[1794] Evameva kho bhikkhave appakā te sattā ye devā
cutā devesu paccājāyanti atha kho eteva bahutarā sattā
ye devā cutā niraye paccājāyanti. Tiracchānayoniyā paccājāyanti.
Pittivisaye paccājāyanti.

[1795] Evameva kho bhikkhave appakā te sattā ye devā
cutā manussesu paccājāyanti atha kho eteva bahutarā sattā
ye devā cutā niraye paccājāyanti. Tiracchānayoniyā paccājāyanti.
Pittivisaye paccājāyanti.

[1796] Evameva kho bhikkhave appakā te sattā ye nirayā
cutā manussesu paccājāyanti atha kho eteva bahutarā sattā
ye nirayā cutā niraye paccājāyanti. Tiracchānayoniyā paccājāyanti.
Pittivisaye paccājāyanti.

[1797] Evameva kho bhikkhave appakā te sattā ye nirayā
cutā devesu paccājāyanti atha kho eteva bahutarā sattā
ye nirayā cutā niraye paccājāyanti. Tiracchānayoniyā paccājāyanti.
Pittivisaye paccājāyanti.

[1798] Evameva kho bhikkhave appakā te sattā ye
tiracchānayoniyā cutā manussesu paccājāyanti atha kho eteva bahutarā
Sattā ye tiracchānayoniyā cutā niraye paccājāyanti. Tiracchānayoniyā
paccājāyanti. Pittivisaye paccājāyanti.

[1799] Evameva kho bhikkhave appakā te sattā ye
tiracchānayoniyā cutā devesu paccājāyanti atha kho eteva
bahutarā sattā ye tiracchānayoniyā cutā niraye paccājāyanti.
Tiracchānayoniyā paccājāyanti. Pittivisaye paccājāyanti.

[1800] Evameva kho bhikkhave appakā te sattā ye pittivisayā
cutā manussesu paccājāyanti atha kho eteva bahutarā
sattā ye pittivisayā cutā niraye paccājāyanti. Tiracchānayoniyā
paccājāyanti. Pittivisaye paccājāyanti.

[1801] Evameva kho bhikkhave appakā te sattā ye pittivisayā
cutā devesu paccājāyanti atha kho eteva bahutarā
sattā ye pittivisayā cutā niraye paccājāyanti.

[1802] Evameva kho bhikkhave appakā te sattā ye pittivisayā
cutā devesu paccājāyanti atha kho eteva bahutarā
sattā ye pittivisayā cutā tiracchānayoniyā paccājāyanti.

[1803] Evameva kho bhikkhave appakā te sattā ye pittivisayā
cutā devesu paccājāyanti atha kho eteva bahutarā
sattā ye pittivisayā cutā pittivisaye paccājāyanti. Taṁ kissa
hetu. Adiṭṭhattā bhikkhave catunnaṁ ariyasaccānaṁ. Katamesaṁ
Catunnaṁ. Dukkhassa ariyasaccassa dukkhasamudayassa ariyasaccassa dukkhanirodhassa
ariyasaccassa dukkhanirodhagāminīpaṭipadāya ariyasaccassa.
Tasmā tiha bhikkhave idaṁ dukkhanti yogo karaṇīyo ayaṁ dukkhasamudayoti
yogo karaṇīyo ayaṁ dukkhanirodhoti yogo karaṇīyo
ayaṁ dukkhanirodhagāminī paṭipadāti yogo karaṇīyoti. Idamavoca
bhagavā. Attamanā te bhikkhū bhagavato bhāsitaṁ abhinandunti.
[1]-
Cakkapeyyāli samatti.
Saccasaṁyuttaṁ samattaṁ.
Mahāvārasaṁyuttaṁ niṭṭhitaṁ.
Tassuddānaṁ
maggabojjhaṅgaṁ satiyā indriyasammappadhāna ca
baliddhipādānuruddhā jhānānāpānasaṁyutaṁ
sotāpatti saccañcāti desitāni sayambhunā 2
mahāvāravagganāmena vissutāni dvādasāti 3 .
------------------
1 Yu. āmakadhañṇapeyyālaṁ. cakkapeyyālasamatti. 2 Ma. mahāvaggoti vuccatīti.
3 Ma. idaṁ pādadvayaṁ natthi.