[1134] Atha kho bhagavā pāvāle cetiye sato sampajāno
āyusaṅkhāraṁ ossajji. Ossaṭṭhe ca 1 bhagavatā āyusaṅkhāre
mahābhūmicālo ahosi bhiṁsanako lomahaṁso devadundubhiyo ca phaliṁsu.

[1135] Atha kho bhagavā etamatthaṁ viditvā tāyaṁ velāyaṁ imaṁ
udānaṁ udānesi
1 Yu. pana.
Tulamatulañca sambhavaṁ bhavasaṅkhāramavassajji muni
ajjhattarato samāhito abhindi kavacamivattasambhavanti.
Pāvālavaggo paṭhamo.
Tassuddānaṁ
apārāpi viraddho ca ariyā nibbute 1 yathā
padesaṁ sammattā 2 bhikkhu buddhañāṇena cetiyāti.
-------------
1 Ma. nibbidāpi ca. Yu. nibbidā. 2 Ma. ...samattaṁ ... buddhaṁ ñāṇañca
cetiyanti.
Pāsādakampanavaggo dutiyo

[1136] Sāvatthiyaṁ. Pubbe 1 me bhikkhave sambodhāya 2
anabhisambuddhassa bodhisattasseva sato etadahosi ko nu kho hetu
ko paccayo iddhipādabhāvanāyāti.

[1137] Tassa mayhaṁ bhikkhave etadahosi idha bhikkhu 3
chandasamādhipadhānasaṅkhārasamannāgataṁ iddhipādaṁ bhāveti iti me chando
na ca atilīno bhavissati na ca atipaggahito bhavissati na ca
ajjhattaṁ saṅkhitto bhavissati na ca bahiddhā vikkhitto bhavissati
pacchāpure saññī ca viharati yathā pure tathā pacchā yathā
pacchā tathā pure yathā adho tathā uddhaṁ yathā uddhaṁ tathā
adho yathā divā tathā rattiṁ yathā rattiṁ tathā divā iti vivaṭena
cetasā apariyonaddhena [4]- sappabhāsaṁ cittaṁ bhāveti.

[1138] Viriyasamādhipadhānasaṅkhārasamannāgataṁ iddhipādaṁ bhāveti
iti me viriyaṁ na ca atilīnaṁ bhavissati na ca atipaggahitaṁ bhavissati
na ca ajjhattaṁ saṅkhittaṁ bhavissati na ca bahiddhā vikkhittaṁ bhavissati
pacchāpure saññī ca viharati yathā pure tathā pacchā yathā
pacchā tathā pure yathā adho tathā uddhaṁ yathā uddhaṁ tathā
adho yathā divā tathā rattiṁ yathā rattiṁ tathā divā iti vivaṭena
cetasā apariyonaddhena sappabhāsaṁ cittaṁ bhāveti.
1 Ma. Yu. pubbeva. 2 Ma. sambodhā. 3 Yu. bhikkhave. 4 Yu. cetasā.

[1139] Cittasamādhipadhānasaṅkhārasamannāgataṁ iddhipādaṁ bhāveti
iti me cittaṁ na ca atilīnaṁ bhavissati na ca atipaggahitaṁ bhavissati
na ca ajjhattaṁ saṅkhittaṁ bhavissati na ca bahiddhā vikkhittaṁ bhavissati
pacchāpure saññī ca viharati yathā pure tathā pacchā yathā pacchā
tathā pure yathā adho tathā uddhaṁ yathā uddhaṁ tathā adho yathā
divā tathā rattiṁ yathā rattiṁ tathā divā iti vivaṭena cetasā
apariyonaddhena sappabhāsaṁ cittaṁ bhāveti.

[1140] Vīmaṁsāsamādhipadhānasaṅkhārasamannāgataṁ iddhipādaṁ bhāveti
iti me vīmaṁsā na ca atilīnā bhavissati na ca atipaggahitā
bhavissati na ca ajjhattaṁ saṅkhittā bhavissati na ca bahiddhā
vikkhittā bhavissati pacchāpure saññī ca viharati yathā pure tathā
pacchā yathā pacchā tathā pure yathā adho tathā uddhaṁ yathā uddhaṁ
tathā adho yathā divā tathā rattiṁ yathā rattiṁ tathā divā iti
vivaṭena cetasā apariyonaddhena sappabhāsaṁ cittaṁ bhāveti.

[1141] Evaṁ bhāvitesu kho bhikkhu catūsu iddhipādesu evaṁ bahulīkatesu
anekavihitaṁ iddhividhaṁ paccanubhoti ekopi hutvā bahudhā hoti
bahudhāpi hutvā eko hoti āvibhāvaṁ tirobhāvaṁ tirokuḍḍaṁ
tiropākāraṁ tiropabbataṁ asajjamāno gacchati seyyathāpi ākāse
paṭhaviyāpi ummujjanimmujjaṁ karoti seyyathāpi udake udakepi
abhijjamāne 1 gacchati seyyathāpi paṭhaviyaṁ ākāsepi pallaṅkena kamati 2
1 Yu. udake abhijjamāno. 2 Yu. caṅkamati.
Seyyathāpi pakkhī sakuṇo imepi candimasuriye evaṁmahiddhike evaṁ
mahānubhāve pāṇinā parāmasati 1 parimajjati yāva brahmalokāpi
kāyena vasaṁ vatteti 2 .

[1142] Evaṁ bhāvitesu kho bhikkhu catūsu iddhipādesu evaṁ bahulīkatesu
dibbāya sotadhātuyā visuddhāya atikkantamānusikāya ubho
sadde suṇāti dibbe ca mānuse ca ye 3 dūre santike vāti 4 .

[1143] Evaṁ bhāvitesu kho bhikkhu catūsu iddhipādesu evaṁ bahulīkatesu
parasattānaṁ parapuggalānaṁ cetasā ceto paricca jānāti 5
sarāgaṁ vā cittaṁ sarāgaṁ cittanti pajānāti vītarāgaṁ vā cittaṁ
vītarāgaṁ cittanti pajānāti sadosaṁ vā cittaṁ sadosaṁ cittanti
pajānāti vītadosaṁ vā cittaṁ vītadosaṁ cittanti pajānāti samohaṁ
vā cittaṁ samohaṁ cittanti pajānāti vītamohaṁ vā cittaṁ vītamohaṁ
cittanti pajānāti saṅkhittaṁ vā cittaṁ saṅkhittaṁ cittanti pajānāti
vikkhittaṁ vā cittaṁ vikkhittaṁ cittanti pajānāti mahaggataṁ vā cittaṁ
mahaggataṁ cittanti pajānāti amahaggataṁ vā cittaṁ amahaggataṁ
cittanti pajānāti sauttaraṁ vā cittaṁ sauttaraṁ cittanti pajānāti
anuttaraṁ vā cittaṁ anuttaraṁ cittanti pajānāti samāhitaṁ 6 vā
cittaṁ samāhitaṁ cittanti pajānāti asamāhitaṁ 7 vā cittaṁ asamāhitaṁ
cittanti pajānāti vimuttaṁ 8 vā cittaṁ vimuttaṁ cittanti pajānāti
avimuttaṁ 9 vā cittaṁ avimuttaṁ cittanti pajānāti.
1 Ma. Yu. parimasati. 2 Yu. pavatteti. 3 Ma. ayaṁ pāṭho natthi. 4 Ma.
cāti. 5 Ma. Yu. pajānāti. 6-7 Yu. asamāhitaṁ -- samāhitaṁ. 8-9 Yu. avimuttaṁ -- vimuttaṁ.