikkhave cittaṁ cittaṁ
bhikkhave adantaṁ mahato anatthāya saṁvattatīti.

[33] Nāhaṁ bhikkhave aññaṁ ekadhammaṁpi samanupassāmi yaṁ evaṁ
dantaṁ mahato atthāya saṁvattati yathayidaṁ bhikkhave cittaṁ cittaṁ bhikkhave
dantaṁ mahato atthāya saṁvattatīti.

[34] Nāhaṁ bhikkhave aññaṁ ekadhammaṁpi samanupassāmi yaṁ evaṁ
aguttaṁ mahato anatthāya saṁvattati yathayidaṁ bhikkhave cittaṁ cittaṁ
bhikkhave aguttaṁ mahato anatthāya saṁvattatīti.

[35] Nāhaṁ bhikkhave aññaṁ ekadhammaṁpi samanupassāmi yaṁ evaṁ
1 Ma. Yu. akammanīyavaggo ....
Guttaṁ mahato atthāya saṁvattati yathayidaṁ bhikkhave cittaṁ cittaṁ
bhikkhave guttaṁ mahato atthāya saṁvattatīti.

[36] Nāhaṁ bhikkhave aññaṁ ekadhammaṁpi samanupassāmi yaṁ evaṁ
arakkhitaṁ mahato anatthāya saṁvattati yathayidaṁ bhikkhave cittaṁ cittaṁ
bhikkhave arakkhitaṁ mahato anatthāya saṁvattatīti.

[37] Nāhaṁ bhikkhave aññaṁ ekadhammaṁpi samanupassāmi yaṁ evaṁ
rakkhitaṁ mahato atthāya saṁvattati yathayidaṁ bhikkhave cittaṁ cittaṁ
bhikkhave rakkhitaṁ mahato atthāya saṁvattatīti.

[38] Nāhaṁ bhikkhave aññaṁ ekadhammaṁpi samanupassāmi yaṁ evaṁ
asaṁvutaṁ mahato anatthāya saṁvattati yathayidaṁ bhikkhave cittaṁ cittaṁ
bhikkhave asaṁvutaṁ mahato anatthāya saṁvattatīti.

[39] Nāhaṁ bhikkhave aññaṁ ekadhammaṁpi samanupassāmi yaṁ evaṁ
saṁvutaṁ mahato atthāya saṁvattati yathayidaṁ bhikkhave cittaṁ cittaṁ bhikkhave
saṁvutaṁ mahato atthāya saṁvattatīti.